Мир сегодня с "Юрий Подоляка"
Мир сегодня с "Юрий Подоляка"
Ko'rish
Труха⚡️Україна
Труха⚡️Україна
Ko'rish
Николаевский Ванёк
Николаевский Ванёк
Ko'rish
Мир сегодня с "Юрий Подоляка"
Мир сегодня с "Юрий Подоляка"
Ko'rish
Труха⚡️Україна
Труха⚡️Україна
Ko'rish
Николаевский Ванёк
Николаевский Ванёк
Ko'rish
Guljamol Asqarova avatar

Guljamol Asqarova

Менга меҳр кўргаз меҳрибонлик қил...
TGlist reytingi
0
0
TuriOmmaviy
Tekshirish
Tekshirilmagan
Ishonchnoma
Shubhali
Joylashuv
TilBoshqa
Kanal yaratilgan sanaJan 23, 2019
TGlist-ga qo'shildi
Mar 18, 2025
Men kanal egasiman
O'zgartirishlar tarixi

Rekordlar

08.04.202523:59
3.2KObunachilar
20.03.202523:59
100Iqtiboslar indeksi
24.03.202523:59
822Bitta post qamrovi
25.03.202523:59
603Reklama posti qamrovi
23.03.202523:59
11.82%ER
24.03.202523:59
25.88%ERR

Guljamol Asqarova mashhur postlari

Barcha postlar
05.04.202517:56
Ўзимникимас

Билдимки сен ҳамманикисан,
Ҳа, ҳаммага тегишли бир зот.
Шундай экан: сен мени эмас,
Юрагимни айлагил озод!

Бағрикенглик эмиш хислатинг,
Тенг эмишсан нурга, сояга.
Айтгил, тоғлар чўкиб кетарми,
Тош отсалар магар қояга?

Истайманки, ўзингни асра,
Яқинлатма кирлик бор неки!
Майли, бутун дунёники бўл,
Фақат оппоқ дунёларники!

Истайманки пешонанг узра,
Етолмаса қайғулар лаби.
Тушин, сени асрагим келди,
Юрагимни асраган каби.

"У меники, у ёлғиз маним"
Юрган эдим шу хаёлда маст.
Қарасамки, бу кенг дунёда,
Бирор ҳилқат меники эмас.

...шундан кейин ...мен кўп чорладим,
Жим кечирдим келмаганларни.
Ва...Худога топшириб қўйдим,
Ўзимники бўлмаганларни!!!

15.10.2019 й


✍️Гулжамол Асқарова шеъри
🎵 Гулжамол Асқарова ижроси

@Guljamol_Asqarova
Repost qilingan:
Guljamol Asqarova avatar
Guljamol Asqarova
Post media background
Post media
02.04.202503:12
ИЛТИМОС

Сенга додим етмас мени,
Ишқ бағримдан кетмас мени,
Қўй, баҳримдан ўтма мени,
Гуноҳимдан ўт, илтимос.

Не бўлса жим кузатдим-ку,
Хатоларим тузатдим-ку,
Умид билан узатдим-ку,
Қўлларимдан тут, илтимос.

Гар кўчангдан ўтаринг кўп,
Сен деб ғамлар ютаринг кўп,
Бу дунёда кутаринг кўп,
Мени ҳам бир кут, илтимос.

Маликаман, чиқар тахтга,
Гуллаш орзу ҳар дарахтга,
Ғамга ҳечам етма, бахтга
Мендан олдин ет, илтимос.

Майли қаср, сарой солдир,
Лекин ишқсиз жон уволдир,
Мени…
Худо билан қолдир
Сен ўртадан… Кет, илтимос❗

2010 йил

✍️Гулжамол Асқарова
🎙Дилноза Кубаева ўқиди


@Guljamol_Asqarova
Post media background
Post media
03.04.202504:02
Соғиндим

Кўзингиздан эҳтирос туйган,
Қип-қизил гулларни соғиндим.
Туташганда бармоқлар куйган,
Ул азиз қўлларни соғиндим.

Боқсам, кўзим қамашиб кетган,
Кўрса, шоҳлар талашиб кетган,
Самарқандга туташиб кетган,
Ул қадим йўлларни соғиндим.

Бир ғам босди дунёларимни,
Сувга айтдим рўёларимни,
Қораю Оқдарёларимни,
Тип-тиниқ кўлларни соғиндим.

Эй нурдек соф опа-сингиллар,
Капалакдек руҳи енгиллар,
Чиннидек  соф нозик кўнгиллар-
Топ-тоза дилларни соғиндим.

Бир-бир ўтар болалик, ёшлик,
Улғаясан, улғаяр ғашлик.
Умримда энг шукуҳли, гаштли-
Онам бор йилларни соғиндим!

