Notcoin Community

Whale Chanel

Переглянути

Proxy MTProto | پروکسی

Переглянути

Будзьма беларусамі!

Беларуская культура - наш падмурак. Пра культуру - актуальна, цікава і з сэнсам! Толькі на роднай мове!
Сувязь з рэдакцыяй: @Suviaz_z_Budmaj_Bot
Афіша беларускіх мерапрыемстваў у свеце: @Budzma_razam_bot
Падтрымаць нас: https://ko-fi.com/budzma

Рейтинг TGlist

ТипПублічний

Верифікація

Не верифікований

Довіреність

Не надійний

РозташуванняБілорусь

МоваІнша

Дата створення каналуЛют 08, 2025

Додано до TGlist

Серп 27, 2024

Я власник каналу

Історія змін

Статистика Телеграм-каналу Будзьма беларусамі!

Детальніше

Підписників

2 524

24 год.

2-0.1%Тиждень

5-0.2%Місяць00%

Індекс цитування

0

Згадок0Репостів на каналах0Згадок на каналах0

Середнє охоплення 1 допису

228

12 год.66

77.9%24 год.228

34.2%48 год.347

20.9%

Залученість (ER)

8.65%

Репостів2Коментарів0Реакцій15

Залученість за охопленням (ERR)

13.74%

24 год.0%Тиждень

0.57%Місяць0%

Охоплення 1 рекл. допису

204

1 год.8441.18%1 – 4 год.00%4 - 24 год.00%

Детальніше

Під'єднайте нашого бота до каналу і дізнайтеся стать аудиторії цього каналу.

Всього дописів за 24 години

9

Динаміка

Останні публікації в групі "Будзьма беларусамі!"

Всі дописи

24.02.202513:11

❤️ У Музеі Вольнай Беларусі з'явілася чытальная зала беларускіх кніг

Аснову кніжнага фонду чытальнай залы складае калекцыя з 559 кніг, перададзеных у музей Факультэтам прыкладной лінгвістыкі (Wydział Lingwistyki Stosowanej) Варшаўскага ўніверсітэта.

Гэта акадэмічныя выданні, класічныя і сучасныя творы беларускіх аўтараў, кнігі па гісторыі, культуры, лінгвістыцы, фальклору, а таксама кнігі для дзяцей і падлеткаў. Сярод іх рэдкія і каштоўныя выданні Беларускай энцыклапедыі, незалежных беларускіх выдавецтваў 1990-х і 2000-х гадоў.

Падрабязней. 📌 Па гэтай спасылцы адкрыецца без VPN.

24.02.202511:59

🧐 «Беларуская верная кроў». Споўнілася 90 год з дня нараджэння Рыгора Барадуліна

✨ Роўна 90 гадоў таму прыйшоў на свет наш знакаміты паэт Рыгор Барадулін. Сусветна вядомы творца, які адклікаўся і на надзённае, і гаварыў пра вечнае. «Паэт будуе сам сябе, як храм», у якім «паэзія — служанка й каралева». Так акрэсліваў сваю місію сам Рыгор Барадулін.

«Рыгор — беларуская верная кроў» — пісала пра паэта Ларыса Геніюш, а Васіль Быкаў называў яго «салаўём Беларусі». Да юбілею творцы прыгадваем цікавыя факты з ягонага жыцця.

Працяг па спасылцы. 🖥 Без VPN чытаць можна тут.

24.02.202511:04

📚 У выдавецтве фонду «Камунікат» у Беластоку выйшла кніга п’ес Сяргея Кавалёва «Камедыя Юдзіфі»

У кнігу ўвайшлі новыя п’есы Сяргея Кавалёва, напісаныя ў розных жанрах: гістарычная драма, філасофская камедыя, містычны дэтэктыў, гарадское фэнтэзі, казка-прыпавесць, піша kamunikat.org.

Верны свайму герменеўтычнаму метаду, драматург плённа выкарыстоўвае ў сваіх п’есах матывы і сюжэты беларускай і сусветнай літаратуры, побач з героямі класічных твораў выводзіць на сцэну іх аўтараў (Яна Баршчэўскага, Вацлава Ластоўскага і інш.), запрашае чытача, а потым і гледача ў падарожжа праз краіны, эпохі, культуры.

