Пачынаем дзень са «Звяздой» — з цікавостак!
Чым запомніўся гэты дзень❓
☝🏻1838 год — беларускі вучоны-даследчык, геолаг і мінеролаг Ігнат Дамейка прыбыў у Чылі. Сёння імя Дамейкі носяць у тым ліку вулканічны ланцуг гор у Андах (Cordіllera Domeyko); мінерал дамейкіт, фіялкавая кветка (віёла дамейкона), малая планета 2784 Domeyko; шэраг аб’ектаў тапанімікі і грамадскіх устаноў па ўсім свеце.
👤1845 год — нарадзіўся (в. Вымна, цяпер у Віцебскім раёне) Мікалай Якаўлевіч Нікіфароўскі, беларускі этнограф, фалькларыст, правадзейны член Таварыства аматараў прыродазнаўства, антрапалогіі і этнаграфіі Маскоўскага ўніверсітэта, Рускага геаграфічнага таварыства. Вывучаў традыцыйную матэрыяльную, сацыяльную і духоўную культуру беларусаў. Выдаў каля 20 прац па фальклоры, этнаграфіі і гісторыі Віцебшчыны, якія з’яўляюцца каштоўнай крыніцай для вывучэння матэрыяльнай і духоўнай культуры беларусаў.
📌1995 год — створана Ваенная акадэмія Рэспублікі Беларусь — вышэйшая ваенная навучальная ўстанова краіны, заснаваная на аснове двух мінскіх вышэйшых ваенных вучылішчаў: інжынернага, якое ўтворана ў маі 1953 года, і каманднага, што існавала з 1980-га.
📍1497 год — партугальскі мараплаўца эпохі Вялікіх геаграфічных адкрыццяў Васка да Гама дасягнуў берагоў Індыі.
✍🏻1846 год — бельгійскі майстар Адольф Сакс запатэнтаваў саксафон. Гэты інструмент дзякуючы сваёй яркасці і каларытнасці вельмі хутка заваяваў прызнанне кампазітараў. Найбуйнейшыя майстры ХІХ і ХХ стагоддзяў стваралі разнастайныя творы для саксафона і сімфанічнага аркестра.
👤1873 год — нарадзіўся Анры Барбюс, французскі пісьменнік, журналіст і грамадскі дзеяч. Член Французскай камуністычнай партыі. Замежны ганаровы член АН СССР. Быў знаёмы з Якубам Коласам. Вядомасць да Анры Барбюса прыйшла дзякуючы антываеннаму раману «Агонь», прысвечанаму рэвалюцыянізацыі свядомасці мас падчас Першай сусветнай вайны.
