በጾም ወራት "ዓሳ" መብላት ይቻላልን???
ዓሳ ፆም የለውም ብለው የሚከራከሩ ሰወች እንደ መነሻ ምክንያት አድርገው የሚያነሷቸውና የሚከራከሩባቸው ከእውቀት ማነስ የመጡ ሁለት ነጥቦች አሉ።
እነዚህን ሁለት ነጥቦች በዝርዝር ስንመለከት1ኛ. በፍትህ መንፈሳዊ (በፍትሃ ነገስት )ላይ እውነት ነው " ኢትብልዑ ... ስጋ ዘእንበለ አሳ " የሚል ትዕዛዝ አለ። እዚህ ትዕዛዝ ውስጥ ለክርክሩ መነሻ የሆነው <ዘእንበለ> የሚለው የግእዝ ቃል ነው! ይህ ቃል በግእዙ ሁለት ትርጉም አለው እነሱም፦ዘእንበለ = በስተቀርዘእንበለ = ሳይቀር (ጭምር) የሚል ነው።
ይህ ነገር የቤተ ክርስቲያን አስተምሮ እንዳልሆነ ቅዱስ ሲኖዶስም እንደከለከለ ምዕመኑ ተረድቶ ነገርየውን ከመፈፀም መቆጠብ ያልተፃፈውን የሚያነቡትንም ተው ማለት ይገባዋል። ከዚህ ጋር በተያያዘም ደግሞ ዓሳ ደም ስለሌለው በፆም መመገብ ይቻላል የሚሉ አሉ። ይህ ከየዋህነት የሚመጣ አስተሳሰብ ነው ምክንያቱም ሲጀመር ዓሳ ደም አለው ሲቀጥል እነ እንቁላል እነ ወተት እነ አይብና ቅቤ ደም ሳይኖራቸው ነው የፍስክ ሆነው በፆም የማይበሉት።
ጌታችን ሐዋርያትንና የሚከተለውን ሕዝብ ዓሳ በሚያበላበት ወቅት ጾም አልንበረም። ይህ ነገር ግራ እንዲያጋባን ያደረገን እርሱ አምስት ዓሳንና ሁለት እንጀራ አበርክቶ የመመገቡን ነገር የምንዘክረው እኛ የአብይን ፆም በምንጾምበት ወቅት ስለሆነ ይህን ፆም ደግሞ ጌታችን ፆሞታል ስለምንል ይመስለኛል ነገር ግን ጌታችን አሳውን የመገባቸው እርሱ በፆመበት ወቅት አይደለም ጌታችን አርባ ቀኑንና አርባ ሌሊቱን ሲፆም ለብቻው ከሰው ሳይገናኝ በገዳመ ቆሮንጠስ ነው እንጂ ከሐዋርያቱና ከሕዝቡ ጋር በከተማ አይደለም።
በተጨማሪም ሊቁ ቅዱስ ዮሐንስ አፈወርቅ በተግሳፁ አንዳስቀመጠው "ስለ ፆም ክርክር በተነሳ ጊዜ ሁሌም ቢሆን ለፆም አድሉ " እንዳለ እንደው ማስረጃ ባይኖር እንኳ ሁል ጊዜ ለፆም ማድላት ይኖርብናል ምክንያቱም ለምሳሌ አሳን በፆም ብንበላ ከፆሙ በረከት ሱታፌ እናጣለን እንጂ አንጠቀምም ባንበላው ግን የሚጎልብን ነገር ሳይኖር ተጨማሪ በረከትን እናፍሳለንና ነው።
♡ ነነዌን ሊያቃጥል ♡
ስለሆነ ከልብ የሀዘናቸው ምንጩ(፪)ነበር እንደ ራሔል(፪)እንባን እየረጩ(፪)
እንኳን የሰው ልጆች እንስሳት ሳይቀሩ(፪)በዮናስ ስብከት(፪)ፆም ጸሎት ተማሩ(፪)
✝️ "ሒድና ለነነዌ ሰዎች ንስሃን ስበክላቸው" አለው። ከነቢያት ወገን ከሙሴና ከዳዊት ቀጥሎ የዮናስን ያህል የዋህ (ገራገር) የለምና እንቢ አለ (ሰምቶ ዝም አለ)። እግዚአብሔር እየደጋገመ ሲናገረው ግን "እንዲህ የሚዘበዝበኝ ከፊቱ ብቀመጥ አይደል!"
እያዘኑ ቢጥሉት ታላቅ ጸጥታ ሆነ። እነዚያ አሕዛብም እግዚአብሔርን በመስዋዕትና በስዕለት አከበሩ። ዮናስ ግን በማዕበልና በአሣ አንበሪ ሆድ ውስጥ ለ3 ቀናት ጸለየ። አሣ አንበሪው በ3ኛው ቀን ወደ ነነዌ ተፋው።
የነቢዩ ትንቢት ግን አልቀረምና ታላቁዋ ነነዌ ከ300 ዓመታት በሁዋላ ጠፍታለች። ቅዱስ ዮናስ ግን በቀሪ ዘመኑ ፈጣሪውን እያገለገለ ኑሯል። ጠቅላላ እድሜውም 170 ዓመት ነው።
✝️ አምላከ ቅዱስ ዮናስ እድሜ ለንስሃ: ዘመን ለፍስሃ አይንሳን። ጾሙንም የበረከት ያድርግልን።
"ወዳጄ ሆይ! ተነሺ። ውበቴ ሆይ! ነዪ። በዓለት፡በንቃቃትና በገደል መሸሸጊያ ያለሽ ርግብ ሆይ!ቃልሽ መልካም፡ ውበትሽም ያማረ ነውና፡ መልክሽን አሳዪኝ። ድምጽሽንም አሰሚኝ።" {መኃ.2:13}
