𝗙𝗘𝗥𝗠𝗘𝗥.𝗨𝗭

ЎЗБЕКИСТОН ФЕРМЕРЛАРИНИНГ 1-РАҚАМЛИ КАНАЛИ
Facebookда: facebook.com/groups/1455562791614978/?ref=share_group_link
Ҳамкор канал:
@agrobloger
Ҳамкор гуруҳлар:
@agronom_guruhi
@fermerlar_guruhi
Мурожаат: @agrobloger_admin

TGlist reytingi

TuriOmmaviy

Tekshirish

Tekshirilmagan

Ishonchnoma

Shubhali

JoylashuvУзбекістан

TilBoshqa

Kanal yaratilgan sanaЖовт 31, 2024

TGlist-ga qo'shildi

Жовт 31, 2024

Men kanal egasiman

O'zgartirishlar tarixi

Muxrlangan guruh

ФЕРМЕРЛАР

2.1K

Telegram kanali 𝗙𝗘𝗥𝗠𝗘𝗥.𝗨𝗭 statistikasi

Batafsil

Obunachilar

12 216

24 soat

230.2%Hafta

520.4%Oy

4533.9%

Iqtiboslar indeksi

0

Eslatmalar1Kanallardagi repostlar0Kanallardagi eslatmalar1

Bitta postning o'rtacha qamrovi

4 729

12 soat3 822

12.2%24 soat4 729

59.6%48 soat12 0010%

Ishtirok (ER)

3.17%

Repostlar32Izohlar3Reaksiyalar39

Qamrov bo'yicha ishtirok (ERR)

95.96%

24 soat

0.01%Hafta

10.78%Oy

1.49%

Bitta reklama postining qamrovi

3 927

1 soat4 482114.13%1 – 4 soat-1 126-28.67%4 - 24 soat3 91499.67%

Batafsil

Botimizni kanalingizga ulang va ushbu kanal auditoriyasining jinsini bilib oling.

24 soat ichidagi barcha postlar

0

Dinamika

"𝗙𝗘𝗥𝗠𝗘𝗥.𝗨𝗭" guruhidagi so'nggi postlar

Barcha postlar

24.02.202518:19

⚡️ТАВСИЯ: Сув тортиш насосларидан фойдаланишда эътиборли жиҳатлар.

🔘🔘🔘

Фермерларларимизнинг 1-рақамли канали: FERMER.UZ

24.02.202518:19

⚡️JOHN DEERE VS UZBEKISTAN: Ўзбекистондаги Promzona.uz асосчиси, қишлоқ хўжалиги техникалари билимдони, жамоат фаоли Алишер Қосимов дунёнинг машҳур компанияси ҳақида таҳлилий пост қолдирибди:

John Deere дунёнинг энг йирик трактор ишлаб чиқарувчи компанияси бўлади. Компанияга 1837 йил АҚШда Джон Дир исмли шахс томонидан асос солинади. Бугун бу компания тарихи ва фаолияти ҳақида гап бормайди.

Мен John Deere компаниясининг салоҳиятини Ўзбекистон Республикаси иқтисоди билан ҳозир солиштирмоқчиман.

1. John Deere йиллик сотув айланмаси: 52.2 млрд. АҚШ долл.

Ўзбекистоннинг йиллик экспорт салоҳияти: 28 млрд АҚШ долл.

2. John Deere капитализацияси: 112 млрд АҚШ долл.

Ўзбекистон ялпи ички маҳсулоти (ЯИМ): 130 млрд АҚШ долл.

3. John Deere активлар қиймати: 90 млрд АҚШ долл.

Ўзбекистон олтин ва валюта резерви: 35.9 млрд АҚШ долл.

4. John Deere йиллик соф фойдаси: 9.9 млрд АҚШ долл.

Ўзбекистон давлат қарзи: 37 млрд АҚШ долл.

5. John Deere ишчилар сони: 82.200 киши.

Ўзбекистон аҳолиси: 37 млн киши

Америкада бир трактор чиқарадиган компаниянинг қудрати 140 дан ортиқ давлатларнинг иқтисодидан катта ва шу давлатлар таркибига Ўзбекистон ҳам киради.

🔘🔘🔘

Фермерларларимизнинг 1-рақамли канали: FERMER.UZ

24.02.202512:52

⚡️АКСАРИЯТ ФЕРМЕРЛАРИМИЗДА БУНДАЙ МАЙДОНЛАР МАВЖУД: Электр тармоғи объектлари билан туташ ҳудудларда аграр тадбирларни ўтказиш бўйича янги талаблар белгиланди.

АОКАда ўтказилган брифингда Ўзбекистон Миллий электр тармоқлари ахборот хизмати раҳбари Улуғбек Уруров маълумот берди.

Унга кўра, электр узатиш тармоқларига зарар етказмасдан, таянч устунлари ости сув билан ювилишини (юмшатилишини) йўл қўймасдан, таянч танаси ва таркибий қисмларига таъсир кўрсатмасдан фаолият юритилишига йўл қўйилади.

Бунда таянч устуни танаси ёки фундаментидан ташқи томонга камида 1,5 метр масофадаги ер майдони таянчнинг доимий фойдаланишга ажратилган ер майдони ҳисобланиб, бу майдонда ерга (тупроққа) ишлов бериш тақиқланади. Шунингдек, техника ва бошқа мосламалар билан ишлаганда электр узатиш тармоғи симларига яқинлашиш хавфини ёддан чиқармаслик лозим.

Қишлоқ хўжалиги экинлари экишга мўлжалланган ерда электр тармоғи хўжалиги объектларини эксплуатация қилиш ва таъмирлаш ишлари (аварияни тиклаш ишларидан ташқари) одатда, ушбу ерлар қишлоқ хўжалиги экинлари билан банд бўлмаган вақтда рухсат берилади.

Амалдаги қоидаларга асосан электр узатиш тармоқларининг ҳимоя зонасида дарахт ва буталарни экиш ҳамда кесиш ушбу тармоқларга хизмат кўрсатувчи ташкилотнинг ёзма розилиги билан амалга оширилиши мумкин.

Юқори кучланишли электр узатиш тармоқлари остида уй-жой қуриш ноқонуний ҳисобланади ва тегишли тартибда бузилади. Агар қурилган уй-жойлар олдидан лойиҳа асосида юқори кучланишли электр узатиш тармоқлари ўтказиш зарурияти туғилса, бундай пайтларда бузиладиган уйлар учун ўрнатилган тартибда компенсация тўланади, дейилади хабарда.

🔘🔘🔘

Фермерларимизнинг 1-рақамли канали: FERMER.UZ

Repost qilingan:

IKAR Uzbekistan

24.02.202512:51

‼️КУЗДА БЕРИЛМАГАН АММОФОС ЎРНИГА "IKAR FOSTO" - БУЮК БРИТАНИЯ МАҲСУЛОТИ!

🔥ҒАЛЛА ЭКИНЛАРИГА ИШЛОВ ВАҚТИ 20 ФЕВРАЛДАН 20 МАРТГАЧА!

🔷 САРФ МЕЪЁРИ: 0,5 л/га.

🔷 НАРХИ: 1 литри учун 340 минг сўм.

🇪🇺Европада таниқли IKAR брендининг суюқ ўғитлари Ўзбекистонда!

🇬🇧Буюк Британияда ишлаб чиқарилган.

🔹Икар Фосто - ўта самарали бўлиб, фосфор ва аминокислоталарнинг юқори миқдори бўлган мураккаб ўғит ҳисобланади. У ўсимликлар ривожланишининг дастлабки босқичларида физиологик жараёнларнинг ўтишини рағбатлантириш учун махсус ишлаб чиқилган.

🔹Икар Фосто - ўсимликлар томонидан фосфорнинг тез сўрилишига ҳисса қўшадиган юқори миқдорда фосфор ва синергетик элементларга эга бўлган концентрланган суюқ ўғитдир.

Маълумки, фосфорнинг ўсимликлар томонидан тупроқдан сўрилишини бузадиган бир қатор омиллар мавжуд. Энг муҳим омиллар - P (фосфор) элементининг паст ҳаракатчанлиги, тупроқ pH кўрсаткичи ва ҳарорат таъсири ҳисобланади.

Фосфор (P) бутун вегетация даврида экинлар учун муҳим озуқа элементидир, лекин унинг асосий роли айнан ривожланишнинг дастлабки босқичларидадир. Фосфорнинг энг катта миқдори бу даврда ўсимликлар томонидан сўрилади ва ўзлаштирилади.

Вегетация даври бошида экинларнинг фосфор билан озиқланишини етишмаслиги туфайли йўқотишларни келажакда қоплаш мумкин эмас.

🔹"Икар Фосто" ўғитининг тўғри танланган компонентлари фосфорнинг кучли танқислиги бўлса, фосфор миқдори паст бўлган тупроқларда ёки асосий ўғитларда элементни ишлатмасдан экинларни етиштиришда ўсимликларнинг илдиз тизими ва вегетатив органларининг жадал ривожланишига ёрдам беради. .

Ўғит аминокислоталари ўсимликка озуқа моддаларининг тез кириб боришига ёрдам беради ва физиологик, биокимёвий ва ишлаб чиқариш жараёнларини фаоллаштиради. Глутамик кислотанинг муҳим қисми ўсимликлар томонидан озуқа моддаларининг узоқ вақт сўрилишига ва хлорофилл синтезига ёрдам беради.

