Мир сегодня с "Юрий Подоляка"

Труха⚡️Україна

Переглянути

Николаевский Ванёк

Переглянути

Труха⚡️Україна

Переглянути

Николаевский Ванёк

Переглянути

Лёха в Short’ах Long’ует

Переглянути

Юрист Хизмати | Расмий канал

Каналимиз № 0005006503 - сонли давлат рўйхатидан ўтган гувоҳнома асосида фаолият юритади.
Саволларингизни каналимиз постларида кўрсатилган мурожаат ботларимиз орқали юборишингиз мумкин.
Реклама бўйича: t.me/Yurist_Xizmati_reklama

Рейтинг TGlist

ТипПублічний

Верифікація

Не верифікований

Довіреність

Не надійний

РозташуванняУзбекістан

МоваІнша

Дата створення каналуЛют 06, 2025

Додано до TGlist

Вер 26, 2024

Я власник каналу

Історія змін

Статистика Телеграм-каналу Юрист Хизмати | Расмий канал

Детальніше

Підписників

143 751

24 год.

889-0.6%Тиждень

7 837-5.2%Місяць

31 960-18.2%

Індекс цитування

0

Згадок1Репостів на каналах0Згадок на каналах1

Середнє охоплення 1 допису

21 211

12 год.18 488

39.7%24 год.21 211

7%48 год.25 322

20.1%

Залученість (ER)

1.68%

Репостів275Коментарів0Реакцій39

Залученість за охопленням (ERR)

13.71%

24 год.0%Тиждень

0.43%Місяць0%

Охоплення 1 рекл. допису

21 211

1 год.6 09528.74%1 – 4 год.7 58535.76%4 - 24 год.8 00437.74%

Детальніше

Під'єднайте нашого бота до каналу і дізнайтеся стать аудиторії цього каналу.

Всього дописів за 24 години

8

Динаміка

Останні публікації в групі "Юрист Хизмати | Расмий канал"

Всі дописи

25.02.202506:39

Жамғармада пул етмаяпти деб тайинланган устамани камайтириш тўғрими?

@Yurist_Xizmati 4997-савол:

Maktabda o'qituvchi bo'lib ishlayman 35 % ustama olaman endi direktor jamg'armasidagi pul yetmayabdi deb maktabdagi xamma o'qituvchilarni ustama foizini 10 -15 foizga qisqartiryabdi. Asos direktor jamg'armasidagi pul ozligi ekan.Ulug'nor tumanidagi xamma maktablarda shu ahvol. Yanvardan Smeta tasdiqlansa bu narsalar xisobga olinmaydimi. Qayega borsang bor deyishyabdi .shu ish qonunan to'g'rimi. Tuman XTB mudiri topshirig'i deyabdi zavuch

ЮРИСТ ЖАВОБИ:

Устама ўқитувчининг бир ўқув йилидаги натижаларига қараб белгиланади. Бунда ўқитувчининг маълум муддат меҳнатга қабилятсиз бўлиши, декрет таътили олиши, малака оширишга бориши устамага даъвогарлик қилишга таъсир кўрсатмайди.

Вазирлар Маҳкамасининг 2019 йил 30 сентябрдаги 823-сон қарори билан тасдиқланган “Умумий ўрта таълим муассасаларининг ўрнак кўрсатган ходимларини рағбатлантиришнинг директор жамғармасини ташкил этиш ва унинг маблағларидан фойдаланиш тартиби тўғрисида”низомнинг 20-бандига кўра педагог ходимларининг базавий тариф ставкаларига ҳар ойлик устамалар:

⏩ тарбиявий жараённинг амалга оширилиш сифати ва самарадорлигига;
⏩ синфдан ташқари ишларга ҳамда ўқувчиларни инсонпарварлик ва меҳр-оқибат руҳида тарбиялашга;
⏩ тегишли синфлар ва ўқув фанлари учун тасдиқланган умумий ўрта таълимнинг давлат таълим стандартларида назарда тутилган билимлар ва кўникмалар тўлиқ ҳажмининг ўқувчилар томонидан ўзлаштириб олиниши даражасига;
⏩ ўқув жараёнига қўшилган аниқ ҳисса, ўқитишнинг юқори самарадорлиги ва сифати учун 40 фоизгача миқдорда белгиланади.

Низомнинг 21 – бандига кўра умумтаълим муассасалари педагог ходимларининг базавий тариф ставкаларига Жамғарма ҳисобидан ҳар ойлик устамалар янги ўқув йили учун ўтган ўқув йили якунлари бўйича белгиланади.

🛑 Шунга кўра сизлардаги ҳолатда жамғармада пул етмаяпти деб, тайинланган устамани камайтириш ёки бекор қилиш нотўғри.

📩 Юристга савол юбориш

☎️ Юрист билан қўнғироқ орқали боғланиш

📚Барча турдаги ҳужжатларга буюртма бериш

Расмий каналимиз:
👉 @Yurist_Xizmati 👈

25.02.202506:10

Haydovchilarga tayinlanadigan 12 ballik jarima ballari faqatgina YPX inspektorlari tuzgan bayonnomalar asosida shakllanadi va ballarni hisoblash tizimi IIV JXD YHXXda inson omilisiz, avtomatlashtirilgan tarzda hisob-kitob qilinadi.

📩 Yuristga savol yuborish

Rasmiy kanalimiz:
👉 @Yurist_Xizmati

24.02.202515:18

ХИБДЎга директор жамғармасидан устама тўланмайдими?

@Yurist_Xizmati 4996-савол:

Ассалому алайкум. Мен президент таълим муассалари агентлигига карашли ихтисослаштирилган мактабида Хибд уринбосари булиб ишлайман. Пф 6108 7-бандида курсатилган директор жамгармасидан рагбатлантириш олишга хаклиманми. Агар хакли булсам кимга мурожат килишим керак. Жавоб ингиз учун олдиндан рахмат.

ЮРИСТ ЖАВОБИ:

Ўзбекистон Республикаси Президентининг 06.11.2020 йилдаги ПФ – 6108 сонли “Ўзбекистоннинг янги тараққиёт даврида таълим-тарбия ва илм-фан соҳаларини ривожлантириш чора-тадбирлари тўғрисида”ги фармонининг 7-бандига мувофиқ умумтаълим муассасалари битирувчиларининг олий ҳамда профессионал таълим ташкилотларига ўқишга кириш ҳамда ишга жойлашиш кўрсаткичлари асосида директор жамғармаси маблағлари ҳисобидан умумтаълим муассасалари раҳбар ходимлари қуйидаги меҳнатга ҳақ тўлашнинг энг кам миқдорида рағбатлантирилади:

👉 ўқувчиларининг 90 фоизи ва ундан ортиқ қисми олий ҳамда профессионал таълим ташкилотларига ўқишга қабул қилинган ва (ёки) ишга жойлашган умумтаълим муассасаларининг директорлари — 12 баравар, директори ўринбосарлари — 6 баравардан;

👉 ўқувчиларининг 85 — 89 фоиз қисми олий ҳамда профессионал таълим ташкилотларига ўқишга қабул қилинган ва (ёки) ишга жойлашган умумтаълим муассасаларининг директорлари — 9 баравар, директори ўринбосарлари — 4,5 баравардан;

👉 ўқувчиларининг 80 — 84 фоиз қисми олий ҳамда профессионал таълим ташкилотларига ўқишга қабул қилинган ва (ёки) ишга жойлашган умумтаълим муассасаларининг директорлари — 6 баравар, директори ўринбосарлари — 3 баравардан.

✅ Шунга кўра директор ва директор ўринбасарлари юқоридаги тартибда директор жамғармасидан рағбатлантириш олишга ҳақли бўлади.

Бироқ Вазирлар Маҳкамасининг 2019-йил 30-сентябрдаги 823-сон қарорига 1-иловада тасдиқланган низомда раҳбар ходимларига директор, директорнинг ўқув ишлари ҳамда маънавий-маърифий ишлар бўйича ўринбосарлари киритилган.

🚫 Шунга кўра бу устама ХИБДЎга тўланмайди.

📩 Юристга савол юбориш

24.02.202514:21

❔ Пенсия тайинлашда “иш стажи кам чиқиш” муаммосига дуч келмаслик учун нима қилиш керак?

