Mütaliələrdən Qeydlər.📚

Николаевский Ванёк

Мир сегодня с "Юрий Подоляка"

Труха⚡️Україна

Николаевский Ванёк

Mütaliələrdən Qeydlər.📚

Səhifə Zəmanə İmamına (ə.f) və İslam Şəhidlərinin Ruhuna İthaf olunur.

TGlist reytingi

TuriOmmaviy

Tekshirish

Tekshirilmagan

Ishonchnoma

Shubhali

Joylashuv

TilBoshqa

Kanal yaratilgan sanaFeb 14, 2021

TGlist-ga qo'shildi

Jun 08, 2024

Men kanal egasiman

O'zgartirishlar tarixi

Telegram kanali Mütaliələrdən Qeydlər.📚 statistikasi

Obunachilar

1 650

24 soat

10.1%Hafta

1-0.1%Oy

4-0.2%

Iqtiboslar indeksi

200

Eslatmalar1Kanallardagi repostlar0Kanallardagi eslatmalar1

Bitta postning o'rtacha qamrovi

227

12 soat227

301.8%24 soat227

301.7%48 soat57

74%

Ishtirok (ER)

5.26%

Repostlar1Izohlar0Reaksiyalar6

Qamrov bo'yicha ishtirok (ERR)

3.46%

24 soat0%Hafta

0.84%Oy0%

Bitta reklama postining qamrovi

227

1 soat7030.84%1 – 4 soat2410.57%4 - 24 soat4519.82%

Botimizni kanalingizga ulang va ushbu kanal auditoriyasining jinsini bilib oling.

24 soat ichidagi barcha postlar

1

Dinamika

"Mütaliələrdən Qeydlər.📚" guruhidagi so'nggi postlar

Barcha postlar

26.04.202509:57

İnsan ağıl və şüur sahibi olduğu üçün azad və ixtiyar sahibi olaraq yaradılmışdır. Hərçənd Allah-Təala ona doğru və azğınlıq yolunu göstərmişdir, lakin insan öz yolunu seçməkdə sərbəstdir. Necə ki, Uca Allah buyurur:

“Biz ona doğru yolu göstərdik, ya şükür edər, ya da nankor olar.” (İnsan surəsi, 3-cü ayə)

Bununla belə, insan yaradılış məqsədini nəzərə almalıdır və bilməlidir ki, onun əsas vəzifəsi Allaha bəndəlik etməkdir. Allahın qoyduğu şəriət qanunları ona şeytana itaət edib başqa birinə bəndəlik etməyə icazə vermir. Əksinə, o, yalnız Allaha itaət etməli və ilahi vəzifələri yerinə yetirməlidir. Çünki Allah insanı bu məqsədlə yaratmışdır:

“Mən cinləri və insanları ancaq Mənə ibadət etmələri üçün yaratdım.” (Zariyat surəsi, 56-cı ayə)

İndi isə nəzərə alaq ki, Allaha ibadət etmək həm də yaradılış və varlıq aləmi ilə uyğunlaşmaq, Allahın qoyduğu vəzifələrə boyun əymək və Onun qarşısında məsuliyyətini yerinə yetirməkdir. Bu da həyat bəxş edən, sonsuz nemətlər bəxş edən mehriban Yaradanın qarşısında bir təşəkkür və şükür formasıdır. Necə ki, Allah-Təala İbrahim peyğəmbərin (ə) dili ilə buyurur:

“O, məni yaratdı və doğru yola yönəldir. O, məni yedirdir və içirdir. Mən xəstələndikdə, məni sağaldır. O, məni öldürəcək və sonra dirildəcəkdir.” (Şuəra surəsi, 78-81-ci ayələr)

Odur ki, bizi yaradan, yol göstərən, ruzimizi verən, xəstələndikdə şəfa verən və ölümü və həyatı idarə edən bir Allahın itaətindən necə boyun qaçırmaq olar? İnsafsızlıq olmazmı ki, insan müasir dövrdə "mən artıq vəzifə və itaətə tabe deyiləm, yalnız hüquqlarımı istəyirəm" desin? Görəsən, İslam bu məntiqi qəbul edərmi? Şübhəsiz ki, belə bir düşüncə nə ağılla, nə insanlıqla uyğun gəlir, nə də İslamla əlaqəsi vardır.

İslamda siyasət düşüncəsi. 📚

https://t.me/ashegee313

25.04.202510:17

Peyğəmbərlərin dəvətinin mərkəzində Allahın itaəti və Tağutlardan uzaq durmaq məsələsi dayandığına dair Allah-Təala buyurur:

“Biz hər bir ümmətə bir peyğəmbər göndərdik ki, ‘Allaha ibadət edin və Tağutdan uzaq durun!” (Nəhl, 36)

Bu təsvirlə, İslamın qeyri-Allahların itaətini tamamilə rədd etməsi və yalnız Allahın itaətini əsas tutması gerçəyini inkar etmək olmaz. Əslində bizi Allahın itaətinə dəvət etməyən bir din batildir. Qeyd olunduğu kimi, peyğəmbərlərin dəvətinin ruhu Allahın mütləq itaətidir. Çünki varlıq Ona məxsusdur, başlanğıc da, son da Ona aiddir və əsl mülkiyyət sahibi Odur:

“Biz Allaha məxsusuq və şübhəsiz Ona qayıdacağıq.” (Bəqərə, 156)

Belə olan halda, əgər biz Allahı varlığın əsl sahibi və özümüzün də həqiqi Sahibi kimi tanımışıqsa, necə qəbul etmək olar ki, O, bizə əmr verməyə haqqı yoxdur? Axı mülkiyyətin mənası budur ki, maliki istədiyi şəkildə malik olduğu şeyə sərəncam verir. Deməli, belə bir iddia qəbulolunmazdır ki, biz İslamı qəbul etmişik, amma Allahın bəndəliyindən azadıq. Çünki bu cür tam azadlıq nə din baxımından qəbul ediləndir, nə də ağıl bunu qəbul edir. İslam və din azadlıq carçısıdır, lakin bu azadlıq, qeyri-Allahlara və Tağutlara itaətdən azad olmaq deməkdir; Allahın itaətindən azad olmaq deyil. İnsan hər nə qədər ixtiyar sahibi və azad yaradılmış olsa da, şəri baxımdan və hüquqi cəhətdən Allahın itaətinə məcburdur. Yəni, o, öz azad iradəsi ilə Allahın əmrlərinə itaət etməlidir. Əslində, yaradılışın lüğətində hər bir varlıq üzərinə bəndəlik və itaət möhürü vurulmuşdur. Təbiətdə heç bir varlıq Allahın bəndəliyi olmadan mövcud olmamışdır və hər bir varlığın varlığı elə Onun bəndəliyinin özüdür.