ТАВСИЯЛАР:

🔹 "Икар Фосто" ўғити барглардан ва илдизлардан озиқлантириш учун, шунингдек, томчилатиб суғориш тизимлари орқали ишлатилиши мумкин.

✅Кузги буғдойнинг қишдан чиқиб, баҳорда экинларнинг қайта тикланиши даврида байроқ барглари фазасигача: 0,3-0,5 л/га

✅Баҳорги дон экинлари вегетация даврининг бошида: 0,3-0,5 л/га.

✅Барглардан ишлов бериш (вегетация бошида) - 0,2-0,3 л/га.

✅Кўчатларни суғориш: 10-15 мл/10л сув, барг орқали ишлов: 5-10 мл/10л сув.

✅Маккажўхорининг ривожланиш босқичида 3-4 баргдан 6-8 барггача: 0,3-1 л/га. Сарф меъёри: 25-30 мл/10 л сув.

✅Ғўза парвариши фазасида 4-6 баргдан 8-12 барггача: 0,3-1 л/га. Сарф меъёри: 25-30 мл/10 л сув.

✅Поясининг баландлиги 20 см дан ортиқ дуккаклилар - 0,3-1 л/га. Сарф меъёри: 25-30 мл /10 л сув.

🔹"Икар Фосто" ўғитини бир қатор кимёвий ўғитлар ва пестицидлар (инсектицидлар, фунгицидлар) билан аралашмаларда бирга қўшиб ишлатиш мумкин.

🔴 Мис сульфат, минерал мойлар ва уларнинг гидроксидини (pH>8) ўз ичига олган препаратлар билан биргаликда фойдаланишга йўл қўйилмайди. Аралаштиришдан олдин чўкинди ҳосил бўлганлигини текшириш учун аралашманинг оз миқдорини тайёрлаш тавсия этилади, ўсимликларга фитотоксик таъсири бор-йўқлигини текшириш учун кичик майдонда синаб кўринг.

🔷Таркиби:

Азот (N) 9,5%
Фосфор (P) 37,5%
Магний (Mg) 2%
Марганец (Mn) 1,3%
Рух (Zn) 0,7%
Аминокислоталар 9,2%
глутамик кислота 4,8%.

Қадоқ сиғими: 5л.

ЕВРОПА ФЕРМЕРИДЕК ИЛҒОР БЎЛИНГ!

Ўзбекистондаги расмий дистрибьютери Agromineral LLC компанияси.

Мурожаат учун телефонлар:
+998997132363
+998970099691

Қорақалпоғистон Республикаси бўйича вакил:
+998993112771
+998905752771

🔹🔹🔹🔹🔹

📢"IKAR FOSTO" ЎҒИТИГА ШУ КУНЛАРДА ПУЛ ЎТКАЗМОҚЧИ ФЕРМЕРЛАРИМИЗ ДИҚҚАТИГА!

🟩БИЗНИ "АГРОБАНК"ДА ҲАМ, БИРЖАДА ҲАМ СЎРАНГ!

Фермерларимиз учун компаниямиз реквизитлари:

✅"Агробанк"да:

ООО «AGRO MINERAL CHEMICAL COMPANY»

Х/р: 2020 8000 3002 7903 6002.
ИНН: 302808415.
ОКЭД: 46750.
Код ОКПО: 25026124.
Код СОАТО: 1726280.
Код СООГУ: 79994.
Регистрационный код плательщика НДС: 326090096868.
Agrobank, Ташкентский городской филиал.
МФО: 00394.

✅БИРЖАДАГИ МАЪЛУМОТ:

Контракт: 427538 ЛОТ
Брокер:Элдоржон Рахимов
+998902770080

📱 IKAR Uzbekistan

24.02.202502:13

⚡️ХОРАЗМ ВИЛОЯТИДАН ЛАВҲА: Ерга ишлов бермасдан чигит экишга мўлжалланган сеялка ҳақида...

🔹Сизнинг фикрингиз қандай?

🔘🔘🔘

Фермерларларимизнинг 1-рақамли канали: FERMER.UZ

24.02.202501:47

⚡️ЭЪЛОН: Фермер хўжаликлари раҳбарлари диққатига!

Статистика органларига 2024 йил бўйича тақдим этиладиган ҳисоботларни кечиктирмасликларингиз сўралмоқда.

Унда ҳисоботнинг "1 фх" шакли (йиллик) “Фермер хўжалиги фаолияти тўғрисидаги” ҳисоботни 2025- йилнинг 10-мартидан кечиктирмай топширилиши мақсадга мувофиқлиги айтилган.

Тушунтирилишича, Электрон рақамли имзо (ЭРИ) дан фойдаланган ҳолда ҳисобот hisobot.stat.uz (http://hisobot.stat.uz/ru/login/?next=/ru/) манзил бўйича автоматлаштирилган ахборот тизими (Эстат 4) орқали электрон шаклда тақдим этишингиз сўралмоқда.

🔘🔘🔘

Фермерларимизнинг 1-рақамли канали: FERMER.UZ

24.02.202501:47

⚡️ҚЎШНИ ҚОЗОҒИСТОН: Орол денгизи шимолидаги Шимолий Орол денгизи суви 42% га оширилди.

Хабар қилинишича, ўтган йили фаол Эль—Ниньо даврида нафақат Амударё, балки Сирдарё дарёсида ҳам сув билан боғлиқ вазият сўнгги 7—8 йилликдаги энг яхшиси бўлди.

Аксига ўтган ёзда ҳарорат муҳити ва намликнинг қишлоқ хўжалиги учун комфорт бўлиши Сирдарёнинг Қозоғистондан оқиб ўтган қисмида сувга бўлган талабни кескин камайтирди. Бу каби имкониятдан қозоқ ҳукумати тўғри фойдаланиб, 2 км кубга яқин сувни Шимолий Оролга йўналтира олишди. Бу эса, катта Оролга Сирдарё дарёсида сув энг яхши бўлган даврда ҳам бир томчи сув етиб келмаслигига олиб келди.

Қозоқлар Жаҳон Банкининг 39 та лойиҳаси асосида Шимолий Оролда инфраструктурани яхшилаш, балиқчиликни ривожлантириш, туризм имкониятларини кенгайтириш ҳамда Катта Орол ва Шимолий Оролни ўзаро ажратиб турувси Кокорал тўғонини мустаҳкамлаш, қайта тиклаш ишларига куч бермоқда.

Ушбу манзарадан ҳам кўриниб турибдики, ўзбек ҳукумати қуриган Орол тубида яшил фитомасса яратишга кучни максимал беравериши керак, дейилади хабарда.

🔘🔘🔘

Фермерларимизнинг 1-рақамли канали: FERMER.UZ

24.02.202501:46

⚡️ФЕРМЕРДАН ВАЗИРГА МУРОЖААТ:

"Қишлоқ хўжалиги вазири билан боғлана олмадим. Наманганга келганида кўришмоқчи ва таклиф, танқидимни айтмоқчи эдим, рости, иложи бўлмади кўришишни.

Энди савол Вазирга:

Ҳурматли Қишлоқ хўжалиги вазири, сизни илмли, дейишяпти. Унда нега Қишлоқ хўжалиги соҳаси давлатимиз томонидан қўллаб-қувватланмаяпти?

Ер солиғи, сув солиғи, нефт, кимёвий ўғит, техника ҳаражатлари ва электр энергия субсидиялари нега айнан қишлоқ хўжалиги соҳасида йўқ?

Муҳтарам Президентимиз пахтани 50 центнерга, ғаллани 100 центнерга ошириш хақида ва асосан қишлоқ хўжалиги соҳасини мутлоқ янгича усулда такомилаштиришга эътибор қаратса-ю, нега раҳбарият бу борада фермерларга имтиёз, субсидия ҳақида ҳеч нима қилмаяпти?

Биргина мисол: бир гектар ерда 50 центнер пахта етиштириш учун камида 500 кг аммофос билан озиқлантириш керак, суғориш, чопиқ, уч марта кимёвий ўғит, икки марта маҳаллий ўғит, техника ҳаражатлари, томчилатиш бўлса, труба ва плёнка, сув таъминоти бўлмаса, ички насос ҳаражатлари, электр энергия, солиқ, сув солиғи, ер ҳайдови, шўр ювиш ҳаражатлари, ишчилар маоши, хуллас, барча ҳаражатларни ҳисоблаб чиқилса, қанча кетади-ю, кластер етиштирилган ҳосилни қанчадан олади?

Нега фермерни ўйламайсизлар?

Ўзбекистон қишлоқ хўжалиги қачон ривожланади сизларнинг бефарқлигинглар ортидан?

Таклифим:

Пахта ва ғалла етиштирувчи фермерларга электр энергия учун мутлоқ субсидия ажратиш, кимёвий ўғит ва нефтни нархини мутлоқ ўрганиб биржадан олиб ташлаш.

Солиқ ва сув солиғи бўйича мутлоқ паст баҳода баҳолаш.

Техника эхтиёт қисмлари ва ҳаражатларни яна бир бора кўриб чиқиш.

Ўзбекистондаги фермерлар сизлар эътироф этган Хитойдан ҳам зўр ҳосил олади, агар имконият ва ёрдам берилса.

Ўзбекистон фермерлари дунё рейтингида биринчи ўринга чиқа олади, агар ҳам руҳан, ҳам моддий қўллаб-қувватланса.