Масалан, сиз бирор ташкилотда ишлагансиз, лекин пенсияни ҳисоблаш вақти келганда ушбу ишлаган даврдаги иш стажингиз тизимдан чиқмаяпти.

⌨️ Бу муаммо ўша вақтда ишлаганлигингиз тўғрисидаги маълумотлар Ягона миллий меҳнат тизими (my.mehnat.uz) га киритилмаганлигидан келиб чиқади.

Бундай ҳолларда сиз ташкилотдан ишга қабул қилиш ва ишдан бўшатиш ҳақидаги буйруқлардан кўчирмалар олган ҳолда ва ушбу жойда мазкур давр мобайнида меҳнат фаолияти юритганлик фактини тасдиқлатишингиз керак бўлади.

☝️ Шунинг учун, бирор ташкилотга ишга жойлашаётганингизда ёки у ердан бўшаганингизда доимо ташкилотнинг кадрлар бўйича ходимидан маълумотларингизни my.mehnat.uz базасида тўлиқ рақамлаштирилганлиги тўғрисидаги маълумотларни сўраб олинг.

📩 Юристга савол юбориш

Расмий каналимиз:
👉 @Yurist_Xizmati 👈

24.02.202513:56

Участкамиз ўзбошимчалик билан қурилган деб топилиши қонунийми?

@Yurist_Xizmati 4995-савол:

Assalomu alekum! Mening savolim bor edi, hovlimizning etak tominida bog‘imiz bor, asosan mevali daraxtlar iborat, bog‘ning davlat tomonidan belgilangan soliqlarini o‘z vaqtida 29 yildan buyon to‘lab kelaman, o‘zim uy bekasiman, 2 yil avval qo‘shimcha daromad topish maqsadida teplitsa qilib limon ko‘chatlarini ekdik, bog‘ atrofida qo‘ni qo‘shnilarimizni mollari teplitsaning klonka bilan qoplangan joylarini payxon qilshgandi, biz buni oldini olish maqsadida bog‘ atrofini devor qilib opragandik, yaqinda kadastor xizmatidan kelib bu ishingiz noqonuniy hisoblanadi, deb ogohlantirish berib 15 kunlik muhlat belgilab ketishdi, bu masalada menda qanday imtiyozlar bor yoki tadbirkor sifatida ro‘yxatdan o‘tishim kerakmi?

ЮРИСТ ЖАВОБИ:

Фуқаролик кодексининг 212-моддасига биноан қонунчиликда белгиланган тартибда қурилиш мақсадлари учун ажратилмаган ер участкаларида, шунингдек иморат қуриш учун зарур рухсатнома олмасдан ёки архитектура ва қурилиш нормалари ҳамда қоидаларини жиддий бузган ҳолда қурилган уй-жой, бошқа бино, иншоот ёки ўзга кўчмас мулк ўзбошимчалик билан қурилган иморат ҳисобланади.

⚠️ Демак, сиз ҳам юқоридаги нормага кўра қурилиш қилиб, девор урган бўлсангиз, бу девор ўзбошимчалик билан қурилган деб ҳисобланади.

❗️Бундай ҳолатда Маъмурий жавобгарлик тўғрисидаги кодекснинг 60-моддасига биноан ўзбошимчалик билан эгаллаб олинган, ажратилган ер участкасига туташ бўлган ва туташ бўлмаган ер участкаларида қурилиш ишларини амалга ошириш фуқароларга базавий ҳисоблаш миқдорининг 150 баравари миқдориа жарима солишга сабаб бўлади.

📩 Юристга савол юбориш

24.02.202513:14

⚡️Бузилаётган турар ва нотурар жой объектининг бозор қиймати тўлиқ қоплаб берилади

🔰Фармонга кўра, 2025 йил 1 майдан:

🔹 қурилишни бошлашдан фойдаланишга рухсатнома беришга қадар бўлган жараёнлар тўлиқ онлайн режимида “Шаффоф қурилиш” тизимида амалга оширилади;

🔹 қурилиши тугалланган кўп квартирали уй-жойдан фойдаланишга рухсатнома беришда фақат Қурилиш ва уй-жой коммунал хўжалиги соҳасида назорат қилиш инспекцияси, ҳамда давлат ёнғин назорати органларидан хулоса олинади.

🔹Инспекцияда рўйхатдан ўтган ва у томонидан назорат қилинадиган кўп квартирали уй-жойларни фойдаланишга рухсатнома беришдан олдин инструментал-техник текширувдан ўтказиш амалиёти бекор қилинади.

✅ 2025 йил 1 мартдан реновация асосида кўп квартирали уй-жойларни барпо этишнинг қуйидаги тартиби жорий этилади:

🔸реновация лойиҳасини бошлашга барча мулкдорлар билан нотариал тасдиқланган келишув битими имзоланганидан сўнг рухсат берилади;

🔸 мулкдорларга, уларнинг хоҳишига кўра, қуйидаги компенсация турларидан бири тақдим этилади:

➖бузилаётган тураржой объектлари ўрнига уларнинг майдонидан кам бўлмаган реновация дастурига мувофиқ янги қуриладиган тураржойлардан яшаш учун тайёр ҳолдаги квартираларни мулк ҳуқуқи асосида бериш ҳамда қурилиш даврида кўчиш, шу жумладан, бошқа тураржой объектини вақтинчалик ижарага олиш билан боғлиқ харажатларни тўлиқ қоплаш;

➖бузилаётган турар ва нотурар жой объектининг бозор қийматини тўлиқ қоплаб бериш;

➖реновация лойиҳаси ташаббускори билан келишилган ҳолда бошқа турдаги компенсацияни тақдим этиш.

📩 Юристга савол юбориш

Расмий каналимиз:
👉 @Yurist_Xizmati 👈

24.02.202513:12

⚡️Жиноят процесси иштирокчиларини ижтимоий ҳимоя қилиш таъминланади

Ҳукумат қарори (ВМҚ-103-сон, 21.02.2025 й.) билан “Жабрланувчиларни, гувоҳларни ва жиноят процессининг бошқа иштирокчиларини ижтимоий ҳимоя қилишни таъминлаш тартиби” тўғрисидаги низом тасдиқланди.

Низом жабрланувчиларни, гувоҳларни ва жиноят процесси бошқа иштирокчиларининг ижтимоий ҳимоясини таъминлашга қаратилган бир йўла бериладиган нафақани тайинлаш ва тўлаш тартибини белгилайди.

Ижтимоий ҳимоя миллий агентлиги ижтимоий ҳимоя қилиш чораларини таъминловчи орган этиб белгиланди.

✅ Қуйидагилар ҳимоя қилинувчи шахсга жиноят процессида иштирок этиши муносабати билан ижтимоий ҳимоя қилиш чораларини қўллашга асос бўлади:

➖ҳалок бўлганлиги (вафот этганлиги);
➖унга ногиронликни келтириб чиқарувчи тан жароҳати етказилганлиги ёки соғлиғига бошқача зиён етказилганлиги;
➖унга ногиронликни келтириб чиқармайдиган тан жароҳати етказилганлиги ёки соғлиғига бошқача зиён етказилганлиги;
➖мулкий зарар етказилганлиги.

Бир йўла бериладиган нафақанинг миқдори қуйидаги миқдорларда тўланади:

🔹шахс вафот этганда унинг оила аъзолари ҳар бирига тенг улушда - БҲМнинг 100 баравари миқдорида;

🔹шахсга ногиронликни келтириб чиқарувчи тан жароҳати етказилган ёки соғлиғига бошқача зиён етказилганда, ногиронлик гуруҳига кўра:

▪️I гуруҳ - БҲМнинг 80 баравари миқдорида;
▪️II гуруҳ - БҲМнинг 70 баравари миқдорида;
▪️III гуруҳ - БҲМнинг 50 баравари миқдорида.

🔹 ногиронликни келтириб чиқармайдиган тан жароҳати етказилганда ёки соғлиғига бошқача зиён етказилганда эса, суд-тиббий экспертизасининг хулосаси асосида:

▪️оғир даража - БҲМнинг 35 баравари миқдорида;
▪️ўрта даража - БҲМнинг 35 баравари миқдорида;
▪️соғлиқнинг қисқа муддатга ёмонлашувига олиб келган енгил даража - БҲМнинг 25 баравари миқдорида.