“Yeddi qat göy, yer və onların içində olanlar Ona təsbih deyir və elə bir şey yoxdur ki, Onu tərifləyərək təsbih etməsin; lakin siz onların təsbihini anlamazsınız.” (İsra, 44)

Yəni, yeddi qat göy, yer və onların içindəkilər hamısı Ona təsbih deyir və Onun şənini ucaldır. Hər bir varlıq təsbih və həmdlə Ona ibadət edir; lakin siz onların bu ibadətini dərk etmirsiniz. Allah-Təala başqa bir ayədə də bütün varlıqların ibadət və bəndəlik halında olduğunu belə bəyan edir:

“Məgər görmürsənmi ki, göylərdə və yerdə olanlar və qanadlarını yayaraq uçan quşlar Allaha təsbih edirlər? Onların hər biri öz duasını və təsbihini bilir." (Nur, 41)

Yəni, göylərdə və yerdə olan bütün canlılar və havada qanadlarını açıb uçan quşlar belə Allaha təsbih edirlər. Onların hər biri öz duasını və təsbihini bilir.

İslamda siyasət düşüncəsi. 📚

https://t.me/ashegee313

24.04.202512:54

Allah başqa bir ayədə buyurur:

"Ey Adəm oğulları! Mən sizdən əhd almadımmı ki, şeytana ibadət etməyəsiniz? Çünki o sizin açıq-aşkar düşməninizdir. Və mənə ibadət edəsiniz – düz yol budur." (Bəqərə, 256)

Bu ayənin məzmunu belə deyil ki, insan şeytana ibadətdən vaz keçdikdən sonra artıq heç kimə itaət və ibadət etməyə ehtiyac duymur. Əksinə, insan Allahın ibadətinə yönəlməlidir. Necə ki, tövhid şüarında "lə iləhə" ifadəsindən sonra "əllah" gəlir. Ona görə də, vəhyin təcəlli ilə qəflətdən ayılan və anlamış insanlar başa düşürlər ki, onlar həyatlarının həqiqi sahibi olan, ölüm və dirilik, cavanlıq və qocalıq, sağlamlıq və xəstəlik kimi hər şey onun əlində olan Allahı ibadət etməlidirlər. Onlar üçün Allahın bəndəsi olmaq ən böyük qürur mənbəyidir. Onun vəzifələri hikmət və mərhəmət mənbəyindən irəli gəlmişdir. Bu vəzifələrə əməl etmək insanın xoşbəxtliyini və kamilliyini təmin edər.

Aydın olur ki, haqqı qəbul etməmək və vəzifə, məsuliyyət qarşısında inadkarlıq insanın yetişməməsindən, heyvani xarakterindən və şeytanın təsirinə tabe olmasından irəli gəlir. Bu, tarix boyunca mövcud olmuşdur və yalnız müasir insana aid deyil. Həqiqətdə müasir insan sivilizasiyanın əsaslarını tərk edərək cahillik və vəhşilik dövrünə doğru gedir. Həqiqi mənada sivilizasiya insanın heyvani xarakterdən və vəhşilikdən uzaqlaşmasıdır. Bu, qanunlara riayət etmək və vəzifələri qəbul etməklə mümkündür. Sivilizasiya və mədəniyyət vəhşiliyin tam əksidir və onun əsas şərti qanunların qəbul edilməsidir. Lakin necə olur ki, bəzi insanlar iddia edirlər ki, müasir sivilizasiya insanın heç bir vəzifə qəbul etməməsini tələb edir? Bu, sivilizasiyadır, yoxsa vəhşilik? Əsasən, sivilizasiya məhdudiyyətlərin, qanunların və məsuliyyətin qəbul edilməsi əsasında formalaşır. Əgər bu amillər qəbul edilməzsə, sivilizasiya ilə vəhşilik arasında heç bir fərq olmayacaq.

Hər kəs ki, qanunlara riayət etməməkdən, vəzifələri və məsuliyyəti qəbul etməməkdən imtina edir, o, vəhşilik və barbarlıq dövrünə dönmək istəyir. Belə bir ideya və yanaşmaya malik olan şəxs əsla müqəddəs və Allahın xəlifəsi ola bilməz ki, bizim üçün nümunə ola bilsin. Əlavə olaraq, müasir cəmiyyətdə sivilizasiya və qanunlara riayət etmək şüarının yayılması, cəmiyyətin mükəmməl qanunlara və sivilizasiyaya çatması məqsədini daşıyır. Yəni burada qanunların heç bir sahədə pozulmasına yer yoxdur. Bu, təzə bir hadisə deyil ki, cəmiyyətimiz inqilabdan əvvəl vəhşilik içində yaşayırdı və bu gün sivilizasiyaya doğru yönəlmişdir. Əksinə, bizim inqilabımız qədim İslam sivilizasiyası əsasında formalaşmışdır və onun əsas şüarlarından biri bütün sahələrdə Allah qanunlarına riayət etməkdir.

İslamda siyasət düşüncəsi. 📚

https://t.me/ashegee313

24.04.202507:13

🚦𝐃𝐢𝐪𝐪ə𝐭❗ 𝐄𝐥𝐚𝐧.
Gündəmdə olan mövzularla bağlı maraqlı faktları təqdim edən maarifləndirici 𝐦𝐞𝐝𝐢𝐚 kanalları.
• Düşmənin 𝐲𝐚𝐥𝐚𝐧 təbliğatını ifşa edən kanallar.
— Ən yaxşı 𝐃𝐢𝐧𝐢, 𝐇ə𝐝𝐢𝐬, 𝐐𝐮𝐫𝐚𝐧 və maarifləndirici kanallar.
— Ən Yaxşı 𝐃𝐢𝐧𝐢 Filmlər
@ya_beqiyyetellahh

23.04.202510:07

Allah qarşısında üsyanın keçmişi

Təkcə müasir insan deyil ki, Allahın, dinin və ilahi vəzifələrin altından çıxmağa çalışır; tarix boyunca bir çox insanlar da şeytani vəsvəsələrin təsiri ilə ilahi vəzifələri qəbul etməmiş, üsyan və qanun pozuntusu yolunu seçmişlər. Bu iddia ki, guya insan yalnız hüquq istəyir, vəzifə istəmir – yeni bir söz deyil. Hələ Adəmin asi oğlu Qabil açıq şəkildə ilahi vəzifə qarşısında boyun əymədi və qanun pozuntusu, eqoizmin nəticəsində qardaşı Həbili öldürdü. Allah buyurur: "Onlara Adəmin iki oğlunun xəbərini haqq olaraq oxu: hər biri bir qurban təqdim etdi, birinin qurbanı qəbul olundu, digərininki isə qəbul olunmadı. (Qurbanı qəbul olunmayan) dedi: ‘Səni mütləq öldürəcəyəm!’ (Qardaşı) dedi: ‘Allah yalnız müttəqilərdən qəbul edir.’" (Maidə, 27)
Peyğəmbərlərə qarşı münasibət

Quranda gələn peyğəmbər hekayələri göstərir ki, insanların çoxu peyğəmbərləri təkzib edirdilər. Onlar yalnız peyğəmbərlərin dəvətini qəbul etmirdilər, həm də onlara iftira atır, istehza edir, hətta onları öldürür və ya şəhərlərindən qovurdular. Peyğəmbər insanlara tam faydalı bir söz desə belə, məsələn, Quranda qeyd olunduğu kimi, onları aldatmadan, ölçüdə və çəkidə azalmamaqdan çəkindirsə: "İnsanların mallarını azaltmayın…" (Hud, 85)

Onlar buna qarşılıq belə deyirdilər: "Ey Şüeyb! Məgər namazın sənə əmr edir ki, atalarımızın ibadət etdiklərini tərk edək və ya mallarımızla istədiyimizi etməyək?" (Hud, 87)
Azadlıq anlayışı və vəhyin mövqeyi

