Ахьыуардын
Ахьыуардын — аԥсуа бызшәеи, аҭоурыхи, акультуреи ирызку апроект ҷыда. Напбзиа-шьапбзиа ахьыуардын дақәтәоуп. Шәҳацла: ахьы хәыҷуп, аха шәкы ицоит, аӡә дышәҩыкны дҳаԥхьаӡоит.
TGlist reytingi
0
0
TuriOmmaviy
Tekshirish
TekshirilmaganIshonchnoma
ShubhaliJoylashuv
TilBoshqa
Kanal yaratilgan sanaJan 12, 2023
TGlist-ga qo'shildi
Nov 22, 2024Muxrlangan guruh
Ахҳәаақәа
27
Rekordlar
30.03.202523:59
1.3KObunachilar31.03.202523:59
100Iqtiboslar indeksi31.03.202523:59
349Bitta post qamrovi16.04.202504:39
0Reklama posti qamrovi21.03.202523:59
15.18%ER28.02.202516:32
28.03%ERR
29.03.202516:25
"Аферым" даҽакала ишԥаҳҳәо? (умница; молодец)
• Аҟәыш
• Аҟәыбҷа
• Аилыхха
• Аилыҷҷа
• Аилфаҷа
• Аиҿамс
• Агәеилыҷҷа
• Агәеилца
• Агәеилга
• Ахшыҩҵар
• Афырхаҵа
#асинонимқәа
Асахьаҿы: Нестор Ҭарба
Ателехәаԥшратә олимпиада "Умницы и умники" аҟны иахьа аиааира згаз 🥇
🧡 Ахьыуардын шәақәтәа
• Аҟәыш
• Аҟәыбҷа
• Аилыхха
• Аилыҷҷа
• Аилфаҷа
• Аиҿамс
• Агәеилыҷҷа
• Агәеилца
• Агәеилга
• Ахшыҩҵар
• Афырхаҵа
#асинонимқәа
Асахьаҿы: Нестор Ҭарба
Ателехәаԥшратә олимпиада "Умницы и умники" аҟны иахьа аиааира згаз 🥇
🧡 Ахьыуардын шәақәтәа
22.03.202516:01
АԤСНЫ
Ухьӡ иагәылоуп амаӡа,
Аха ԥшаашьас иамоузеи?
Уи иблахкыгоу бырлашуп,
Уи абырлаш хәамаӡам.
Ухьӡ иагәылоуп амацәыс,
Еимгеимцара-еимҟьараны.
Ухьӡ иагәылоуп анасыԥ,
Жәҩангәашәԥхьара лашараны.
Ухьӡ — иԥымҵәо мҩазаҵәуп,
Мҩасҩы зыкәа дҭалауа.
Иаҳхылаԥшхәу бла заҵәуп,
Жәҩанахьтә ҳазмырҟьалауа.
Илахьынҵа-хьӡны, иԥышәаран
Уа иухҵоуп, уанышәароуп.
Ԥсаатәҵас ишьҭԥрааз уакәушәа,
Улабҿабоушәа, улакәушәа.
Гәында Кәыҵниаԥҳа
#алирика
🧡 Ахьыуардын шәақәтәа
Ухьӡ иагәылоуп амаӡа,
Аха ԥшаашьас иамоузеи?
Уи иблахкыгоу бырлашуп,
Уи абырлаш хәамаӡам.
Ухьӡ иагәылоуп амацәыс,
Еимгеимцара-еимҟьараны.
Ухьӡ иагәылоуп анасыԥ,
Жәҩангәашәԥхьара лашараны.
Ухьӡ — иԥымҵәо мҩазаҵәуп,
Мҩасҩы зыкәа дҭалауа.
Иаҳхылаԥшхәу бла заҵәуп,
Жәҩанахьтә ҳазмырҟьалауа.
Илахьынҵа-хьӡны, иԥышәаран
Уа иухҵоуп, уанышәароуп.
Ԥсаатәҵас ишьҭԥрааз уакәушәа,
Улабҿабоушәа, улакәушәа.
Гәында Кәыҵниаԥҳа
#алирика
🧡 Ахьыуардын шәақәтәа
23.03.202515:35
Ажәлар малс иҳамоуп иеиԥш иҟоу ауаа – иахьа изымшироу Аԥсны Афырхаҵа Аслан Кәабахьиа. Диит Лыхны ақыҭан 65 шықәса раԥхьа, ахыи-аҵыхәеи ифырхаҵоу, абџьарлагьы, ажәалагьы, услагьы хьаԥш-кәаԥшрак ҟамҵа зыԥсадгьыл аинтересқәа зыхьчо, гәышԥыла иазгыло.
