👨🏫Yandex Uzbekistan Dasturlash maktabida yangi o‘quv yili boshlandi
Yandex Dasturlash maktabida Python dasturlash tilining asoslari bo‘yicha bir yillik kurslar boshlandi. Darslar tantanali ma’ruza bilan boshlandi: o‘quvchilar yangi o‘quv yili boshlanishi bilan tabriklandi, esdalik sovg‘alari topshirildi va ta’lim dasturi haqida ma’lumotlar berildi.
👩💻🧑🏻💻Darslarda o‘rta maktabning yuqori sinf o‘quvchilari Python dasturlash tilida ishlash asoslari bilan tanishadilar. Bolalar ushbu tilning asosiy tushunchalari, tuzilmalari va til kutubxonalarini o‘rganadilar. Ta’lim jarayoni Toshkent shahridagi Inha universitetida yuzma-yuz tarzda haftasiga ikki marotaba bir yarim soatdan bo‘lib o‘tadi.
Loyihada ishtirok etish to‘liq bepul. Kirish imtihonlari yakunlari bo‘yicha maktabga 75 nafar ishtirokchi qabul qilindi.
«Yandex Dasturlash maktabini bizning universitetimiz qoshida ochilishi – ta’lim muhitini rivojlantirishda muhim qadamdir. Biz ishonamizki, yetakchi IT-kompaniyalardan biri bilan hamkorlik maktab o‘quvchilariga yangi imkoniyatlarni ochishga va IT sohasida rivojlanish uchun zarur bo‘lgan ko‘nikmalarni o‘zlashtirishga yordam beradi», – deb ta’kidladi Toshkent shahridagi Inha universiteti rektori.
Yandex Dasturlash maktabi – bu o‘rta maktabning 14-17 yoshli o‘quvchilari uchun Python dasturlash tilining asoslarini o‘rganish bo‘yicha xalqaro loyiha. O‘zbekistonda ushbu loyiha o‘z ishini 2023 yilda Toshkentda boshlagan edi. 2024 yilda Dasturlash maktabi Samarqand va Urganchda ham faoliyat boshladi.