Burada belə deyilə bilər ki, tarix boyunca peyğəmbərlərlə qarşıdurmalar bütpərəstlikdən, şirkdən və şeytana tabe olmaqdan qaynaqlanırdı. Belə bir fikir ola bilər ki, insan bütün bu pərəstişlərdən azad olsun, heç bir bütə və şeytana tabe olmasın. Lakin bu fikir vəhy baxımından batil və əsassızdır. Çünki vəhyə görə insan ya Allahın, ya da tağutun (şeytani gücün) bəndəsidir. Heç kəsin tam azad olması mümkün deyil. İnsanın "mən heç kəsin bəndəsi deyiləm" deməsi belə, onun tağutun və nəfsinin əsiri olduğunun göstəricisidir. Bu səbəbdən Quran buyurur: "Allah iman gətirənlərin vəlisidir, onları zülmətlərdən nura çıxarır. Küfr edənlərin vəliləri isə tağutlardır; onlar isə onları nurdan zülmətə sürükləyirlər." (Bəqərə, 257)

İslamda siyasət düşüncəsi. 📚

https://t.me/ashegee313

22.04.202511:09

Digər bir şübhəyə cavab.

İnsanın bu gün yalnız haqqa yönəldiyi və vəzifə qəbul etmədiyi iddiasının qəti və mütləq şəkildə irəli sürülməsi boş və batil bir sözdür. Necə ki, hüquq filosofları da deyirlər: heç bir haqq bir şəxs üçün sabit olmur, mütləq şəkildə başqaları üçün bir vəzifə yaratmadan.

Məsələn, əgər bir şəhər sakini üçün təmiz və sağlam hava istifadə etmək hüququ sabit olsa, o zaman digər vətəndaşlar havanı çirkləndirməməyə məcbur olurlar. Əgər hər kəsin havanı çirkləndirmək hüququ olsa, onda sağlam hava istifadə etmək hüququ mənasız olar.
Eləcə də, bir kəsin öz malında sərbəst istifadə etmək hüququ varsa, başqaları da bu mallara toxunmamaqla vəzifəlidirlər; əks halda həmin maldan istifadənin hüquqi anlamı qalmaz. Bundan əlavə, hər kəs üçün bir haqq sabit olduqda, bu, başqalarına qarşı bir vəzifəni də zəruri edir: əgər bir şəxs cəmiyyətin əldə etdiyi nailiyyətlərdən bəhrələnmək haqqına malikdirsə, qarşılıqlı olaraq cəmiyyətə xidmət etmək, məsuliyyət daşımaq və başqalarının yükü olmamaq vəzifəsini də daşımalıdır. Bu səbəbdən, haqq və vəzifə iki anlamda bir-birinə bağlıdır və “insanlar yalnız haqq axtarır, vəzifə qəbul etmir” iddiası rədd olunur.

Bütün ilahi və qeyri-ilahi alimlərin və hüquq filosoflarının ümumiyyətlə məsuliyyət və vəzifəni inkar etməməsi, əksinə onların varlığını qəbul etməsi nəzərə alınaraq aydın olur ki,
şübhə yayanların məqsədi, ümumi vəzifə deyil, məhz ilahi vəzifədir. Onların sözlərinin ruhu budur: Allah bizə vəzifə təyin etməməlidir; əks halda, onlar da insanların hüquqları qarşısında sosial vəzifələrin qaçılmaz olduğunu qəbul edirlər, çünki bu vəzifələri bütün ağıllı insanlar qəbul edir. Bu dediklərimizi təsdiqləyən bir başqa fakt da odur ki, onlar açıq şəkildə belə demişlər: Məuliyyət (mövla ilə qulun əlaqəsi), ibadətçilik və mövladan əmr çıxması və itaət vacibliyi anlayışı yalnız köləlik mədəniyyətinə uyğun gəlir.

İslamda siyasət düşüncəsi. 📚

https://t.me/ashegee313

Repost qilingan:

21.04.202520:57

Azərbaycanda həbslərdən sonra dini cərəyanların necə ortaya çıxdığını görürsünüzmü.? Biri deyir; İmam (ə) zühur edib, o biri deyir; namaz öz ana dilimizdə oxunsun, digəri deyir; "İmamın zühurundan öncə qalxan bayraqlar tağutdur".

Bu əqidələrin özünü düz bilməsi və haqq olaraq görməsi həm gülməli, həm də ağlamalıdır. Əslində məqsəd Vilayəti-Fəqihin ziddinə kadr yetişdirməkdir. Onlar istəmirlər ki, bir dindar vilayətin dəsti-xətti ilə getsin. Görürsünüz.? Bakıda əxbarilik və ziddi-vilayətçilik cavanlar arasında baş alıb gedir. Əba və qəba ilə başda əmmaməli halda (Qum tələbələri, Vilayət dəsti-xətti ilə gedən yaxud getmək istəyən ruhanilər üçün) məsciddə oturub xütbə deməyin mümkün olmadığı dövrdə bu cərəyanı təbliğ edən ruhanilərin geyiminə bir fikir verin. Rahat təbliğlərini edirlər, mərasim keçirirlər, tələbə yetişdirirlər. Amma eyni işi məsələn, Seyyidə Şəhla gördükdə evinə polis şöbəsini tökürlər.

Hazırki hakimiyyətə və başda oturana bu əqidə çox sərf edir. Axı, "İmamın zühurundan qabaq qalxan haqq bayrağı batil bilən, tağut hesab edən" bir kəs zalım hakimiyyət üçün nə təhlükə daşıyır.? İmamın zühurundan öncə qalxan haqq bayrağı tağut bilib, tağutun hakimiyyəti altında yaşayan həmçinin parçalanma, təfriqə yaradan, müctehidi ləkələyən təbliğ aparan bir cərəyan üzvü bilsin ki, bu hakimiyyətin dəyirmanına su tökür. Bu gün hakimiyyətin dəyirmanına su tökənlər, sabah elə həmin hakimiyyətin əli ilə alçalır. Tarix bunun nümunələrini bizə çox göstərib.

Telman Cəfəri.

https://t.me/fadayaneislam

21.04.202509:53

Şübhənin başqa bir yanaşmadan təqdim edilməsi

Bəzi şəxslər belə demişlər: insan həyatında müxtəlif sahələrdə yaranmış inkişaf və təkamülü, eləcə də yeni düşüncə tərzi, inanc sistemləri və sivilizasiyanın gətirdiyi nəticələri nəzərə alaraq, bu günkü din artıq insanlara vəzifə və əmr təqdim etmək yerinə, insan hüquqlarını bəyan etməlidir. Çünki keçmişdə insanlar köləlik sistemi, zorakılıq və istibdad rejimi ilə qarşı-qarşıya idilər və ona görə də onlara təyin olunan vəzifə və tapşırıqları qəbul edirdilər. Lakin indi köləlik dövrü geridə qalmış, insanın ağalığı və Allahın yer üzündə xəlifəsi olması dövrü başlamışdır. Bu günün insanı tapşırıq və vəzifə dalınca deyil, öz haqqını almaq arxasınca gedir.