Фақат Сизлар ўнг кўз билан қаранглар, бўлди.

Топшириқ бериш осон, лекин амалга ошириш қийин.

Мақсадимиз Ўзбекистон қишлоқ хўжалигини дунё биринчилигига олиб чиқиш ва албатта сизларнинг кўмагингизда, ҳурматли вазир".

20 феврал, 2025 йил.

🔘🔘🔘

Фермерларимизнинг 1-рақамли канали: FERMER.UZ

Repost qilingan:

ANGUZAL AGROSERVIS

24.02.202501:46

🌾"ҒАЛЛА-2025": КАМ САРФЛАБ, КЎПРОҚ ДАРОМАД ОЛИШ - ШУ КУННИНГ ЭНГ ДОЛЗАРБ МАВЗУСИ!

✅2024 ЙИЛДА РЕСПУБЛИКА БЎЙЛАБ ЎН МИНГДАН ЗИЁД ФЕРМЕРЛАР БИЛАН МУВАФФАҚИЯТЛИ ИШЛАДИК ВА УЛАРНИНГ СОНИ КУН САЙИН ЯНАДА ОРТМОҚДА!

✅2024 ЙИЛДА ФЕРМЕР ХЎЖАЛИКЛАРИ ТОМОНИДАН МИКРОБИОЛОГИК СУСПЕНЗИЯЛАР УЧУН "ЭКИШДАН ҲОСИЛГАЧА" ДАСТУРИ БЎЙИЧА ГЕКТАРИГА 750 МИНГ СЎМГАЧА ҲАРАЖАТ ҚИЛИНДИ!

✅МИНЕРАЛ ЎҒИТЛАР САРФИ 60%ДАН 90% ГАЧА КАМАЙДИ!

✅ҲОСИЛДОРЛИК ЙИЛИГА КАМИДА 20 ДАН 30% ГАЧА ОРТИБ БОРАДИ!

Марказий Осиёда ягона бўлган кенг ассортиментдаги микробиологик препаратлар ишлаб чиқарувчи "Anguzal Agroservis" компанияси ғаллачилик кластерлари ва фермер хўжаликлари билан "Экишдан ҳосилгача" тизимида шартномалар имзолашда давом этмоқда.

Компаниямиз 2009 йилдан буён хўжаликлар билан ғаллачилик ҳамда пахтачилик йўналишида ҳамкорлик қилиб, уларнинг юқори сифатли маҳсулот етиштиришида ўз ҳиссасини қўшиб келмоқда.

Биз билан бирга ишлаётган хўжаликлар экин майдонларининг унумдорлик даражаси юқорилашда давом этмоқда, ҳосилдорлик йилига 20-30%гача ортиб бормоқда.

🔥ЖОРИЙ ЙИЛДА ҲАМ 2 МАРТА КОМПЛЕКС ИШЛОВ УЧУН ГЕКТАРИГА ЖАМИ 750.000 СЎМ:

✅1-ИШЛОВ: Эрта баҳорги пуркаш ишлари (февраль-март ойлари). Гектарига 2 л Плантастим + 2 л Спорагин + 2л Бактомин. Натижа: буғдой занги, фузариоз, септориоз касалликларига қарши профилактика, поя ва илдизнинг умумий ривожланишини таъминлаш, азот ва фосфорга бўлган эҳтиёжини қондириш. Экинларда озиқланиш ва моддалар алмашинуви яхшиланишига эришиш. Тупроқ структурасининг яхшиланиши. Жами ҳаражат: 360.000 сўм/га.

‼️Бегона ўтларга қарши гербицид билан ишлов 1-суспензиядан сўнг 2 ҳафта ўтказиб амалга оширилиб, ундан 15 кун ўтказиб, 2-суспензия қилиниши тавсия этилади.

✅2-ИШЛОВ: Буғдойнинг найчалаш даврида: пуркаш ишлари - гектарига 2л Бактомин + 2л/га Плантастим + 2л Фосфомакс. Натижа: бошоқнинг генератив органларининг шаклланиши ва дон массасининг ортиши, экинларнинг азот, фосфор ва калийга бўлган эҳтиёжини қондириш. Тупроқ структурасининг микроорганизмлар билан бойиши. Жами ҳаражат: 390.000 сўм/га.

✅Найчалаш ва бошоқланиш даврида гектарига кўпи билан 150-200 кг аммиак селитраси тупроққа киритилади. Бошқа азотли минерал ўғитлар берилмайди. Ҳамма ишловлар микробиологик суспензиялар орқали қилинади. Улар тупроқдаги барча макроэлементларни илдиз учун ўзлашадиган шаклга келтиради.

✅Бизнинг дастуримиз бўйича кам сарфлаб, кўпроқ даромад олинг!

Саволлар бўйича Телеграмда @Anguzal манзилига ёзинг.

16 ЙИЛДАН БУЁН ЎЗГАРМАС СИФАТ!

БИРГАЛИКДА СОҒЛОМ МАҲСУЛОТ ЕТИШТИРАМИЗ!

Марказий Осиёда ягона бўлган биологик препаратлар ишлаб чиқарувчи: "Anguzal Agroservis" компанияси.

Бош офис манзили: Тошкент шаҳри, Олтин водий кўчаси, 1-уй.
📍Локация: https://t.me/AnguzalAgroservis/2259

Компания телефонлари:
+998994300064
+998941150064

Телеграмдаги расмий каналимиз:
@AnguzalAgroservis
Телеграмдаги мулоқот учун гуруҳимиз:
@AnguzalAgroservis_guruhi

24.02.202501:45

⚡️ТАҲЛИЛ ЖИЗЗАХ ВИЛОЯТИДАН БОШЛАНДИ: Ўзбекистонда шўрланган ерлар космик мониторинг қилинмоқда.

“Ўзбеккосмос” ҳамда БМТ ҳузуридаги Осиё ва Тинч океани иқтисодий ва ижтимоий комиссиясининг (ESCAP) ҳамкорлигида “Сунъий йўлдош тасвирлари ёрдамида тупроқ шўрланишини аниқлаш” лойиҳаси бошланди.

Айтилишича, шўрланишни аниқлашда масофавий зондлаш технологиялари, илғор геоахборот тизими ва сунъий интеллект имкониятларидан фойдаланилади. Бу эса Ўзбекистонда озиқ-овқат хавфсизлиги, қишлоқ хўжалиги ва ер ресурсларини бошқаришнинг барқарор усулларига кўмаклашиб, маълумотларни тўплаш, таҳлил қилиш ва тарқатишни яхшилашга имкон яратади.

“Лойиҳани амалга ошириш учун синов ҳудуди сифатида Жиззах вилоятининг Зарбдор ва унда туташ туманларидаги 90 та экин майдонлари танлаб олинди. У ерда сунъий йўлдошдан олинган суратлар орқали ерларнинг шўрланиш даражаси ўрганилиб, лаборатор текширувлар учун нусха олинади ва чуқур текширилади”, — дея қайд этилган хабарда.

Бу орқали яқин йиллар давомида мамлакатдаги энг шўрланган ерларнинг аниқ статистикасини юритилади. Қишлоқ хўжалиги учун ҳосилдор майдонлар аниқланади ва фермерлар учун экин майдонларининг ҳолати бўйича тўлиқ маълумот тақдим этиш мумкин бўлади.

“Натижада қишлоқ хўжалиги ерларидан фойдаланиш борасида ресурс ва хомашёларни тўғри тақсимлаш, ерларнинг шўрланиш даражаси ва жойнинг тупроқ-иқлим шароитидан келиб чиққан ҳолда агротехник чораларни кўриш имконияти пайдо бўлади”, — дея аниқлик киритилган хабарда.

Қайд этилишича, кўпгина мамлакатларда чўлланиш ва ерларнинг деградацияга учраши оқибатида дунё бўйича миллиард гектар ер майдонлари яроқсиз аҳволга келиб қолган.

“Мамлакатимиз ҳудудида 1 746,6 минг гектар майдон турли даражада шўрланган бўлиб, шундан 65,2 минг гектари кучли, 439,4 минг гектари ўрта ва 1 242 минг гектари эса кам шўрланиш ҳолатларига тўғри келади. Айниқса, Орол фожиаси оқибатида 5,5 миллион гектардан ортиқ ер тузли чўлга айлангани ачинарлидир”, — дейилади хабарда.

2024 йилда ФАО томонидан чоп этилган “Шўрланган тупроқларнинг глобал ҳолати” номли ҳисоботида Ўзбекистон дунёдаги шўрланган тупроқларнинг 70 фоизига эга бўлган 10 та давлат қаторидан жой олган, дейилади хабарда.

🔘🔘🔘

Фермерларимизнинг 1-рақамли канали: FERMER.UZ

24.02.202501:45

⚡️БУҒДОЙНИНГ ОЛТИ РИВОЖЛАНИШ БОСҚИЧИ ҲАҚИДА ҚИСҚАЧА...

УНИБ ЧИҚИШИ.

Поя уруғ қобиғини йиртиб тупроқ юзасига чиқишига ҳаракат қила бошлайди. Колеоптиле ўсишдан тўхтайди, ёрилади ва ташқарида 1 та чинбарг пайдо бўлади. Униб чиқиш даври бошланади. +14..+16°С ҳарорат ва намлик етарли бўлганда эккандан кейин 7-9 кунда униб чиқа бошлайди, экиш-униб чиқиш даврининг узунлиги экиш муддатларига боғлиқ. Экишнинг мақбул муддатларида бу давр 1,5-2 кунга қисқаради.

