Allabergenova Yangi maktab binosini ochib berdi
👍 Bugun Yakkasaroy tumanida Prezidentimizning 2023-yil 25-dekabrda qabul qilingan qaroriga binoan, yangi zamonaviy maktab binosi bunyod etildi.
✨ Yakkasaroy tumanidagi 48-sonli umumta’lim maktabining zamonaviy va qulay sharoitlarga ega bo‘lgan yangi binosi foydalanishga topshirildi.
✨ 660 o‘quvchi uchun mo‘ljallangan ushbu maktab inshootning ochilish marosimida O‘zbekiston Prezident Administratsiyadi xodimi Odilbek Sotvoldiyev, tuman hokimi Nilufar Allabergenova, tuman soliq inspeksiyasi boshlig‘i J.Ergashov, hokim o‘rinbosarlari, “mahalla yettiligi” va nuroniylar, o‘quvchilar, ustozlar hamda ota-onalar ishtirok etdilar.
✨ Ma’lumki, 48-sonli maktabimiz 1976 yilda qurilgan bo‘lib, unda minglab o‘quvchilar ta’lim oldi, yuzlab fidoyi ustozlar mehnat qildi. Vaqt o‘tishi bilan maktabimizga talab tobora oshib bordi va bugungi kunda 1169 nafar o‘quvchi ta’lim olmoqda.
👏 Tadbirni tuman hokimi hokimi N.Allabergenova tabrik so‘zi bilan ochib berdi. Ta’kidlanganidek, yangi maktab nafaqat zamonaviy sinfxonalarga, balki ilg‘or texnologiyalar bilan jihozlangan, shinam va qulay ta’lim muhitiga ham ega. Bu inshoot yoshlarimizga sifatli ta’lim olish, ijodiy va ilmiy izlanishlar olib borish, kelajakda jamiyatimizning yetuk mutaxassislari bo‘lib yetishishlari uchun beqiyos imkoniyatlar yaratadi.
🌟 Ushbu maktab nafaqat ta’lim dargohi, balki bilim va ma’rifat maskani, yorug‘ kelajagimiz sari yetaklovchi manba bo‘lib xizmat qiladi.
✍️ Yakkasaroy tumani hokimligi Matbuot xizmati