Əslində, modernizm və yeni sivilizasiya keçmişin itaətkar, kölə və baş əyən insanı ilə bu günün müstəqil və azad insanı arasında qalın bir divar çəkmişdir. Bu səbəbdən, müasir insan artıq keçmişdəki barbarlıq və gerilik dövrünə aid olan vəzifə və məsuliyyət məsələsini bir kənara atmış, haqqını tələb etməyə başlamışdır. Belə bir şəraitdə vəzifədən, tapşırıqdan danışmaq isə geriyə qayıtmaq, modernizm dövründən öncəki dövrlərə təkrar dönüş deməkdir. İndi ki, "insan hüquqları"ndan danışılır və demokratiya sayəsində insan istismar və köləlikdən azad olmuşdur, artıq vaxtıdır ki, keçmişdəki, köləlik dövrünə uyğunlaşmış köhnə dinlər kənara qoyulsun və insan hüquqlarını əsas alan yeni bir din axtarılsın.

Şübhə yaycıları öz məqsədlərini həyata keçirmək və xüsusilə gənc nəslin diqqət və düşüncəsini bu kimi fikirlərə yönəltmək üçün müxtəlif vasitələrdən istifadə edirlər. Bəzən sözlərini cazibədar, poetik və ədəbi bir üslubda təqdim edir, öz sözlərinə xüsusi bir şirinlik və cəlbedicilik qatırlar. Amma biz, onların yaratdığı gurultu və təbliğat dalğalarından, həmçinin dinin və cəmiyyətin sağlam müdafiəçilərinin qarşısına çıxarılan təzyiq və senzuralardan uzaq bir şəkildə, möhkəm və düzgün məntiq əsasında bu şübhələrə cavab vermək niyyətindəyik.

İslamda siyasət düşüncəsi. 📚

https://t.me/ashegee313

20.04.202519:50

Qərb dünyasında əxlaq

Ümumiyyətlə, Qərb həyat tərzi mexaniki və ruhsuz bir yaşayışdır. Müasir sivilizasiya maddi sahədə inkişaf edərək keçmiş problemlərin bir çoxunu aradan qaldırmış və rifahın artmasına gətirib çıxarmışdır. Lakin maddi düşüncənin həyatın bütün aspektlərinə hakim olması, insanların bir çox həqiqətləri dərk etməsinə mane olmuş, nəticədə mənəvi və əxlaqi dəyərlərin unudulmasına səbəb olmuşdur.

Müasir sivilizasiya öz süni rahatlığı ilə yeni problemlər və mənəvi böhranlar yaratmışdır. Sivilizasiyanın bütün texnoloji nailiyyətlərinə baxmayaraq, insanın ruhi narahatlıqları və düşüncə böhranı azalmamışdır. İndiyə qədər həyatı asanlaşdırmaq və sivilizasiyanı irəli aparmaq üçün edilən bütün ixtiralar və kəşflər, cəmiyyətə həqiqi xoşbəxtlik gətirməmiş, sosial təhlükələri tamamilə aradan qaldırmamışdır.

İnsan yalnız fiziki ehtiyaclarla kifayətlənmir, ruhi və mənəvi axtarışa da ehtiyac duyur. O, fiziki həzzlərə bağlı olduğu qədər, mənəvi ehtiyaclarını da təmin etməyə çalışır. Bütün bu tələbatların həqiqi həllini maddi dünyadan kənarda axtarmaq lazımdır. İnsanın düşüncəsini yalnız maddi çərçivə daxilində məhdudlaşdırmaq böyük bir yanılmadır və onun yaradılış mahiyyəti ilə uyğun gəlmir. Bəşəriyyətin ən ali arzusu olan həqiqi xoşbəxtlik və firavanlıq ancaq o zaman başlayır ki, insan düşüncəsi maddi sivilizasiya mərhələsindən keçərək, mənəvi və ruhi inkişaf səviyyəsinə çata bilsin.

Belə ki, elmi və sənaye sahəsində baş verən inanılmaz irəliləyişlərlə yanaşı, insanın daxili qabiliyyətləri və mənəvi gücləri də inkişaf etməli və bu insani kamillik mənbəyindən düzgün istifadə edilməlidir. Maddi inkişafla mənəvi inkişaf arasında balans olmadıqda, bəşəriyyət həqiqi xoşbəxtliyə çata bilməz.

İslam və qərb sivilizasiyası. 📚

https://t.me/ashegee313

20.04.202509:37

Bu şübhənin cavabı təkvini və təşrii yanaşmaları əsasında verilir. Çünki biz iki əsas mövqe ilə qarşılaşırıq: biri təkvini səviyyədə – yəni varlıq və gerçəkliklər, digəri isə təşrii səviyyədə – yəni məsuliyyət və vəzifələr. Digər ifadə ilə, biri reallıq dünyası, digəri isə dəyərlər dünyasıdır.

İlk növbədə təkvini baxımdan insanın Allahla əlaqəsinə diqqət yetirmək lazımdır. Əgər bir şəxs Allahın varlığını qəbul etmirsə, Onunla olan hər hansı bir bağlılıq mənasız görünəcəkdir. Lakin Allahın varlığına inanan şəxs ən azından Onun tərəfindən yaradıldığına inanmalıdır. Yəni, Allahın yaradıcı olduğunu qəbul edərək, özünü Onun yaratdığı varlıq kimi görməlidir. Allahın yaradıcı olması prinsipinə əsasən, bir şəxs "Mən Allahın qulu deyiləm" deməkdə paradoksa düşür, çünki Allahın yaradıcı olduğuna inanırsa, Onun mülkü və qulu olduğunu da qəbul etməlidir. Tövhidə ilk addım, Allahın bizi yaratdığını və bizim varlığımızın Ona bağlı olduğunu qəbul etməkdir. İslamda insanın Allahın qulu olması ən şərəfli mövqedir və bütün müsəlmanlar namazlarında bunu təsdiqləyərək deyirlər: "Şəhadət verirəm ki, Məhəmməd Onun qulu və elçisidir."

Allah Quranda buyurur:
"O Zat ki, Öz qulunu bir gecə Məscidül-Həramdan Məscidül-Əqsa’ya aparmışdır..." (İsra, 1)

Bundan əlavə, Quranda Allah "qul" ifadəsini çox yerində istifadə etmişdir, çünki insanın ən üstün məqamı Allahın qulu olmasıdır. Bu barədə Quran buyurur:

"Ey rahatlıq tapmış ruh! Rəbbinə dön, O səndən razıdır, sən də Ondan razısan. Mənim qullarımdan ol." (Fəcr, 27-29
)

Təşrii aspektdən isə, azad insanın qanun və məsuliyyətlərə tabe olmamasını iddia etmək xaos və nizamsızlıq yaradır. İnsan istədiyi kimi davranmaqda tam azad deyil, çünki sivilizasiya məsuliyyət tələb edir. Hətta heyvanlar aləmində belə müəyyən qaydalar var. Həqiqi mədəniyyət və sivilizasiya, qanunlara tabe olmaqla mümkündür. Əgər insan qanunları qəbul etməz və tam azad olduğunu iddia edərsə, bu nizamsızlıq və hərc-mərcliyə gətirib çıxarar. Son nəticədə, azadlıq məhdudiyyətsiz və nəzarətsiz deyil. Həqiqi azadlıq yalnız Allahın qanunlarına tabe olmaqla mümkündür və insan öz varlığının Allahın iradəsinə bağlı olduğunu qəbul etməlidir.