❗️ Кнігу ўжо можна замовіць на сайце Kamunikat.shop.

24.02.202509:46

💛 Будзьма беларусамі — будзьма з Украінай!

✈️ У трэцюю гадавіну пачатку поўнамаштабнай вайны Расіі супраць Украіны мы застаёмся разам з украінскім народам.

Мы падтрымліваем украінцаў і працуем дзеля перамогі над агульным злом.

🌱 Чытайце і слухайце таксама:

«Героям Слава». Трэкі беларускіх музыкаў у падтрымку Украіны

24.02.202509:02

🔴 «Нам патрэбна свая медыяплатформа»: Вольга Яноўская пра выдавецтва Grunwald у Канадзе і бачнасць беларускага кантэнту ў сеціве

Выдавецтва Grunwald Publishing было заснавана ў Канадзе ў 2023 годзе з мэтай выдання беларускіх кніг на англійскай мове. Першая кніга — пераклад аповесці «Дзве душы» Максіма Гарэцкага — выйшла з друку ў верасні 2024-га. Цяпер рыхтуецца пераклад «Шляхціца Завальні» Яна Баршчэўскага, перавыданне кнігі The Belarusian Cookbook Алеся Белага і падручнік па беларускай мове для англамоўных.

🗣 Reform.news паразмаўляў з заснавальніцай Grunwald Publishing Вольгай Яноўскай пра асаблівасці выдання кніг у Канадзе, пошукі ідэнтычнасці ў жыцці і літаратуры, а таксама — пра беларускую мову ў сеціве.

«Час ад часу я бачу, як з’яўляюцца розныя петыцыі з заклікамі да кампаній дадаць беларускую мову. Гэта добры жэст актывізму, але ці мы разумеем, чаго патрабуем?»

Падрабязней. 📌 Па гэтай спасылцы адкрыецца без VPN.

24.02.202508:01

🧐❓ Як Контррэфармацыя дапамагла выданню першай друкаванай кнігі ў ВКЛ?

У навуковай літаратуры неаднаразова ўздымалася пытанне пра сувязі беларускага першадрукара з Уроцлавам, сталіцай Сілезіі. Цяпер навукоўцы змаглі даказаць, што першая друкаваная кніга ў Вялікім Княстве Літоўскім з’явілася шмат у чым дзякуючы гэтаму гораду. А таксама дзякуючы рэлігійнаму канфлікту ў Еўропе.

📝 Вынікі свайго даследавання апублікавалі даследчыкі Надзея Марозава з Інстытута літоўскай мовы і Аляксандр Паршанкоў з Карлава ўніверсітэта, піша «Наша Ніва».

Працяг па спасылцы. 🖥 Без VPN чытаць можна тут.

24.02.202506:01

🗓 Што адбылося 24 лютага ў беларускай гісторыі

#гісторыя #будзьмабеларусамі #беларусь #вкл #вільня #рэчпаспалітая #каталікі #праваслаўныя #пратэстанты #гродна #ашмяны #палякі #арміякраёва #вайна #украіна #ліда #полацк #бярэзіна #барадулін #геніюш #ваўкавыск #мсціслаў #магілёў

24.02.202505:01

💅 Анатоль Крывенка, «Васіль Быкаў і Рыгор Барадулін»

❄️ Вітаем, сябры!

Кожны дзень на сайце budzma.org мы пішам пра самае цікавае і важнае, што адбываецца ў свеце беларускай культуры.

Мы распавядаем пра значныя падзеі беларускай гісторыі, культурніцкія мерапрыемствы ў Беларусі і за мяжой, знаёмім з адметнасцямі беларускай традыцыйнай культуры і дзейнасцю сучасных беларускіх творцаў.

📱 Падпісвайцеся на нас у сацсетках: Facebook, Youtube, Instagram, Twitter, Tiktok

Будзьма беларусамі і будзьма разам!