Ижтимоий ҳимоя чораларини қўллаш тўғрисидаги қарор (ажрим) уни таъминловчи орган томонидан уни олган кундан бошлаб, 10 сутка ичида ижро этилиши лозим.

🚫Бир йўла бериладиган нафақа солиққа тортилмайди ва ундан ушлаб қолишлар амалга оширилмайди.

📌Ушбу қарор 2025 йил 1 апрелдан эътиборан кучга киради.

📩 Юристга савол юбориш

Расмий каналимиз:
👉 @Yurist_Xizmati 👈

24.02.202510:56

Ishga qabul qilishda kimlarga dastlabki sinov belgilanmaydi?

▪️homilador ayol, 3 yoshga to‘lmagan bolasi bor ayol yoki 3 yoshga to‘lmagan bolani yolg‘iz o‘zi tarbiyalayotgan ota (vasiy);

▪️zaxiraga qo‘yiladigan ish o‘rinlariga ishga joylashtirish uchun yuborilgan aholining ijtimoiy ehtiyojmand toifalaridan bo‘lgan shaxslar;

▪️davlat grantlari asosida o‘qigan va oliy ta’lim tashkilotini tamomlagan kundan e’tiboran 3 oy ichida yo‘llanma bo‘yicha olingan mutaxassisligiga doir ishga kirayotgan oliy ta’lim tashkilotlarining bitiruvchilari;

▪️tegishli ta’lim tashkilotini tamomlagan kundan e’tiboran 1 yil ichida birinchi bor ishga kirayotganda olingan mutaxassisligi bo‘yicha mustaqil ravishda ishga joylashayotgan umumiy o‘rta, o‘rta maxsus, professional va oliy ta’lim tashkilotlarining bitiruvchilari;

▪️6 oygacha muddatga mehnat shartnomasi tuzilayotgan xodimlar;

▪️18 yoshga to‘lmagan shaxslar;

▪️ishga qaytadan qabul qilingan taqdirda ish beruvchi ilgari qaysi xodimlar bilan mehnat shartnomasini alohida asoslar bo‘yicha bekor qilgan bo‘lsa, o‘sha shaxslar;

▪️ishlab chiqarishda o‘qitish shartnomasi bo‘yicha ushbu ish beruvchida o‘qishni o‘tagan o‘quvchilar.

📩 Yuristga savol yuborish

☎️ Yurist bilan qo‘ng‘iroq orqali bog‘lanish

Rasmiy kanalimiz:
👉 @Yurist_Xizmati

24.02.202505:32

Aliment to‘lovchining xorijga chiqishiga qo’yilgan taqiqni olish mumkinmi?

Sud hujjatlari va boshqa organlar hujjatlarini ijro etish to‘g‘risidagi qonunning 42-1-moddasining mazmuniga ko‘ra qarzdor majburiyatini belgilangan muddatda uzrsiz sabablarga ko‘ra ijro etilmaganda, davlat ijrochisi undiruvchining arizasi bo‘yicha yoki o‘z tashabbusi bilan qarzdor jismoniy shaxsning O‘zbekiston Respublikasidan chiqishini vaqtincha cheklash to‘g‘risida qaror chiqarishga haqli.

📄 E’tibor bergan bo‘lsangiz, qoidada “uzrsiz sabab” bilan qarzdor majburiyatni bajarmagandagina xorijga chiqishga taqiq qo‘yilishi aytilmoqda.

⚠️ Biroq qarzdorga aliment majburiyatini bajarish yuklatilganda, irjo hujjati chiqarilgandayoq qarzdorga taqiq qo‘yadi. Bir qarashda bu yuqoridagi qonunga ziddek ko‘rinishi mumkin.

1️⃣ Aliment majburiyati davomli majburiyat toifasiga kiradi. Ya’ni aliment to‘lovchi har oyda belgilangan miqdorda aliment to‘lashi kerak.
2️⃣ Aliment begona shaxsga emas, aliment to‘lovchining voyaga yetmagan farzandiga to‘lanadi. Shunday bo‘lsa-da, statistik ma’lumotlar aliment to‘lovchi o‘z farzandining ta’minoti uchun ham o‘z majburiyatini bajarmaydigan holatlar anchagina ekanligini ko‘rsatadi.

3️⃣ Aliment to‘lovchi har oy o‘z majburiyatini bajarib kelayotgan bo‘lsa, unga taqiq qo‘ymaslik kerakligi normada belgilangandek ko‘rinadi.

❇️ Shunday ekan, aliment majburiyatini bajarish zimmasiga yuklatilgan shaxsning xorijga chiqishiga taqiq qo‘yilishini to‘g‘ri deb hisoblayman.

◼️ Ana endi asosiy masalaga qaytsak. Garchi qarzdorga taqiq qo‘yilgan bo‘lsa-da, uni uchta usul orqali olib tashlash mumkin.
▪️ Qarzdor aliment to‘lovchining aliment undiruvchi bilan kelishishi. Bu eng yaxshi va kamchiqim usul hisoblanadi.

Yuqoridagi qonunning 40-moddasiga ko‘ra undiruvchi MIBga ariza beradigan bo‘lsa, ijro hujjati unga qaytariladi. Shundan so‘ng taqiq olib tashlanadi.

▪️ Navbatdagi usul alimentni oldindan to‘lash. Ushbu usulga ko‘ra alimentlarni oldindan to‘lash bola voyaga yetguniga qadar har qanday davr uchun 5 yildan kam bo‘lmagan muddatga amalga oshiriladi. Agar bolalar voyaga yetguniga qadar bo‘lgan davr 5 yildan kam bo‘lsa, alimentlarni oldindan to‘lash qolgan davr uchun amalga oshiriladi.

Soddaroq aytganda, aliment to‘lovchi:

👉 farzandi voyaga yetishiga 5 yildan ortiq vaqt bo‘lganda kamida besh yillik alimentni (masalan qarzdorning farzandi 4 yosh bo‘lsa, unda birdaniga 5 yillik summani);

👉 agar farzandi voyaga yetishiga 5 yildan kam bo‘lsa, unda fazandi voyaga yetguncha bo‘lgan davr uchun alimentni birdagina to‘lashi kerak. Misol uchun farzand 16 yoshga to‘lgan bo‘lsa, 2 yillik alimentni birato‘la to‘laydi.

❗️Bu usulda faqat pul berish shart emas, bunda undiruvchiga alimentlarni oldindan to‘lash hisobiga ko‘chmas (uy-joy, noturar joy) yoki ko‘char mulk (avtotransport vositasi) yoxud boshqa qimmatli ashyo (meros qolgan tilla uzuk) taqdim etilishi mumkin.

❇️ Ushbu usulda pulni to‘lash yoki mol-mulkni topshirish 10 ish kunidan oshmagan muddatda amalga oshiriladi.

📨 Alimentni birdagina to‘lash haqida ariza tegishli MIB yoki fuqarolik sudga berilishi mumkin.

▪️ Alimentni garov bilan ta’minlash. Bu usulda aliment to‘lash majburiyatini garov bilan ta’minlashda garov qiymati qonunchilikda belgilangan bazaviy hisoblash miqdorining ikki yuz ellik baravaridan (2025 yil holatiga 85 000 000 so‘m) kam bo‘lmasligi lozim.

❇️ Bunda aliment to‘lovchi va undiruvchi garov shartnomasini tuzishi lozim. Ushbu shartnoma qarzdor va undiruvchi o‘rtasida aliment to‘lash majburiyatini garov bilan ta’minlash va aliment majburiyatlari 2 oydan ortiq muddat davomida bajarilmagan taqdirda undiruvchiga undiruvni garov predmetiga qaratish huquqini berish uchun tuziladi. Bunda ham ariza tegishli MIB yoki fuqarolik sudiga berilishi mumkin.

