لوكان ترقا للسحاب اتجيبه وتحط القمر والنجم بين ايديهم
وتشيل حملهم فوق الحمول صليبه وتغزل حرير افراش وتغطيهم
وتصفي العسل مالقير قبل اتجيبه وتحطب وتكبر نار ودفيهم
وتسكت وتدفع عالسكات ضريبه وما تقول غير اللي بها ترضيهم
وتحمل سوايهم وكل عطيبه وتلعب وتضحك ما تعد عليهم
الناس ياولد راها اليوم غريبه والله لو تعاني بيش ماترضيهم
19.04.202500:53
بروحي قاعد وهايم مع ماضي قديم تباعد لا نريد نوره لا انريد مقاعد ولا نريد حاجة ع الزها تلهيني
يربح اللي فارق الله يساعد ..... و الدنيا قديمة يعاود يلاقيني ويقرا افكاري م الجبين الجاعد..... اياماً وهو من قبل كيف قريني يا بوقرين الحال ماعد ساعد ......ولو خاص ما يلهيك لا يلهيني مازلت نا هضاك ما اتباعد ....اللي ما كبيرة ع الوطا تلويني مغارم وشوكت حلق كي انتراعد .... وندير مزن وينوضن اثقال خزيني نخبط اكراعي دمها يصاعد ..... الغايبة بلا انبران جي اتجيني
نا في ماكافيني .
18.04.202500:46
اموالف انجي لدار ، نلقا في عرب مالقيتم
17.04.202519:00
إنواري إنريد إغلبت ، لرياف شين يا غالي عليّ
14.04.202516:56
ماجت اوباخت نين جور بسالها امغير من بسال الريق ماتفطنولها .
13.04.202500:40
رباعيه للشاعر | ْمرعي بوفرنهْ
أقعادي مع نفسي دوا لجروحي ابها نبتعد عن قول قيل اوقال تطريفي ابروحي فيه لاقي روحي ودك اتقول متكبر سوا ذلال .
12.04.202507:24
كذا دوري لي ياالعين بديله ،
اللي وين مانزعل انجي نشكيله ..!
11.04.202513:03
اتجي لدياره، هيال بالها تلقا كحيل انضاره عندي العين مازالت..!!