İslamda siyasət düşüncəsi. 📚

https://t.me/ashegee313

19.04.202517:17

Xristianların İslama qarşı təbliğatı.

Kilsə rəhbərləri İslamın mənəvi təsirindən ciddi şəkildə narahatdırlar və İslamın qlobal nüfuzunu ləkələmək üçün geniş miqyaslı təbliğat aparırlar. Onlar bəzən İslam dininə böhtan atmaqdan çəkinmir və hər vasitə ilə həqiqətin günəşini gizlətməyə çalışırlar ki, dünya İslamın haqq səsini eşitməsin. Məsələn, bir gecə Almaniya televiziyasında Yəmən adlı İslam ölkəsinin vəziyyəti, məscidlər və İslam ibadətinin qaydaları nümayiş etdirilmişdi. Televiziya aparıcısı həmin ölkənin insanlarının məhrumiyyətləri haqqında ətraflı danışdı. Daha sonra İslama hücum edərək dedi ki, İslam bu xalqın inkişaf yolunda çoxlu problemlər yaradıb və onları sivilizasiyadan iki yüz il geri salıb. İslamın proqramları hazırkı zəiflik və gerilik şəraitinin təzahürüdür. Bu xalqın dünyada baş verən inqilabi dəyişikliklərdən məhrum qalması onların dini inancları və dini göstərişlərə itaət etmələri ilə bağlıdır. Bu zəhərli təbliğat və məharətlə hazırlanmış planların Avropa xalqlarının ruhuna necə təsir etdiyini düşünün. Xüsusilə də, İslam haqqında çox az məlumatı olan və ya heç bir məlumatı olmayan insanlar arasında. Bu cür təbliğatlar onların İslam haqqında düşüncələrini necə formalaşdıracaq? Bu cür haqsızlıqlar insanlığa xəyanətdən başqa bir şeydirmi?

Bu təbliğatçılara demək lazımdır ki, əgər Yəmən xalqının maddi həyatdakı geriliyini onların dini ilə əlaqələndirirsinizsə, bəs niyə Cənubi İtaliyada yaşayan insanlar müasir sivilizasiyanın faydalarından məhrumdurlar? Onlar böyük yoxsulluq və bədbəxtlik içində yaşayır, dolanışıqlarını təmin etmək üçün qonşu ölkələrə gedərək tikinti işlərində çalışırlar. Niyə Yunanıstan kimi Avropa və qeyri-müsəlman bir ölkə bir çox İslam ölkəsindən daha geridədir? Halbuki, Yunanıstan xristianlıqdan əvvəl inkişaf yolunda idi. Lakin xristianlığı qəbul etdikdən sonra tənəzzül və süqut yoluna qədəm qoydu və Osmanlı İmperiyasının bayrağı altında qaldı.

Niyə bəzi qeyri-müsəlman Asiya ölkələri İslam ölkələrindən daha pis vəziyyətdədir? Halbuki, bəzi müsəlman icmaları, məsələn, Bosniya müsəlmanları, bir çox sahədə katolik və pravoslav xristianlardan üstündürlər. Rusiyadakı müsəlmanlar qonşu xristianlardan geri qalmır. Çin müsəlmanları buddistlərdən daha üstün vəziyyətdədir. Hətta deyilir ki, Sinqapur adasında yaşayan ərəblər maddi baxımdan adanın digər sakinlərindən və hətta ingilislərdən daha irəlidirlər. Qərb ölkələrinin təbliğat maşını həqiqətləri təhrif edir və İslamın əsas prinsipləri haqqında heç bir məlumatı olmayan insanlara əsassız məlumatlar təqdim edir. Bu cür təbliğatlar kilsə təşkilatlarına bağlı olan şəxslərin İslam haqqında apardığı fəaliyyətlərdir.

Böyük mütəfəkkir və yazıçı Məhəmməd Qutb deyir ki, BMT-nin Misirdəki nümayəndələrindən biri ilə İslamın proqramları haqqında bir neçə saat danışdım. Nəhayət, həmin qərbli ziyalı dedi: "Bəzən görürəm ki, İslam haqqında həqiqətləri deyirsiniz, amma nə edə bilərəm ki, müasir sivilizasiyanın faydalarından məhrum qala bilmirəm. Çünki mən göyləri dələn təyyarələrlə səyahət etməyə çox öyrəşmişəm..."

İslam və qərb sivilizasiyası. 📚

https://t.me/ashegee313

Repost qilingan:

19.04.202511:14

Ərbəin ziyarəti ilə bağlı bir xatırlatma.

Dostlar, keçən ilki Ərbəindən sonra bir məqalə yazıb zəvvarbaşıları və turları tənqid etmişdik. Səbəb isə hamının vəhdət göstərib İmam Hüseyn (ə) pərçəminin altında cəm olduğu halda, Azərbaycandan olan zəvvarlar öz bayraqlarını dalğalandırmaqla digər ölkələrdən olan zəvvarların narahatlığına səbəb olmuşdular. Bu haqqda Azərbaycandan olan qeyrətli ruhanilərdə bu işi təşkil edən zəvvarbaşılara öz etirazını bildirmişdi. Bundan əlavə, turlar daxilində Dtx casusları haqqda da məqaləmizdə yazmışdıq.

Buna görə də seçdiyiniz və getdiyiniz turlara, turların zəvvarbaşılarına diqqət edin. Hal-hazırda Ərbəinə qeydiyyat başlayıb. Bu əzizlərdən xaiş edirəm ki, bu Ərbəində İmam Hüseyn (ə) pərçəmi altında cəm olaq. İmamın və Əhli-beytin (ə) pərçəmindən savayı digər pərçəmlər yığışdırılsın. Unutmayın ki, siz Azərbaycanda deyil, İraqdasınız. Və İmamın (ə) pərçəmini qaldırmaq sizin haqqınızdır. Bəzi sözbaz və kələkbaz zəvvarların oyununa gedib heçnədən çəkinməyin. Son olaraq da bir qeyd vurum ki, yaddaşlarda sual olaraq qalmasın. Bəzi ölkələrin zəvvarları Əhli-beyt (ə) pərçəmi ilə yanaşı müqavimət təşkilatlarının pərçəmini də qaldırır ki, bunda da bir müşkül yoxdur.

Telman Cəfəri

https://t.me/fadayaneislam

18.04.202512:05

İnsan ləyaqəti və azadlıq anlayışı

Bu fikir ki, insanın ləyaqəti onun azadlığıdır və bu azadlığı məhdudlaşdıran hər şey rədd edilməli və qınanmalıdır, Qərbdə ortaya atılmış və bəzi ölkələrdə heç bir dərin araşdırma aparılmadan qəbul edilmiş bir şüardır. Bu ifadənin arxasında gizlənən məqsədləri və nəticələri təhlil etmək üçün geniş bir müzakirə lazımdır ki, inşallah gələcəkdə bu məsələyə daha ətraflı toxunarıq. Lakin indi qısa şəkildə belə bir sual ortaya çıxır: "İnsanın tamamilə azad olması və heç bir məhdudiyyətə tabe olmaması nə deməkdir?" Məgər bu o deməkdir ki, heç bir məcburi qanun olmamalıdır? Məntiqli heç bir insan bunu qəbul etməz, çünki bu düşüncə, hər kəsin istədiyi hər şeyi etməkdə azad olduğu anlamına gəlir. Bu halda, hər kəs qətl törətməkdə, insanların namusuna hücum etməkdə və cəmiyyətdə təhlükəsizlik pozuntuları yaratmaqda azad sayılmalıdır. Aydındır ki, bu yanaşmanın ilk mənfi təsiri onun tərəfdarlarına dəyəcəkdir. Belə bir "azadlıq" anlayışı ilə cəmiyyətdə yaşamaq ümumiyyətlə mümkün olarmı?