Аслан Кәабахьиа – аҳәынҭқарратә, ауаажәларратә усзуҩ, аинрал-маиор, Аԥсны Жәлар реизара V ааԥхьара адепутат, ԥыхьатәи Аҩнуҵҟатәи аусқәа рминистр, аԥыза-министр ихаҭыԥуаҩ.
Аԥсны Жәлар рџьынџьтәылатә еибашьра аветеран, адҵаҟаҵаҩ, далахәын Гагра ахақәиҭра, Аҟәа ахақәиҭразы ажәыларақәа зегьы; Гал араион арыцқьара, Лаҭатәи аоперациақәа аҩбагьы, Кәыдры аиҩхаа аҭарцәра. Аибашьра ашьҭахь Атәылахьчара аминистр ихаҭыԥуаҩ, Аҳазалхратә еилакы ахантәаҩы. Дхаҵаӷәӷәоуп, дԥышәоуп. Ихьыԥшым Аԥсны ашьапы ақәгылара иашаҳаҭу, инижьхьеит хыԥхьаӡара рацәала аҭоурых азы хәы змам астатиақәеи анҵамҭақәеи.
Шәарҭак аныҟоу, ажәлар еиқәзырхаша ак ҟарымҵар ада ԥсыхәа шрымам еилыркаауеит иара иҩызцәа агәаҵәеилгақәа. Наџьнатә аахыс иахьанӡагьы. Иҭаацәеи ижәлари дрыԥхамкәа, дызҭаху зегьы дрыгымкәа ауаҩықәра ду ниҵааит, ҽаангьы-цахәгьы-цабжьгьы зашәахә ԥымҵәаша афырхаҵа. Хьыӡла-ԥшала, гәыӷра лашала, насыԥла!
🧡 Ахьыуардын шәақәтәа
Аслан Кәабахьиа – аҳәынҭқарратә, ауаажәларратә усзуҩ, аинрал-маиор, Аԥсны Жәлар реизара V ааԥхьара адепутат, ԥыхьатәи Аҩнуҵҟатәи аусқәа рминистр, аԥыза-министр ихаҭыԥуаҩ.
Аԥсны Жәлар рџьынџьтәылатә еибашьра аветеран, адҵаҟаҵаҩ, далахәын Гагра ахақәиҭра, Аҟәа ахақәиҭразы ажәыларақәа зегьы; Гал араион арыцқьара, Лаҭатәи аоперациақәа аҩбагьы, Кәыдры аиҩхаа аҭарцәра. Аибашьра ашьҭахь Атәылахьчара аминистр ихаҭыԥуаҩ, Аҳазалхратә еилакы ахантәаҩы. Дхаҵаӷәӷәоуп, дԥышәоуп. Ихьыԥшым Аԥсны ашьапы ақәгылара иашаҳаҭу, инижьхьеит хыԥхьаӡара рацәала аҭоурых азы хәы змам астатиақәеи анҵамҭақәеи.
Шәарҭак аныҟоу, ажәлар еиқәзырхаша ак ҟарымҵар ада ԥсыхәа шрымам еилыркаауеит иара иҩызцәа агәаҵәеилгақәа. Наџьнатә аахыс иахьанӡагьы. Иҭаацәеи ижәлари дрыԥхамкәа, дызҭаху зегьы дрыгымкәа ауаҩықәра ду ниҵааит, ҽаангьы-цахәгьы-цабжьгьы зашәахә ԥымҵәаша афырхаҵа. Хьыӡла-ԥшала, гәыӷра лашала, насыԥла!
🧡 Ахьыуардын шәақәтәа
27.03.202507:56
Аԥсуаа ргәамч агәра игон, Аиааира агәра игон — амцашыра ишалҵуаз иаҳа ииашоу, иаҳа иҟәыӷоу жәларны. Ҳаиқәхоит, ҳагьеиҭеиуеит иҳәон, ҳшыҟаз аасҭа ҳаиӷьны, доуҳала иҵегь ҳҳаракны, ҳацқьаны, ҭаҷкәымкны ҳаилаҵәаны.
