Ilmiy faoliyatga sarflanadigan xarajatlar tahlili❗️
Ilmiy-tadqiqot va ishlanmalarga (ITI) sarflanadigan xarajatlar har bir mamlakat iqtisodiyoti va innovatsion salohiyatining muhim ko‘rsatkichlaridan biri hisoblanadi. Ushbu xarajatlarning yalpi ichki mahsulotga (YaIM) nisbati mamlakatning ilmiy faoliyatga qanchalik e’tibor qaratayotganini ko‘rsatadi.
Tahlillarga ko‘ra, ilmiy tadqiqotlarga eng ko‘p mablag‘ sarflaydigan mamlakatlar quyidagilar:
1. Janubiy Koreya – ITI xarajatlari YaIMning 4,81% ni tashkil etadi, bu eng yuqori ko‘rsatkichlardan biri. Mamlakat innovatsiya va texnologiya rivojiga katta ahamiyat qaratadi.
2.Yaponiya – 3,26% ko‘rsatkich bilan Janubiy Koreyadan keyingi o‘rinda. Mamlakatda elektron texnika va mashinasozlik sohalarida ilmiy tadqiqotlarga katta e’tibor qaratiladi.
3.Germaniya – 3,09% bilan Yevropada yetakchi hisoblanadi. Uning iqtisodiyoti sanoat va texnologiyalarga asoslangani bois, ITIga katta mablag‘ yo‘naltiriladi.
4.AQSh – 2,84% ko‘rsatkich bilan dunyodagi eng ilg‘or innovatsion ekotizimlardan biriga ega. Ilmiy izlanishlar asosan xususiy sektor tomonidan moliyalashtiriladi.
5.Xitoy – 2,19% ko‘rsatkichga ega bo‘lib, so‘nggi yillarda bu raqam jadal o‘sib bormoqda. Mamlakat sun’iy intellekt, biotexnologiya va kvant texnologiyalariga katta e’tibor qaratmoqda.
Shuningdek, ba’zi mamlakatlarda ITI xarajatlari nisbatan past darajada qolmoqda:
1.Hindiston – 0,65% ko‘rsatkich bilan hali ham global darajada yuqori innovatsion salohiyatga ega emas, lekin IT sohasida ilg‘or tadqiqotlar olib borilmoqda.
2.Rossiya – 1,11% ko‘rsatkich bilan ilmiy faoliyatga ancha katta mablag‘ yo‘naltirayotgan bo‘lsa-da, tadqiqotlarning samaradorligi jihatidan muammolar mavjud.
3.O‘zbekiston – 0,2% ko‘rsatkich bilan ilmiy faoliyatga sarflanadigan mablag‘ nisbatan past.
Jahon banki ma'lumotlari asosida tayyorlandi.
@researchwork_official