ТУПЛАНИШ.

Бу давр ўсимликда 3-4 та чинбарг пайдо бўлганда бўлади. Тупланиш - бу поянинг ерости бўғинидан иккиламчи поянинг ҳосил бўлишидир, шу билан биргаликда ҳар қайси навбатдаги новданинг илдизчаси бор. Асосий поядаги юқори бўғин тупроқдан 1-3 см да жойлашиб, улардан иккиламчи поялар тарқалади, ана шу тупланиш бўғини дейилади. Тупланиш бўғини ўсимликнинг муҳим органи бўлиб ҳисобланади. Тупланиш бўғинининг шикастланиши ўсимликнинг ҳалок бўлишига олиб келади. Ўсимликда умумий ва маҳсулдор тупланишни фарқлайдилар. Умумий тупланиш бу - битта ўсимликдаги ривожланган ва ривожланмаган новдаларнинг ўртача умумий сони. Маҳсулдор тупланиш - бу меваси бор пояларнинг ўртача сони. Одатда умумий тупланиш маҳсулдор тупланишга нисбатан кўпроқ бўлади, чунки ҳамма новдалар ҳосил бермайди. Ўсимликнинг ҳаётида тупланиш даврида сифат ўзгаришлар кузатилади, яъни генератив органлари пайдо бўла бошлайди.

НАЙЧАЛАШ.

Тупроқ юзасида 5 см баландликда поянинг биринчи бўғини пайдо бўлади. Баҳорда амал даврининг бошланишида найчалашнинг бошланишигача, ўртача суткалик ҳарорат 10,7°С, фаол ҳарорат йиғиндиси 332°С бўлганда 20-40 кун ўтади. Бу даврда бошоқ фаол шаклланади ва ривожланади. Буғдойнинг фаол ривожланиши найчалаши сув, озиқа, иссиқ ва ёруғлик билан таъминланганлигига боғлиқ. Даврнинг охирида ўсимликлар максимал баландликка, баргларининг кўп ёки камлигига, яъни нав учун характерли бўлган белгиларга эга бўлади.

БОШОҚЛАНИШ.

Баргнинг юқори қисмидан бошоқнинг 1/3 қисми пайдо бўлган даврдан бошлаб белгиланади, ўсимлик ўсишда давом этади, лекин жуда секин. Бу даврда унинг сувга бўлган талаби янада ортади. Бу даврда ўртача суткалик ҳарорат 12,2-14,5°С ва ўртача суткалик ҳарорат йиғиндиси 625-769°С бўлганда 10-15 кун давом этади.

ГУЛЛАШ.

Бу давр бошоқлаш бошлангандан 3-5 кун кейин бошланади. Бошоқнинг ўзида гуллаш 3-5 кун давом этади, ҳаммаси бўлиб эса, 8-10 кун давом этади. Бир бошоқнинг барча гуллари бир вақтнинг ўзида гулламайди. Аввалига ўртадаги бошоқчалар, кейин пастки ва юқори бошоқчалар гуллайди. Гуллашда гул қобиқчалари очилади, ташқарисига чангдонлари тушиб ва оналигига, кейин бўғинчага тушади. Буғдой ўз-ўзидан чангланувчи ўсимлик бўлиб ҳисобланади, лекин табиий шароитда четдан чангланиб қолиши мумкин. Гуллаш учун энг паст ҳарорат +6..+7°С, энг юқориси эса +25..+27°С.

ПИШИШ.

Буғдой бўғинидаги тухум ҳужайра уруғлангандан кейин доннинг шаклланиши бошланади. Бу вақтда озуқа моддалари барглардан ва поядан шаклланаётган донга ўтади. Донда, муртак, эндосперм ва бошқа қисмлари ҳосил бўлади. 10-16 кундан кейин нормал узунликка эришади. Шу билан доннинг шаклланиши тугайди. Доннинг намлиги 80-82%. Кейин доннинг тўлишиши бошланади, дон йўғонлашади, ҳамда унинг қалинлиги ва кенглиги кўпая боради, ранги яшил бўлишнинг ўрнига сарғая бошлайди, сувнинг миқдори 38-42% гача камаяди. Бу кўрсаткичларгача сувнинг камайиши муҳим биологик хусусияти бўлиб ҳисобланади, бунда коллоидларнинг қайтмас қотиши кечади, шундан кейин донга озуқа моддаларининг ўтиши тўхтайди. Кузги буғдойнинг амал даври қайси ҳудудда экилганлигига қараб 180 кундан 320 кунгача, баҳорги буғдойники эса, 80 кундан 120 кунгача давом этади.

🔘🔘🔘

Фермерларларимизнинг 1-рақамли канали: FERMER.UZ

24.02.202501:45

⚡️ГЛОБАЛ МУАММО: 2028 йилга бориб Марказий Осиё сув танқислигининг сурункали босқичига ўтади.

Турли ҳисоб-китобларга кўра, 2028 йилга бориб Марказий Осиё сув танқислигининг сурункали босқичига ўтади. Бу ҳақда Россия Фанлар академиясининг ИМЭМО Марказий Осиё бўлими бошлиғи Станислав Притчин «Марказий Осиёда иқлим ўзгариши ва сувдан фойдаланиш муаммолари» мавзусидаги давра суҳбатида маълум қилди.

Унинг сўзларига кўра, бу кун тартибидаги энг ўткир ва долзарб мавзулардан биридир.

«Соҳа анча оғир аҳволда. Бу, биринчи навбатда, иқлим ўзгариши. Глобал исиш Марказий Осиёда чучук тоза сувнинг асосий манбаи бўлган музликлар захираларига ҳам таъсир қилади. Шунга кўра, узоқ муддатда захиралар ҳажмининг қисқариши дарёлар оқимига таъсир қилади», деди Притчин.

Унинг таъкидлашича, аҳоли сонининг ўсиши ҳам вазиятга таъсир қилмоқда. Ҳудуд жадал ривожланмоқда, демографик вазият динамик.

«Умуман олганда, минтақа аҳолиси 80 миллионга яқинлашмоқда. Шу боис, биргина аҳоли томонидан тоза сув истеъмоли аллақачон қисқариб бораётган сув хўжалигига қўшимча босим омили ҳисобланади. Шу билан бирга, биз эскирган инфратузилмани кўрмоқдамиз. Турли ҳисоб-китобларга кўра, унумсиз фойдаланилгани сабабли далаларга етказиб беришда суғориш сувининг 50 фоизигача нобуд бўлмоқда», деб қўшимча қилди Притчин.

Яна бир омил, минтақавий бошқарув амалиётининг мослаштирилмагани.

«Жиддий восита, етарли ваколатларга эга бўлган давлатлараро институт йўқ. Ҳа, сув тақсимоти бўйича минтақавий, икки ва уч томонлама музокаралар олиб борилмоқда, лекин умуман олганда, сув муаммоларини ҳал қилиш сиёсати билан боғлиқ вазият мураккаб. Фақат тақсимлаш билан эмас, балки умумий стратегияни ишлаб чиқиш билан ҳам шуғулланадиган институтлар йўқ. Биз биринчи уринишларни кўрмоқдамиз - Қамбар-Ота ГЭС бўйича лойиҳани учта давлат биргаликда амалга оширмоқчи. Бу ижобий қадам, аммо етарли эмас», деди Притчин, дейилади хабарда.

🔘🔘🔘

Фермерларимизнинг 1-рақамли канали: FERMER.UZ

24.02.202500:31

⚡️ФЕРМЕРЛАРИМИЗ УЧУН ОБ-ҲАВО: Республика Гидрометеорология маркази бугун, 24 феврал, ҳафтанинг душанба куни кутилаётган маълумотни эълон қилди.

Тошкент шаҳрида ҳаво бироз булутли бўлиб, бироз ёмғир ёғиши мумкин. Шамол ғарбдан 7-12 метр/секунд тезликда эсиши, ҳарорат кечаси +7..+9, кундузи +15..+17 даража илиқ бўлиши кутилади.

Қорақалпоғистон Республикаси ва Хоразм вилоятида ҳаво бироз булутли бўлиб, баъзи жойларда бироз қор ёғиши, айрим жойларга туман тушиши мумкин. Шамол ғарбдан 7-12 метр/секунд тезликда эсиб, ҳарорат кечаси -3..-8, кундузи 0..-5 даража совуқ, Устюртда кечаси -10..-15, кундузи -3..-8 даража совуқ бўлиши кутилади.

Бухоро ва Навоий вилоятларида ҳаво булутли бўлиб, баъзи жойларда ёмғир қорга айланиши, айрим ҳудудларда кучли бўлиши, туман тушиши кутилади. Шамол ғарбдан 7-12 метр/секунд тезликда эсиши мумкин. Ҳарорат кечаси 0..+5, кундузи +2..+7, Навоий вилояти шимолида кечаси 0..-5, кундузи 0..+5 даража илиқ бўлиши кутилади.

Тошкент, Сирдарё, Самарқанд ва Жиззах вилоятларида ҳаво бироз булутли бўлиб, баъзи жойларда ёмғир ёғиши кутилади. Шамол ғарбдан 7-12 метр/секунд тезликда эсиши мумкин. Ҳарорат кечаси +7..+12, кундузи +12..+17 даража илиқ бўлиши кутилади.