🍬 Падтрымаць: https://ko-fi.com/budzma

23.02.202514:02

❓ШТО ПАЧЫТАЦЬ І ПАГЛЯДЗЕЦЬ

Зрабілі для вас падборку самых цікавых тэкстаў, якія выйшлі на гэтым тыдні на budzma.org. Каб вы нічога не прапусцілі.

❤️«Беларускую культуру можна зрабіць сэксі». Як у Батумі вучаць беларускія танцы
Запыталі суполку танцораў, навошта ім гэта трэба, ці дапамагаюць танцы падтрымліваць эмацыйную сувязь з Радзімай, і ці грузіны далучаюцца да заняткаў.

💬«Я цябе люблю і шаную!» (но это не точно)
Адкуль зьяўляюцца глябальныя праблемы, як не з праблемаў асабістых і своечасова не разьвязаных? Ці магчымае ламаньне агульных чалавечых каштоўнасьцяў, калі перад гэтым не растапталі каштоўнасьці ўласныя? Разважае Валера Руселік.

💬Just business... Казка з добрым канцом адмяняецца?
Выглядае, што стары свет — «усё». Як сістэма, у якой мы жылі ды верылі, што прыкладна так будуць жыць дзеці, толькі — лепш. Таксама ў плане Еўропы, якую пасля ўзыходжання амерыканскай зоркі лічылі тым самым Старым Светам. Усё. Піша Алесь Кіркевіч.

🏠Беларускі ліцэй у Гайнаўцы: як жыве і на што спадзяецца
Ліцэй мае багатую гісторыю, традыцыі, поспехі, але... На сёння не вызначаны яго далейшы лёс. Пра гэта, а таксама пра тое, чым жыве ліцэй, як натхняе моладзь да вывучэння роднай мовы, у размове з Budzma.org распавёў дырэктар ліцэя Ігар Лукашук.

🚆«Цягнік насустрач немінучай катастрофе». Лявон Вольскі пра сусьветныя працэсы і нашу будучыню
Лявон Вольскі піша пра небяспечны паўтор гісторыі, які вось-вось разбурыць прывычны парадак свету. Гэта, безумоўна, палохае, але на думку Лявона, «выбар, хоць і невялікі — ён заўсёды ёсьць».

🗝«Экспедыцыя-1928». Ластоўскі вывеў формулу беларускага стылю?
Гэта той рэдкі выпадак, калі спадчына вяртаецца. Насуперак часу. Цудам. Алесь Кіркевіч піша пра альбом «Экспедыцыя Вацлава Ластоўскага 1928 году. Захаваная спадчына»

🎬Ці была б Беларусь, каб не жанчыны? Хрусь і папалам!
Замшэлыя стэрэатыпы, на жаль, атачаюць нас літаральна паўсюль. Сярод іх багата і зусім абсурдных! Да прыкладу, нібыта Беларуссю ... не можа кіраваць жанчына! Маўляў, яе месца — на кухні, а таксама ля калыскі з дзіцём. Цікава, ці паўтарае гэткія бздуры Сяргей Мікалаевіч, скажам, сваёй роднай маме? У чарговым выпуску «Хрусь і папалам» Валера Руселік распавядае пра неацэнны і вельмі важны ўнёсак жанчын у развіццё нашае краіны.

📚Пра што насамрэч паэма «Кепска будзе»? Багушэвіч і яго праклён. Распавядаем у відэапраекце «Смаленне вепрука»
Слёзы, плач, турма, смерць, голад — адкуль увесь гэты негатыў? Чаму Францішак Багушэвіч — найбольш бязлітасны аўтар ХІХ стагоддзя, які заразіў нашу літаратуру гіперрэалізмам? Чаго мы не ведалі пра «Аліндарку» і ці ёсць у яго станоўчыя рысы? Як у паэме «Кепска будзе» адлюстраваны гісторыя Беларусі ды праграма на будучыню?

23.02.202512:33

❓Адкуль у нас слова КАПЕЦ і пра што гэта?

