❗️❗️❗️❗️❗️❗️
🇺🇦🇷🇺 Зеленский Россия қўшинларини “Пасха сулҳи”ни бузишда айблади ва бунга тегишли жавоб берилишини ваъда қилди
"Россия ҳарбийлари эълон қилинган сулҳга риоя қилмаяпти ва Украина Қуролли кучлари позицияларига ҳужум қилишда давом этмоқда", — деб ёзди Украина президенти Теlegram-каналида.
Зеленскийнинг маълум қилишича, якшанба тонгида фронтнинг турли йўналишларида россияликлар томонидан 59 та ўқ узиш ҳолати ва 5 та ҳужум ҳаракати қайд этилган.
"Бизнинг аскарларимиз ҳамма жойда душман бу жанговар вазиятда қандай муносабатга лойиқ бўлса, шундай жавоб беришмоқда. Украина бундан кейин ҳам мувофиқ ҳаракат қилади", – дея таъкидлади Зеленский.
Унинг сўзларига кўра, шанба куни кечқурун Украина Қуролли Кучлари Россия томонидан 387 та ўқ узиш ва 19 та ҳужум ҳаракатини қайд этган.
"Умуман олганда, Пасха тонгида шуни айтишимиз мумкинки, Россия армияси ўт очишни тўхтатгандек умумий таассурот уйғотишга ҳаракат қилмоқда, бироқ айрим жойларда ҳужум қилиш ва Украинага талафот етказишга уринишларни тўхтатмаяпти",– дея хулоса қилди Украина президенти.
Шу билан бирга, Зеленский Россияни оташкесимга риоя қилишга чақирди ва Киевнинг сулҳни Пасхадан кейинги 30 кун давомида ҳам узайтириш таклифини яна бир бор тасдиқлади.
Эслатиб ўтамиз, 19 апрел куни Россия президенти Владимир Путин 19 апрел куни соат 18:00 дан 21 апрел 00:00 гача Пасха муносабати билан сулҳ эълон қилган эди. Кремл матбуот хизмати хабар беришича, бу 30 соатлик давр мобайнида Россия қўшинларига барча жанговар ҳаракатларни тўхтатиш буйруғи берилган.
👍@Shoshilinchuz - энг тезкор хабарлар каналига аъзо бўлинг !
