22 апреля. Светлая седмица, празднование в честь Иверской иконы Пресвятой Богородицы.
Иверская икона Божией Матери находится в Иверском монастыре на Афоне. С 17 века списки с чудотворной иконы особенно почитаются на Руси. Сам образ изначально был у бедной вдовы, жившей во времена иконоборчества в 9 веке близ города Никеи. Войдя в её дом, один воин иконоборец ударил в лик Богоматери копьём. Из щеки на изображении Богородицы потекла кровь. Впоследствии вдова, боясь поругания святыни, отправила её в море и она чудесным образом доплыла до горы Афон.
📖 Тропарь, глас 1
От святы́я ико́ны Твоея́, о Влады́чице Богоро́дице, исцеле́ния и цельбы́ подаю́тся оби́льно, с ве́рою и любо́вию приходя́щим к ней. Та́ко и мою́ не́мощь посети́, и ду́шу мою́ поми́луй, Блага́я, и те́ло исцели́ благода́тию Твое́ю, Пречи́стая.
📖 Кондак, глас 8
А́ще и в мо́ре вве́ржена бысть свята́я ико́на Твоя́, Богоро́дице, от вдови́цы, не могу́щия спасти́ сию́ от враго́в, но яви́лася есть Храни́тельница Афо́на и Врата́рница оби́тели И́верския, враги́ устраша́ющая и в Правосла́вней Росси́йстей стране́ чту́щия Тя от всех бед и напа́стей избавля́ющая.
Молитва
О Пресвята́я Де́во, Ма́ти Го́спода, Цари́це Небесе́ и земли́! Вонми́ многоболе́зненному воздыха́нию душ на́ших, при́зри с высоты́ святы́я Твоея́ на нас, с ве́рою и любо́вию покланя́ющихся пречи́стому о́бразу Твоему́. Се бо грехми́ погружа́емии и скорбьми́ обурева́емии, взира́юще на Твой о́браз, я́ко живе́й Ти́ су́щей с на́ми, прино́сим смире́нная моле́ния на́ша. Не и́мамы бо ни ины́я по́мощи, ни ино́го предста́тельства, ни утеше́ния, то́кмо Тебе́, о Ма́ти всех скорбя́щих и обремене́нных! Помози́ нам, немощны́м, утоли́ скорбь на́шу, наста́ви на путь пра́вый нас, заблужда́ющих, уврачу́й боле́зненная сердца́ на́ша и спаси́ безнаде́жных, да́руй нам про́чее вре́мя живота́ на́шего в ми́ре и тишине́ проводи́ти, пода́ждь христиа́нскую кончи́ну и на Стра́шнем Суде́ Сы́на Твоего́ яви́ся нам милосе́рдая Предста́тельница, да всегда́ пое́м, велича́ем и сла́вим Тя я́ко благу́ю Засту́пницу ро́да христиа́нскаго, со все́ми угоди́вшими Богу. Аминь.