Якія яшчэ значэнні мае слова “капец” у беларускай мове – чытайце тут 👅 Без VPN чытаць можна па гэтай спасылцы

23.02.202506:00

🗡 Што адбылося 23 лютага ў беларускай гісторыі

#гісторыя #будзьмабеларусамі #беларусь #вкл #вільня #рэчпаспалітая #панятоўскі #радашковічы #булакбалаховіч #бсрг #балаховіч #палякі #краёваабарона #малевіч #torband #астрожскі #тураў #ляшчынскі #серакоўскі #каліноўскі #рагачоў #кіеў #брэст

23.02.202505:03

💅 Казімір Малевіч, «Скача конніца»

❄️ Вітаем, сябры!

Кожны дзень на сайце budzma.org мы пішам пра самае цікавае і важнае, што адбываецца ў свеце беларускай культуры.

Мы распавядаем пра значныя падзеі беларускай гісторыі, культурніцкія мерапрыемствы ў Беларусі і за мяжой, знаёмім з адметнасцямі беларускай традыцыйнай культуры і дзейнасцю сучасных беларускіх творцаў.

📱 Падпісвайцеся на нас у сацсетках: Facebook, Youtube, Instagram, Twitter, Tiktok

Будзьма беларусамі і будзьма разам!

🍬 Падтрымаць: https://ko-fi.com/budzma

22.02.202515:55

22 лютага 1883 года нарадзіўся генерал Асобнага атрада БНР Станіслаў Булак-Балаховіч

На думку большасці даследчыкаў, службу Станіслаў Булак-Балаховіч распачаў у 1914 годзе ў расійскай арміі. Хутка прасоўваючыся па службе, атрымліваў раненні амаль гэтак жа часта, як і ўзнагароды.

Зарэкамендаваў сябе ў якасці паспяховага “партызанскага” камандзіра, удзельнічаў у шматлікіх рэйдах і вылазках за лінію фронту. Лютаўская рэвалюцыя зрабіла яго камандзірам эскадрона… і яна ж нарадзіла таго Балаховіча, якога мы ведаем цяпер, з усёй яго неадназначнасцю і неўтаймаванасцю. Чалавека вайны, які стаяў па-за дабром і злом.

Што пачытаць і паглядзець пра вядомага беларускага генерала?

🗡Генерал па-за дабром і злом

🗡Тры любові Булак-Балаховіча: коні, жанчыны і вайна

🗡Алесь Кіркевіч: Ці было ў БНР войска?

🗡“Мазырская рэспубліка” Балаховіча – апошні шанец БНР

🗡Вогненны лістапад 1920-га. Эпізоды антыбальшавіцкага супраціву ў Беларусі

🗡ВІДЭА. Станіслаў Булак-Балаховіч - першы беларускі антыкамуніст🔹«Трызуб і Пагоня»

22.02.202514:19

⚡️Гэтая легендарная паэма была напісана пра Беларусь на замову папы рымскага. Цяпер стала вядома, дзе менавіта яна была надрукавана

Паэма «Песня пра зубра» — знакаміты твор, напісаны на лацінскай мове ўраджэнцам Вялікага Княства Літоўскага Міколам Гусоўскім. Упершыню яна была надрукаваная ў 1523 годзе ў Кракаве, але дзе менавіта, для беларусаў заставалася загадкай.

Перакладчыцкая ініцыятыва BelRead вывучыла навуковыя публікацыі, абмеркавала гэтае пытанне са спецыялістамі і пераканалася, што беларускія даследчыкі пра гэта яшчэ не пісалі. Тады BelRead вырашылі самастойна запоўніць гэты прабел. Яны звярнуліся да польскіх крыніц — і выявілася, што загадка не такая ўжо і складаная. Пра вынікі свайго міні-«расследавання» прадстаўнікі ініцыятывы распавялі «Люстэрку».

➡️Падрабязнасці па спасылцы. 🔸Тут без VPN

22.02.202510:03

👃 Уявіце, што пісьменнік — гэта парфума

Уявілі? А калі б гэта быў Уладзімір Караткевіч? Якія водары вам адкрыліся б? Якія ноты гучалі б у гэтай парфуме?

✨ Мы з камандай Budma.org пафантазіравалі і вось, што ў нас атрымалася. Глядзіце карткі.