Аԥсны Афырхаҵа, ахаҵа ихаҵа Мушьни Хәарцкьиа диижьҭеи иахьа 70 шықәса ҵуеит. Ахаҵара ициит, иагьиҭынхеит, ахааназ кьаҭара зқәым ахьӡ-аԥша ацны.
Аҵарауаҩ нага, аибашьҩы гәымшәа изку инеиҵыху аматериал шәаԥхьар шәылшоит абра>>
🧡 Ахьыуардын шәақәтәа
Аԥсны Афырхаҵа, ахаҵа ихаҵа Мушьни Хәарцкьиа диижьҭеи иахьа 70 шықәса ҵуеит. Ахаҵара ициит, иагьиҭынхеит, ахааназ кьаҭара зқәым ахьӡ-аԥша ацны.
Аҵарауаҩ нага, аибашьҩы гәымшәа изку инеиҵыху аматериал шәаԥхьар шәылшоит абра>>
🧡 Ахьыуардын шәақәтәа
20.03.202508:42
"Хәыки шьхаки рыбжьоуп" рҳәоит аԥсуаа еиҿдырԥшуа аки-аки зынӡа ишеицәыхароу аарԥшразы. Иџьашьатәым, ахәи ашьхеи — зегь раасҭа ирацәаны иуԥыло релиефуп Аԥсны. Насгьы дара ааидкыланы урыхәаԥшыр, зегь рыла еишьашәалоит, аҳаракыра ада. Ахәы — шьха хәыҷуп, агылара 200 метра рҟынӡа инаӡар алшоит, уи ианеиҳаха шьхас иԥхьаӡоуп, "ахәы" ахьӡзаргьы. Иаҳҳәап, Аисырра ахәы — шьхоуп. Аҩбатәи аиԥшымзаара — ахра цыҩцыҩқәа, урҭ ахьуԥыло шьхатәыла мацароуп.
🏔 Ҵаҟа еизаҳгеит ашьха иатәу аԥсуа географиатә терминқәа, шәаргьы иацышәҵа.
• А́қәцәа / А́цәқәа — горная вершина;
• А́шьхакәаҩра — острая горная вершина;
• Ашьхынгы́лара — высота горы;
• А́наара, акаӡӷы́ра, ама́рдара — пологий склон; косогорье;
• Ахшьы́ра, а́лаӷьара, ахы́лаӷьара — крутой склон;
• Ашьапы́ / ака́лҭ — подошва горы / холма;
• Ахәы акәа́ԥра / акәа́ҩра — вершина холма;
• Ахәы́гәырҭа — тропинка на вершине холма;
• А́хәҵа — подножье горы;
• Аҩы́ҵа — подгорье;
• Ахԥы́ (бз) — предгорье;
• Ахәдаа́ра (бз), акаҵәа́ра, ахы́ҵырҭа — перевал;
• Ахәдаа́ра — 2. склон холма
• Ахәада́ — горка, холм, взгорье, пригорок;
• Ахәадара́ — гребень продолговатого холма; холмистость;
• Ахәаџа́ — гористая местность;
• Аҳәҭа, аҳәҭа́шь — лощина, балка;
• Алгы́ҭ, аҭҳәаа́, аҳәа́ш, аҭҳәа́ш, агәа́ҩа — овраги;
• А́иҩхаа, абахәбжьа́ра — расщелина; узкое ущелье; теснина;
• Аԥсҭа́ — ущелье.
📚 Абызшәаҿы ишаҳԥыло азы ҿырԥшыс — Алықьса Џьениа ироман "Ашәҭқәа кәаҳатәым" аҟынтә цыԥҵәаха ссирк:
"Мзахәаа рԥошьҭамҩангаҩ Ҳасан Лыцәба дыжәлазаҵәуп, дагьхаҭазаҵәуп. Алаҳаш зықәгылоу ахәы ашьапы ираҵәаны инадрыжьлазшәа ауп инышәтә ҩны аҽкыдырҟәыҟәла амарда ишаҿагылоу. Алаҳаш ахәы иаҩыҵракуп иҩн хәыҷы".
▫️ Аҩны хәдаҟа́ даҩсит — он объехал дом сверху;
▫️ Ақыҭа аха́ҩаӡараҿы дынхоит — живет на краю (горного) села.