Aydın olduğu kimi, azadlıq məhdud və şərtlidir. Bu halda belə bir sual yaranır: azadlığın sərhədlərini kim müəyyən etməlidir və bu sərhədlər harada başlayıb harada bitməlidir? Əgər hər bir fərd özü azadlığın sərhədlərini müəyyən edəcək olarsa, nəticədə hər kəs istədiyini edəcək və bunun nəticəsində cəmiyyət tamamilə nizamsızlığa sürüklənəcəkdir. Beləliklə, azadlıq anlayışını tənzimləyən qanuni bir mənbə mövcud olmalıdır. Əgər bir şəxs qəbul edirsə ki, Allah var və O, insanların mənfəət və zərərlərini onlardan daha yaxşı bilir, eyni zamanda Allahın insan həyatında heç bir şəxsi marağı olmadığı üçün yalnız bəndələrinin rifahını istədiyini başa düşürsə, onda azadlığın sərhədlərini müəyyən etmək üçün Allahdan daha uyğun bir şəxs varmı? İslam düşüncə sistemində heç bir uyğunsuzluq yoxdur, çünki müsəlmanlar Allahın insanların rifahını ən yaxşı bilən varlıq olduğuna və onların xoşbəxtliyi üçün ən doğru sərhədləri müəyyən etdiyinə inanırlar. Əgər Allahın varlığına inanmasaq və ya inansaq, lakin azadlığın sərhədlərini müəyyən edən mənbə kimi onu qəbul etməsək və bu işi xalqa həvalə etsək, o zaman minlərlə problemlə üzləşərik. Çünki insanlar heç zaman bir məsələ üzərində tam fikir birliyinə gəlməyəcəklər. Əgər çoxluq azadlığın sərhədlərini müəyyən edərsə, azlıq buna qarşı çıxacaq və öz hüquqlarını necə təmin edəcək? Bu səbəbdən, azadlıq gözəl və cəlbedici bir ifadə olsa da, tamamilə mütləq və məhdudiyyətsiz deyil və heç kim həqiqi mənada məhdudiyyətsiz azadlığı qəbul etmir.

İslamda siyasət düşüncəsi.📚

https://t.me/ashegee313

17.04.202510:56

Hökumət və insanın Allahın xəlifəsi olması arasındakı uyğunsuzluq şübhəsi.

Başqa bir şübhə belə irəli sürülür: Qurana əsasən insan Allahın xəlifəsidir, yəni yer üzündə Allahın nümayəndəsi və Onun iradəsini icra edən bir varlıqdır. Allah kainatı yaratdığı kimi, insan da yaratmalıdır; Allah kainatı istədiyi kimi idarə etdiyi kimi, insan da yer üzünü istədiyi kimi idarə etməlidir. Şübhəyə cavab vermək üçün Allahın xəlifəsi olmaq anlayışının düzgün dərk edilməsinə ehtiyac var. Quranda "Allahın xəlifəsi" ifadəsi Hz. Adəmlə bağlı verilmişdir, lakin bu, bütün insanlara aid deyil. Çünki Quran bəzi insanların şeytan olduğunu bildirir və buyurur:

"Biz hər peyğəmbər üçün, insanlar və cinlərdən olan şeytanları düşmən etdik." (Ənam, 112)

Açıq-aşkar görünür ki, insan şeytanları Allahın xəlifəsi hesab edilə bilməz və mələklər də onların qarşısında səcdə etməyə məcbur deyildilər. Allah Quranda buyurur:

"Sənin Rəbbin mələklərə dedi: Mən palçıqdan bir insan yaradacağam. Ona ruhumdan üfürdükdə, hamınız ona səcdə edin!" (Sad, 71-72)

Allahın xəlifəsi olmaq üçün müəyyən şərtlər lazımdır:

1. İlahi elmlərə sahib olmaq - "Allah Adəmə bütün isimləri öyrətdi..." (Bəqərə, 31)
2. Yer üzündə ədaləti bərqərar etmək qabiliyyətinə malik olmaq.

Ona görə də, zülm edən, insanları qətl edən və heç bir ədalətə malik olmayan bir insan Allahın xəlifəsi ola bilməz. Axı Allah zülm etmir ki, Onun xəlifəsi də zülmkar olsun! Allahın xəlifəsi olan insan, həm fərdi, həm də ictimai həyatında Allahın sifətlərini əks etdirməlidir. Yalnız iki ayağı üzərində yerimək Allahın xəlifəsi olmaq üçün kifayət deyil. Bu səbəbdən, insanları doğru yoldan azdırmağa çalışanlar və İslam hakimiyyətini devirmək istəyənlər təkcə üstün məxluq deyillər, hətta Quranın “insan şeytanları” adlandırdığı varlıqlar sırasına daxildirlər. Allah onlar haqqında buyurur:

"Allah dərgahında ən pis varlıqlar eşitməyən, danışmayan və düşünməyənlərdir." (Ənfal, 22)

"Xatırla ki, Rəbbin mələklərə dedi: ‘Mən yer üzündə bir xəlifə yaradacağam.’ Mələklər dedilər: ‘Orada fəsad törədən, qan tökən birini mi yaradacaqsan? Halbuki biz Səni həmd-səna ilə təsbih edirik və Səni müqəddəs tuturuq.’ Allah buyurdu: ‘Mən sizin bilmədiklərinizi bilirəm.’" (Bəqərə, 30)

İslamda siyasət düşüncəsi.📚

https://t.me/ashegee313

16.04.202512:05

İkinci cavab: Azadlığın mütləq və məhdudiyyətsiz olmaması

Əgər biz bu şübhəni qəbul etsək və desək ki, insan sərbəstdir və ona məcburi qanun tətbiq edilməməlidir, heç bir hökumət insanlara məcburi göstərişlər verə bilməz, çünki onlar azaddır və istədikləri kimi hərəkət etmək hüququna malikdirlər, o zaman cəmiyyət anarxiyaya və xaosa sürüklənər. Əsasən, məcburiyyət qanunun təməlidir və hər hansı bir qayda yalnız məcburi olduqda qanun hesab edilə bilər.

Hər bir sistem və quruluşda, bir şəxs qaydaları və təlimatları qəbul etdikdə, istənilən şəraitdə onlara riayət etməlidir. Qanunu qəbul etmək, lakin onun tətbiq edilməsi şəxsi maraqlarına zidd olduqda onu görməzdən gəlmək mümkün deyil. Əks halda, sistem dağılacaq və heç bir hüquqi və sosial nizam davam edə bilməz.