Всі дописи

Рекламувався1 година

0

09.02.202507:57Салідарнасць – главные новости Беларуси

Рекламувався0 секунд

0

07.02.202511:03Етносказ

715

Детальніше

Рекорди

13.02.202515:09

2.5K

Підписників

07.02.202521:33

50

Індекс цитування

31.10.202423:59

420

Охоплення 1 допису

28.10.202423:59

361

Охоп рекл. допису

19.10.202423:59

45.95%

18.02.202523:59

15.42%

ERR

Розвиток

Детальніше

Підписників

Індекс цитування

Охоплення 1 допису

Охоп рекл. допису

ERR

Детальніше

Популярні публікації Будзьма беларусамі!

Всі дописи

22.02.202510:03

07.02.202510:03

🖼 Да 150-годдзя першага прэзідэнта Ізраіля, які нарадзіўся ў Беларусі, адкрылі выставу ў адноўленым будынку валожынскага ешыботу

6 лютага ў Валожынскай ешыве адбылося адкрыццё выставачнага праекта Натыў — Ізраільскага культурнага цэнтра, прысвечанага 150-годдзю Хайма Вейцмана, паведамляецца на старонцы ў Фэйсбуку Ізраільскага культурнага цэнтра ў Мінску.

Выстава заснавана на матэрыялах, прадстаўленых Інстытутам ім. Вейцмана ў Рахавоце. Таксама ў выставе былі выкарыстаны фотаздымкі і асабістыя перапіскі з сямейнага архіва Меера Вейсгала — памочніка, сябра і паплечніка Хаіма Вейцмана. Іх прадаставіў арганізацыі Націў праўнук Вейсгала — Ёнатан Амір.

Працяг па спасылцы. 🖥 Без VPN чытаць можна тут.

18.02.202514:01

🧐 Пра што насамрэч паэма «Кепска будзеі»? Багушэвіч і яго праклён ➗ «Смаленне вепрука»

🟦Слёзы, плач, турма, смерць, голад — адкуль увесь гэты негатыў?
🟦Чаму Францішак Багушэвіч — найбольш бязлітасны аўтар ХІХ стагоддзя, які заразіў нашу літаратуру гіперрэалізмам?
🟦Чаго мы не ведалі пра «Аліндарку» і ці ёсць у яго станоўчыя рысы?
🟦Як у паэме «Кепска будзе» адлюстраваны гісторыя Беларусі ды праграма на будучыню?

#смаленневепрука
— факты пра беларускую літаратуру, якія не распавядалі ў школе і якія замоўчвалі крытыкі. Сэнсы, што зашыфравалі аўтары. Адкрываем наноў нашу літаратуру і яе герояў. Расказвае Наста Суханосік.

📺 Новы выпуск ужо на канале: https://youtu.be/YT5bMXYVxjU

17.02.202514:13

🗡17 лютага 1806 года нарадзіўся археолаг і заснавальнік музея старажытнасцяў у Вільні Канстанцін Тышкевіч

🧺 З’явіўся на свет у родавым маёнтку Лагойск у сям’і буйнога землеўласніка Барысаўскага павета Мінскай губерні графа Пія Феліцыянавіча Тышкевіча. Належаў да ўплывовага шляхецкага роду Тышкевічаў гербу «Ляліва».

🗡 Бацька Тышкевіча прывіў яму любоў да археалогіі. Разам з малодшым братам Яўставіям стаіць ля вытокаў не толькі гістарычнай навукі, але таксама краязнаўства, этнаграфіі, фалькларыстыкі, музейнай справы. На аснове ўласных калекцый разам з імі стварыў Лагойскі музей старажытнасцей. Многа вандраваў.

🧺 Яшчэ пры жыцці займеў высокі аўтарытэт у навуковых колах, разам з братам быў абраны ганаровымі сябрамі Акадэмій навук у розных еўрапейскіх краінах.

🗡 Памёр у 1868 годзе.

Ягоная багатая пісьмовая спадчына ўсё яшчэ не перакладзена на беларускую мову, не прааналізавана і як след не асэнсавана.