P.S. Yuqoridagi uchta usul orqali aliment to‘lovchi shaxs xorijga chiqishga qo‘yilgan taqiqni olib tashlasa bo‘ladi. Lekin ushbu usullarni amalga oshirish uchun aliment qarzdorligi bo‘lmasligi kerak

📩 Yuristga savol yuborish

☎️ Yurist bilan qo‘ng‘iroq orqali bog‘lanish

Rasmiy kanalimiz:
👉 @Yurist_Xizmati

24.02.202504:25

⚡️Янги ўқув йилидан мактаб ўқучилари қурол отиш бўйича амалий машғулотларда иштирок этадилар

Президентнинг ПҚ-381-сонли қарори билан мактабларга ҳарбий полигонлардан фойдаланишга рухсат берилди.

📩 Юристга савол юбориш

Расмий каналимиз:
👉 @Yurist_Xizmati 👈

24.02.202504:18

❗️Янги ўқув йилидан ЧҚБТ фани ҳафтасига икки соатдан ўқитилади

Бунда таянч ўқув режада 10-11-синфларга ҳафтасига бир соатдан қўшимча юклама киритилади.

Шунингдек, Ўзбекистон
Республикаси Президентининг 2024 йил 4-ноябрдаги "Ўқ отиш спорт турларини янада ривожлантириш ва
оммалаштириш чора-тадбирлари тўғрисида"ги ПҚ-381-сонли қарори билан мактабларга ҳарбий полигонлардан фойдаланишга рухсат берилди.

Қарорга кўра, 2025/2026-ўқув йилидан бошлаб умумий ўрта талим муассасаларида чақирувга
қадар бошланғич тайёргарлик фани ўқув дастурлари доирасида "Ўқотар ва пневматик спорт
қуролларининг тактик-техник тавсифлари" амалий машғулотлари киритилиши белгиланди.

Яъни, эндиликда мактаб ўқучилари қурол отиш бўйича амалий машғулот ўтайдилар.

Бунда ўқотар ва пнематик спорт қуролларининг тактик-техник тавсифлари бўйича амалий машгулотларни ташкил этишда умумий ўрта таълим муассасаларига ўзларига бириктирилган ҳарбий қисм, муассасалар, ҳарбий полигонларнинг доимий жойлашув жойидаги ўқув-моддий базасидан беғараз асосда фойдаланишларига рухсат этилади.

📩 Юристга савол юбориш

Расмий каналимиз:
👉 @Yurist_Xizmati 👈

AgAD0WMAAi1k2Uk

157 kB

23.02.202502:40

❗️Пенсия ёшига етган тиббиёт ва фармацевтика ходимлари мажбурий аттестацияга жалб этилмайди

@Yurist_Xizmati 4994-савол:

Ассалому алекум. Мен шифакорман умумий стажим 44 йил 2001 йилдан бошлаб УАШ булиб ОШП да ишлаб келаяпман. 2010й 2015й 2020й лар олий тоифали булиб тасдикланиб хозирда муддатим 01. 03.2025й гача эди.вазирлар махкамасининг 2023йил даги 18 сентиябрдаги 477 сонли карори 41 бандида пенсия ёшидагилар кайта топширишлари мажбурий эмас охирги тоифаси сакланган холда колади дейилган экан хозирда карор уз кучидами? Еки узгарганми? Анигини билмокчи эдим.Олдиндан жавоб учун рахмат.

ЮРИСТ ЖАВОБИ:

Вазирлар Маҳкамасининг 2023-йил 18-центабрдаги 477-сон қарорига иловада тасдиқланган Тиббиёт ва фармацевтика ходимларини аттестациядан ўтказиш ва уларга малака тоифалари бериш бўйича давлат хизматларини кўрсатишнинг маъмурий Регламенти 5-бандига кўра тиббиёт ёки фармацевтика фаолияти билан шуғулланаётган ва қонунчиликка мувофиқ пенсия ёшига тўлган шифокор ва фармацевтлар навбатдаги малака тоифасини бериш бўйича мажбурий аттестацияга жалб этилмайди.

✅ Шунга кўра сиз ҳам пенсия ёшида бўлсангиз, унда сизни ҳам мажбурий аттестацияга жалб этилмайди.

📩 Юристга савол юбориш

23.02.202502:30

“Ўзбекистон Солиқ кодекси Россияникидан кўчирилган” — иқтисодчи Исломбек Ниёзметов билан суҳбат

Жорий йилда айрим турдаги солиқ ставкалари оширилмоқда. Профессор Исломбек Ниёзметов билан интервьюда бунинг аҳоли ва бизнесга қандай таъсир этиши ҳамда солиқ сиёсатидаги камчиликлар муҳокама қилинди.

Батафсил: https://youtube.com/watch

📩 Юристга савол юбориш

Расмий каналимиз:
👉 @Yurist_Xizmati 👈

23.02.202502:24

⚡️Сурхондарёлик ўқувчи муддатидан аввал кириш имтиҳонларида максимал 189 бални йиғиб бўлди

Сурхондарё вилояти Термиз тумани 16-сонли АФЧЎУМнинг 11-синф ўқувчиси Рустамов Жавохир 5 та фан: кимё фанидан А+, биология фанидан А+, математика фанидан С+, ўзбек тили ва адабиёт фанидан Б+, тарих фанидан Б даражали миллий сертификат олиб, кириш имтиҳонларида максимал 189 балл тўплаш имкониятига эга бўлди.

Энди у мутахассислик фани сифатида биология ва кимё фанларини танласа имтиҳон топширмайди.

📩 Юристга савол юбориш

Расмий каналимиз:
👉 @Yurist_Xizmati 👈

23.02.202502:06

Йўлларда дрифт қилиш, йўлакларни «шахмат» каби алмаштириш – «права»дан маҳрум бўлишга сабаб бўлади

Маъмурий жавобгарлик тўғрисидаги кодексга «йўл безорилиги» ҳақида янги 128-10-модда қўшилди. Унда транспорт воситалари ҳайдовчиларининг бошқа транспорт воситаларининг ҳаракатига қасддан тўсқинлик қилиш ҳолатлари учун жавобгарлик белгиланган. Ушбу норма 21 февралдан кучга кирди.

Унга кўра, йўл безорилиги, яъни:

⏩ транспорт воситалари ҳайдовчиларининг бошқа транспорт воситаларининг ҳаракатига қасддан тўсқинлик қилиши;

⏩ ҳаракатланиш бурчагини ва (ёки) тезлигини сақлаган ҳолда транспорт воситасини сабабсиз сирпантириши (дрифт);

⏩ ўз йўналишида ҳаракатланиш бўлагини сабабсиз кескин равишда уч ва ундан ортиқ марта узлуксиз ўзгартириши (бундан махсус ажратилган жойларда содир этиш мустасно);

⏩ ёки йўл ҳаракати иштирокчиларининг хавфсиз ҳаракатланишига таҳдид солувчи ёхуд транспорт воситасида йўл ҳаракатининг бошқа иштирокчиларига нисбатан ҳурматсизликда ифодаланган бошқа хатти-ҳаракатларни намойишкорона содир этиши транспорт воситаларини бошқариш ҳуқуқидан 1 йилдан 2 йилгача муддатга маҳрум қилиб, БҲМнинг йигирма беш баравари миқдорида жарима солишга сабаб бўлади.

Худди шундай ҳуқуқбузарлик транспорт воситаларини бошқариш ҳуқуқи бўлмаган ёки транспорт воситаларини бошқариш ҳуқуқидан маҳрум этилган шахс томонидан содир этилган бўлса, БҲМнинг 50 баравари миқдорида жарима солишга ёки 15 сутка муддатга маъмурий қамоққа олишга сабаб бўлади.

📩 Юристга савол юбориш

Расмий каналимиз:
👉 @Yurist_Xizmati 👈

Всі дописи

Рекламувався21 хвилина

0

11.02.202505:41HURRIYAT_UZ_РАСМИЙ_ КАНАЛ

2.4K

Детальніше

Рекорди

10.01.202517:16

194.3K

Підписників

13.02.202507:32

50

Індекс цитування

14.02.202504:52

33.3K

Охоплення 1 допису

14.02.202505:45

33.3K

Охоп рекл. допису

11.01.202517:16

2.55%

14.02.202505:45

21.10%

ERR

Розвиток

Детальніше

Підписників

Індекс цитування

Охоплення 1 допису

Охоп рекл. допису

ERR

Детальніше

Популярні публікації Юрист Хизмати | Расмий канал

Всі дописи

23.02.202502:24

21.02.202506:10

2.5 йил иш стажим учун 60 фоиз больничный тўланиши тўғрими?

