“Jeynov” bozorida narx-navo barqarorligi va mahsulot sifati o’rganildi
Mirishkor tumanidagi “Jeynov” oziq-ovqat dehqon bozorida narx-navoning barqarorligini saqlash va mahsulot sifatini nazorat qilish maqsadida joyiga chiqqan holda suhbatlar o‘tkazildi.
Tashrif doirasida Xalq qabulxonasi mudiri Abdurazzoq G‘oziyev, Xalq deputatlari Mirishkor tumani Kengashi kotibiyati mudiri Azamat Xamrayev hamda “Nuroniy” jamg‘armasi tuman bo‘limi boshlig‘i Arabboy Xodiyatov bozor rastalarida sotuvchilar bilan uchrashib, narx-navoning sun’iy oshishining oldini olish, bozordagi muvozanatni saqlash, shuningdek, issiq ob-havo sharoitida oziq-ovqat mahsulotlarining sifati va saqlanish holati yuzasidan suhbatlar olib borishdi.
Sotuvchilarga mahsulotlarni belgilangan sanitariya-gigiyena qoidalariga muvofiq saqlash, adolatli savdo tamoyillariga amal qilish bo‘yicha tushuntirishlar berildi.
Mazkur tashrifning asosiy maqsadi — iste’molchilarning manfaatlarini himoya qilish, bozorlarda narxlarning sun’iy oshishiga yo‘l qo‘ymaslik va aholiga sifatli mahsulotlar taqdim etilishini ta’minlashdan iborat bo‘ldi.
😎😎😎😎😎😎😎😎
📌📌📌📌 / @mirishkorpress