Што пачытаць з такой нагоды:

🏺Ад міністэрства да музея: славуты навуковец Канстанцін Тышкевіч

🏺 Браты Тышкевічы і гісторыя першага краязнаўчага музея ў Беларусі

🏺 Беларускія мясціны Вільні: Палацы славутых родаў

🏺 Гайд па старажытных могілках Росы ў Вільні.

20.02.202515:34

🔴 «Цягнік насустрач немінучай катастрофе»

«Усе ж бачаць, куды яно хіліцца! Але цягнік імчыць да свайго скону — наперад, весела, бадзёра, зь вясёлым гудком і снопам іскраў з трубы. І — адно маленькае ўдакладненьне — мы не крычым пра небясьпеку машыністу з пэрону, не, высьвятляецца, мы едзем у гэтым самым цягніку».

Лявон Вольскі піша пра небяспечны паўтор гісторыі, які вось-вось разбурыць прывычны парадак свету. Гэта, безумоўна, палохае, але на думку Лявона, «выбар, хоць і невялікі — ён заўсёды ёсьць».

Працяг па спасылцы. 🖥 Без VPN чытаць можна тут.

23.02.202512:33

18.02.202509:05

👍 У Варшаве правядуць міні-фэст да Дня роднай мовы

Міні-фэст, прысвечаны Дню роднай мовы, адбудзецца ў варшаўскім клубе BackDoor Bar у пятніцу, 21 лютага.

«На імпрэзе выступяць як вядомыя беларускія артысты, так і новыя калектывы. Безумоўна, не абыдзецца без прыемных прэзентаў. Але галоўнае, што нас чакае, — цёплая, душэўная атмасфера», — кажуць арганізатары вечарыны.

Падрабязней. 📌 Па гэтай спасылцы адкрыецца без VPN.

13.02.202515:04

😔 Невядомыя пашкодзілі гарадзішча на Менцы

За 10 кіламетраў на захад ад Мінска, на беразе ракі Менкі размешчана старажытнае гарадзішча. Па здагадцы навукоўцаў, менавіта тут знаходзіўся далетапісны Менск. Некалькі дзён таму стала вядома, што гарадзішча пашкоджана невядомымі.

Пра тое, што дадзеная мясцовасць адносіцца да гісторыка-культурнай, мне здаецца, ведаюць ужо ўсе. Тым больш, што на ўездзе ёсць таблічка, што праезд забаронены. Але, як мы зразумелі, гэтую агароджу проста аб’ехалі і далей пачалі весяліцца.

Працяг па спасылцы. ✔️ Без VPN чытаць можна тут.

23.02.202505:03

19.02.202510:32

👍 У Дзень роднай мовы ў Беластоку адбудзецца фінал ІV Міжнароднага Дэкламатарскага конкурсу

Фонд TUTAKA і Цэнтр Беларускай Культуры ў Беластоку 21 лютага запрашаюць на фінал ІV Міжнароднага Дэкламатарскага конкурсу да Дня роднай мовы. Падчас Конкурсу адбудзецца захапляльны і інтэрактыўны канцэрт Андруся Такінданга (Recha, Harotnica) і Аквалерыіі (Kriwi, Harotnica).

Конкурс да Дня роднай мовы арыентаваны не толькі на аматараў беларускай літаратурнай мовы, але і прыхільнікаў беларускіх гаворак, якія з’яўляюцца неад’емнай часткай культуры памежжа. Гэта конкурс для тых, хто любіць жывое слова і хоча паспрабаваць свае сілы ў дэкламатарскім майстэрстве.

Падрабязней. 📌 Па гэтай спасылцы адкрыецца без VPN.

18.02.202515:03

❗️ Падпішыся за мову! Збіраюць подпісы пад петыцыяй, каб беларускую мову дадалі ў вядомы электронны сервіс для публікацыі і продажу кніг — Amazon KDP

🧐 З просьбай дадаць беларускую мову ў вядомы электронны сервіс для публікацыі і продажу кніг беларускамоўная супольнасць звярнулася да Amazon Kindle Direct Publishing.

«Мы, беларускамоўная супольнасць, ствараем гэтую петыцыю, каб паказаць, як нас шмат і як моцна мы жадаем чытаць кнігі на роднай мове!