@Yurist_Xizmati 4991-савол:

Assalomu alaykum! Meni savolim shundan iboratki men ixtisoslashgan maktablar agentligi tizimidagi ixtisoslashtirilgan maktabda ishlayman. Kasalkigim tufayli 1 oyga yaqin muddatda ishga chiqolganim yuq. Shu kunlardagi ish haqi asosiyga nisbatan foiz nisbatda berilishi (60%, 70%, yoki 80%) bu ish stajiga bogʼliqmi? Meni stajim 2,5 yil menga 60%ni beriladi deyishiyapti shu toʼgʼrimi?

ЮРИСТ ЖАВОБИ:

Ходим меҳнатга лаёқатсизлик даврида унинг иш жойи ва лавозими сақланади. Бироқ энди унга иш ҳақи эмас, вақтинча меҳнатга лаёқатсизлик нафақаси тўланади.

Ушбу тўлов Вазирлар Маҳкамасининг 2024 йил 31 майдаги 314-сон қарорига 1-иловада тасдиқланган низом қоидалари асосида тўланади.

Мазкур Низом 23-бандига кўра Ижтимоий аҳамиятга эга бўлган касалликлар (сил касаллиги, онкология касалликлари, янгидан пайдо бўладиган хатарли ўсимталар, жинсий йўл билан ўтадиган касалликлар, ОИТС, мохов (лепра) касаллиги, руҳий касалликлар) бўйича ҳисобда турган ходимларга умумий иш стажининг давомийлигига боғлиқ равишда вақтинчалик меҳнатга лаёқатсизлик нафақаси қуйидаги миқдорларда тўланади:

а) умумий иш стажи 8 йил ва ундан ортиқ бўлган ходимларга ўртача ойлик иш ҳақининг — 100 фоизи миқдорида;

б) умумий иш стажи 5 йилдан 8 йилгача бўлган ходимларга ўртача ойлик иш ҳақининг — 80 фоизи миқдорида;

в) умумий иш стажи 5 йилгача бўлган ходимларга ўртача ойлик иш ҳақининг — 60 фоизи миқдорида.

Шунга кўра сиздаги ҳолатда ходимга меҳнатга лаёқатсизлик нафақаси касаллик турига ва унинг даражасига қараб, иш стажингизни ҳисобга олган ҳолда юқоридаги меёрларда тайинланади.

✅ Хулоса қиладиган бўлсангиз сизнинг иш стажингиз 5 йилгача бўлгани учун сизга 60 фоиз миқдорда нафақа тайинлаш ҳуқуқий асосга эга.

📩 Юристга савол юбориш

12.02.202516:30

Мактабда давомат пастлиги учун ўқитувчига чора кўриладими?

@Yurist_Xizmati 4975-савол:

Ассалому алайкум. Мен мактабда 35 йилдан буён укитувчи булиб ишлаб келмокдаман. Мактабда 11 синф рахбариман. Синфимдаги укувчиларни ота-оналари билан мунтазам ишлашимга карамасдан давомат пастлиги туфайли менга мактаб директори томонидан хайфсан берилиб, буйруги адлияга юборилди. Бу холат конунан тугрими?

ЮРИСТ ЖАВОБИ:

Мактабгача ва мактаб таълими вазирининг 2023-йил 20 - декабрдаги 565-сонли буйруғига 37-иловада тасдиқланган Умумий ўрта таълим муассасалари (айрим фанлар чуқур ўрганиладиган ихтисослаштирилган муассасалар) ходимларининг лавозим мажбуриятларига асосан ўқитувчининг лавозим мажбуриятлари ичида ўқувчиларни давомат қилиш қилиш ва шу куннинг ўзида синф журналига киритиш мажбурияти белгиланган.

🙅‍♂️ Бироқ бу мажбурият ичида ўқувчиларни синфда бўлишини таъминлаш деган мажбурият йўқ.

❗️Аксинча бундай мажбурият ММИБДЎнинг лавозим мажбурияти қаторида белгиланган. Унга кўра ММИБДЎ ўқувчиларнинг тартиб-интизомини ва давоматини, тарбиявий ишлар самарадорлигини назорат қилиш учун масъул саналади.

❌ Бундан кўриниб турибдики, ўқувчини дарсга келмаганлиги учун ўқитувчига интизомий таъсир чораси қўллаш нотўғри.

❗️Бу ҳолатда сиз қўлланилган интизомий жазо сизнинг хатти-ҳаракатингизга номутаносиб бўлгани учун янги таҳрирдаги Меҳнат кодексининг 301-, 313 – моддаларига кўра қўлланилган интизомий жазо юзасидан туман адлия бўлимига ёки Давлат меҳнат ҳуқуқи инспекторига ариза билан мурожаат қилишингиз мумкин.

Аслида бу вазиятда ўша ўқувчиларнинг ота-оналарига нисбатан чора кўриш мақсадга мувофиқ.

‼️Маъмурий жавобгарлик тўғрисидаги кодекс 47-моддасига асосан ота-оналар ёки уларнинг ўрнини босувчи шахслар томонидан вояга етмаган болаларни тарбиялаш ва уларга таълим бериш борасидаги мажбуриятларни бажармаслик, шу жумладан вояга етмаган болаларнинг маъмурий ҳуқуқбузарлик содир этишига олиб келиши:

➖ базавий ҳисоблаш миқдорининг бир бараваридан беш баравари (375 минг сўмдан 1млн 875 минг сўм)гача миқдорда жарима солишга сабаб бўлади.

📩 Юристга савол юбориш

☎️ Юрист билан қўнғироқ орқали боғланиш

📚Барча турдаги ҳужжатларга буюртма бериш

Расмий каналимиз:
👉 @Yurist_Xizmati 👈

17.02.202514:20

⚡️Ўзбекистонда 1 апрелдан газ нархи ҳам қуйидагича ошади

2025 йил 1 апрелдан бошлаб барча истеъмолчилар учун 1 кубометр газ нархи 1800 сўмгача, АГТШКлар учун 2500 сўмгача, иссиқлик электр станциялари учун 1800 сўмгача оширилади.

Ноябрдан февралгача давом этувчи иситиш мавсумида аҳолига етказиб бериладиган табиий газнинг бир кубометри нархи газ истеъмоли:

• 500 куб метргача бўлганда 650 сўмдан 1000 сўмгача ошади;
• 500 дан 2500 куб метргача бўлганда 1800 сўм;
• 2500 дан 5000 куб метргача 2100 сўм;
• 5 000 дан 10 000 куб метргача 2500 сўм;
• 10 минг куб метрдан юқори истеъмол учун эса 3 000 сўмдан бўлади.

2025 йил 1апрелдан март-октябрь ойларидаги истеъмол учун тарифлар:

• 100 куб метргача газ истеъмол қилинганда 650 сўмдан 1000 сўмгача ошади;
• 101 кубометрдан 2500 кубометргача 1800 сўм;
• 2500 дан 5000 минг кубометргача 2100 сўм;
5000 дан 10000 куб метргача 2500 сўм;
10 минг куб метрдан юқори бўлганда 3000 сўм этиб белгиланади.

Аҳоли учун суюлтирилган газ тарифи 1 кг учун 2000 сўмгача оширилади.

📩 Юристга савол юбориш

☎️ Юрист билан қўнғироқ орқали боғланиш

Расмий каналимиз:
👉 @Yurist_Xizmati 👈

16.02.202514:28

Ўқитувчилардан очиқ дарс ташкил этиш, тезис ёзиш ва журнал тутишни талаб қилиниши тўғрими?