📍Асахьаҿы: Бармышь, иҭыхымҭоуп Алхас Қаԥшь
🧡 Ахьыуардын шәақәтәа
🏔 Ҵаҟа еизаҳгеит ашьха иатәу аԥсуа географиатә терминқәа, шәаргьы иацышәҵа.
• А́қәцәа / А́цәқәа — горная вершина;
• А́шьхакәаҩра — острая горная вершина;
• Ашьхынгы́лара — высота горы;
• А́наара, акаӡӷы́ра, ама́рдара — пологий склон; косогорье;
• Ахшьы́ра, а́лаӷьара, ахы́лаӷьара — крутой склон;
• Ашьапы́ / ака́лҭ — подошва горы / холма;
• Ахәы акәа́ԥра / акәа́ҩра — вершина холма;
• Ахәы́гәырҭа — тропинка на вершине холма;
• А́хәҵа — подножье горы;
• Аҩы́ҵа — подгорье;
• Ахԥы́ (бз) — предгорье;
• Ахәдаа́ра (бз), акаҵәа́ра, ахы́ҵырҭа — перевал;
• Ахәдаа́ра — 2. склон холма
• Ахәада́ — горка, холм, взгорье, пригорок;
• Ахәадара́ — гребень продолговатого холма; холмистость;
• Ахәаџа́ — гористая местность;
• Аҳәҭа, аҳәҭа́шь — лощина, балка;
• Алгы́ҭ, аҭҳәаа́, аҳәа́ш, аҭҳәа́ш, агәа́ҩа — овраги;
• А́иҩхаа, абахәбжьа́ра — расщелина; узкое ущелье; теснина;
• Аԥсҭа́ — ущелье.
📚 Абызшәаҿы ишаҳԥыло азы ҿырԥшыс — Алықьса Џьениа ироман "Ашәҭқәа кәаҳатәым" аҟынтә цыԥҵәаха ссирк:
"Мзахәаа рԥошьҭамҩангаҩ Ҳасан Лыцәба дыжәлазаҵәуп, дагьхаҭазаҵәуп. Алаҳаш зықәгылоу ахәы ашьапы ираҵәаны инадрыжьлазшәа ауп инышәтә ҩны аҽкыдырҟәыҟәла амарда ишаҿагылоу. Алаҳаш ахәы иаҩыҵракуп иҩн хәыҷы".
▫️ Аҩны хәдаҟа́ даҩсит — он объехал дом сверху;
▫️ Ақыҭа аха́ҩаӡараҿы дынхоит — живет на краю (горного) села.
📍Асахьаҿы: Бармышь, иҭыхымҭоуп Алхас Қаԥшь
🧡 Ахьыуардын шәақәтәа
17.03.202510:30
АХАҚӘИҬРА 🏔️
Акы заҵәык ауп – иҟоу иароуп,
Сыԥсадгьыл хазына Аԥсны!
Хақәиҭроуп – ауаҩ иҩны данаԥшәымоу,
Иԥсадгьыл данахым атәым,
Иан лбызшәа абџьарс ианимоу –
Уи адагьы шьамх иҭахым!
Зых иақәиҭу иоуп ишиашоу игылоу,
Иқәгылоу зыдгьыл уаҩҵас,
Инаскьа-ааскьароуп зыбла дыхгыло,
Ҳазшазгьы иҭахуп иара убас!
Ԥхареи лашареи агым ҳаԥсабара,
Аԥсны игыло амра еиԥшым ҽа мракы.
Аха Аԥсны иагын ахақәиҭра лашара,
Уи еиҳаугьы ҳазхьуам аҽакы.
Сыуаажәлар игәаҟхьоу, сыуаажәлар гәымшәа,
Маҷк ауп ишәыгу – нас ишарккоит.
Аӡы ырԥан ишалырхуеиԥш афымца
Шәықәԥара иалыԥхашт ахақәиҭра лашо!
Иван Ҭарба
#алирика
🧡 Ахьыуардын шәақәтәа
Акы заҵәык ауп – иҟоу иароуп,
Сыԥсадгьыл хазына Аԥсны!
Хақәиҭроуп – ауаҩ иҩны данаԥшәымоу,
Иԥсадгьыл данахым атәым,
Иан лбызшәа абџьарс ианимоу –
Уи адагьы шьамх иҭахым!