03.04.2025 йил

@Guljamol_Asqarova
Post media background
Post media
04.04.202507:26
Дилнозахон синглим "Дунёнинг тўрт томони ҳам Бухоро" деб ўғли билан Бухорожонга йўл олдилар❤🙏
Насиб бўлса, шу шеърни ижро қиладилар. Кутамиз🙏
Post media background
Post media
06.04.202515:17
#эслаш

1997-98 йилларда "Туркистон" газетаси қошида ёш ижодкорлар тўгараги ишларди. Мен фақат Рауф Парфи, Муҳаммад Юсуф, Усмон Азимларни машғулотларига боргандим ўшанда.
19/20 ёшли қиз тинглаб турарканман Усмон Азим "шоирларни ҳамма шеърлариям зўр бўлавермайди. Саида Зуннунованинг китобини варақлаб бир зўр сатрга кўзим тушди" деб 👇қуйидаги тўртликнинг биринчи қаторини келтирдилар. Менга ҳам ёққани учун ўша пайтда топиб ўқувдим. Бугун севимли Саида Зуннунова ижоди ҳақида гапира туриб, шу сатрларини айтиш ёдимдан чиққанини айтсам опани шогирдлариям бундай сатри борлигини эслолмади.
Ўшанчун ўзим тўртликни топиб сизга ҳам тақдим этяпман.

Ўзбек адабиётида Саида Зуннунова деган сўлим бир ҳодиса, ҳалол ва дилбар аёл ўтган азизлар🙏❤😔

🙏🙏🙏🙏🙏🙏🙏🙏
ҚИЗИМГА

Жаҳон менинг бағримдами ё
мен жаҳоннинг бағрида,
Юз баҳорнинг елларими сочларимни силаган?!
Минг гулшаннинг гулларидан роҳатбахш бу қўлчалар,
Бахтга кўмиб юрагимни, юзларим эркалаган.

1962 йил.
Саида Зуннунова шеъри

@Guljamol_Asqarova
Post media background
Post media
24.03.202512:11
#инстаграмда гўзал ижро❤🙏

Олис йўллар юриб толиқдим жуда,
Меҳр сувларини ичирдингиз сиз.
Ҳатто кечирмадим ўзимни-ўзим,
Бори айбларимни кечирдингиз сиз!

Меҳр деганлари нима аслида,
Меҳр — қалбимизнинг оппоқ елкани,
Ўзини ўзи ҳам севолмаганни,
Бағрингга жим босиб севмоқ дегани!

✍ Гулжамол Асқарова шеъри
🎙Шаҳноза Ражабова ижроси

@Guljamol_Asqarova
06.04.202507:11
24.03.202519:32
Repost qilingan:
Шоҳира Ҳамро avatar
Шоҳира Ҳамро
10.04.202520:10
🖊️Оддий фалсафа


Яшамоққа журъат топинг, куч топинг,
Бори орзу гарчи сароб, пуч, топинг,
Ўлмасликка сабаб топинг, ўч топинг,
Ўлим ўлмас, ўладиган дунё бу.

Бугун яшанг, гарчи олов, чўғдирмиз,
Нишонига учаётган ўқдирмиз,
Бугун бормиз, балки эрта йўқдирмиз,
Ҳар гулларки, сўладиган дунё бу.

Отар тонглар, ўтар хуфтон, шомимиз,
Худойимнинг ғўрларимиз, хомимиз,
Муҳаббатга тўла бўлсин жомимиз,
Паймонамиз тўладиган дунё бу.

Беш кунликда ҳасрат чекиб нетармиз,
Кунларимиз - маржон, бир-бир ситармиз,
Бизку йиғлаб келдик, йиғлаб кетармиз,
Устимиздан куладиган дунё бу.

Чумоли ҳам судраб юрар бир донни,
Аслида дон судраб юрар ҳар жонни,
Подшо сийлар доно қолиб, нодонни,
Бўлмайдиган, бўладиган дунё бу.

Шоир йигит кетди, эсиз азиз жон,
Қандоқ кетдинг, навбатингсиз навқирон?
Барча жонга етар бир кун ёвқирон,
Чечакларни юладиган дунё бу.

Бўладиган, бўлмайдиган дунё бу.



✍🏼Guljamol_Asqarova

https://t.me/SHohiraHamro
Post media background
Post media
27.03.202503:02
ТАКБИР

Лайлатул қадрларда суралар ўқиб ётсам,
Қалбимда ишқ аталмиш занжирлар тўқиб ётсам,
Бу девона руҳимни қуш каби чўқиб ётсам,
Шунда сен келармисан, айт,
шунда сен келармисан?

Кошки эди руҳимнинг чангларини юволсам,
Кошки эди кўксимнинг зангларини юволсам,
Дунёнинг қора, чиркин рангларини юволсам,
Менга бир кулармисан, эй,
менга бир кулармисан?

Мен киролмаган уйнинг остонаси тиллодан,
«Нафс отлиқ қиз кўрдим, бўшамади яллодан»,
Кўзгуда неки кўрдим, барин кўрдим Оллодан,
Бир шафқат қилармисан, ай,
бир шафқат қилармисан?

Далаларга таралсам, ҳув бебош ариқлардай,
Минг биттага кўпайсам хирмоний тариқлардай,
Сув ичида сувсасам беқарор балиқлардай,
Ҳолимни билармисан, ҳой,
ҳолимни билармисан?

