ЫТЫК КИҺИБИТ ҮБҮЛҮӨЙЭ
Бүгүн улууспутун кытта эт саастыылаах ытык киһибит Нөөрүктээйи нэһилиэгин, улууспут бочуоттаах олохтооҕо, тыыл, үлэ бэтэрээнэ, сэрии сылларын оҕото Анна Петровна Осипова бүгүн 95 үбүлүөйдээх сааһын бэлиэтиир.
Анна Петровна оҕо эрдэҕиттэн улахан дьону кытта тэҥҥэ үлэлээн, Улуу Кыайыыны уһансыбыт, 12 сааһыттан тыа хаһаайыстыбатыгар сыстан, ыанньыксытынан, ньирэйи көрөөччүнэн, оҕуруот аһын олордуутунан таһаарыылахтык үлэлээн, тыа сирэ атаҕар туруутугар, дьон-сэргэ бигэ туруктаах олохтоноругар, сайдыылаах буолууларыгар улахан үтүөлээх. Үс оҕону атахтарыгар туруоран, билигин элбэх сиэн, хос сиэн амарах эбэтэ.
Үтүөкэн киһибит Анна Петровна!
Эн дьоһун олоххунан, үлүскэн үлэҕинэн, үтүө санааҕынан биһиэхэ
барыбытыгар холобур буолаҕын. Бу курдук чугас дьонуҥ ортотугар сүһүөҕүҥ үрдүгэр үөрэ-көтө сылдьаргынан киэн туттабыт, сүгүрүйэбит. Бүгүн урукку кэми ахтан-санаан, үлэлээбит сылларгын ирэ-хоро сэһэргэһэн олус астынным.
Тус бэйэҕэр уонна дьиэ кэргэҥҥэр чэгиэн туругу, этэҥҥэ буолууну, бары үтүөнү, дьолу-соргуну баҕарабын! Оҕолоруҥ, сиэннэриҥ, хос сиэннэриҥ, аймах-билэ дьонуҥ
тапталларынан арыаллатан өссө да уһун үйэлэн!
@dmitriytikhon0v