Қашқадарё ва Сурхондарё вилоятларида ҳаво булутли бўлиб, баъзи жойларда ёмғир ёғиши, айрим ҳудудларда кучли бўлиши мумкин Шамол ғарбдан 7-12 метр/секунд тезликда эсиб, баъзи жойларда 23-25 метр/секундгача кучайиши мумкин. Ҳарорат кечаси +5..+10, кундузи +10..+15 даража илиқ бўлиши кутилади.

Андижон, Наманган ва Фарғона вилоятларида ҳаво бироз булутли бўлиб, ёғингарчилик кутилмайди. Баъзи жойларга туман тушиши, шамол шарқдан 5-10 метр/секунд тезликда эсиши мумкин. Ҳарорат кечаси +2..+7, кундузи +15..+20 даража илиқ бўлиши кутилади.

Республиканинг тоғолди ва тоғли ҳудудларида ҳаво бироз булутли бўлиб, баъзи жойларда ёғингарчилик (ёмғир, қор) кузатилиши, айрим ҳудудларда эса, кучайиши мумкин. Шамол ғарбдан 7-12 метр/секунд тезликда эсиши мумкин. Ҳарорат кечаси 0..+5, кундузи +7..+12 даража илиқ бўлиши кутилади.

🔥ЭСЛАТМА!

«Ўзгидромет» хабарига кўра, 24-27 февраль кунлари Ўзбекистон ҳудудига нам ва совуқ ҳаво массалари кириб келиши кутилмоқда. Ушбу кунлари республика бўйича об-ҳавонинг кескин ўзгариши кутилмоқда.

Республика бўйича вақти-вақти билан ёғингарчилик, баъзи жойларда кучли ёмғир ёғиши, 25-27 февралда қорга айланиши кутилмоқда. Шимолда вақти-вақти билан қор ёғиши мумкин. Ҳаво ҳарорати кечалари 0..-5 даража совуқ, шимолда -6...-9 даража совуққача, кундуз кунлари 0..+5 даража илиққача пасайиши кутилмоқда.

🔹Бошланган янги кун барчамизга ҳайрли бўлсин!

🔘🔘🔘

Фермерларимизнинг 1-рақамли канали: FERMER.UZ

23.02.202514:51

⚡️БУНИ АЛБАТТА КЎРИНГ: Расул Кушербаев шу кундаги фермерларимизнинг долзарб муаммоларини кўтарди!

👇👇👇
https://youtu.be/PFHZFZUXtkg?si=8R_2fCvUJzG89nU1

🟢Бугунги эфир: 23 феврал, 2025 йил

➡️FERMER.UZ

20.02.202518:35

⚡️ЖАМОАТ ФАОЛИ РАСУЛ КУШЕРБАЕВНИНГ ПФ-22 БЎЙИЧА ФИКРИ: "Аччиқ қалампир такрорланмайди-ми?"

🔹Мазкур фармон тафсилотлари ҳақида доимий ҳамкоримиз бўлган @agrobloger каналида таништиргандик. Ҳаволаси: https://t.me/agrobloger/33831

🔘🔘🔘

Фермерларларимизнинг 1-рақамли канали: FERMER.UZ

Barcha postlar

Reklama qilingan11 oy

0

31.10.202404:50GENERALISSIMUS

71.6K

Batafsil

Rekordlar

25.02.202523:59

12.2K

Obunachilar

03.02.202523:59

100

Iqtiboslar indeksi

23.02.202516:16

11.7K

Bitta post qamrovi

23.02.202516:16

11.7K

Reklama posti qamrovi

17.02.202502:31

9.39%

23.02.202516:16

96.07%

ERR

Rivojlanish

Batafsil

Obunachilar

Iqtibos indeksi

1 ta post qamrovi

Reklama posti qamrovi

ERR

Batafsil

𝗙𝗘𝗥𝗠𝗘𝗥.𝗨𝗭 mashhur postlari

Barcha postlar

12.02.202520:55

⚡️КЕЧА, 12 ФЕВРАЛДАН ЭЪТИБОРАН, ФЕРМЕРЛАРИМИЗ УЧУН УМИДБАХШ БЎЛГАН "ҚИШЛОҚ ХЎЖАЛИГИ КООПЕРАТИВИ" ТЎҒРИСИДАГИ ҚОНУН КУЧГА КИРДИ:

🔹995-сонли Ўзбекистон Республикаси Қонуни:
https://lex.uz/docs/7211302?ONDATE=12.02.2025

Бундан 3 ой аввал, Президент Шавкат Мирзиёв 2024 йилнинг 8 ноябр куни имзолаган «Қишлоқ хўжалиги кооперативи тўғрисида»ги қонун 12 февралдан расман кучга кирди. Ҳужжат Олий Мажлис Қонунчилик палатаси томонидан 17 сентябрь куни қабул қилинган ва Сенат томонидан 30 сентябрда маъқулланган. У уч ойдан сўнг — 2025 йил 12 февралда кучга кириши белгиланганди.

1998 йилдаги қишлоқ хўжалиги кооперативи (ширкат хўжалиги) тўғрисидаги қонун ўрнини босувчи ушбу қонун қишлоқ хўжалиги кооперативларини тузиш, аъзоликка қабул қилиш, назорат қилиш, ташқи аудитдан ўтказиш, бошқариш, қайта ташкил этиш ва тугатиш, шунингдек, давлат ва кооперативлар ўртасидаги муносабатларни тартибга солади.
Ҳужжатда қишлоқ хўжалиги кооперативи қишлоқ хўжалиги фаолиятини юритиш мақсадида жисмоний ва (ёки) юридик шахсларнинг пай усули асосида кўнгилли равишда бирлашувидан ташкил топган мустақил тижорат ташкилоти сифатида белгиланган.

Кооператив юридик шахс сифатида давлат рўйхатидан ўтказилиши шарт.
Пай — қишлоқ хўжалиги кооперативи мол-мулкининг муайян номинал қийматга эга бўлган, ташкилот аъзосининг мол-мулкни шакллантиришдаги иштироки миқдорини акс эттирувчи қисмидир. Пай пул маблағлари ёки бошқа мол-мулк кўринишида бўлиши мумкин. Пай бадали овоз бериш ҳуқуқини ва кооператив фаолиятида иштирок этиш ҳуқуқини беради.

Бундай кооперативларнинг асосий мақсади ишлаб чиқариш самарадорлигини ошириш, харажатларни камайтириш ва кооператив аъзоларининг даромадларини кўпайтириш учун ресурслар ва кучларни бирлаштириш ҳисобланади.

Қишлоқ хўжалиги кооперативи камида етти нафар жисмоний ва (ёки) юридик шахс томонидан тузилиши мумкин. Шунингдек, камида уч кооперативдан иборат қўшма кооператив ҳам ташкил этилиши мумкин.

Кооператив тузишга қарор қилган жисмоний ва юридик шахслар таъсис қўмитасини тузишлари лозим. Ушбу қўмитанинг асосий вазифалари кооператив устави лойиҳасини тайёрлаш ва бўлажак кооператив таъсисчиларининг таъсис йиғилишини ўтказишдан иборат.
Таъсис йиғилишида асосий қарорлар қабул қилинади: устав тасдиқлаш, кооперативни расман тузиш ва унинг сафига аъзоларни қабул қилиш. Жисмоний шахслар учун тўлиқ исм ва манзиллар, юридик шахслар учун эса уларнинг вакилларининг ваколатларини тасдиқловчи ҳужжатлар кўрсатилади.

16 ёшга тўлган жисмоний шахслар, шунингдек кооператив устави талабларига жавоб берадиган юридик шахслар кооператив аъзолари бўлиши мумкин. Агар кооператив уставида бундай тақиқ бўлмаса, ушбу ташкилотнинг аъзоси бир ёки бир нечта кооперативда аъзо бўлиши мумкин.

Кооперативга алоқадор бўлмаган жисмоний шахслар ва компаниялар ушбу ташкилотга инвестор сифатида кириши мумкин.

Қонун билан қишлоқ хўжалиги кооперативи бошқарув органларининг, шу жумладан, кооператив умумий йиғилиши, бошқаруви ва кузатув кенгашининг аниқ вазифалари, ваколатлари, ҳуқуқ ва мажбуриятлари белгиланган.

Ҳужжатда қишлоқ хўжалиги кооперативига кириш ва ундан чиқиш, кооператив аъзоларининг ҳуқуқ ва мажбуриятлари, уларнинг ҳисоботини юритиш, пай бадалларини тўлаш билан боғлиқ қоидалар ҳам ўз аксини топган.
Кооператив қишлоқ хўжалиги соҳасида хизматлар кўрсатиш билан бир қаторда қишлоқ хўжалиги маҳсулотларини етиштириш, сақлаш, қайта ишлаш ва сотиш, ташқи иқтисодий фаолиятни амалга ошириш, шунингдек қонун билан тақиқланмаган бошқа фаолият турлари билан шуғулланиш ҳуқуқига эга.

Аввалроқ лойиҳани ишлаб чиқувчилар ҳужжатга кооперативларнинг уюшмага мажбурий аъзолигини киритишга уринган эди, бироқ Қонунчилик палатаси спикери Нурдинжон Исмоилов бундай уюшмани «кооперативлар вазирлиги» билан таққослаб, бунга қарши чиққанди.