Бир сандиқ ясаб қўйдим Тоҳир билан Зуҳрога,
Қумларин санаб бердим саводи йўқ саҳрога,
Бирга-бирга оқай деб кўп ялиндим дарёга,
Манзилим бўлармисан, ҳееей,
манзилим бўлармисан?

2012 йил

@Guljamol_Asqarova
Post media background
Post media
30.03.202500:26
Ҳайитларда

Кўнглим, бугун ўзингни чоғ тут,
Хазонларга ям-яшил боғ тут,
Телба руҳим, ўзингни соғ тут,
Ҳайитларда ҳуррам бўлайлик.

Тугамайди дунёнинг ғами,
Ўчар, ёнар умиднинг шами,
Ўлар дунё, шунга шунчами?
Кел, "ҳар куни байрам" бўлайлик.

Очилдими, тўкилар ғунча,
Ишқ дегани муваққат бунча?
Кимки бизни севса ўлгунча,
То тирикмиз, ҳамдам бўлайлик.

Бир келибмиз, нолиб нетармиз,
Ҳаққа ҳақ йўл солиб етармиз,
Биз барибир ғолиб кетармиз,
Кел, эй руҳим, бардам бўлайлик!

Ҳайитларда ҳуррам бўлайлик!

30.03.2025 й


@Guljamol_Asqarova
24.03.202517:03
ШОИР ҲАСРАТИ

Она!
Давраларнинг гули бўлдим мен,
Ёлғон мақтовларнинг қули бўлдим мен.
Қуёшнинг тик кетган йўли бўлдим мен,
Қумлари тўзғиган чўлча қадрим йўқ.

Тўкила олмасман тўлганим билан,
Кимнинг ҳам иши бор ўлганим билан,
Нархимни осмонлар қилганим билан,
Бозорда сотилган қулча қадрим йўқ.

Юраги уйғоқлар хор ўтдиларми,
Мен каби қабрида қон ютдиларми.
Қандоқ олов эдим, унутдиларми,
Ўчоқда совиган кулча қадрим йўқ.

Ишқлари қиёмат қадар эдилар,
О, кошки билмасам, алдар эдилар,
Дарёдил шоир деб алқар эдилар,
Ай, бугун кўлмакча, кўлча қадрим йўқ.

Ватан, илдизларинг ватан айловдим,
Ялпизлардан яшил кафан айловдим,
Не-не чўлларингни чаман айловдим,
О, бугун қуриган гулча қадрим йўқ.

Бир ҳақ сўзни излаб сайёра эдим,
Бу юртда энг машҳур фаввора эдим.
Оввора эдим-а, оввора эдим,
Ҳамонки, тупроқча, гилча қадрим йўқ.

Мен бир шоир эдим, оҳанглари ҳуш,
Онамнинг қорнида кўрган эдим туш.
Мен озод боғларда куйлаган бир қуш,
Қафасда ўлган...булбулча қадрим йўқ.

2001 йил

© Гулжамол Асқарова


@Guljamol_Asqarova
Repost qilingan:
Дил синиқлари avatar
Дил синиқлари
08.04.202510:36
ҚАҲВАЛАР
Кипригим кўлкаси тушган қаҳвангни
Кўзинг қиймай ичмаганинг ишқ эди.
Енгилганинг яна ғурур баҳсида –
Мен кечсам-да, кечмаганинг ишқ эди.
Ва ишқ эди кўзимиздан бошланиб
Дийдамизга томчиган шўр кўллар ҳам.
Лахта-лахта отилган чоқ хунимиз,
Дув очилган лоламижоз гуллар ҳам.
Умри калта лоламижоз гулларнинг –
Улгурмайсан гулбаргини ўпмоққа.
Киприклардай тўкар баҳор уларни
Сўнг аямай чалиштирар тупроққа.
Кейин...
Кейин бўм-бўш оқар рўёлар –
Ишқ йўқ – бордир маъносиз бир саркашлик.
Аччиқ қасд бор ўхшамаган умрга
Ва яккашлик, илдиз отган яккашлик.
Шу яккашлик айиради эсингдан,
Унутилар кўклам очган саҳфалар.
Унутилар финжонингда бир замон
Киприк тушиб долғаланган қаҳвалар.
Қисмат мени тошдек отмиш йўлингга,
Ўтинаман, саркашлигим кечирма!
Мен кетган сўнг бахтсираган дилингга
Гул кўлкали қаҳваларни ичирма!
24.03.202516:57
#бухорожонда дийдор байрамлари

Бугун жудаям руҳан баландман, меҳрга лиммо лимман. ❤🙏🫠

Азиз халқим, Бухороликларим билан дийдорлашдик.

Таасуротларим бир дунё, ёзаман ҳали🙏

Ташкилотчиларга раҳмат.

Бухоро вилояти ҳокимлигига, профессор Ҳафиза Артикова, Лайло Шарипова опаларимга ташаккурларим🙏❤

Дилдора опа, Гулондомхон, Мунисхон ва барча мухлисларимнинг самимий меҳрларидан яйрадим.

Барча бухороликларимга таъзимларим🙏🙏🙏

@Guljamol_Asqarova
26.03.202503:45
Ko'proq funksiyalarni ochish uchun tizimga kiring.