نصائح لآي مرحلة وزارية🫶🏻.
*عن تجربة جدا ناجحة*
–تنامون من وكت و لا تروحون للأمتحان بدون نوم ابد..صلوا و ادعوا و توكلوا على الله..صدكوني اي شي تقروا راح يرجع الكم بالامتحان بس خليكم ريلاكس
–من تكعدون الصبح اكعدوا بال5 الفجر و اسبحوا ضروري لأن يخفف عنكم التوتر و هم يبقة جسمكم بارد لأن الجو حار برة،قبل لا تطلعون صلوا و تريكوا و ادعوا للتسهيل
–لا تراجعون المادة قبل الامتحان بنص ساعة انتوا لازم سادين الكتب و الملازم و الدفاتر و كلشي
–لتكوفون وية اصدقائكم قبل الامتحان هاي نصيحة اني جربتها لأن اذا همة قارين هواي و ديراجعون انتوا راح تحسون نفسكم مقصرين و إذا همة ديبجون انو كلشي ما قارين هم راح يأثر عليكم
–قبل الامتحان اشتري عصير تحبي و فد نستلة ممكن تنطيك طاقة و دخلوها وياكم للأمتحان
–اهم شي دفتركم يبقة نضيف و مرتب كلششش...اشتروا قلم لِب B² إصلية حتى ما تنكسر و حتى الخط يكون طوخ مو فاتح.اخذوا وياكم قلم رصاص عادي و قلم جاف عادي حتى متتبهذلون و مساحة زينة متوصخ
–من توصلون للأمتحان و كعدتوا بمكانكم اقروا ايات و اذا تحسين نفسج فدنوب توتر اخذوا شهيق زفير..ادري بيكم اغلبكم راح يتوتر كلشش بس اني الي جنت اسوي احاول.افصل من الداير مدايري بالقاعة بحيث لو تنكلب الدنيا بصفي اني مادير وجهي لا اسمع ولا ارى غير دفتري
–من يسلموكم الاسئلة و الدفتر حاولوا اي شي قريب من يمكم عصير او مَي تغيرون مكانة و تخلوا بالكاع لأن كلشي يصير و احنة ماعدنة مجال حتى نعيد الكتابة..الدفتر الدفتر شكد ما جان مرتب شكد ما المصحح اخذ راحتة بالتصحيح و حتى اكو ينطون درجات على الترتيب والله خاصة الإسلامية و العربي..اخذوا وكتكم بالترتيب سوي عبالك عروس
–كملتوا حل هسة من تراجعون راح يكون بشكل مقسم
1/(اول شي تراجعون خو ما ناسين فرع)
2/(وراها تراجعون خو ما ناقلين سؤال غلط او نقطة او رقم او إشارة او قارين شي بالعكس)
3/(بعدها تراجعون الجمع و الطرح و العمليات الرياضية على راحتكم{اذا جان الامتحان رياضيات})
4/(اخر شي الاسم و الدفتر و تسلموهه)
–من تطلعون من الامتحان لتوكفون برة و تحلون و نوب يطلع عدكم غلط و يخرب واهسكم من الامتحان الجاي..ترجعون تتغدون و ناموا ساعة و ابدوا وراها سووا جدول للامتحان و ضروري تمرون على المادة كلها بسرعة قبل الامتحان
﴿و كُل التوفيق الكم﴾
