Ҳар баҳор шу бўлар такрор.
Далатимизга, ҳукуматимизга раҳмат. Бирон бир спортчимиз ёки спорт жамоамиз натижага эришса дарҳол муносабат билдиради. Мусобақа даражасига қараб машина, уй-жой, моддий кўмак, орден, қисқаси ҳали бу даргоҳдан ҳеч ким норизо бўлгани йўқ.
Шахсан менга ёқмайдиган бир жараён бор. Бу кутиб олиш маросими. Аэропорт.
Давлатнинг бирон бир ўзгартириб бўлмас ҳужжати борми? Ёки қонунчиликка киритилганми? Нимага биз спортчиларни айнан аэропортда кутиб олишимиз керак? Совға саломимизни нимага шошилинч тарзда шоша-пиша беришимиз керак?
Олимпиада бўладими, Жаҳон ва қитъа чемпионатлари бўладими, тайёргарлик билан ҳисобласангиз спортчилар узоқ давр ватанда бўлишмайди. Камида бир ой, баъзан бир неча ой. Ватан, ота-она, оиласини соғиниб келаётган спортчиларни биз яна бир неча соатларга азоблаймиз.
Самолётдан тушиши билан ижрочи орган ходимлари тарафидан асрга олинади. Уёққа ўт, бундай тур, жилмай, сочингни тўғирла, интервью бер, бунга берма, у де, бу де ...
Қисқаси буйруқларнинг чегараси йўқ. Аэропорт тиқилинч, тор, шовқин, тўсиқлар. Спортчи бир ой кўрмаган онаси 10 метр нарида турибди, лекин бориб қучоқлай олмайди. Икки ойдан бери кўрмаган шириндан шакар жянчасини эркалай олмайди. Шунча қаҳрамонлик кўрсатган Алпомиш ва Барчинойларимиз яна чидашга, сабр қилишга мажбур. Чунки олимпиада-ю, жаҳон чемпионатидан-да муҳим тадбир бор.
Ҳеч ким айтмайди, булар бир икки кун дам олсин. Соч сақолини тартибга келтирсин. Уйқуга тўйсин. Кейин стадиондами, бирон бир майдондами чиройли қилиб маросим ташкил қиламиз. Шунда ташкилотчиларга ҳам, мухлисларга ҳам, спортчиларга ҳам, табликлаш учун келган ҳукумат аъзосига ҳам қулай бўлади деб. Айтишса ҳам эътиборсиз қолади.
Бугун шунақа тадбирларнинг навбаттагисига гувоҳ бўламиз. Спортчиларимиз ғалаба қозоноверишсин, бардак тадбирларимиз кўпаяверсин.
Олға, Ўзбекистон!
@Jamoliddin_Bobojonov