Зых иақәиҭу иоуп ишиашоу игылоу,
Иқәгылоу зыдгьыл уаҩҵас,
Инаскьа-ааскьароуп зыбла дыхгыло,
Ҳазшазгьы иҭахуп иара убас!
Ԥхареи лашареи агым ҳаԥсабара,
Аԥсны игыло амра еиԥшым ҽа мракы.
Аха Аԥсны иагын ахақәиҭра лашара,
Уи еиҳаугьы ҳазхьуам аҽакы.
Сыуаажәлар игәаҟхьоу, сыуаажәлар гәымшәа,
Маҷк ауп ишәыгу – нас ишарккоит.
Аӡы ырԥан ишалырхуеиԥш афымца
Шәықәԥара иалыԥхашт ахақәиҭра лашо!
Иван Ҭарба
#алирика
🧡 Ахьыуардын шәақәтәа
04.04.202514:45
Иԥсы ҭазҭгьы иахьа 70 шықәса ихыҵуан Аԥсны Афырхаҵа, Гагратәи I абаталион аиҳабы Џьамал Чыргба.
Иеиԥш иҟоу ахацәа рзы ирҳәоит даниуаз баша имхысит ҳәа. Диит Лыхны ақыҭан, Аџьынџьтәылатә еибашьра Ду иаветеранцәаз (аҩыџьагьы ргәышԥқәа медалԥсараха), аԥсуа ҵеицәа иашақәа зааӡаз Владимир Чыргбеи Ольга Арнауҭԥҳаи рҭаацәараҿы.
Аҷкәын аспорт дазҟазаны изҳауан, дықәԥаҩын, аиааирақәа рацәаӡаны игахьан Аԥсны, уи анҭыҵ. Ҩынтә Аԥсны ачемпионс дҟалеит. Донецк абаҩрҵәыратә техникум данҭала, уагьы ақалақь ачемпионс дыҟан.
Иҵара хыркәшаны аҩныҟа данаа, Гагра араион ахь рҵаҩыс дрышьҭуеит. Алаҳаӡытәи ашкол аҟны абаҩрҵәыра дирҵон, аҿар аспорт иазыҟаиҵон. Гаграа ашколхәыҷқәа иара инапхгарала аицлабра "Зарница" аҟны Қырҭтәыла иачемпионцәахон изныкымкәа. Жәаа шықәса иџьабаа адиҵеит аҵара-ааӡара аус.
Аԥсны аӷа данақәла аҽныҵәҟьа Џьамал Чыргба иашьцәа ҩыџьагьы иаргьы еибашьра игылеит. Аҟәа ианалҵтәха, алеи-ԥси рыбжьара икәша-мыкәша шәара зқәымыз иҩызцәа еизигеит: аспортсменцәа, ашьханыҟәацәа-шәарыцацәа. Даазықәгәыӷыз зегь ивагылеит — лхаа, дәрыԥшьаа, афонаа, гаграа рыҷкәынцәа. Иеибашьцәа раԥхьа дгыланы алым еиԥш дықәԥон иаргьы.
Гагра анырга аамышьҭахь Џьамал Чыргба ибаталион иадын Ԥсоу аҳәааи Аибӷа ашьхеи рыхьчара. Анаҩс Аҟәа ахақәиҭрахь ҳназгоз ажәыларақәа зегьы ирылахәын, рылша рацәоуп.
Џьамал Чыргба афырхацәа рыбжьарагьы иаарылукаауаз иакәын ҳәа дыргәаладыршәоит ицеибашьуаз иҩызцәа. "Эталонный, природный абхаз" ҳәа ихцәажәоит нхыҵаа ҳашьцәагьы.
Аибашьра ашьҭахь ибаталион Гал аҳәааҿы иҷаԥшьон, Аԥсны аҭынчра рыхьчон.
Џьамал Чыргба иаамҭанымкәа иԥсҭазаара далҵит 1999 шықәсазы. Акыршықәса аус ахьиуаз Алаҳаӡытәи 1-тәи абжьаратә школ иара ихьӡ ахуп. Ихьӡ кашәара ақәымзааит Аԥсназы зхы-зыԥсы иамеигӡоз агәымшәа!
🧡 Ахьыуардын шәақәтәа
Иеиԥш иҟоу ахацәа рзы ирҳәоит даниуаз баша имхысит ҳәа. Диит Лыхны ақыҭан, Аџьынџьтәылатә еибашьра Ду иаветеранцәаз (аҩыџьагьы ргәышԥқәа медалԥсараха), аԥсуа ҵеицәа иашақәа зааӡаз Владимир Чыргбеи Ольга Арнауҭԥҳаи рҭаацәараҿы.