Даданне беларускай мовы ў Amazon KDP і прадастаўленне людзям магчымасці легальна, зручна публікаваць і прадаваць кнігі на ёй было б справядлівым, дэмакратычным і крокам наперад як для аўтараў, так і для чытачоў. Гэта неад’емная частка інклюзіўнай камерцыі», — пішуць аўтары петыцыі .

Kindle Direct Publishing — гэта сэрвіс, які дазваляе аўтарам і выдаўцам публікаваць свае кнігі без папярэдніх фінансавых укладанняў, самастойна і любым накладам.

📍Падпісаць петыцыю можна па спасылцы.

👉 Што яшчэ можна зрабіць, чытайце тут. 📚 Без VPN чытаць можна тут.

24.02.202513:11

Гэта акадэмічныя выданні, класічныя і сучасныя творы беларускіх аўтараў, кнігі па гісторыі, культуры, лінгвістыцы, фальклору, а таксама кнігі для дзяцей і падлеткаў. Сярод іх рэдкія і каштоўныя выданні Беларускай энцыклапедыі, незалежных беларускіх выдавецтваў 1990-х і 2000-х гадоў.

Падрабязней. 📌 Па гэтай спасылцы адкрыецца без VPN.

18.02.202510:14

🔴 У дзень нараджэння класіка беларускай літаратуры Максіма Гарэцкага распавядаем пра ягоныя няпросты жыццёвы шлях

Селянін з паходжання, Максім з маленства прагнуў і шукаў высокага, годнага, вартага жыцця. У выніку ўвайшоў у беларускую літаратуру і аўтарам містычных тэкстаў пра жыццё ў гэткіх пошуках, і творцам, які замацаваў у белліце стэрэатыпы пра нуду, жуду і крыўду, і пісьменнікам пра вайну.

«Падлога ў нашай хаце была земляная, халодная, няроўная… Каля печы быў шырокі запечак, дзе сядзелі старэйшыя жанчыны, пралі, шылі, гаманілі ў доўгія вечары, а да іх туліліся дзеці. Ад печы амаль на ўзроўні палацей праз усю хату была перакінута бэлька, курчына, якая здавалася малым вузенькай кладкай над бяздоннем, перапаўзці па якой было найвялікшай спакусай і праявай геройскай смеласці».

Працяг па спасылцы. 🖥 Без VPN чытаць можна тут.

13.02.202513:05

🎙 З’явіўся падкаст з творамі рэпрэсаваных і расстраляных паэтаў і пісьменнікаў

У сеціве з’явіўся новы літаратурны праект пад назвай «Непаслухмяныя Дзеці Кастрычніка». Аўтары будуць агучваць творы рэпрэсаваных і расстраляных у 1930-я гады пісьменнікаў і паэтаў. Сёння гэтыя творы фактычна пад негалоснай забаронай у школе.

«Гэтай жа літаратуры нідзе няма, нават песні ёсць на вершы расстраляных паэтаў, а вось начытаных тэкстаў не дужа і ёсць. Зразумела, шмат хто агучвае сучасныя творы — і гэта добра. Але ж гэта ніша пакуль незанятая, а яна важная», — кажуць стваральнікі праекта.

❗️Першы выпуск ужо дасяжны да праслухоўвання. Гэта «Мар’я» Міхася Зарэцкага.

Падрабязней. 📌 Па гэтай спасылцы адкрыецца без VPN.

19.02.202511:55

🔴 «Ілюзіяў варта пазбаўляцца, асабліва прыгожых», — Макс Шчур пра свой новы раман

Паэт, перакладнік, празаік Макс Шчур выдае новы раман «Спроба экспэрымэнтальнага канструяваньня сябе».

🗣 «Радыё Свабода» пагаварыла зь ім пра аўтабіяграфічнасьць і інтымную шчырасьць двухтомніка, любоў і расчараваньне сучаснай Эўропай, беларускае замежнае літаратурнае жыцьцё ды самоту на эміграцыі.

Размова па спасылцы. ✔️Без VPN чытаць можна тут.

Увійдіть, щоб розблокувати більше функціональності.