@beybayat1
چوبانین بئشلیگ. شعیر لری
شانلی دییار
عزیز اولکم آذر بایجان
سنه اولوم اوزوم قربان
سن منه سئو گیسن اینان
عاشیقونم گوزل نیگار
یاشا یاشا شانلی دییار
آذرباجان وطنیم دیر
گل چیچگیم چمنیم دیر
نرگیسیم یاسمنیم دیر
آی ایستگیم آی گلعزار
یاشا یاشا شانلی دییار
آتا قور قود دان بو دییار
ائلیمه قالیب. یادگار
ائدیب آزاد لیق اختییار
آذر بایجان سئو گولی یار
یاشا یاشا شانلی دییار
حیدر با با دییاریسان
سوزلرینین بهاریسان
ائلیمین افتخاریسان
بئله دییردی شهر یار
یاشا یاشا شانلی دییار
کور اوغلو نین وار ساواشی
آچیلماز غوغادان باشی
ایشلرینده دگیر ناشی
توک توکر خانلار پاشالار
یاشا یاشا شانلی دییار
اوره گیمده چوخدی یارام
آرازینان یوخدی آرام
هاردا قالدی گوزل سارام
سلطان سسلندی گل گلنار
یاشا یاشا شانلی دییار
دشمن قارشیندا دایا نان
اوزی آل قانا بویا نان
ائل اولکه سینه اینان
قوچاق ایگیت بابکون وار
یاشا یاشا شانلی دییار
شاه اسماعیل ائدر جنگی
باور ائتمز عاری ننگی
الده قیلینج عرب زنگی
گلدی وفالی گلعزار
یاشا یاشا شانلی دییار
قطار قطار بیلده فشنگ
بوز آت اوسته الده تفنگ
اوجا بویلی انلی بیلنگ
قوچاق نبی حاجره یار
یاشا یاشا شانلی دییار
دردلی کرم دییار دییار
اصلی سیندن دوشدی کنار
چوللری گزدی بی قرار
تاپ مادی ائتدی آهو زار
یاشا یاشا شانلی دییار
فرهاد داغی دله دله
سالدی کسرایه ولوله
شیرین دئدی بوتون ائله
بی سیتونی فر هاد اویار
یاشا یاشا شانلی دییار
آذر بایجان قهره مانی
آلدی ائلیندن نشانی
ستتار خانی باقرخانی
تاریخلر محترم سایار
یاشا یاشا شانلی دییار
عاشق غریب ساز چالاندا
شاه صنمدن سوز سالاندا
اوره گی غمله دولاندا
سسلییردی هارداسان یار
یاشا یاشا شانلی دییار
سارانی گلین ایله دیم
خینالی الین ایله دیم
دییون آرازا نیله دیم
بئله گوزللره. قییار
یاشا یاشا شانلی دییار
آذر بایجان قهره مانی
ترک ایدیب ائلی اوبانی
دییون گلسین خان چوبانی
سارانی آلدی روزگار
یاشا یاشا شانلی دییار
فضولی ای سوز استادی
قازانیب سان بیوگ آدی
ائلیمین شاعر ائولادی
یارادیبسان چوخ افتخار
یاشا یاشا شانلی دییار
واحیدین شعری دیللنیر
هنری ذوقی بلله نیر
گونی گوندن گوزل لنیر
سوز لرین ائللر اوخییار
یاشا یاشا شانل دییار
هر یئرده وار شهره تیمیز
اولکه لرده صحبتیمیز
شرفلی دیر میللتیمیز
قازانیب چوخلی اعتبار
یاشا یاشا شانلی دییار
ساوالانین قاردی باشی
تاریخ لر بویی وار یاشی
لعل و مرجاندی داغ داشی
سنون کیدیر هرنه کی وار
یاشا یاشا شانلی دییار
سهند گولردن باج آلیب
ائللر قار شیندا اوجا لیب
چویاشی وار دیر قوجالیب
تزه لنر هر ایل بهار
یاشا یاشا شانلی دییار
نتبریز نه موغانلییام
بیر ائلم آدلی سانلییام
ترکم آذر بای جانلییام
قوی اول سون بیر لیگ برقرار
یاشا یاشا شانلی دییار
ساوالانون سهندون وار
بالون شکرون قندون وار
سای سیز شهر ون کندون وار
عالمی حیرتتده. قویار
یاشا یاشا شانلی دییار
من چوبانام چوللر منیم
اولکه منیم ائللر منیم
غاز اردگلی گوللر منیم
فلگ منی یار سیز قویار
یاشا یاشا شانلی دییار
@beybayat1