Аҷкәын аспорт дазҟазаны изҳауан, дықәԥаҩын, аиааирақәа рацәаӡаны игахьан Аԥсны, уи анҭыҵ. Ҩынтә Аԥсны ачемпионс дҟалеит. Донецк абаҩрҵәыратә техникум данҭала, уагьы ақалақь ачемпионс дыҟан.
Иҵара хыркәшаны аҩныҟа данаа, Гагра араион ахь рҵаҩыс дрышьҭуеит. Алаҳаӡытәи ашкол аҟны абаҩрҵәыра дирҵон, аҿар аспорт иазыҟаиҵон. Гаграа ашколхәыҷқәа иара инапхгарала аицлабра "Зарница" аҟны Қырҭтәыла иачемпионцәахон изныкымкәа. Жәаа шықәса иџьабаа адиҵеит аҵара-ааӡара аус.
Аԥсны аӷа данақәла аҽныҵәҟьа Џьамал Чыргба иашьцәа ҩыџьагьы иаргьы еибашьра игылеит. Аҟәа ианалҵтәха, алеи-ԥси рыбжьара икәша-мыкәша шәара зқәымыз иҩызцәа еизигеит: аспортсменцәа, ашьханыҟәацәа-шәарыцацәа. Даазықәгәыӷыз зегь ивагылеит — лхаа, дәрыԥшьаа, афонаа, гаграа рыҷкәынцәа. Иеибашьцәа раԥхьа дгыланы алым еиԥш дықәԥон иаргьы.
Гагра анырга аамышьҭахь Џьамал Чыргба ибаталион иадын Ԥсоу аҳәааи Аибӷа ашьхеи рыхьчара. Анаҩс Аҟәа ахақәиҭрахь ҳназгоз ажәыларақәа зегьы ирылахәын, рылша рацәоуп.
Џьамал Чыргба афырхацәа рыбжьарагьы иаарылукаауаз иакәын ҳәа дыргәаладыршәоит ицеибашьуаз иҩызцәа. "Эталонный, природный абхаз" ҳәа ихцәажәоит нхыҵаа ҳашьцәагьы.
Аибашьра ашьҭахь ибаталион Гал аҳәааҿы иҷаԥшьон, Аԥсны аҭынчра рыхьчон.
Џьамал Чыргба иаамҭанымкәа иԥсҭазаара далҵит 1999 шықәсазы. Акыршықәса аус ахьиуаз Алаҳаӡытәи 1-тәи абжьаратә школ иара ихьӡ ахуп. Ихьӡ кашәара ақәымзааит Аԥсназы зхы-зыԥсы иамеигӡоз агәымшәа!
🧡 Ахьыуардын шәақәтәа
23.03.202518:35
Иахьа 65 шықәса ихыҵит Аԥсны Афырхаҵа, аполковник, Леон иорден занашьоу, агәыԥ "Душман" аиҳабы Оҭар Ԥалаванӡиа.
Оҭар Ԥалаванӡиа Афганистан деибашьуан, ахәра иоухьан. 1989 шықәсазы аԥсуааи ақырҭқәеи раԥхьатәи реидыслара далахәын, афорум "Аидгылара" далан. 1989-1991 шықәсқәа рзы Аԥсны ахьчара иазкыз арра-резервтә еиҿкаарақәа рахь хатәгәаԥхарала инеиз арԥарацәа дыруаӡәкуп. Егры аҳәааҿы дҷаԥшьон.
Аԥсны жәлар рџьынџьтәылатә еибашьра аналага, Ацҳа ҟаԥшь аҟны аӷа диҿагылеит. Зны Гәымсҭатәи афронт зырӷәӷәоз дреиуан, анаҩс Мрагыларатәи афронт аҿы адҵақәа назыгӡаша 60-ҩык злаз агәыԥ еиҿикааит. Дҵаҟаҵаҩс дызмаз агәыԥ "Душман" аибашьцәа Тамшь, Кындыӷ, Лабра арратә операциақәа ирылахәын. Аибашьра аилгамҭаз Аҟәа ахы иақәиҭыртәуан, Егрынӡа инаӡеит.