Натижада уюшмаларни тузишга бағишланган боб чиқариб ташланди ва 54-модда билан алмаштирилди. Унга кўра, кооперативлар умумий манфаатларни ифодалаш ва ҳимоя қилиш учун кооперативлар уюшмаларига бирлашиши мумкин.

🔘🔘🔘

Фермерларимизнинг 1-рақамли канали: FERMER.UZ

05.02.202514:35

⚡️ОТАБЕК БАКИРОВ: Ер ислоҳотининг навбатдаги босқичи бошланмоқдами? Фермерлар ерини яна "ихтиёрий" топширадими? Топширишдан бош тортишса-чи?

Қабул қилинган фармонга кўра, тажриба-синов тариқасида 6та ҳудудда ер участкалари контурлар яхлитлиги ва суғориш тизимини бузмаган ҳолда 3 гектардан 50 гектаргача бўлган ўлчамларда “E-auksion”да савдоларга чиқарилади.

Савдоларда яшаш жойидан, ташкилий-ҳуқуқий шаклидан, бошқа ер участкаси бор-йўқлигидан қатъи назар, барча жисмоний ва юридик шахслар, шу жумладан, чет эл инвестициялари иштирокидаги корхоналар иштирок этиши мумкин.

Ернинг бошланғич нархи ер участкаси норматив қийматининг 50 фоизи миқдорида белгиланади.

Ер участкасини эгаллаган ғолиб нима экишини ўзи белгилайди (пахта ё ғаллани ўзи истаса, экади).

Таклиф этилаётган тажриба бўйича айрим мулоҳазалар:

Ер участкасига талабгор чет эл инвестициялари иштирокидаги корхона бўлса, унинг камида 51%и Ўзбекистон фуқароларига тегишли бўлиши ёки чет эл фуқароларининг аукционда иштирок этишини чекловчи қоида киритилмаган, феълан айтайлик, Хитой ё Россия фуқаролари ёки уларнинг назоратидаги компания ер участкасини ўз назоратига олиши мумкин бўлади. Жуда кўп мамлакатларда тегишли хатарларни инобатга олиб, қишлоқ хўжалиги ер участкалари бўйича назорат пакети мамлакат резидентлари ихтиёрида бўлиши ҳақида нормалар мавжуд.

Тажриба биринчи босқичда туман ҳокимликлари тасарруфидаги, 2025 йил ва ундан кеийнги йилларда эса бўш ер участкаларида жорий этилиши белгиланган. Бўш ер участкаси дейилгани қайси тоифа ва кимнинг назоратидаги ер майдонлари эканини контуригача аниқлаштирилиши керак бўлади. Акс ҳолда, тийиб туриш ва ҳисобдорлик мавжуд бўлмаган маҳаллий ҳокимликларда чексиз манипуляциялар бошланиб кетишига йўл очилади.

Фермерлар ерини яна "ихтиёрий" топширадими? Топширишдан бош тортишса-чи?

Ҳужжатнинг энг қизиқ жойи 4-бандидан бошланади.

Унга кўра, фермер хўжалиги ҳозирда фойдаланаётган жами ер майдонининг ўртача 80 фоизидан ихтиёрий равишда воз кечиб, ушбу ер участкаларини туман ҳокимлиги тасарруфига ўтказиши керак. Қолган 20 фоиз ер майдони фермер хўжалигининг ўзига янги тажриба асосида яна 49 йилга ижарага берилади. Бунинг учун фермер хўжалиги ер майдонининг ўзига қоладиган қисми учун ер участкаси норматив қийматининг 50 фоиз миқдоидаги маблағни 15 кун ичида тўлиқ тўлаши зарур.

Юқоридаги қоидалар Наманган, Тошкент ва Фарғона вилоятининг 6 та туманида қўлланилишига розилик берилган (3-илова).

Тўғриси, мен билмадим, қайси фермер хўжалиги ўз ихтиёри билан ерининг 80%ини топшириб, яна қолган 20%ига ижара тўлашга рози бўлади? Уни бунга ундайдиган мотивлар нима бўлиши мумкин? 80% деган рақамлар қаердан келди, 20% рақами кимдан чиқди? Бу амалдаги қонунчиликка, мулк ҳуқуқини ҳимоя этадиган нормаларга қанчалик тўғри келади? Одамлар кейин доимийга айланадиган бу ғаройиб тажриба натижаларига ишонадими? Ўзи умуман, кимдандир ерни олиб қўйиб, бошқасига бериш орқали самарали мулкдор яраладими?

Ҳужжатнинг кичик бандларидан бирида фермерлар бунга "қизиқиш билдирган тақдирдагина амалга оширилиши" кўрсатилган. Лекин биз биламизку, суд йўқ, қонун йўқ, ҳокимлар яккаҳукмронлиги ўрнатилган жойларда фермерларга нисбатан қандай маъмурий босимлар ишлатилишини? Фермерлар рози бўлмаса, ҳокимиятга қарши курашда уларнинг имкониятлари ва ресурслари тенг эмаслигини била туриб, бу авантюрага бориш мумкинми ўзи?

Беихтиёр, 2003 йилдан 2016 йилгача аввал йириклаштириш, кейин майдалаштириш, кейин мақбуллаштириш баҳонасида фермерлардан ерни тортиб олиш бўйича қўлланилган ойболта чоралари эсга тушади. Қўрқади одам, наҳотки яна бир думалаб ўша усулларга қайтмоқдамиз?

Наҳотки, йиллар давомида ер майдонига турли ва тинимсиз ўзгартириб борилган ҳуқуқлар орқали эгалиб қилиб келган, шунча яхши ва ёмон замонларнинг ва зўравонларнинг чиғириғидан омон чиққан фермер хўжаликларининг Ер ислоҳоти пайтида устувор ҳуқуқини таъминлаш мумкин эмас?

Ҳа, ҳужжатнинг бешинчи банди мазкур тажриба тизимнинг 2025 йил кузги мавсумдан бошқа ҳудудларга ҳам тадбиқ этиш имкониятини беради. Ҳаммаси ҳали олдинда.

🔹5 феврал, 2025 йил.

🔘🔘🔘

Фермерларларимизнинг 1-рақамли канали: FERMER.UZ

12.02.202519:36

⚡️ФЕРМЕРЛАРИМИЗ УЧУН ДОЛЗАРБ ВИДЕО-МАЪЛУМОТ: Пахта хомашёсини биржа савдоларида сотиш тартиби.

👇👇👇
https://youtu.be/aJRym6emTvc?si=VvedmMqBjL5YWwtU

➡️ FERMER.UZ

11.02.202503:48

⚡️НАМАНГАН ВИЛОЯТИДАН МУРОЖААТ: Учқўрғонлик фермерлар биржа учун тўлов қилишга мажбурланаётгани айтилмоқда.

"Ассалому алайкум. Биз Учқўрғон туманида фаолият олиб борувчи фермер хўжаликлари туман ҳокими Дилшод Мирхановнинг нотўғри қарорлари ва топшириқларидан азият чекмоқдамиз. Бунинг натижасида кундан-кунга фермерлар ўртасида норозиликлар кучайиб бормоқда.

Президент томонидан "Пахта етиштириш режаси, унинг харид нархини белгилаш амалиёти" тартибга солинмоқда. Учқўрғон туманида эса, Президент қарорини менсимасдан туман хокими Д. Мирханов фермерларга тазйиқ ўтказмоқда.

Ҳеч кимга сир эмаски, 2024 йил пахтачиликда жуда ҳам оғир ва синовли йил бўлгани ҳаммага аён. Туман буйича саноқли фермер хўжаликлари пахтадан даромад олди, ҳозирги кунгача 80 дан зиёд фермерлар 10 млрд сўмдан ортиқ пахта кредитини қоплай олгани йўқ.

Шунга қарамасдан туман ҳокими томонидан 2024 йилдаги ҳеч ким бажара олмаган пахта режасига қўшимча режаси белгилаб, биржа савдосида қатнашиш учун пул тўлашга мажбурланмоқда.

Туман ҳокимининг қишлоқ хўжалиги масалалари буйича ўринбосари Ф. А. Алматов билан учрашиб, 500 дан бошлаб 1000 АҚШ долларигача берган фермер хўжаликларини режалари камайтириб берилмоқда. Туманда Ф. А. Алматов бошчилигида фермерлардан пул олиш ҳолати кундан кунга кўпайиб кетмоқда".

❕Туман мутасаддиларидан ҳолат бўйича муносабат билдиришларини кутиб қоламиз.

🔹Мурожаатлар мутасаддилар эътиборидаги Facebook тармоғидаги саҳифа ва гуруҳларимизда ҳам ҳавола этилмоқда.

🔘🔘🔘

Фермерларимизнинг 1-рақамли канали: FERMER.UZ

11.02.202502:35

⚡️АНДИЖОН ВИЛОЯТИ: Ҳоким муовини кунига икки маҳал фермерларни йиғиб мажлис ўтказаётгани айтилмоқда.

Андижон вилоят ҳокимининг қишлоқ ва сув хўжалиги масалалари бўйича ўринбосари Улуғбек Раҳимов ҳар куни икки маҳалдан – эрталаб соат 7:30 ва кечқурун соат 20:00 да мажлис уюштириб, ҳатто йиғилишга келмаган фермерларни милиция билан олиб келиш, келмаса ерини олиб қўйиш билан қўрқитиб, ҳақорат ва босим қилинаётгани ҳақида хабар тарқалмоқда.

