“Milliy ko‘klam fest” – madaniyat va an’analar festivalida Yakkasaroy tumani hokimi Nilufar Allabergenova “Qurmet” medali bilan taqdirlandi
💢 Bugun Yakkasaroy tumanidagi “Do‘stlik” bog‘ida “Milly Ko‘klam FEST” festivali bo‘lib o‘tdi.
👍 Unda Yakkasaroy tumani hokimi Nilufar Allabergenova, Oʻzbekiston Respublikasi Millatlararo munosabatlar va xorijdagi vatandoshlar masalalari boʻyicha qoʻmitasi raisi Kaxraman Sariyev, O‘zbekiston, Qozog‘iston, Qirg‘iziston, Tojikiston, Turkmaniston, Uyg‘ur milliy madaniy markazlari vakillari, tuman aholisi ishtirok etdilar.
🖇 “Milly Ko‘klam FEST” festivalning asosiy maqsadi - turli xalqlar o‘rtasidagi do‘stlik va hamjihatlikni mustahkamlash, madaniy almashinuvni kuchaytirish, ijtimoiy sohalardagi faol shaxslarni rag‘batlantirishdir.
✨ Madaniy aloqalar, do‘stlik va hamkorlikni rivojlantirish, millatlararo totuvlikni mustahkamlash, shuningdek, ijtimoiy hayotdagi faol ishtiroki, milliy-madaniy qadriyatlarni asrab-avaylash, yosh avlodni ma’naviy tarbiyalash, ijodkorlik va insonparvarlik sohalarida ko‘rsatgan xizmatlari uchun Yaqkasaroy tumani hokimi Nilufar Anvarovna Allabergenova Qozog‘iston Respublikasining “Qurmet” medali bilan taqdirlandi.
👉 Festival davomida mehmonlar uchun quyidagi qiziqarli dasturlar taqdim etildi:
👉 An’anaviy musiqa va raqs shoulari;
👉 Mohir hunarmandlardan mahorat darslari (kulolchilik, hunarmandchilik);
👉 “Sumalak” tayyorlash jarayoni namoyishi tadbir ishtirokchilariga ko‘tarinki kayfiyat ulashdi.
✍️Yakkasaroy tumani hokimligi Matbuot xizmati