Bir qanun rəsmi və qanuni orqanlar tərəfindən qəbul edildiyi müddətdə, hamı ona tabe olmalıdır. Əgər bir qüsur varsa, onu düzəltmək səlahiyyətli qurumların vəzifəsidir, lakin başqaları bu qüsuru bəhanə edərək qanuna riayət etməməzlik edə bilməz.

İslamda siyasət düşüncəsi. 📚

https://t.me/ashegee313

Barcha postlar

Hech narsa topilmadi 😢

Rekordlar

13.02.202523:59

1.7KObunachilar

31.08.202423:59

5100Iqtiboslar indeksi

01.01.202523:59

547Bitta post qamrovi

01.01.202523:59

547Reklama posti qamrovi

05.03.202521:45

50.00%ER

01.01.202523:59

33.09%ERR

Rivojlanish

Obunachilar

Iqtibos indeksi

1 ta post qamrovi

Reklama posti qamrovi

ERR

Mütaliələrdən Qeydlər.📚 mashhur postlari

Barcha postlar

Repost qilingan:

28.03.202510:34

Beynəlxalq Qüds günü. 🇵🇸

Telman Cəfəri 🎙

https://t.me/fadayaneislam

Repost qilingan:

08.04.202522:47

Dostlar, bir şeyi vurğulamaq yerinə düşər. Təqribən 2015-ci ildə Seyyid Əli Xamenei bir çıxışında qeyd etdi ki, İsrail önümüzdəki 25-ili görməyəcək. Bu bizim qəlbimizi bir qədər sərinləndirir. Amma çıxarış ediləsi bir nöqtə var. Çox mühüm nöqtədir. Dua edin ki, bəzi insanların məsuliyyətsizliyi ucbatından bu proses ləngiməsin. Çün Allah bizdən əhd almayıb ki, biz gözləyək, oturaq, baxaq ki, İsrailin dağılmasına neçə il qalıb. Hərəkət etməsək, bu ünsürlərin əleyhinə mübarizəyə qaxlamasaq əmin olun bu proses ləngiyəcək. İmamın (ə.f) zühuruda bunun kimidir. Allah-təala bizdən bu ləyaqəti görməsə İmamın (ə.f) zühurunu gecləşdirəcək. Çün tarix boyu ləyaqətsiz insanların ucbatından Allahın yer üzündəki höccətləri şəhid edildi. Biz boş otura bilmərik. Məxsusən belə bir zamanda.

Telman Cəfəri.

https://t.me/fadayaneislam

28.03.202505:44

"İsrail" Qəzza zolağında müharibəni bərpa edib, ABŞ isə fələstinlilərə dəstək verən Yəməni bombalayır, müqavimət qüvvələri bu dəfə də möhkəm dayanacaqmı? 👇
— Suriya, Fələstin,Yəmən və Livandan xəbərlər
— 24/7 ən son xəbərlər
— Dürüst analiz və təhlil
— Eksklüziv reportajlar
— Ən yaxşı Dini kanallar
— Ən Yaxşı Dini Filmlər
@ya_beqiyyetellah

Repost qilingan:

19.04.202511:14

Repost qilingan:

15.04.202515:32

Dostlar, bir şeyi nəzərinizə çatdırım ki, İran və Ermənistan arasında keçirilən təlimlərin kod adı "Həzrət Zəhra (s.ə)" deyil "sülh təlimləri" olub. Həzrətin (s.ə) adı isə şüar olaraq təlimlər də istifadə olunur. Nəin ki, Ermənistan ilə hətta Azərbaycan ilə təlimlər zamanı da bu şüardan istifadə olunub. Ümumən bu şüarlar dövlət səviyyəsində bir çox işlərdə də istifadə edilir. Görün, Azərbaycan hakimiyyəti və mediası sizin dini hisslərinizlə necə oyun oynayır. Bu hakimiyyətin toruna düşməyin. Medialarını izləməyin. Bunun yerinə xalq mediasına gecə-gündüz və doğru-dürüst çalışan dini kanallara üstünlük verin.

https://t.me/fadayaneislam

Repost qilingan:

Kirishning iloji bo'lmadi
media kontentga

02.04.202513:43

Baxın kefiniz açılsın.😁

https://t.me/fadayaneislam

09.04.202506:49

— Ən yaxşı Dini (𝐇ə𝐝𝐢𝐬 𝐯ə 𝐐𝐮𝐫𝐚𝐧) kanallar
— Ən Yaxşı Dini Filmlər
— 24/7 ən son xəbərlər 🌍
— Dürüst analiz və təhlil
— Eksklüziv reportajlar
— Faydalı və Psixaloji məlumatlar

@ya_beqiyyetellah

08.04.202505:53

𝐒𝐢𝐳𝐢𝐧 üçü𝐧 𝐦ö𝐡𝐭əşə𝐦 𝐦𝐚𝐚𝐫𝐢𝐟𝐥ə𝐧𝐝𝐢𝐫𝐢𝐜𝐢 𝐤𝐚𝐧𝐚𝐥𝐥𝐚𝐫 𝐛𝐢𝐫 𝐚𝐫𝐚𝐝𝐚
— Ən yaxşı Dini (𝐇ə𝐝𝐢𝐬 𝐯ə 𝐐𝐮𝐫𝐚𝐧) kanallar
— Ən Yaxşı Dini Filmlər
— 24/7 ən son xəbərlər 🌍
— Dürüst analiz və təhlil
— Eksklüziv reportajlar
— Faydalı və Psixaloji məlumatlar

@ya_beqiyyetellah

Repost qilingan:

01.04.202519:54

Dostlar, zühur məsələsində Azərbaycana çox diqqətli olmalıyıq. Azərbaycanın zühurda ki, mövqeyi haqqında öz fikrimi bildirəcəm. Bu nəticəyə gəlmişəm ki, zühurdan öncə Azərbaycandan bir fitnə baş qaldıracaq. Eyni zamanda bir qiyamda baş tutacaq.

Əvvəlcə fitnə haqqında yazıb, daha sonra qiyama keçmək istəyirəm. Bu fitnə əvvəlcə Azərbaycandan başlayır (nəzərimcə Kiçik Qafqazdan) daha sonra İranın sərhəddlərinəcən çatır. Hətta İrana mümkün hücumuda istisna etmirəm. Yəni fitnənin kökü Azərbaycandan qalxır və ətraf regionu bürüyür. Mən buna ən ideal variant kimi Zəngəzur fitnəsini görürəm. Rəvayətlərdə də var ki, İmamlar (ə) şiələri Azərbaycandan qalxacaq olan bu oddan (fitnədən) qəti şəkildə çəkindirir ki, bu fitnə düşmən planıdır və kökündə şiəliklə (İslamla) mübarizə dayanır. Zəngəzurun arxa planında duran istək, Şiələrə və İslama sarsılmaz zərbə vurmaqdır. Layihənin sahibi isə İslam düşmənləridir. Həmçinin Zəngəzur müharibəsində də İrana həmlə nəzərdə tutulur. Bu, Zəngəzur planının ikinci hissəsidir. Bu iki şey Zəngəzur məsələsini, rəvayətdə keçən bu fitnəyə daha yaxın edir. Onuda qeyd edim ki, rəvayətlərdə keçən Azərbaycan sözünü məntəqə olaraq İrəvandan tutmuş, İranın Azərbaycan ərazilərinəcən şamil edirəm və fikrimi bu məntəqə üzərində yürüdürəm. Xülasələşdirsəm, Qafqazın Azərbaycan hissəsi zühurdan öncə qarışır və fitnə ətrafı bürüyür.

