■ ချမ်းသာသည့် ပြည်ပနိုင်ငံသားများ အမေရိကန်တွင် နေထိုင်အလုပ်လုပ်ခွင့်နှင့် နိုင်ငံသားလျှောက်ထားနိုင်မည့် ဒေါ်လာ ၅ သန်းတန် Gold Card ရောင်းချမည်ဟု ထရန့် ပြောကြား
ချမ်းသာသည့် ပြည်ပနိုင်ငံသားများကို ဒေါ်လာ ၅ သန်းဖြင့် (Gold Card) ရောင်းချသွားမည်ဟု အမေရိကန်သမ္မတ ဒေါ်နယ်ထရန့်က ဖေဖော်ဝါရီ ၂၅ ရက်က ပြောကြားခဲ့သည်။
ရွှေရောင်ကဒ်ကိုင်ဆောင်သွားသူများကို နိုင်ငံအတွင်း နေထိုင်ခွင့်နှင့် အလုပ်လုပ်ကိုင်ခွင့် ပေးသွားမည့်အပြင် နိုင်ငံသားဖြစ်ခွင့် လျှောက်ထားနိုင်လိမ့်မည်ဟုလည်း ထရန့်က ပြောသည်။
"ကျွန်တော်တို့က ရွှေရောင်ကဒ်ကို ရောင်းချသွားမှာပါ။ သင့်မှာ (Green Card) ရှိမှာပါ။ ဒါကတော့ ရွှေရောင်ကဒ်ပါ။ ဒေါ်လာငါးသန်း တန်ကြေးရှိတဲ့ ရွှေရောင်ကဒ်ကတော့ နိုင်ငံသားလျှောက်ခွင့်အထိ ရရှိပါလိမ့မယ်။ ချမ်းသာတဲ့လူတွေကလည်း အဲဒီရွှေရောင်ကဒ်ကို ဝယ်ပြီး ကျွန်တော်တို့နိုင်ငံကို လာကြပါလိမ့်မယ်" ဟု ထရန့်က ပြောကြားခဲ့သည်။
အဆိုပါ ရွှေရောင်ကဒ်များကို လာမည့် သီတင်းနှစ်ပတ်အတွင်းစတင်ရောင်းချသွားမည်ဖြစ်ပြီး ကဒ်ပေါင်း သန်းချီရောင်းချနိုင်လိမ့်မည်ဟု ထရန့်က ပြောသည်။
ထိုရွှေရောင်ကဒ်များကို နိုင်ငံရေးအာဏာဆုပ်ကိုင်ထားသည့် ရုရှားလူနည်းစုသူဌေးများကို ရောင်းချမည် ဟုတ်၊ မဟုတ် မေးမြန်းခံရချိန်တွင် ထရန့်က "ရောင်းဖို့ ဖြစ်နိုင်ပါတယ်။ အရမ်းရည်မွန်တဲ့ ရုရှားအထက်တန်းလွှာ သူဌေးအချို့ကို ကျွန်တော်သိပါတယ်" ဟု ဖြေကြားခဲ့သည်။
■ Ref:BBC
