CDF-Paletwa ကို ထောက်ပံ့တယ်ဆိုတဲ့ စွပ်စွဲချက်နဲ့ပလက်ဝဒေသခံ ၁၀ ဦးကို အာဏာရှင် ဖက်ဆစ် အာရက္ခတပ်တော်(AA) က ဖမ်းဆီးခေါ်ဆောင်သွားတယ်လို့ ဒေသခံတွေဆီကနေ သိရ
CDF – Paletwa cu nan bawmh hna timi sualpuhnak he Paletwa tualchungmi minung 10 cu fascist AA ralkap nih an tlaih hna
==========
2024 September 28
Chinram, Paletwa peng ah tualchung minung 10 cu CDF-Paletwa an bawmhchanh, pehtlaihnak an ngei timi sualpuhnak he Fascist Arakan Army(AA) nih september 17 ahkhan an tlaih hna i an kalpi hna tiah tualchungmi sin in theih a si.
Paletwa tualchung mi pakhat nih "Paletwa tualchung minung 10 cu AA nih an tlaih hna timi thawngpang kan dong. Minung 10 chung ah 6 cu an min cazin he fiangfai tein kan theih. Aluancia september 17 thawk khan an tlaih hna i, an kalpi hna tiah kan theih, zeiruang ah an tlaih hna timi cu Paletwa ah dohthlengnak a tuahmi CDF-Paletwa he pehtlaihnak ruang, anmah cu nan bawmh hna timi pehtlaihnak a um timi sualpuhnak he an tlaih hna tiin kan theih" tiah Chin World Media sin ah a chim.
Tlaihkhih a tongmi hna hi Chinram Paletwa peng Ngasia khua in mipi 5 le Chindoh khua minung 2 le Yechain khua in minung 3 an si tiah kan theih i, nihin tiang an thlah rih hna lo ti zong Paletwa tualchungmi sin in kan theih.
Paletwa tualchung minung 10 tlaihkhih an tonmi kong he pehtlai in Interim Khumi Affairs Consultative Council lei zong nih a dik mi a si ko tiah an fehter.