❕Расмий муносабат кутиб қоламиз.

🔘🔘🔘

Фермерларимизнинг 1-рақамли канали: FERMER.UZ

Repost qilingan:

IKAR Uzbekistan

15.02.202502:27

04.02.202510:09

⚡️18-СОНЛИ ПРЕЗИДЕНТ ФАРМОНИ ИМЗОЛАНДИ: Батафсил тафсилотлар.

“Қишлоқ хўжалиги экин майдонлари унумдорлигини ошириш, тармоққа инвестициялар жалб қилиш учун қулай шарт-шароит яратиш бўйича навбатдаги чора-тадбирлар тўғрисида”ги Президент Фармони (ПФ-18-сон, 03.02.2025 й.) қабул қилинди

Фармонга кўра, қишлоқ хўжалигига мўлжалланган ер участкаларини ажратишда, тажриба-синов тариқасида, ижарага олувчиларнинг мустақиллиги ва юқори қўшилган қийматга эга экинлар етиштиришга асосланган янги тизим яратилади.

Янги тизим доирасида:

ер участкалари контурлар яхлитлиги ва суғориш тизимини бузмаган ҳолда 3 гектардан 50 гектаргача бўлган ўлчамларда “E-auksion”да савдоларга чиқарилади;

электрон онлайн аукцион савдоларида яшаш жойидан, ташкилий-ҳуқуқий шаклидан, бошқа ер участкаси бор ёки йўқлигидан қатъи назар, барча жисмоний ва юридик шахслар (резидентлар), шу жумладан, чет эл инвестициялари иштирокидаги корхоналар иштирок этиши мумкин.

Янги тизим доирасида электрон онлайн аукцион ғолиби – ижарага олувчи Ер кодексида белгиланган ҳуқуқлар ва мажбуриятлар билан бирга қуйидаги ҳуқуқларга эга бўлади, жумладан:

ер участкасидан 49 йил ижара ҳуқуқи асосида фойдаланиш;

қишлоқ хўжалиги экинларининг турлари, навлари ва ҳажмларини мустақил равишда белгилаш;

ер участкасини иккиламчи ижарага бериш;

дала четида 20 сотихдан кўп бўлмаган, қишлоқ хўжалигига хизмат кўрсатувчи объектларни жойлаштириш.

Фармонга кўра, ер участкаларини ажратиш ишлари 2025 йил 1 мартгача тўлиқ якунланади.

Янги тизим биринчи босқичда 2025 йил баҳорги экиш мавсумигача белгиланган ҳудудларда туман ҳокимликлари тасарруфида турган, 2025 йил ва ундан кейинги йиллар ҳосили учун пахта ва ғалла экинларини етиштириш назарда тутилмаган бўш турган ер участкаларида жорий этилади.

Янги тизим самарадорлигини мунтазам равишда таҳлил қилган ҳолда, заруратга кўра, уни 2025 йилги кузги экиш мавсуми ва ундан кейинги даврларда бошқа ҳудудларга ҳам татбиқ этиш бўйича таклиф киритиб борилади.

Қуйидагилар ташкил этилади:

“Қишлоқ хўжалигида ер ислоҳотларини амалга ошириш лойиҳа офиси”;

белгиланган ҳокимликлар ҳузурида “Ижарага берилган қишлоқ хўжалиги ерларига хизмат кўрсатиш дирекцияси” давлат корхоналари.

Органик маҳсулотлар етиштириш учун Global G.A.P, GMP, FSCC, HACCP, Halal, Organic ва бошқа халқаро даражада тан олинадиган сертификатларни олган деҳқон, фермер хўжаликлари ва қишлоқ хўжалиги корхоналарига ижарага берилган ер участкалари учун 2028 йил 1 январгача ер солиғи 50 фоиз миқдорида тўланади, дейилади хабарда.

🔷БАТАФСИЛ: ПФ-18-сон 03.02.2025. Қишлоқ хўжалиги экин майдонлари унумдорлигини ошириш, тармоққа инвестициялар жалб қилиш учун қулай шарт-шароит яратиш бўйича навбатдаги чора-тадбирлар тўғрисида
https://lex.uz/en/docs/7360179

🔘🔘🔘

Фермерларимизнинг 1-рақамли канали: FERMER.UZ

23.02.202514:51

04.02.202500:08

⚡️ФЕРМЕРЛАРИМИЗ УЧУН ФОЙДАЛИ МАЪЛУМОТ: Тупроқларнинг бир бонитет баллига нисбатан норматив ҳосилдорликни аниқлаш бўйича тавсиялар.

Масалан, суғориладиган ерларда ғўза учун хўжалигингиздаги тупроқ балл бонитети 50 га тенг бўлса, жадвал бўйича норматив ҳосилдорликни 50×0,4=20 центнерни ташкил қилади.

Суғориладиган ғалла экинлари учун эса, жадвал бўйича 50×0,6=30 центнерни ташкил қилади.

Шунингдек, шоли, тамаки, яшил ем-ҳашак, сабзавотлар, полиз маҳсулотлари, маккажўхори, картошка, токзорлар ва бошқа экинлар бўйича норматив ҳосилдорликни аниқлаш мумкин.

Жадвал Хукуматнинг 235-қарори бўйича "Қишлоқ хўжалиги экин майдонларининг норматив қийматини аниқлаш тўғрисидаги низом"га илова қилинган.

🔘🔘🔘

Фермерларимизнинг 1-рақамли канали: FERMER.UZ

24.02.202501:46

18.02.202518:59

⚡️СУВДАН ФОЙДАЛАНИШ ВА СУВ СОЛИҒИ : Фермерларимиз учун эътиборли маълумотлар.

Амалда фойдаланилган сувнинг ҳажми солиқ базасидир. Солиқ базаси сув ресурсларининг ер усти ва ер ости манбаларидан олинган сув ҳажми сувдан фойдаланишнинг бухгалтерия (дастлабки) ҳисоби ҳужжатларида акс эттирилган сув ўлчагич асбоблар кўрсаткичлари асосида аниқланади.

Сувдан ўлчагич асбобларсиз фойдаланилган тақдирда, унинг ҳажми сув объектларидан сув олиш лимитларидан, сувни истеъмол қилишнинг технологик ва санитария нормаларидан, экинлар ҳамда яшил дарахтзорларни суғориш нормаларидан ёки маълумотларнинг тўғрилигини таъминловчи бошқа усуллардан келиб чиққан ҳолда аниқланади.

Фермер хўжаликлари учун солиқ тўлашнинг қуйидаги муддатлари белгиланган:

1 октябрга қадар - хўжалик ўтган йилда қишлоқ хўжалиги ерларини суғориш ва балиқ кўпайтириш (етиштириш) учун фойдаланадиган сув ҳажми асосида солиқ органлари томонидан аниқланган йиллик солиқ суммасининг 70%и. Агар ўтган йилда фойдаланилган сув ҳажми тўғрисидаги маълумот мавжуд бўлмаса, солиқ суммаси сувдан фойдаланиш ва сувни истеъмол қилиш соҳасидаги ваколатли орган томонидан тасдиқланган сув истеъмоли нормативлари бўйича аниқланади;

15 декабрга қадар - солиқнинг қолган суммаси.

МАЪЛУМОТ УЧУН: Қуйидаги сувлар солиқ солиш объекти бўлмайди:

1) нотижорат ташкилотлар томонидан нотижорат фаолиятни амалга ошириш доирасида фойдаланиладиган сув ресурслари;

2) соғлиқни сақлаш муассасалари томонидан даволаш мақсадида фойдаланиладиган ер ости минерал сувлари, бундан савдо тармоғида реализация қилиш учун фойдаланилган сув ҳажми мустасно;

3) атроф-муҳитга зарарли таъсир кўрсатишининг олдини олиш мақсадида чиқариб олинган ер ости сувлари, бундан ишлаб чиқариш ва техник эҳтиёжлар учун фойдаланилган сув ҳажми мустасно;

4) шахтадан сувларни қочириш учун, фойдали қазилмаларни қазиб олиш пайтида чиқариб олинган ва қатламдаги босимни сақлаб туриш учун ер қаърига қайта қуйиладиган ер ости сувлари, бундан ишлаб чиқариш ва техник эҳтиёжлар учун фойдаланилган сув ҳажми мустасно;

5) гидроэлектростанциялар гидравлик турбиналарининг ҳаракати учун фойдаланиладиган сув ресурслари;

6) иссиқлик электр станциялари ва иссиқлик электр марказлари томонидан қайта қуйиладиган сув ресурслари;

7) қишлоқ хўжалигига мўлжалланган шўрланган ерларни ювиш учун фойдаланиладиган, сувдан фойдаланиш ва сув истеъмоли соҳасидаги ваколатли орган томонидан тасдиқланган шўрларни ювиш нормалари доирасидаги сув ресурслари;

8) коллектор ва дренаж тармоқларидан ишлатиладиган сув ресурслари.(Солиқ кодексининг 442-моддаси).

🔹🔹🔹

Ўзбекистон Республикаси Президентининг 05.01.2024 йилдаги ПҚ-5-сонли қарорига асосан:

сув солиғи 100 сўм этиб белгиланганлиги инобатга олиниб, сув етказиб бериш хизматлари учун тўловлар бекор қилинган.

Махсус хизматлар ва Туман ирригация бўлимлари бирлаштирилиб, "Сув етказиб бериш хизматлари" ташкил қилинди. Бу хизматларнинг барча харажатлари сув солиғининг 40 фоизи ҳисобига молиялаштирилади, дейилади хабарда.