İkinci məsələ isə Şiələrin xeyrinə sona çatan qiyam məsələsidir. Nəzərimcə bu qiyam, ölkəsinin 85-% şiə olub amma məzlum olan Azərbaycan xalqı üçün nəzərdə tutulub. Yəni xalqın səbr kasası daşır və hökumətin əleyhinə qiyam edərək qüdrətə çatırlar. Bununlada, Xorasaniyə kömək edərək İmam Zamana (ə.f) yetişirlər. Əli Kurani (r.ə) maraqlı bir şeyə işarə edərək buyurur ki, "Xorasanidə onlara kömək edir". Yəni qiyamda Xorasani tərəfindən xalqa kömək olunur. Xalqa kömək olunması üçün ortada bir vasitənin olmasını nəzərə alsaq gözə ilk olaraq Hüseyniyyun Azərbaycan Müqaviməti çarpır ki, xalqda sonda bu müqavimətə qoşulur və hamılıqla İmam Zamana (ə.f) yetişirlər.

Telman Cəfəri.

https://t.me/fadayaneislam

Repost qilingan:

14.04.202514:40

İran və Abş arasında olan birinci müzakirədən sonra ölkədə (İranda) sürətlə dolların ucuzlaşması müşahidə edilir. Bu əslində taktiki bir manevrdir. Amerika, İranın qara-qaşına, qara-gözünə aşiq olmayıb. Sadəcə insanlarda bu təəssüratı yaratmaq istəyirlər ki, əgər biz Amerika ilə danışıqlar masasına otursaq ölkənin bütün problemləri həll olar.

İran bildiyiniz kimi İslam İnqilabından əvvəl Amerikanın regionda ki, vuran əli idi. Amerikalıların, İrana hakim kəsildiyi vaxta nəzər etsək görərik ki, heç bir zaman icazə verməyiblər ki, İran qüdrətli olsun. Hətta İran iqtisadiyyatı başqalarından asılı olmalı idi ki, iqtisadi cəhətdən də geri qalsınlar. Ölkənin demək olar bütün strukturlarına hakim idilər. İranı özlərinə nökər görürdülər. İndi yaxın tarixdən nəticə çıxarmayan bir iddə xain yenidən, Amerika ilə danışıqlara oturur. Amerikanın dünya hegemonluğu iddiası var. İstəyirlər ki, dünyada bunlar hökmranlıq etsinlər. Və heç bir zaman istəməz ki, başqa ölkələr qüdrətə çatıb, bunlarla yarışa girsinlər. Amerika sadəcə bu danışıqlar ilə vaxt qazanır və növbə bir gün İrana da çatacaq. Bir daha təkrar edirəm. Bunlar, İranın heç nəyinə aşiq deyillər. Əksinə, İranı özlərinə ən böyük maneə görürlər. Və atdıqları addım bu maneəni aradan qaldırmağa hesablanır.

Telman Cəfəri.

https://t.me/fadayaneislam

Repost qilingan:

05.04.202518:41

Baxın, biz bir iddə ruhanini bilirik ki, haqqsızlığa və zülmə müxtəlif səbəblərdən səslərini çıxartmırlar. Əlbətdə bu ruhanilərə kimliyindən asılı olmayaraq haqq qazandırmıram. Bu dəfə bu ruhanilərin, bu xalqa vurduğu ikinci başqa zərbədən danışmaq istəyirəm.

Biz Azərbaycanda saraya xidmət edən ruhaniləri qınayırıq, onları tənqid edirik. Amma, onlarda olan bir neçə xüsusiyyətləri görmürük. Məsələn, batil olub zalıma xidmət etsələr belə öz yollarında möhkəm irəliləyirlər. Baxın bunların ölkədə yüzminlərlə izləyici və dinləyici kütləsi var. Minbərləri və tribunaları var. Təbliğ sahəsində məxsusən mediada fövqəladə fəaldırlar. Dərs verirlər, tələbə yetişdirirlər. Bəs bizim ümid yerimiz olan, illərdir dərs oxuyan, əmmamə alanlarımız nə edir?! Niyə bunların xəttini vurmurlar yaxud niyə və nə üçün çıxıb bunlara rədiyyə vermirlər.?! Bunlarla elmi bəhslər aparmırlar.?! Xalqı bu azğın saray cərəyanından çəkindirmirlər.?! Əmin olun ki, bunlar bu işi görsəydilər bu gün arsızcasına minbərlərdə milli-müzəffər üçün dua edən, sekulyar islamı yayıb, xalqa təhrif olunmuş İslamı çatdıranlar bu cürəti edə bilməzdi. Xalq əgər həqiqi İslamla tanış olsa və könül bağlasaydı (bu tanışlıq və İslama dərin məhəbbət) onları zülmün əleyhdarına çevirərdi. Bu ruhanilər, Azərbaycan üçün dinin hər bir sahəsinin minimum səviyyədə olması ilə kifayətləniblər. Nə xalqı illərdir bir zülmdən qurtara biliblər, nə də gündəlik çıxıb danışdıqları əxlaqi mövzularla xalqı bir yerə çatdıra biliblər. Deyiblər ki, zalimə qəlbində nifrətin oldu bəsdir. Niyə 85 %-i Şiə olan bir müsəlman xalq üçün deməyiblər ki, zalıma qarşı əlinizlə, dilinizlə mübarizə edin. Niyə bu xalqa zalımla mübarizə və şəhidlik ruhunu aşılamayıblar.? Bunun əvəzində saray əhli xalqı bunlardan oğurlayıb və öz istədikləri "İslamı" təlqin ediblər. Bir tərəfdən bu ruhanilərin səssizliyi və digər tərəfdən saray əhlinin təbliğatı Azərbaycan Şiə camiyəsini qorxaq və zülmə susan bir camiyəyə çevirib. Əksəriyyətin Şiələr çoxluq etdiyi bir ölkənin hakimiyyəti bizdən qorxmaqdansa, əksinə, üstümüzə gəlib namusumuza, dini dəyərlərimizə və qeyrətimizə söz atıblar, toxunublar. Bunların əl-qolunun bu cür genişlənməsində tək saray cərəyanının deyil, elə içimizdən olan qorxaqlarında rolu az olmayıb.

Telman Cəfəri.

https://t.me/fadayaneislam

11.04.202506:43

🎙️Dostlar, sizi həmkarlarımızın kanallarına abunə olmağa dəvət edirik.

🌍 Adminlər yeraltı deyil, 𝐘𝐚𝐱𝛊𝐧 𝐒̧ə𝐫𝐪- 𝐅ə𝐥ə𝐬𝐭𝐢𝐧, 𝐒𝐮𝐫𝐢𝐲𝐚 ilə bağlı lazım olan son 𝐗Ə𝐁Ə𝐑𝐋Ə𝐑𝐢, dini və elmi məlumatları öz kanallarında tez-tez yerləşdirirlər.

@ya_beqiyyetellah

24.04.202507:13

Repost qilingan:

21.04.202520:57

Repost qilingan: