Каманда Латушкі і Рух «За Свабоду»

Аб'яднанне кандыдатаў для ўдзелу ў выбарах у Каардынацыйную раду.
НЕЗАЛЕЖНАСЦЬ! АДКАЗНАСЦЬ! СВАБОДА!

TGlist reytingi

TuriOmmaviy

Tekshirish

Tekshirilmagan

Ishonchnoma

Shubhali

JoylashuvБілорусь

TilBoshqa

Kanal yaratilgan sanaКвіт 24, 2024

TGlist-ga qo'shildi

Трав 27, 2024

Men kanal egasiman

O'zgartirishlar tarixi

Muxrlangan guruh

КЛ

Чат «Каманда Латушкі і Рух "За Свабоду"»

Telegram kanali Каманда Латушкі і Рух «За Свабоду» statistikasi

Batafsil

Obunachilar

295

24 soat00%Hafta00%Oy00%

Iqtiboslar indeksi

0

Eslatmalar0Kanallardagi repostlar0Kanallardagi eslatmalar0

Bitta postning o'rtacha qamrovi

95

12 soat00%24 soat950%48 soat00%

Ishtirok (ER)

22.11%

Repostlar1Izohlar0Reaksiyalar20

Qamrov bo'yicha ishtirok (ERR)

0%

24 soat0%Hafta0%Oy0%

Bitta reklama postining qamrovi

0

1 soat00%1 – 4 soat00%4 - 24 soat00%

Batafsil

Botimizni kanalingizga ulang va ushbu kanal auditoriyasining jinsini bilib oling.

24 soat ichidagi barcha postlar

0

Dinamika

"Каманда Латушкі і Рух «За Свабоду»" guruhidagi so'nggi postlar

Barcha postlar

Repost qilingan:

Аб’яднаны Пераходны Кабінет Беларусі

06.02.202511:27

Падтрымка беларускіх артыстаў тэатра ў Польшчы

Падтрымка беларускіх артыстаў тэатра ў эміграцыі і рэалізацыя праектаў «Вольных Купалаўцаў» былі абмеркаваныя падчас сустрэчы намесніка кіраўніцы, прадстаўніка па транзіце ўлады Кабінета Паўла Латушкі з Юстынай Чарнотай-Мішталь, новай дырэктаркай Тэатральнага інстытута ім. Збігнева Рашэўскага. На сустрэчы таксама прысутнічалі дырэктарка Музея Вольнай Беларусі, чаліня Каардынацыйнай рады Наталля Задзяркоўская і кіраўнік фундацыі «Вольныя Купалаўцы», чалец Каардынацыйнай рады Алег Гарбуз.

Тэатральны інстытут ім. Збігнева Рашэўскага – нацыянальная ўстанова Польшчы, якая займаецца падтрымкай дзейнасці тэатральных калектываў і артыстаў у краіне.

Падчас сустрэчы былі абмеркаваныя пытанні, звязаныя з:

- арганізацыяй рэзідэнцыі для беларускіх артыстаў тэатра;
- фінансавай падтрымкай новых пастановак беларускіх артыстаў тэатра;
- магчымымі стажыроўкамі і адукацыйнымі праграмамі для тэатральных калектываў.

Павел Латушка як былы гендырэктар Нацыянальнага акадэмічнага тэатра імя Янкі Купалы разам з кіраўніком фундацыі «Вольныя Купалаўцы» Алегам Гарбузам распавялі аб дзейнасці калектыву, а таксама аб падрыхтоўцы да правядзення з 26 па 30 сакавіка Тыдня Тэатра з «Вольнымі Купалаўцамі» ў Варшаве.

Прадстаўніцтва па транзіце ўлады Кабінета будзе аказваць падтрымку дзейнасці Прадстаўніцтва па нацыянальным адраджэнні Кабінета ў кірунках, звязаных са спрыяннем развіццю беларускай культуры.

@CabinetBelarus

Kirishning iloji bo'lmadi
media kontentga

27.01.202504:40

Kirishning iloji bo'lmadi
media kontentga

27.01.202504:40

Слуханні па злачынствах і адказнасці Лукашэнкі

Сёння Каардынацыйная рада па ініцыятыве фракцыі «Каманда Латушкі і рух “За Свабоду”» правядзе парламенцкія слуханні, на якіх будуць прадстаўлены аналіз і кваліфікацыя злачынстваў Лукашэнкі.

Галоўная мэта слуханняў — зафіксаваць, што Лукашэнка з’яўляецца злачынцам, не можа прадстаўляць беларускі народ, нелегітымны і не мае права праводзіць так званыя «выбары» ў Беларусі.

Падчас слуханняў будзе выказаны заклік да міжнароднай супольнасці:

– Не прызнаваць «выбары», арганізаваныя рэжымам Лукашэнкі.

– Выкарыстоўваць міжнароднае правасуддзе для расследавання яго злачынстваў, уключаючы зварот у Міжнародны крымінальны суд (МКС).

– Падтрымаць ініцыятыву Літвы і накіраваць зварот у МКС для расследавання злачынстваў Лукашэнкі і прадстаўнікоў яго рэжыму.

– Узмацніць ціск на рэжым і прадухіліць абыход існуючых абмежаванняў.

Парламенцкія слуханні пройдуць з удзелам усіх фракцый Каардынацыйнай рады, якія прадставяць свае даклады падчас дыскусій. Сярод ключавых дакладчаў — дэлегат КР і юрыст НАУ Міхаіл Кірылюк і былы супрацоўнік Генпракуратуры, юрыст Аляксандр Ракіцкі. Намеснік кіраўніцы Аб’яднанага Пераходнага Кабінета, чалец Каардынацыйнай рады Павел Латушка выступіць на тэму «Міжнародныя механізмы прыцягнення Лукашэнкі да адказнасці».

У слуханнях таксама прымуць удзел дэпутаты парламенцкай групы Польшчы «За дэмакратычную Беларусь», прадстаўнікі арганізацый грамадзянскай супольнасці, палітычных партый і моладзевых арганізацый.

Слуханні пройдуць у прамым эфіры. Пачатак: 14:00 (па беларускім часе). Глядзіце па СПАСЫЛЦЫ

27.01.202504:40

Рэжым Лукашэнкі актыўна атакуе дэмсілы перад «бязвыбарамі»

Спікерка Каардынацыйнай Рады Анжаліка Мельнікава ў эфіры «Еўрарадыё» распавяла пра дасягненні КР, а таксама пра спробы ціску з боку сілавікоў Лукашэнкі:

Адно з найвялікшых апошніх дасягненняў — дэлегацыя Каардынацыйнай Рады ўпершыню ў гісторыі будзе прадстаўлена ў Парламенцкай асамблеі Савета Еўропы. Прадстаўнікі рэжыму Лукашэнкі дзесяцігоддзямі спрабавалі трапіць туды, але ім там няма месца. Прадстаўляць Беларусь і працаваць на сесіях будуць шэсць прадстаўнікоў КР. Гэта азначае адкрытасць да дыялогу з дэмакратычнымі сіламі, а не з прызначэнцамі Лукашэнкі.

Што гэта азначае для беларусаў?

Беларускія галасы будуць пачутыя на самым высокім узроўні. ПАРЕ — адзін з самых значных міжнародных органаў, які прадстаўляе каштоўнасці дэмакратыі, правоў чалавека, вяршэнства права. Беларусь нават не з’яўляецца дзяржавай-чальцом Рады Еўропы, таму гэта вельмі незвычайна, і паказвае прызнанне беларускага дэмакратычнага прота-парламента міжнароднай супольнасцю.

Рэжым ладзіць спецаперацыі супраць Каардынацыйнай Рады

Спецслужбы Лукашэнкі цяпер актыўна спрабуюць унесці разлад у працу дэмакратычных сіл Беларусі акурат перад так званымі «выбарамі». Узломы, стварэнне штучных канфліктаў праз абразы і маніпуляцыі ў сацыяльных сетках, а таксама распаўсюджванне негатыўнай інфармацыі ў бок прадстаўнікоў дэмакратычнай супольнасці — усё гэта спробы рэжыму Лукашэнкі паўплываць на стаўленне беларусаў да альтэрнатывы злачыннай улады ў краіне.

Kirishning iloji bo'lmadi
media kontentga

27.01.202504:40

Рэвалюцыянеры часоў паўстання Каліноўскага задавалі трэнды моды

Чаліня фракцыі «Каманда Латушкі і Рух "За Свабоду"» Кацярына Ваданосава распавяла ў сваім праекце «Нітка Зорка» пра прадмет адзення, які быў асабліва папулярны ў герояў барацьбы за Беларусь:

Яе насілі мужчыны і жанчыны часоў паўстання, яна была папулярная сярод прагрэсіўных беларусаў, а таксама ваяроў за незалежнасць — усё гэта пра гарыбальдыйку. Прыйшла яна ад італьянскага рэвалюцыянера Джузэпэ Гарыбальдзі. Ягоная чырвоная кашуля стала моднай і на нашай зямлі падчас паўстання Кастуся Каліноўскага.

Але гарыбальдыйка — гэта не толькі пра вайну. Беларусы, апранутыя ў такую кашулю, таксама змагаліся за правы жанчын на адукацыю, за дэмакратычныя каштоўнасці. Жанчыны-курсісткі, арыстакраткі і грамадскія дзяячкі палюбілі гэты зручны і модны прадмет адзення. Каляровая кашуля ўраўноўвала жанчын у правах з мужчынамі, што было смелым для 19-га стагоддзя.

А як выглядае гарыбальдыйка — глядзіце ў відэа.

Repost qilingan:

Павел Латушка

Kirishning iloji bo'lmadi
media kontentga

26.01.202508:35

Repost qilingan:

Аб’яднаны Пераходны Кабінет Беларусі

25.01.202518:38

Repost qilingan:

Каардынацыйная рада

23.01.202519:41

Repost qilingan:

Павел Латушка

21.01.202514:00

26 студзеня збіраемся разам!

Пакуль у Беларусі будуць праходзіць «выбары» — палітычны фарс, вынік якога загадзя вядомы, у Варшаве сустрэнуцца вольныя беларусы і беларускі.

Гэта магчымасць нагадаць сабе і адно аднаму, што нас шмат, што мы працягваем змагацца супраць рэпрэсій і беззаконня, умеем падтрымліваць і натхняць. І што беларусы #ГодныяЛепшага

Расклад на 26 студзеня (Варшава):

– Маштабны марш беларусаў і беларусак «Не мой выбар»

Маршрут: Plac Trzech Krzyży – Pomnik Kopernika – Plac Zamkowy

12:00 — сустракаемся на Plac Trzech Krzyży (выступы спікераў)
12:15 — старт марша з Plac Trzech Krzyży
12:35 — прамежкавая кропка: Pomnik Kopernika (выступы спікераў)
13:15 — прыходзім у канчатковую кропку: Plac Zamkowy
13:15-13:45 — выступы спікераў і музыкантаў на Plac Zamkowy

– Форум «Беларусы годныя лепшага»

Гэта пляцоўка, дзе лідары думак з розных сфер падзеляцца сваімі думкамі пра будучыню Беларусі. Выступы спікераў у стылі TED дапоўняць музычныя нумары ад артыстаў. Вы зможаце пачуць Святлану Ціханоўскую, Паўла Латушку, Анжаліку Мельнікаву, Сцяпана Пуцілу, Алану Гебрэмарыям, Розу Турарбекаву і іншых.

Дата: 26 студзеня, 14:00
Рэгістрацыя для гледачоў у Варшаве
Трансляцыя форуму будзе даступная па ўсім свеце

Далучайцеся! Будзем разам у гэты дзень!

Увага! Мы клапоцімся пра вашую бяспеку. Імпрэзы 26 студзеня будуць публічнымі, і на іх будзе весціся здымка. Рэкамендуем выконваць меры засцярогі: выкарыстоўвайце маскі, шалікі і іншыя сродкі, каб засцерагчы сябе.

Сацыяльныя сеткі мерапрыемства:
Instagram
Facebook
YouTube

07.01.202517:00

У Лукашэнкі дагэтуль ёсць велізарны страх

Лідар руху «За Свабоду» і чалец фракцыі «Каманда Латушкі і Рух "За Свабоду"» Юрась Губарэвіч распавёў выданню FREEДОМ пра страхі Лукашэнкі і спробы пачаць дыялог з ЕС праз пытанне палітвязняў:

«Нават мінімальная наяўнасць канкурэнцыі, не кажучы ўжо пра адкрытых апанентаў, робіць "выбарчую кампанію" ў Беларусі непрадказальнай. Лукашэнка добра памятае вынікі 2020 года, калі грамадства адмовіла яму ў падтрымцы. Таму любая крытыка ў яго адрас знаходзіць водгук у грамадстве. Але за любую такую крытыку ідзе жорсткае пакаранне, бо ў дыктатара дагэтуль ёсць велізарны страх».

