Мир сегодня с "Юрий Подоляка"
Мир сегодня с "Юрий Подоляка"
Ko'rish
Труха⚡️Україна
Труха⚡️Україна
Ko'rish
Николаевский Ванёк
Николаевский Ванёк
Ko'rish
Мир сегодня с "Юрий Подоляка"
Мир сегодня с "Юрий Подоляка"
Ko'rish
Труха⚡️Україна
Труха⚡️Україна
Ko'rish
Николаевский Ванёк
Николаевский Ванёк
Ko'rish
Насрулло Эргаш дунёси avatar

Насрулло Эргаш дунёси

Бу шундай жой – манзилин
сўраб келгай даҳолар,
Жонга жон, дилга дилни
ўраб келгай даҳолар.
Бу кўнгилдир – Худонинг
даргоҳидай кенг даргоҳ,
Қолгай аҳдга содиқлар,
кетгайдир бевафолар.
© Н. ЭРГАШ
Барча асарлар муаллифлик ҳуқуқи билан ҳимояланган.
TGlist reytingi
0
0
TuriOmmaviy
Tekshirish
Tekshirilmagan
Ishonchnoma
Shubhali
Joylashuv
TilBoshqa
Kanal yaratilgan sanaJan 06, 2019
TGlist-ga qo'shildi
Jan 26, 2025
Men kanal egasiman
O'zgartirishlar tarixi
Muxrlangan guruh
Nasrullo Ergash
Nasrullo Ergash
143

Rekordlar

13.03.202516:13
731Obunachilar
12.03.202523:59
100Iqtiboslar indeksi
02.04.202523:59
249Bitta post qamrovi
01.04.202523:59
305Reklama posti qamrovi
11.01.202523:59
30.00%ER
02.04.202523:59
34.44%ERR

Насрулло Эргаш дунёси mashhur postlari

Barcha postlar
01.04.202519:42
⚡️#танлов #шеър_ва_тасвир

✅ 54 - ishtirokchi Nigora Togʻayeva

BAHORNING TUGʻILISHI

✍️ Nasrullo Ergash she’ri
🎤 Nigora Togʻayeva
ijrosi

2025.02.04


👉 @xayol_soyasi
29.03.202504:50
⚡️#танлов #шеър_ва_тасвир

✅ 50 - ishtirokchi Charos Burhon qizi

AYOL

✍️ Nasrullo Ergash she’ri
🎤 Charos Burhon qizi ijrosi

2025.28.03


👉 @xayol_soyasi
03.04.202505:05
⚡️#танлов #шеър_ва_тасвир

✅ 37 - ishtirokchi Zuhra Sohibova

AYOL

✍️ Nasrullo Ergash she’ri
🎤 Zuhra Sohibova
ijrosi

2025.03.04


👉 @xayol_soyasi
Repost qilingan:
“Yoshlik” jurnali avatar
“Yoshlik” jurnali
Post media background
Post media
09.04.202511:54
#fikrnoma

Vizual shoir

Nasrullo Ergash she’rlarini ilk bor o‘qiganimda uning bir kun kelib butunlay o‘zgacha yoza olishiga ishongan edim. Kuni kecha qo‘lyozmasini o‘qib yanglishmaganimni his etdim. U vizual shoirga aylanibdi.
Vizual she’riyat – antik davrda Ovro‘pada, jumladan, Germaniyada rivojlangan bo‘lsa-da, uning ilk kurtaklari bizdagi qoyatosh suratlarida bo‘y ko‘rsatgan.
Bir qarasangiz antiqa tuyuladi. (Shakllar) figuralar o‘yini diqqatingizni tortish barobarida ko‘zga ko‘proq yuk ortadi. Zero, vizual she’riyat namunalarini ko‘z tinglaydi. Masalan, Nasrulloning “Tirnoq­larin egovlar hilol” she’rini o‘qib bersangiz, o‘quvchi dastlab she’rdagi go‘zallikni bor bo‘yi bilan ilg‘ayolmas, ammo shaklda musiqa mixlanganini ko‘rgach esa unda hayrat ko‘zlari ochilmog‘i shubhasiz.

Bahrom RO‘ZIMUHAMMAD
2023.14.12

📱Telegram 📱 Instagram
📱Veb-sayt 📱Facebook
Post media background
Post media
30.03.202504:04
ҚИРҚҚА КИРГАН ХУРСАНДБЕККА ҚАРҚАРА ШЕЪР

Қоядаги қирғийдек
қирққа кирган Хурсандбек,
Айт, бунчалар ўжарсан,
нечун бунча ўрсан, бек?
Йўлингда ҳар учраган
зоғларга парво қилма,
Алардан баланд учсанг,
билгилки, сен ҳурсан, бек!

