MADINAM
Visoling qumsaydi ko'ngillar takror,
Hayoldan o'tasan, ko'zlar bo'lar nam
Derlarki: "Bir emas, ikki quyosh bor",
Habibim duosin olgan Madinam...
Zarra tuprog'ing ham baxtli naqadar,
Nabiyning muborak izi mujassam
Bag'ringdan eng xushbo'y ifor taralar,
Har joy sakinatga to'lgan Madinam...
Dunyolar ichra go'zalsan, ko'rkam,
Esgan shamoling dillarga malham
Hazrat Abu Bakr siddiqligiyu,
Umar adolatin ko'rgan Madinam...
Baqi'dek ne ulug' bir qabristonning,
Qaniydi men ham bag'rida bo'lsam
Hayosiga guvoh shahid Usmonning,
Ali zakovatin bilgan Madinam...
Kunlar o:tgan sayin o:rtaydi firoq,
Qalblar yaqin-u, lek, manzil yiroq,
Biz unga, u bizga mahbub o'laroq,
Ustida Uhudi bo'lgan Madinam...
Sahobalar sodiq bo'ldilar har dam,
Shahidlar Jannatda bo'lajaklar jam,
O'lik deyilmaslar, jon bersalar ham,
Hamza janozasi o'tgan Madinam...
Xolid olgan edi "Sayfulloh" nomin,
Islom-chun xatarga qo'yishgan jonin,
Bilolning azoni yangragan zamin,
Necha ulug' shaxslar yotgan Madinam..
"Sahiylik dengizi", ul ibn Ja'far,
Aytay Hofizlarni, Qur'onda mahkam,
Ubay ibn Ka'b-u, ibn Mas'udlar,
Solimdek qorilar o'tgan Madinam...
Huzayfa bo'lgandi Nabiyga sirdosh,
Nuri Islom bilan yorishdi olam
Senda masrur erur, hatto tog'-u tosh,
Saodat lazzatin totgan Madinam...
Xullas, ta'rifingni tugatolmam hech,
Lek, ortiq yozmoqqa ojizdir qalam
Qumsar seni dillar erta birla kech,
Ansorlar Habibin kutgan Madinam,
"Marhabo" deb yo'lin tutgan Madinam...
#Bintu Habibulloh
@alamiy_uz
