«Оқжетпес» футболшыларын лақтырғысы келді
Қаңтар айынан бастап Шымкентте аязды, қарлы күндерінде оқу-жаттығу жиынын өткізген, кейін Түркияда бақылау ойындарында екі жеңіс пен бір тең нәтиже әкелген футболшылар енді жалақысыз қалды. Клубтың жаңа басшылығы келісім-шарттарының жарамды болуына қарамастан оларды қайтадан шығарып, қол қойып, ақпан айынан ғана бастап жалақыларын бергісі келіп отыр.
Команданың басым бөлігі (13-15 адам) осы шешіммен келіспей, Мұрат Тілешев пен Азамат Ниязымбетовтың ұсынысынан бас тартты. Енді олар жаттығуларға қатысып, тек «квадрат» ойнап, разминка жасайды. Ақпан айында келген және контрактілері әлі жоқ ойыншылар қалғандарымен келісіп, бойкот жариялауда.
Айта кетейік, бапкерлік штаб та қаңтар айының жалақысын алмайды. Бәрі кетуге дайын. Кейбір футболшылардың басқа командалардан ұсыныстары бар. Негізі команда мықты жасақталған, құрамында бір де бір легионер жоқ. Аз жалақыға ойнап, нәтиже беруде. Бірінші лигада бай командалардан озып кетіп, біріншілікті жеңіп алды.
P.S. Тілешев пен Ниязымбетов мырзалар. Өздеріңіз де кезінде кәсіби деңгейінде доп тептіңіздер. Қиын сборлардан өттіңіздер. Футболшы болудың қаншалықты ауыр екенін білесіздер ғой. Онда не үшін сомаларын азайтып, бір айлық жалақыларын бергілеріңіз келмейді?
@candidate_kairov