🔘🔘🔘

Фермерларимизнинг 1-рақамли канали: FERMER.UZ

01.02.202512:36

⚡️7720 СЎМ/КГ: Биржада пахтанинг бошланғич нархи эълон қилинди!

Ўзбекистон Республикаси Вазирлар Маҳкамасининг 2023 йил 25 декабрдаги 680–сон қарори билан тасдиқланган пахта хомашёсини биржа савдолари орқали сотишни тартибга солиш тўғрисидаги низомнинг 12-бандига мувофиқ, Нью-Йорк биржасида пахта толасининг охирги 6 ойдаги ўртача фьючерс котировкаларидан келиб чиқиб ҳисобланган, биржа савдоларида фьючерс шартномаси асосида сотиладиган 1 тонна (биринчи нав, иккинчи синф) пахта хомашёсининг бошлан7ич нархи – 7720000 сўм қилиб белгиланди.

Uzex.uz сайтининг хабарига кўра, пахта хомашёси бўйича биржа савдолари душанба-жума кунлари икки савдо сессиясида ўтказилади:

Эрталабки сессия соат 09:00-12:30 оралиғида, кечки сессия эса, соат 14:00-18:00 оралиғида белгиланган.

🔘🔘🔘

Фермерларимизнинг 1-рақамли канали: FERMER.UZ

01.02.202506:05

⚡️ФЕРМЕРЛАР ЭНДИ ОДДИЙ ИШЧИГА АЙЛАНАДИМИ? Тошкент вилоятининг Паркент туманидан лавҳалар.
👇👇👇
https://youtu.be/0uZAlfsK1ws?si=c64mV8xJ3HZ0TbyP

➡️ FERMER.UZ

07.02.202520:02

⚡️18-СОНЛИ ПРЕЗИДЕНТ ФАРМОНИ БЎЙИЧА KUN.UZ ТАҲЛИЛИ: Ижарачиларнинг ҳуқуқ ва мажбуриятлари санаб ўтилди.

Президентнинг "Қишлоқ хўжалиги экин майдонлари унумдорлигини ошириш, тармоққа инвестициялар жалб қилиш учун қулай шарт-шароит яратиш бўйича навбатдаги чора-тадбирлар тўғрисида"ги фармони қабул қилинди.

🔹Батафсил маълумот: https://lex.uz/en/docs/7360179

Тажриба тариқасида ижарачиларнинг мустақиллиги ва юқори қўшилган қийматли экинларни етиштиришга асосланган қишлоқ хўжалиги ер участкаларини ажратишнинг янги тизими жорий этилмоқда.

Бунда ер участкалари контурлар яхлитлиги ва суғориш тизимини бузмаган ҳолда 3 гектардан 50 гектаргача бўлган ўлчамларда E-auksion савдо платформасида электрон онлайн-аукцион савдоларига қўйилади.

Ҳар бир лот ҳужжатларида, кейинчалик – ер участкаларининг ижара шартномаларида қуйидагилар мажбурий тартибда кўрсатилади:

ер участкасининг норматив қиймати ва тупроғи бонитет балли;

тупроқ таркиби ва сифати таҳлили натижалари, ўрганиш вақти;

алмашлаб экишга тавсия этиладиган асосий ва такрорий экинлар турлари;

сув билан таъминлаш усуллари, давлат томонидан кафолатланган йиллик сув етказиб бериш лимитларининг энг паст ва энг юқори даражалари;

даланинг четларида (муҳофаза зонасидан ташқари) ижарага берилган контур майдонининг 1 фоизидан ошмайдиган, 20 сотихдан кўп бўлмаган қисмида қишлоқ хўжалигига хизмат кўрсатиш объектларини жойлаштиришни ҳисобга олган ҳолда ишлаб чиқилган ер тузилиши лойиҳаси.

Электрон онлайн-аукцион савдоларида барча жисмоний ва юридик шахслар (резидентлар), шу жумладан хорижий инвестициялар иштирокидаги корхоналар қатнашиши мумкин.

Бунда аукцион ғолиби кейинчалик ер участкаси жойлашган вилоятда (Қорақалпоғистонда) юридик шахс ташкил этиши ёки ўз юридик манзилини ушбу ҳудудга ўзгартириши лозим.

Электрон онлайн-аукцион савдоларида бошланғич нарх ер участкасининг норматив қийматининг 50 фоизи миқдорида белгиланади.

Сотилмаган лотлар ҳар беш кунда лот қийматидан 10 фоиздан бошланғич нархнинг 20 фоизигача босқичма-босқич камайтириш билан такрорий аукционга қўйилади.

Бундан ташқари, янги тизим доирасида электрон онлайн аукцион ғолиби – ижарачи Ер кодексида белгиланган ҳуқуқ ва мажбуриятлар билан бирга қуйидаги ҳуқуқларга эга бўлади:

ер участкасидан 49 йил давомида ижара ҳуқуқи асосида фойдаланиш, шунингдек кейинчалик ижара муддатини узайтириш;

қишлоқ хўжалиги экинларининг турлари, навлари ва ҳажмларини мустақил белгилаш;

ижара шартномаси бўйича ўз ҳуқуқ ва мажбуриятларини ижара муддати давомида бошқа шахсга бепул ёки ҳақ эвазига ўтказиш (қайта ижарага бериш), ер участкасини субижарага бериш – Ер кодексига мувофиқ ва бошқалар.

Ижарачи қуйидаги мажбуриятларни ўз зиммасига олади:

қишлоқ хўжалиги экинларини алмашлаб экишни ташкил этиш;
ер участкасидан оқилона фойдаланиш, унинг тупроғи унумдорлигини сақлаш ва ошириш;

ер участкасида ҳар йили етиштириладиган қишлоқ хўжалиги экинларининг турлари, навлари, ҳажмлари, шунингдек тўлов ҳужжатларига мувофиқ реализация қилинган маҳсулотлар тўғрисидаги маълумотларни ўз танлови бўйича Солиқ қўмитасининг ахборот тизимига мунтазам киритиб бориш;

ер участкасининг норматив қиймати, бонитет балли, тупроқ таркиби, сифатини қонунчиликда белгиланган тартиб ва даврийликда текшириш.

Янги тизим биринчи босқичда белгиланган рўйхатдаги туманларда жойлашган, 2025 йил ва кейинги йиллар ҳосили учун пахта ва ғалла экинларини етиштириш кўзда тутилмаган, туман ҳокимликлари тасарруфидаги бўш ер участкаларида 2025 йил баҳорги экиш мавсумигача бўлган муддатда жорий этилади, дейилади хабарда.

🔘🔘🔘

Фермерларимизнинг 1-рақамли канали: FERMER.UZ

15.02.202502:27

⚡️АДВОКАТ ХАЙРУЛЛО ҚОСИМОВ: "Суд раиси фермернинг конституциявий ҳуқуқига тупуриб қўйса, бечора фермер дардини қаерга айтсин?!".

"Бизда энг кўп ҳуқуқи бузиладиган тадбиркорлик субъектлари фермерлар бўлса керак. Кластерлар билан муносабатлардаям шу.

Қонунчилигимиз ҳам шунга йўл очиб бергандек. Масалан, битта кластер фермерни ҳақини беролмай қолса, уни хўжайинини, яъни таъсисчисини шахсий мулкига ундирув қаратиб бўлмайди. Лекин кластерда фермерни қарзини унинг шахсий мулкига қаратиш имконияти бор.

Судларда ҳам шунга ўхшаш ҳолат бор. Битта пахтачилик кластери 50 та фермерни судга берса, битта ёки иккита суд мажлисида ҳаммаси ҳал. Агар битта фермер пахтачилик кластерини судга берса, иш икки ойлаб чўзилаверади.

Судни кўриб, судья кластердан қўрқяптими деб ўйлаб қоласан.

Мана бу постни Фарғона туманлараро суди раиси кўраётган ва бугун соат 17-30 га қўйилган суд мажлисини кутиб ўтириб ёзгандим.

Шу ишда фермер манфаатларини ҳимоя қилаётган эдим. Постда ёзилганларни тасдиғи сифатида, суд раиси мени ВКА орқали суд мажлиси бошланишини кутиб турганимни билсада, мени иштирокимсиз суд мажлисини ўтказиб қарор чиқарибди.

Шу пайтгача кластер вакилини вақти бўлмаганлиги сабабли бир неча марта ишни қолдириб келган раис, суднинг энг муҳим музокара босқичини фермернинг адвокатисиз ўтказиб қўя қолибди.

Қарор ўз йўлига, унга нисбатан апелляция берармиз, лекин фермерни ҳам конституциямизнинг 29-моддасида белгиланган малакали юридик ёрдамдан фойдаланиш ҳуқуқи бор. Бу ҳуқуқ эса унинг манфаатини ҳимоя қилаётган адвокатни ишда иштирок этиши билан таъминланади.

Суд раиси фермернинг конституциявий ҳуқуқига тупуриб қўйса, бечора фермер дардини қаерга айтсин?!

Ўша гап, фермер ҳам одамми, ҳурматли суд раиси?!"

🔹14 феврал, 2025 йил.

🔘🔘🔘

Фермерларимизнинг 1-рақамли канали: FERMER.UZ

Ko'proq funksiyalarni ochish uchun tizimga kiring.