@Yurist_Xizmati 4981-савол:

Assalom aleykum. Yaqinda direktorimiz bizga topshiriq berdi yani 2025 yil 15 yanvardan boshlab, har oy 1 donadan ochiq dars ótishimiz kerak ekan, yana har kuni darsga kirishdan oldin tezez yozishimiz talab qilinyapti, bundan tashqari jurnal tutushimiz kerak ekan vaholanki bi 5 yil bólyapti elektron kundalik tizimiga ótkanimizga. Bu topshiriqni xat qilib boshqarma boshlig’i beripdi va rayona mudur maktab direktorlariga buyuripdi. Endi shu topshiriq bôyicha ishchi kuchi kelar ekan. Shu masala bóyicha qonun doirasida aniqlik kiritib bersangiz iltimos. Ular talab qilayotgan ishlar qanchalik tóg’ri

ЮРИСТ ЖАВОБИ:

Умумий ўрта таълим муассасаларининг педагогик мутахассисликлари бўйича намунавий йиллик иш режасини шакллантириш тартиби тўғрисидаги Йўриқномага (рўйхат рақами 3058) 15-бандига кўра Умумий ўрта таълим муассасалари педагог ходимлари синф журнали (босма ёки электрон) юритилади.

❌ Бунда умумий ўрта таълим мактаби ўқитувчиларининг дарс ва тўгарак машғулотларини ташкил этиш ҳамда синф журналини юритишдан ташқари бошқа педагогик юкламалар бўйича ҳисоботлар ва қўшимча маълумотларни талаб қилиш қатъиян тақиқланади.

Бироқ Мактабгача ва мактаб таълими вазирининг 2024 йил 16 октябрдаги 334-сонли буйруғига 43-иловада тасдиқланган Умумий ўрта таълим муассасалари (айрим фанлар чуқур ўрганиладиган ихтисослаштирилган муассасалар) ходимларининг лавозим мажбуриятларигау асосан педагогик кенгаш, методбирлашма йиғилишлари, ўқув-семинар, очиқ дарслар ва методик материаллар ишлаб чиқишда иштирок этиш ўқитувчининг лавозим мажбуриятларидан бири ҳисобланади.

✅ Шунга кўра раҳбар ўқитувчилардан очиқ дарс ташкил этишни сўрашга ҳақли.

🚫 Лекин 3058-сон низомга асосан конспект ёки журнал ёзишни талаб қилиш нотўғри.

📩 Юристга савол юбориш

17.02.202509:00

⚡️Ўзбекистонда меҳнат таътилига ҳақ тўлашда энди якшанба ҳисобга олинмайди

Ўзбекистонда ҳар йилги меҳнат таътили вақти учун ҳақ тўлашда энди якшанба куни инобатга олинмайди. Меҳнат кодекси бу ҳақдаги тегишли банд билан тўлдирилади.

Президент томонидан имзоланган қонун билан Меҳнат кодексига ўзгартириш ва қўшимчалар киритилиши ҳақида хабар берилган эди. Ҳужжат билан ходим ишдан бўшаганда меҳнат таътилини компенсацияга алмаштириш чоғида ҳам якшанба пулли компенсация тўлашда ҳисобга олинмаслиги белгиланди.

📩 Юристга савол юбориш

☎️ Юрист билан қўнғироқ орқали боғланиш

Расмий каналимиз:
👉 @Yurist_Xizmati 👈

22.02.202507:16

Мактаб директори ўқитувчиларга давомат талабини қўйишга ҳақлими?

@Yurist_Xizmati 4993-савол:

Assalomu aleykum. Savolim shundan iborat edi. Men maktabda ingliz tili fanidan dars beraman. 29.01.2025 yil kuni maktabimizga tuman prokuratura hodimi va MMTB hodimi Milliy Gvardiya hodimi ishtirokida 6- soatda davomat tadbiri o'tkazildi. Bu paytda men 11-B sinfda darsdrsm bor edi va 1 nafar uquvchi darsda ishtirok etayotgan edi. Darsda yuq uquvchilarni tashqaridan qidirdim lekin topolmadim va bu haqda sinf rahbarini va MMIBDO' ni ogohlantirdim. 1- gruhda tekshiruvchilar kirgan paytda 9,10,11- sinf uquvchilardan terib jami 9 nafar uquvchi qilib quyishgandi va bu holatdan barcha rahbarlarni habari bor. Meni gruhimga uquvchilar yuqligi uchun olib kira olishmaydi va aybni direktor menga ag'darib san dars utmagansan deb tushuntirish xati yozishga majburladi vaholanki men uz ish joyimda 1 nafar uquvchiga dars utdim. Lekin buni tan olmay manga bosim utqizib tushuntirish hati yozdirdi va men bo'lgan narsalarni to'g'risini yozdim va menga eplasang san ham boshqa sinfdan bulsa ham o'quvchi olib kirib quyishing kerak edi deb menga hayfsan berdi. Shu kuni yig'ilish jaroyonida menga haqoratli gaplar bilan shahsiyatimga tegadigan gaplar qildi va bu paytda menda ruhiy zuriqish ta'sirida sog'lig'im yomonlashdi va tez yordam chaqirishga majbur buldik. Direktorni bu harakatlari qonuniymi va men bu jarayonda qanday yo'l tutay? Manga qo'yilgan ayblov va hayfsan to'grimi?

ЮРИСТ ЖАВОБИ:

❗️Бу масалада сиз мактаб раҳбариятининг ҳаракатлари устидан туман адлия бўлимига ёки меҳнат инспекторига мурожаат қилишингиз лозим. Унинг бу ҳаракатлари ноқонунийдир.

1️⃣ Биринчидан, Меҳнат кодекси кодекс 115-моддасига кўра иш берувчи ходимдан қуйидагиларни талаб қилишга ҳақли эмас:

🚫 агар ушбу Кодексда ва бошқа қонунда бошқача қоидалар белгиланмаган бўлса, меҳнат шартномасида шарт қилиб кўрсатилмаган ишни бажаришни;
🚫 қонунга хилоф бўлган, ходимнинг ёки бошқа шахсларнинг ҳуқуқларини бузадиган, ҳаёти ва соғлиғини хавф остига қўядиган, уларнинг шаъни, қадр-қиммати ҳамда ишчанлик обрўсига путур етказадиган ҳаракатларни амалга оширишни.

2️⃣ Иккинчидан, Педагогнинг мақоми тўғрисидаги қонун 5-моддасига асосан педагогни касбий фаолияти билан боғлиқ бўлмаган ишларга жалб этиш тақиқланган.

Қаранг! Мактабгача ва мактаб таълими вазирининг 2023-йил 20 - декабрдаги 565-сонли буйруғига 37-иловада тасдиқланган Умумий ўрта таълим муассасалари (айрим фанлар чуқур ўрганиладиган ихтисослаштирилган муассасалар) ходимларининг лавозим мажбуриятлари белгиланган бўлиб, ўқитувчининг лавозим мажбуриятлари ичида ўқувчиларни давомат қилиш қилиш ва шу куннинг ўзида синф журналига киритиш мажбурияти белгиланган.

🚫 Бироқ бу мажбурият ичида ўқувчиларни синфда бўлишини таъминлаш деган мажбурият йўқ.

❗️Аксинча бундай мажбурият ММИБДЎнинг лавозим мажбурияти қаторида белгиланган. Унга кўра ММИБДЎ ўқувчиларнинг тартиб-интизомини ва давоматини, тарбиявий ишлар самарадорлигини назорат қилиш учун масъул саналади.

❌ Шундай экан, бу ҳолатда сизга интизомий таъсир чорасини қўллаш нотўғри. Чунки интизомий таъсир чораси ходим ҳақиқатда ўз меҳнат мажбуриятларини бажармаганда қўлланилади. Меҳнат кодексининг 313-моддаси учинчи қисмида интизомий жазо чорасини қўллашда содир этилган қилмишнинг оғир-енгиллиги, унинг содир этилиши ҳолатлари, ходимнинг аввалги иши ва хулқ-атвори ҳисобга олиниши белгиланган.

➡️ Навбатдаги масалага келсак, Ўзбекистон Республикаси қонунчилигига кўра ҳар қандай ҳолатда ҳам шахсни ҳақорат қилиш, унга туҳмат қилиш тақиқланган. Бу ҳуқуқ ҳеч кимга берилмаган. Аксинча мазкур қилмишларни содир этган шахсларга нисбатан маъмурий ва жиноий жавобгарлик чоралари белгиланган.

Хусусан, Маъмурий жавобгарлик тўғрисидаги кодекс 41-моддасига мувофиқ ҳақорат қилиш, яъни шахснинг шаъни ва қадр-қимматини қасддан камситиш:
➖ базавий ҳисоблаш миқдорининг йигирма бараваридан қирқ бараваригача миқдорда жарима солишга сабаб бўлади.

📩 Юристга савол юбориш

17.02.202514:19

⚡️Ўзбекистонда 1 апрелдан электр энергия нархлари қуйидагича ошади

Маиший истеъмолчилар учун 1 кВт/соат электр энергиясининг нархи ойига:

• 200 кВт/соатгача истеъмол қилинганда - 450 сўмдан 600 сўмгача;
• 201 кВт/соатдан 1000 кВт/соатгача 1000 сўм;
• 1000 кВт/соатдан 5000 кВт/соатгача - 1500 сўм;
• 5 000 кВт/соатдан 10 000 кВт/соатгача - 1 750 сўм;
• 10 минг кВт/соатдан ортиқ ортиқ истеъмол учун - 2 000 сўм бўлади.

IV гуруҳ истеъмолчилари учун электр энергияси нархи 900 сўмдан 1000 сўмгача оширилади.

📩 Юристга савол юбориш

☎️ Юрист билан қўнғироқ орқали боғланиш

Расмий каналимиз:
👉 @Yurist_Xizmati 👈

13.02.202503:33

#Биласизми

⚡️Оиласида ногирон аъзолари бўлган шахсларга 37 500 000 сўмгача бир марталик ёрдам пули берилади

📄 Ҳукуматнинг 23.03.2023 йил кунги 122-сон қарори билан тасдиқланган низомга асосан,

➖ ер участкасини аукцион орқали сотиб олиш харажатларидан келиб чиққан ҳолда, оиласи таркибида ногиронлиги бўлган шахслар сонидан қатъи назар, БҲМнинг 100 баравари (37 500 000 сўм) гача миқдорда бир марталик тўлов ажратилади.

❗️Бунда имтиёзли тоифадаги шахслар қуйидаги мезонларга тўғри келиши керак:

➖ охирги 12 ой давомида ўзи ёки оила аъзолари номида яшаш учун мўлжалланган турар жойи ёки ер участкаси мавжуд бўлмаслиги;

➖ ер участкаси охирги 3 ой ичида аукцион орқали харид қилинган ва Ўзбекистон ҳудудида бўлиши;

➖ ногиронлиги бўлган шахс деб топилган, шунингдек, “Темир дафтар”, “Аёллар дафтари”, “Ёшлар дафтари”нинг бирида турган бўлиши лозим.

✅ Демак, Оиласида ногирон аъзолари бўлган шахслар аукцион орқали ер участкаси сотиб олишда уларга 37 500 000 сўмгача бир марталик ёрдам пули берилади.

📩 Юристга савол юбориш

☎️ Юрист билан қўнғироқ орқали боғланиш

Расмий каналимиз:
👉 @Yurist_Xizmati 👈

14.02.202506:01

Ички тартиб деб ўқитувчиларни каридорларда навбатчиликка қўйиш тўғрими?

@Yurist_Xizmati 4976-савол:

Ассалому алайкум! Саволимиз бор эди. Бизнинг мактабда, маъмурият томондан хар бир каватга, кунгирок чалиш учун, укувчиларнинг кунгирок пайтида хатти-харакати, укитувчиларнинг вактида дарсга киришини назорат килиш учун, биринчи ва иккинчи укиш сменасига хар куни жами 8 нафар укитувчи навбатчилик килиш керак экан. Бизлар маъмурият укитувчиларни навбатчилик куйишига хакли эмас десак, улар Пед.кенгашнинг ички тартиб карорига киритилган дедилар. Бу канчалик тугри? Конун юзасидан жавоб берсангиз.

ЮРИСТ ЖАВОБИ:

😀 Ўқитувчиларга навбатчилик қилдиш мажбуриятини юклашнинг ўзи нотўғри.

Чунки Мактабгача ва мактаб таълими вазирининг 2024 йил 16 октабрдаги 334-сонли буйруғига 43-иловада тасдиқланган Умумий ўрта таълим муассасалари (айрим фанлар чуқур ўрганиладиган ихтисослаштирилган муассасалар) ходимларининг лавозим мажбуриятларига асосан ўқитувчининг лавозим мажбуриятлари ичида бундай мажбурият йўқ.

🙅‍♂ Демак, бу ҳолатда иш берувчи ходимга бу мажбуриятни юклаши ҳуқуқий жиҳатдан асосга эга эмас.

Меҳнат кодекси кодекс 115-моддасига кўра иш берувчи ходимдан қуйидагиларни талаб қилишга ҳақли эмас:

🚫 агар ушбу Кодексда ва бошқа қонунда бошқача қоидалар белгиланмаган бўлса, меҳнат шартномасида шарт қилиб кўрсатилмаган ишни бажаришни;
🚫 қонунга хилоф бўлган, ходимнинг ёки бошқа шахсларнинг ҳуқуқларини бузадиган, ҳаёти ва соғлиғини хавф остига қўядиган, уларнинг шаъни, қадр-қиммати ҳамда ишчанлик обрўсига путур етказадиган ҳаракатларни амалга оширишни.

⛔️ Бундан кўриниб турибдики, иш берувчи ўқитувчиларга уларнинг меҳнат вазифангиздан бошқа ишни буюриши қонунан таъқиқланади.

Бундай вазиятларда иш берувчига нисбатан Маъмурий жавобгарлик тўғрисидаги кодекс 49-моддаси билан (яъни мансабдор шахс томонидан меҳнат ва меҳнатни муҳофаза қилиш тўғрисидаги қонун ҳужжатларини бузиш) базавий ҳисоблаш миқдорининг беш бараваридан ўн бараваригача миқдорда жарима солишга сабаб бўлади.

❌ Шунга кўра мактабда ўқитувчилар ўртасида навбатчиликни шакллантириш ноқонуний ҳисобланади.

📩 Юристга савол юбориш

21.02.202505:34

❗️Қайси ҳуқуқбузарликлар учун балл жорий қилинди?

13 та ҳуқуқбузарлик бўйича балл тизими жорий қилинди. У ҳуқуқбузарликнинг оғир-енгиллигига қараб, 0,5 баллдан 2 баллгача бўлади.

1. 125-модда. Транспорт воситаларидан фойдаланиш қоидаларини бузиш. 3-5-қисм.
2. 126-модда. Тонировка.
3. 127-модда. Товуш ва ёритиш қурилмаларидан фойдаланиш қоидаларини бузиш. Биринчи қисм.
4. 128-модда. Йўл белгилари ва бошқа қоидалар.
5. 128-3-модда. Тезлик талабларига амал қилмаслик.
6. 128-4-модда. Қизил чироққа бўйсунмаслик.
7. 128-5-модда. Халақит бериш ёки авария ҳолатини юзага келтириш, йўлнинг қарама-қарши ҳаракатланиш учун мўлжалланган томонига ёки бўлагига чиқиш.
8. 128-6-модда. Тўхташ ёки тўхтаб туриш қоидаларини бузиш.
9. 128-7-модда. Одам ташиш қоидаларини бузиш. (Янги модда).
10. 128-8-модда. Қувиб ўтиш қоидаларини бузиш. (Янги модда).
11. 129-модда. Гуруҳ бўлиб ҳаракат қилишда қатнашиш.
12. 130-модда. Темир йўлдан ўтиш қоидаларини бузиш.
13. 137-модда. ЙТҲ жойидан кетиб қолиш. Биринчи қисм.

Баллар юқорида қайд этилган ҳуқуқбузарликлар биринчи марта содир этилган кундан бошлаб бир йил давомида ҳисоблаб борилади. 12 баллдан ошиб кетгандан сўнг маъмурий жазони жиноят ишлари бўйича туман/шаҳар суди тайинлайди. Ҳайдовчи транспорт воситасини бошқариш ҳуқуқидан маҳрум қилинади.

