Дар Хуҷанд ҳайкали Антон Чехов гузошта шуд
🇷🇺🇹🇯Имрӯз дар саҳни мактаби русӣ-тоҷикии ба номи А.П. Чехов ҳайкали нависандаи машҳури рус Антон Павлович Чехов, ки 165 солагиаш имсол ҷашн гирифта мешавад, гузошта шуд.
Дар ин маърака Консули генералии Русия дар шаҳри Хуҷанд Сергей Ланкин, муовини раиси вилояти Суғд Ҷамшед Ҷӯразода, роҳбари Маркази илм ва фарҳанги Русия дар шаҳри Хуҷанд Татьяна Мудрова, сарвари мактаби ба номи А.П. Чехов Мубинахон Хоҷаева ва ректори Донишгоҳи давлатии педагогии Олтой Ирина Лазаренко иштирок намуданд.
🗣Чӣ хеле ки Сергей Ланкин қайд намуд, ҳайкалгузорӣ ташаббуси мактаби ба номи А. П. Чехов, ки яке аз пешсафони маорифи Русия дар шимоли Тоҷикистон аст, мебошад.
🤝Маркази илм ва фарҳанги Русия дар шаҳри Хуҷанд мунтазам дар ҳамкорӣ бо мактаби ба номи А. П. Чехов дар самти тарғибу ташвиқи забони русӣ, фарҳанги Русия, тарбияи ҷавонон дар рӯҳи ватандӯстию меҳанпарастӣ чорабиниҳо мегузаронад.
Ҳайкали А. П. Чехов маҳсули кори ҳайкалтарошони тоҷик Рустам Маҷидов ва Комилҷон Мӯминов мебошад.
Барои маълумот. Мактаби ба номи А. П. Чехови шаҳри Хуҷанд яке аз панҷ мактаби дар чаҳорчӯбаи созишномаи байни Ҳукумати Федератсияи Русия ва Ҷумҳурии Тоҷикистон соли 2022 кушода мебошад, ки дар он 1152 талаба таҳсил мекунад.
#МарказиИлмВаФарҳангиРусияДарШаҳриХуҷанд
#КонсулгарииГенералииРусияДарШаҳриХуҷанд
#МактабиБаНомиЧехови