2025.30.03

© Насрулло Эргаш

👉 @xayol_soyasi
14.04.202517:02
Шоир наздида ёзиш ва яшаш бир ҳодиса. У ёзиш орқалигина яшаётганини исбот этади.

Хулоса ўрнида шуни айтиш керакки, Насрулло Эргаш – юрагини, дардини ва умидини тирик сатрларга жо қилган шоир. Унинг шеърияти – ҳаёт ва ўлим, муҳаббат ва нафрат, исён ва фидокорлик ўртасидаги мангу курашни ифодаловчи бадиий дунё. У ижодга ибодат каби қарайди ва ҳар бир сатрида шоирнинг қалб ёнғини, эътиқоди ва изтироблари акс этади. Аллоҳ ато этган истеъдод соҳиби, ҳар бир сатри асрлар силсиласига бардош бера оладиган шоир қалби уришдан, қўли ёзишдан тўхтамасин!

2025 йил 13 апрель

👉 @xayol_soyasi
Post media background
Post media
08.04.202506:09
ШЕЪРИЯТ САБОҒИ

Шеър – шундай гўзалки қошу қабоғи,
Унинг юзи гўзал, оёғи гўзал.
Навоий айтмишки, бошдин адоғи,
Унинг юзи гўзал, оёғи гўзал.

Мен бу гўзал қизга кўнглимни бердим,
Бир кўнглим етмади, умримни бердим.
Тунлар оёғига бошимни қўйдим,
Унинг юзи гўзал, оёғи гўзал.

Сатрлар гўзалнинг сочлари эрур,
Сиёҳ кўздан оққан ёшлари эрур,
Шеърим ул гўзалнинг тушлари эрур,
Унинг юзи гўзал, оёғи гўзал.

Ул шундай гўзалки борин бергайдир,
Борин беролмаса йўғин бергайдир,
Сенга гўзал шеърлар туғиб бергайдир,
Унинг юзи гўзал, оёғи гўзал.

Айтсам ул гўзалнинг йўқдир саноғи,
Ўпсам қўли гўзал, гўзал бармоғи,
Аёлнинг ҳам гўзал бўлур оёғи,
Унинг юзи гўзал, оёғи гўзал...

2025.08.04

© Насрулло Эргаш

👉 @xayol_soyasi
06.04.202512:30
«ҚАҚНУС»ДА ҚАҚНУСДАЙ ЁНИБ ШЕЪР АЙТГАН ЭДИК

...Онажон, бир сир бор сирдан улуғроқ,
Бир гўзал орзу бор баридан суюк:
Бир шеър ёзсам эди – шеърдан улуғроқ,
Бир одам бўлсайдим – шоирдан буюк!

© Насрулло Эргаш
© 📺 «Қақнус»

👉 @xayol_soyasi
Post media background
Post media
29.03.202512:04
ХАЛҚ

Бу шундай буюк халқ, жўмарддир ёки,
Берганин гоҳ балиқ, гоҳ Холиқ билар.
Муштумзўрга қўша уй берар ҳоким,
Шоирига уйни халқ олиб берар!

2025.29.03

© Насрулло Эргаш

👉 @xayol_soyasi
Post media background
Post media
11.04.202504:41
АЙ ЙОЛА – АЛЛА ДЕМАК

«Ай йола» гуруҳининг номи фольклоршунос сифатида мен учун ашула, алла ва ялла каби атамаларнинг қандай пайдо бўлганини ойдинлаштирди: – ай йола – ой шула, демак, ой шула – ашула; йола – ялла; ва ай йола – алла (ой чиққанида айтиладиган қўшиқ) демак.

2025.11.04

© Насрулло Эргаш

👉 @xayol_soyasi
Repost qilingan:
O‘zbekiston Yozuvchilar uyushmasi avatar
O‘zbekiston Yozuvchilar uyushmasi
Post media background
Post media
27.04.202506:33
#HIKMAT

***
Aynan kuchli shamollar daraxtning yanada kuchliroq tomir otishiga sabab bo‘ladi.

Robindranat TAGOR
-------------------------------

***
Айнан кучли шамоллар дарахтнинг янада кучлироқ томир отишига сабаб бўлади.

Робиндранат ТАГОР
Post media background
Post media
25.04.202507:04
ЭНГ БУЮК МАФКУРА – АДАБИЁТДИР!