📩 Юристга савол юбориш

☎️ Юрист билан қўнғироқ орқали боғланиш

Расмий каналимиз:
👉 @Yurist_Xizmati 👈

20.02.202514:02

❓8 март байрамида неча кун дам олинади?

Бу йил 8 март — Хотин-қизлар куни байрами ҳафтанинг шанба кунига тўғри келади.

Меҳнат кодексига кўра, дам олиш куни ишланмайдиган байрам кунига тўғри келган тақдирда, дам олиш куни байрамдан кейинги иш кунига кўчирилади.

Шунга кўра, байрам арафасида беш кунлик иш ҳафтасида ишловчи ходимларнинг дам олиш кунлари қуйидагича бўлади:

• 8 март, шанба – байрам куни, дам олиш куни;
• 9 март, якшанба – дам олиш куни;
• 10 март, душанба – қўшимча дам олиш куни.

📩 Юристга савол юбориш

Расмий каналимиз:
👉 @Yurist_Xizmati 👈

18.02.202504:09

❗️Mablag‘laringizni to‘ylarga emas, farzandingizga investitsiya qiling

Buxorolik Parviz Tuksanov SAT xalqaro imtihonida eng maksimal natija — 1600 ball to‘plagan birinchi o‘zbekistonlik bo‘libdi.

Shavkat Mirziyoyev kuni kecha bo‘lib o‘tgan yoshlar bilan uchrashuvda Parvizni ushbu muvaffaqiyat bilan tabrikladi.

Menga eng yoqqan gaplarni zalda ishtirok etgan Parvizning onasi aytdi. Jumladan, barcha ota-onalarga ta’sirli murojaat bilan chiqib, shunday dedilar:

“Aziz ota-onalar, iltimos. Agar biz ortiqcha xarajatlarni to‘y-dabdabalarga sarflamasdan, mablag‘larimizni o‘zimizning farzandlarimizga investitsiya qilsak, bu albatta yaqin kelajakda o‘z natijasini ko‘rsatadi. Buni o‘g‘lim misolida sizlarga tavsiya qilaman”.

Qaniydi, hamma shu gaplarga amal qilsa, hayotining oltin qoidasiga aylantirsa, gullab ketardikku.

P.S.: aytgancha, SAT imtihonidan olingan sertifikat uchun abituriyentlarga kirish imtihonida ball berilmaydi. Negadir eng nufuzli imtihonlardan biri bo‘lgan SAT ro‘yxatdan tushib qolgan. O‘tgan yili Shavkat Mirziyoyev SAT sertifikatini ham imtihonda tan olish kerakligi haqida topshiriq bergandi. Lekin hozirgacha buning rasmiy asosi chiqmadi. Mas’ullar joriy yilgi qabulgacha ulgurisharmikin?

@xushnudbek

📩 Yuristga savol yuborish

Rasmiy kanalimiz:
👉 @Yurist_Xizmati

19.02.202516:49

Баҳоларни ўз вақтида қўймайдиган ўқитувчиларга қандай чора кўриш мумкин?

@Yurist_Xizmati 4988-савол:

Assalomu aleykum. Men ingliz tili fani o'qituvchisiman. 6 A sinfidan Bsb 3 ni oldim. Lekin baholarni 17 kun kechigib qo'ydim. Va buning uchun zavuchim tushuntirish xatini yozdirdi. Boshqa takrorlanmaydi agarda takrorlansa chora ko'rilishiga roziman deb yozdim. Menga og'zaki holda oyligingnan ushlayman dedi. Men 200 mingdan ushlanadi deb o'ylab xo'p dedim. Lekin 500 ming ushlangan. Shu to'g'rimi? Oldinnan raxmat

ЮРИСТ ЖАВОБИ:

Интизомий таъсир чораси ходим ҳақиқатда ўз меҳнат мажбуриятларини бажармаганда қўлланилади.

Меҳнат кодексининг 313-моддаси учинчи қисмида интизомий жазо чорасини қўллашда содир этилган қилмишнинг оғир-енгиллиги, унинг содир этилиши ҳолатлари, ходимнинг аввалги иши ва хулқ-атвори ҳисобга олиниши белгиланган.

❗️Шунга кўра сиздаги ҳолатда баҳоларнинг ўз вақтида қўйилмаслиги, бу меҳнат интизомини бузиш ҳисобланиши мумкин.

Бунда Меҳнат кодексининг 312-моддасига мувофиқ меҳнат интизомини бузганлиги учун иш берувчи ходимга қуйидаги интизомий жазо чораларини қўллашга ҳақли:
1)
ҳайфсан;
2) ўртача ойлик иш ҳақининг ўттиз фоизидан кўп бўлмаган миқдорда жарима. Ички меҳнат тартиби қоидаларида ходимга ўртача ойлик иш ҳақининг эллик фоизидан кўп бўлмаган миқдорда жарима солиниши ҳоллари назарда тутилиши мумкин.
3) меҳнат шартномасини бекор қилиш.

☝️Ушбу қоиданинг мазмунига кўра ходим меҳнат интизомини бузганда унга юқоридаги таъсир чораларидан бири қўлланилади. Бунда ходим содир этган қилмиш учун фақат битта интизомий таъсир чораси қўллаши мумкин.

💁‍♂ Айтиш керакки, бунда ходимга юқоридаги интизомий таъсир чоралари навбатма-навбат қўлланилмайди. Меҳнат интизомини бузишнинг даражасига қараб иш берувчи юқоридаги чоралардан бирини танлашга ҳақли.

Ундан ташқари ходим бундай ҳолатда биринчи марта огоҳлантирилиши талаб этилмайди. Шундай экан бу ҳолатда сизлар ҳам юқоридаги қоидалардан бирини танлашингиз мумкин. Бунда ушбу кодекс 313-моддаси қоидаларига риоя қилиш талаб этилади.

Яъни иш берувчи ходимдан интизомий жазо чораси қўлланилгунига қадар ёзма тушунтиришни талаб қилиши, шу жумладан, агар интизомий қилмиш хизмат текшируви натижаларига кўра аниқланган бўлса, талаб қилиши шарт.

Ходимнинг ёзма тушунтириш тақдим этишни рад этганлиги интизомий жазо чораси қўлланилиши учун монелик қилмайди ва ҳозир бўлган гувоҳлар кўрсатилган ҳолда далолатнома билан расмийлаштирилади.

Қоиданинг мазмунига кўра сиздан биринчи галда тушунтириш хати олиш керак. Агар сиз тушунтириш хати ёзишдан бош тортсангизгина ҳолат бўйича далолатнома расмийлаштиирлиши керак.

Шундан сўнг иш берувчининг ходимга нисбатан интизомий жазо чорасини қўллаш тўғрисидаги буйруғи қабул қилинган кундан эътиборан уч иш куни ичида, ходим ишда бўлмаган вақт ҳисобга олинмасдан, унга жазонинг сабаблари кўрсатилган ҳолда имзо қўйдириб эълон қилинади.

‼️Агар бу қоидаларга риоя қилинмаган бўлса, унда интизомий таъсир чораси нотўғри қўлланилган. Бунда сиз туман адлия бўлимига шикоят қилишингиз мумкин.

📩 Юристга савол юбориш

☎️ Юрист билан қўнғироқ орқали боғланиш

📚Барча турдаги ҳужжатларга буюртма бериш

Расмий каналимиз:
👉 @Yurist_Xizmati 👈

25.02.202506:39

⏩ тарбиявий жараённинг амалга оширилиш сифати ва самарадорлигига;
⏩ синфдан ташқари ишларга ҳамда ўқувчиларни инсонпарварлик ва меҳр-оқибат руҳида тарбиялашга;
⏩ тегишли синфлар ва ўқув фанлари учун тасдиқланган умумий ўрта таълимнинг давлат таълим стандартларида назарда тутилган билимлар ва кўникмалар тўлиқ ҳажмининг ўқувчилар томонидан ўзлаштириб олиниши даражасига;
⏩ ўқув жараёнига қўшилган аниқ ҳисса, ўқитишнинг юқори самарадорлиги ва сифати учун 40 фоизгача миқдорда белгиланади.

📩 Юристга савол юбориш

Увійдіть, щоб розблокувати більше функціональності.