Лукашэнка хоча размаўляць з Еўропай

«Ён спрабуе прамацаць магчымасць дыялогу з Захадам, для якога праблема палітвязняў у Беларусі застаецца надзвычай балючай. Аднак сітуацыя ў краіне не змякчаецца. Падчас вызваленняў рэжым затрымлівае і працягвае саджаць беларусаў па палітычных матывах. Колькасць рэпрэсій перавышае колькасць вызваленняў. Рэпрэсіі ўсё роўна не спыняюцца, каб падтрымліваць атмасферу страху».

Пасля вызвалення ціск нікуды не знікае

«Мы не ведаем усіх імёнаў палітвязняў, і гэта таксама элемент страху. Родныя і самі былыя палітвязні часта не паведамляюць пра сваё вызваленне. Большасць з іх выходзіць на волю пад ціскам, падпісваючы прашэнне аб памілаванні. Многія хочуць забыць гэты кашмар, але іх праблемы не заканчваюцца нават пасля вызвалення. Пераслед і прававы ціск на тых, хто выйшаў з калоніі, застаюцца звычайнай практыкай. Людзі па-ранейшаму знаходзяцца ў стане беспраўя і страху».

Repost qilingan:

Павел Латушка

31.12.202415:06

Цуды…

Здаецца, што цуда — гэта адзінае, на што застаецца спадзявацца. Але хіба гэта праўда? Дый што такое — цуда? Думаю, што класічны адказ прагучаў бы прыкладна так:

Маўляў, цуда — гэта нешта звышнатуральнае, неспасціжнае, боскае. Нешта, што знаходзіцца і адбываецца насуперак усім вядомым законам прыроды і на што мы ніяк не можам уплываць, а толькі спадзявацца і чакаць. Але памятаеце, як спявае Лявон Вольскі? Ты не чакай — чаканне дастала!

https://youtu.be/oDoqxQ7KJ7I

Таму я не чакаю і не веру ў такія цуды, якія нібыта мусяць адбыцца самі сабою, без нашага ўдзелу. Проста трэба яшчэ пацярпець. Проста пакуль не прыйшоў іх час. Проста зоры яшчэ не склаліся. Не. Але ёсць і іншае вызначэнне.

Цуд — гэта тое, што выклікае наша захапленне якасцямі, напрыклад, сілай, прыгажосцю, геніальнасцю людзей побач з намі. Цуда мастацтва. Цуда тэхнікі. Цуда гераізму. Вось у такія цуды я веру. Цуды, якія ствараем мы самі, дзякуючы свайму характару, таленту, майстэрству, крэатыву, інтэлекту, сіле волі, сваім мэтанакіраваным дзеянням.

І такія цуды жывуць у кожным і кожнай з нас. Бо беларусы і беларускі — гэта цудоўныя людзі, гэта цудоўны, таленавіты, моцны, энергічны і адважны народ. Народ, не проста варты лепшага, а гатовы змагацца, дзейнічаць і дасягаць лепшага.

І я веру ў беларускі народ, веру ў нас усіх. Кожнага і кожную. І таму я не чакаю цудаў, бо кожны з нас можа ўбачыць іх проста цяпер. Азірніцеся навокал, паглядзіце на людзей, што знаходзяцца зараз побач з вамі. Нас мільёны. Мільёны цудоўных і вартых лепшага людзей. Людзей, што годна завуцца беларусамі і беларускамі! І гэта наш шлях. Шлях да волі, лепшай долі, лепшай краіны. Шлях наперад.

Так, ён няпросты. Не кароткі. Але мы крочым, бо цуда не здарыцца без нас.

Мы змагаемся, мы не здаемся, мы працягваем барацьбу, мы не губляем надзеі, але гэтая надзея і вера пабудаваная не на ілюзіях, а на сіле нашага духу, нашай волі, нашай працы і нашай моцы.