Тил ва адабиёт таълим билан эмас, таълим тил ва адабиёт билан тирик. Халқни миллат қиладиган энг зўр олий таълим ва энг буюк мафкура аслида унинг адабиётидир! Бугун таълим адабиётдан узилиб қолган, шунинг учун миллат болаларида Ватанга муҳаббат ва миллатга фидойилик етишмайди. Боиси уларни ўқитаётган ўқитувчиларнинг аксари бадиий адабиёт ўқимайди. Ўзида йўқ туйғуларни улар қандай болаларга бера олади?! Бемаъни қоғозбозликларни мутлақо тугатиб ўқитувчиларнинг бадиий адабиёт ўқишини қатъий йўлга қўймоқ керак. Амалдорларнинг ҳам... Агар халқ, ўқитувчилар ва амалдорларни нимагадир мажбурлаш керак бўлса уларни китоб ўқишга мажбурлаш керак.

P.S. Фаррух Жабборовнинг энг катта хизмати журналга адабиётни олиб киргани деб ўйлайман.

2025.24.04

© Насрулло Эргаш
© Холида Мусулмон суврати

👉 @xayol_soyasi
31.03.202517:42
Сен менга
Рисоладагидек яшашни
Таклиф қилдинг.
Aввал рисоладагидек бир мавзе топмоқ керак,
Бир уй топмоқ керак
Бирга яшамоқ учун.
Рисоладагидек бир мавзу топмоқ керак
Суҳбатлашмоққа.
Бир куй топмоқ керак
Бирга тинглагани...

Кумуш катта шоирлар каби ҳар доим ўзини ўзи тафтиш этиб яшайди. Аслида шоир учун энг керакли хусусият ҳам шу: ўзини ҳар доим виждон назоратига топшириш! Мен тўғри йўлдаманми, Ҳақ йўлдан оғиб кетмаяпманми, каби уйғоқ саволларни ижодкор ҳар доим ўзига бериб турмоғи шарт! Шундагина у Худо берган истеъдодига ҳамда ўзига хиёнат қилмайди! Миссиясини тўғри тушунади ва ҳар доим ёдда тутади! Илоҳий вазифага содиқ ва лойиқ бўлишга интилади.

Наҳот, айтдим тарқоқ фикрлар,
Наҳотки, бўш сатрлар айтдим,
Ўзи тўлиб турган халқимга?!

Хуллас, мен Кумуш Абдусаломова шеъриятини ўқиб, ўзим учун бир уйғоқ шоирни кашф этдим. Албатта, аксар шоирларда бўлганидек унинг ҳам айрим шеърларида сайқалланиши керак бўлган сатрлар бор. Мен ушбуни ёзаётганимда ҳам унинг ўзим яхши кўрган сатрларини бир оз таҳрир қилган жойларим бўлди. Аммо буларни тузатса бўлади. Булар йўл давомида тузатиладиган жузъий камчиликлар. Муҳими у тўғри йўлда! У шоир учун энг керакли нима эканини яхши билади! Юқорида айтганим шоир вазифасини теран тушунган ва англаган!

У шеърларида ёзган муаммоларни фақат бирлашмоқ йўли билан ҳал этиш мумкинлигини баралла айтади. Ҳа, бугун миллат миқёсида ҳам, туркий дунё миқёсида ҳам бирлашмоқ шарт ва зарур! Ҳурликни сақлаб қолишнинг бундан авло йўли йўқ! Туркий дунё миқёсида бирлашмоқ учун эса миллат болалари энг аввал ўз Ватанлари ичида шоир орзу қилганидек фикр ва тафаккурда, амал ҳамда жасоратда бирлашмоқлари керак!

Бир авло жой бўлса,
Бир маъво бўлса,
Бир варақ бўлсаю
Бир довот бўлса.
Овлоқ-овлоқларда
Якка-якка ҳолда
Ўтириб
Бирлашгувчи
Бир авлод бўлсак!

Аслида бу фақат Кумушнинг эмас, бутун туркий дунё шоирларининг орзуси... Шоир орзуга етсин!

2025 йил 16 март

© Насрулло ЭРГАШ

👉 @xayol_soyasi
Post media background
Post media
21.04.202506:03
ЭЗГУЛИК

            Акам Лазиз Раҳматовга

Шундай одамлар бор, қондошу яқин,
Гоҳо қариндошлик риштасин узар.
Яна шундайлар бор, бегона лекин,
Сен-ла то қиёмат қаърдош тутинар.

Қондошлар соғ бўлсин, бўлсин саломат
Бизни боғлаб турган қондошлик кучи.
Бизларни дўст тутган зотларга раҳмат
Дунёда эзгулик борлиги учун!

2025 йил 21 апрель

© Насрулло Эргаш

👉 @xayol_soyasi
22.04.202516:38
#adabiy_armonlar

Шоирга қизил карточка кўрсатолмайсиз. Уни адабиёт майдонидан четлатмоқнинг иложи йўқ. Ундан истеъдодини тортиб олиб бўлмайди. У барибир ўз сўзини айтади!

2025.22.04

© Насрулло Эргаш

👉 @xayol_soyasi
Ko'proq funksiyalarni ochish uchun tizimga kiring.