Ҩ-еибашьрак рветеран Оҭар Ԥалаванӡиа иԥсадгьыл амаҵ аура иациҵеит Аԥсны аҩнуҵҟатәи аусқәа рминистрра дахәҭакны. Агәабзиара-агәамч изеиӷьаҳшьоит. Ажәлар рныҳәаԥхьыӡ игымзааит!
🧡 Ахьыуардын шәақәтәа
Оҭар Ԥалаванӡиа Афганистан деибашьуан, ахәра иоухьан. 1989 шықәсазы аԥсуааи ақырҭқәеи раԥхьатәи реидыслара далахәын, афорум "Аидгылара" далан. 1989-1991 шықәсқәа рзы Аԥсны ахьчара иазкыз арра-резервтә еиҿкаарақәа рахь хатәгәаԥхарала инеиз арԥарацәа дыруаӡәкуп. Егры аҳәааҿы дҷаԥшьон.
Аԥсны жәлар рџьынџьтәылатә еибашьра аналага, Ацҳа ҟаԥшь аҟны аӷа диҿагылеит. Зны Гәымсҭатәи афронт зырӷәӷәоз дреиуан, анаҩс Мрагыларатәи афронт аҿы адҵақәа назыгӡаша 60-ҩык злаз агәыԥ еиҿикааит. Дҵаҟаҵаҩс дызмаз агәыԥ "Душман" аибашьцәа Тамшь, Кындыӷ, Лабра арратә операциақәа ирылахәын. Аибашьра аилгамҭаз Аҟәа ахы иақәиҭыртәуан, Егрынӡа инаӡеит.
Ҩ-еибашьрак рветеран Оҭар Ԥалаванӡиа иԥсадгьыл амаҵ аура иациҵеит Аԥсны аҩнуҵҟатәи аусқәа рминистрра дахәҭакны. Агәабзиара-агәамч изеиӷьаҳшьоит. Ажәлар рныҳәаԥхьыӡ игымзааит!
🧡 Ахьыуардын шәақәтәа
25.03.202510:48
ЗЕГЬ РЕИҲА ИХААУ
– Адунеи аҟны аханқәеи аҩнқәеи рацәоуп: аду уҭахума, ахәыҷы уҭахума, ажәытәтәиқәа, аҿатәтәиқәа зҳәаз еиԥш. Убарҭ рызегь иреиӷьу арбану? – ҳәа Чаҵә Чагә иазҵааит ҽнак зны.
– Ухатәы! – иҳәеит.
– Ус акәзар, убри ухатәы ҩнаҿы зегь реиҳа ихааузеи? – рҳәан, еиҭаиазҵааит.
– Ухатәы бызшәа! – иҳәеит Чагә. – Уи абри ҳадунеи аҟны зегь реиҳагьы ихаауп!
* * *
Чаҵә Чагә – аԥсуа лафҳәаҩ, ажәабжьҳәаҩ ду, ԥсабарала абаҩҷыдеи ахшыҩ ҷыдеи занашьаз, ихаҭа ф-бызшәак идыруан рҳәоит. Аԥсшәеи абаза бызшәеи рнаҩс, аҟабарда бызшәа, абырзен бызшәа, аџьам бызшәа, аҭырқәшәа, аурысшәа дрылацәажәартә дыҟан. Диит 1835 шықәсазы Гәыԥ ақыҭан, Чаҵәқыҭ аҳаблан — диижьҭеи сынтәа 190 шықәса ҵуеит.
Чаҵә Чагә Аԥсны ахы-аҵыхәа дахьазымдыруаз ыҟамызт, унеишь-уааишь зарҳәоз иакәын. Иԥсы ҭаны Абас Коӷониа иҩнаҭа акыр даҭаахьан, Иуа дхәыҷны, илымҳа кыдҵаны дыззыӡырҩуаз аҿаԥыцуаа дреиуан. Акыршықәса рнаҩсгьы ажәлар имырӡкәа иааргеит илафқәа, иҭоурыхқәа рацәаӡаны. Ҩышә инарзынаԥшуа иҳәамҭақәеи, иара ихҳәаау ажәабжьқәеи еидкыланы иҭижьит ашәҟәыҩҩы Заур Быҭәба.
🧡 Ахьыуардын шәақәтәа
– Адунеи аҟны аханқәеи аҩнқәеи рацәоуп: аду уҭахума, ахәыҷы уҭахума, ажәытәтәиқәа, аҿатәтәиқәа зҳәаз еиԥш. Убарҭ рызегь иреиӷьу арбану? – ҳәа Чаҵә Чагә иазҵааит ҽнак зны.
– Ухатәы! – иҳәеит.
– Ус акәзар, убри ухатәы ҩнаҿы зегь реиҳа ихааузеи? – рҳәан, еиҭаиазҵааит.
– Ухатәы бызшәа! – иҳәеит Чагә. – Уи абри ҳадунеи аҟны зегь реиҳагьы ихаауп!
* * *
Чаҵә Чагә – аԥсуа лафҳәаҩ, ажәабжьҳәаҩ ду, ԥсабарала абаҩҷыдеи ахшыҩ ҷыдеи занашьаз, ихаҭа ф-бызшәак идыруан рҳәоит. Аԥсшәеи абаза бызшәеи рнаҩс, аҟабарда бызшәа, абырзен бызшәа, аџьам бызшәа, аҭырқәшәа, аурысшәа дрылацәажәартә дыҟан. Диит 1835 шықәсазы Гәыԥ ақыҭан, Чаҵәқыҭ аҳаблан — диижьҭеи сынтәа 190 шықәса ҵуеит.
Чаҵә Чагә Аԥсны ахы-аҵыхәа дахьазымдыруаз ыҟамызт, унеишь-уааишь зарҳәоз иакәын. Иԥсы ҭаны Абас Коӷониа иҩнаҭа акыр даҭаахьан, Иуа дхәыҷны, илымҳа кыдҵаны дыззыӡырҩуаз аҿаԥыцуаа дреиуан. Акыршықәса рнаҩсгьы ажәлар имырӡкәа иааргеит илафқәа, иҭоурыхқәа рацәаӡаны. Ҩышә инарзынаԥшуа иҳәамҭақәеи, иара ихҳәаау ажәабжьқәеи еидкыланы иҭижьит ашәҟәыҩҩы Заур Быҭәба.
🧡 Ахьыуардын шәақәтәа
27.03.202515:09
Ҳаҵгәалароуп – хаҵарами;
Аҳаҳаира!
Уа, ҳа иҳацииз қәԥарами;
Аҳаҳаира!
Зҵеи лашара дзыцәҭахазгьы;
Аҳаҳаира!
Ахәра хьанҭақәа ззынхазгьы;
Аҳаҳаира!
Ҳа ҳазцәымӷу зегьы рцасаз;
Аҳаҳаира!
Ҳазҭахугьы гәырӷьаларцаз;
Аҳаҳаира!
Адунеи зегь ҿаҳа-дагәоуп;
Аҳаҳаира!
Иҳарҿыхоит, ҽа хәыҷӡакоуп;
Аҳаҳаира!
Ашәа еиҭамшәа, ашәа гәахәа;
Аҳаҳаира!
Ҳаит ахацәа, шәнаха-наха;
Аҳаҳаира!
Амца иалга ҳамҩа нагоуп;
Аҳаҳаира!
Ҳажәҩан зырлашо ҳбираҟоуп;
Аҳаҳаира!
Рушьбеи Смыр
🧡 Ахьыуардын шәақәтәа
Аҳаҳаира!
Уа, ҳа иҳацииз қәԥарами;
Аҳаҳаира!
Зҵеи лашара дзыцәҭахазгьы;
Аҳаҳаира!
Ахәра хьанҭақәа ззынхазгьы;
Аҳаҳаира!
Ҳа ҳазцәымӷу зегьы рцасаз;
Аҳаҳаира!
Ҳазҭахугьы гәырӷьаларцаз;
Аҳаҳаира!
Адунеи зегь ҿаҳа-дагәоуп;
Аҳаҳаира!
Иҳарҿыхоит, ҽа хәыҷӡакоуп;
Аҳаҳаира!
Ашәа еиҭамшәа, ашәа гәахәа;
Аҳаҳаира!
Ҳаит ахацәа, шәнаха-наха;
Аҳаҳаира!
Амца иалга ҳамҩа нагоуп;
Аҳаҳаира!
Ҳажәҩан зырлашо ҳбираҟоуп;
Аҳаҳаира!
Рушьбеи Смыр
🧡 Ахьыуардын шәақәтәа
Ko'proq funksiyalarni ochish uchun tizimga kiring.