Нам кажуць — «Вы прайгралі. Вы павінны спыніцца, здацца, стаць на калені. Вы не вартыя лепшага, вы нічога не вартыя. Вы заслугоўваеце толькі чаркі са шкваркай. І тое ў лепшым выпадку. Вы — народзец, вам патрэбная жорсткая рука. Дэмакратыя? Каму — вам? Ваш брэнд — дыктатура і сядзіце там моўчкі. Альбо мы вас пасадзім сілком. Не падымайце галавы, не падвышайце голас і любіце свайго гаспадара. Альбо мы вас зламаем».

Але мы — беларусы. Мы — нязломны народ. І ў нас няма іншага шляху, як стаць народам вольным, народам адзіным аб’яднаным і годным свайго імя.

Нам важна верыць у сябе. І рушыць наперад. У Новы год. У новае жыццё. Да волі. Дадому. Да нашай краіны. Дзе мы не стаім на каленях. А цвёрда і ўпэўнена, расправіўшы плечы, разам ідзем у лепшую будучыню, якой мы вартыя.

З Новым годам, цудоўныя беларусы і беларускі ў Беларусі і ва ўсіх краінах свету!
Жыве Беларусь!

31.12.202411:01

Якім жа быў гэты 2024 год!

Якімі падзеямі запомніўся 2024-ы год? Чым ён быў адметны і што з яго запомніцца надоўга? Чаго варта чакаць у наступным годзе?

Чальцы і чаліні фракцыі «Каманда Латушкі» і Рух «За Свабоду» ў пераднавагоднім відэа падзяліліся сваімі адказамі на гэтыя пытанні. З віншаваннямі выступілі Павел Латушка, Арцём Брухан, Аляксандра Ханевіч, Алесь Міхалевіч, Яна Латушка, Алег Гарбуз, Кацярына Ваданосава, Юрась Губарэвіч, Юлія Гарачая, Алег Кулеша і Ігар Сігоў.

Незабыўныя моманты, важныя ўрокі, шэраг канкрэтных зробленых спраў — гэта тое, што было ў 2024-ым годзе. Гэтым відэа мы хочам падзякаваць вам за падтрымку нашых намаганняў. Мы працягваем нашу працу і не спынімся, пакуль Беларусь не стане свабоднай, еўрапейскай і дэмакратычнай краінай.

Жыве Беларусь!

Repost qilingan:

Павел Латушка

31.10.202419:06

Мы будем бороться за свободу каждого беларуса

Андрей Гнёт на свободе. Я искренне рад за него. Но перед нами задача бороться за каждого незаконно задержанного, арестованного, содержащегося в пыточных в Беларуси.

Я хотел бы поблагодарить европейских партнеров за активную поддержку Андрея Гнёта, маршала Сената Польши, МИД Польши, МИД Германии и всех наших партнеров, которые помогли освободить Андрея.

Kirishning iloji bo'lmadi
media kontentga

28.10.202418:01

Беларусы за мяжой змогуць выказаць пратэст на «бязвыбарах»?

Арцём Брухан у эфіры «6TV Biełaruś» раскрыў некаторыя падрабязнасці наконт планаў дэмакрактычных сілаў падчас правядзення так званых выбараў у Беларусі 26 студзеня:

Распрацоўваюцца альтэрнатыўныя варыянты, згодна з якімі будзе прапанавана магчымасць выказаць свой пратэст супраць рэжыму людзям, адрэзаным ад радзімы, тым, у каго адабралі права голасу, і каго вымусілі пакінуць краіну. Для тых, хто за мяжой, будзе прапанавана дзеянне, якое дазволіць ім прадэманстраваць сваю пазіцыю — што яны супраць Лукашэнкі, супраць рэжыму, за дэмакратыю і супраць вайны.

Гэтая ініцыятыва будзе звязаная з дзеяннямі, якія беларусы могуць рабіць унутры краіны

Магчыма, з'явіцца онлайн-інструмент для тых, хто прынцыпова не жадае ісці галасаваць. Ім таксама будзе прапанавана магчымасць выказаць пратэст іншым чынам, напрыклад праз онлайн-галасаванне.

Кожны беларус можа паўплываць на сітуацыю

Нам часта кажуць, што беларусы не могуць ні на што паўплываць. Могуць! Прагаласаваць супраць усіх — гэта бяспечны спосаб паказаць, што ты не згодны з рэжымам у Беларусі, што старонка не перагорнута, і што 2020 год не быў выпадковасцю.