Yaqinda Urikguli Chorsu savdo markazidagi qurilish haqida maqola o‘qib qoldim. Yuqoridagi rasmlarda esa Germaniyada shaharning markazida olib borilayotgan qurilish jarayoni tasvirlangan. Qurilayotgan yoki ta’mirlanayotgan bino atrofini to‘liq o‘rab olishgan (hafsizlik va estitik ko'rinish uchun), yuqoridan tushayotgan chiqindilar uchun mahsus quvur o‘rnatilgan.
Rasmdagi qora quvur shaklidagi narsa — bu qurilish chiqindilarini tushirish quvuri (inglizcha nomi: debris chute yoki rubble chute). Bu tizim aynan qurilish vaqtida paydo bo‘ladigan chiqindilarni (g‘isht, beton, yog‘och bo‘laklari va boshqalar) binoning yuqori qavatlaridan xavfsiz tarzda pastga tushirish uchun o‘rnatiladi.
Uning vazifalari:
Chiqindini xavfsiz tushurish – odamlar va atrofdagilar uchun xavf tug‘dirmaydi.
Changni kamaytirish – chiqindilar yopiq quvurdan o‘tgani uchun chang havoga kamroq ko‘tariladi.
Ish unumdorligini oshirish – chiqindilarni qo‘lda pastga tushirishga ehtiyoj qolmaydi, vaqt tejaydi.
Tartib va tozalik – qurilish maydonini toza va tartibli ushlab turishga yordam beradi.
Shuningdek, bu yerda qanday bino qurilayotgani yoki ta’mirlanayotgani, qurilishni qaysi kompaniya olib borayotgani haqida to‘liq ma’lumot yozilgan. Qurilish jarayonini aynan shu hududda dukoni bor tadbirkorlar nazorat qilishadi. Chunki agar bu yerda chang yoki tartibsizlik yuzaga kelsa, ular mijozlaridan ayrilishi mumkin. Axir kim ham chang bosgan, noqulay joyda savdo qilishni xohlaydi?
