Kichiklashib ketayotgan Bavariya
So'nggi yillarda Bavariyaning faqatgina nomi qo'rqinchlidek. Flik jamoa bilan 2020-yili YCHL sovrinini qo'lga kiritganidan beri na bir zo'r natija, na bir dominant futbol ko'rib keldik.
Albatta, rahbariyat tufayli. Ularning g'alati qarorlari, noto'g'ri transferlar...
Nagelsman Messi, Mbappe, Neymari bor PSJni ikki o'yinda ham yutib, garchi hujumda Shupo Moting kabi o'yinchilar bo'lsada, jamoa bilan YCHL chorak finaliga borgan payti ishdan olindi. Tushunarsiz qaror.
Klub o'tgan mavsumni sovrinsiz yakunladi. Lekin hech kim bu narsani jiddiy qabul qilgani yo'q. Go'yoki, jamoa yildan-yilga kichik klubga aylanib borayotgandek.
Kecha o'qib qoldim. Leroy Sane ManSity bilan 2018/19-yilgi mavsumda APLda 10 tadan ortiq gol urgan ekan. Oradan 6 yil o'tib, u bu ishini Bundesligada qildi. Nihoyat Leroy bu mavsum liga doirasida 10 ta gol urdi. Nazdimda, Sane ertaroq sotib yuborilishi kerak bo'lgan Gnabri, Koman kabi futbolchilar qatorida bo'lishi kerak edi. Aynan shu futbolchilar jamoani katta oylik olib, o'z ustida ishlamasdan, jamoani orqaga tortib yuribti. Jamoa o'yinlarini kuzatmaydigan muxlis Bavariyani Bundesligada zo'r deydi, lekin bu aldamchi hissiyot. YCHLga kelganda, muhim o'yinlar payti yuqoridagi futbolchilar, hattoki, to'p bilan yosh bolalarcha muomala qilishadi.
Tarkibda braziliyalik futbolchi yo'q. Bavariyaning shonli paytlarida esa har doim braziliyalik futbolchi bo'lgan. Elber, Dante, Koutinyo... Hozir istalgan bir top jamoaga qarang, kamida bitta brazilyalik topasiz.
Klub o'tgan yili Sasha Boey, Palinya, Brayan Saragosa kabi futbolchilarni qimmat narxga sotib oldi. Amalda esa ular hech narsani ko'rsatib bera olgani yo'q. Ha, noto'g'ri transfer siyosatiga oid juda ko'p misollar topsa bo'ladi.
Nihoyat bu mavsum Kompany bilan jamoa o'yini yaxshilandi. Dominant futbolga yaqin falsafa. Lekin unda "B" plan yo'qligini ko'pchilik ekspertlar ta'kidlashyabti. Shunga qaramasdan, jarohatlar bu mavsum jamoani Interdan o'ta olmasligida katta rol o'ynadi. Balki Musiala bo'lganida Interni avtobusi ochilar, Noyer bo'lganida jamoa kamroq gol o'tkazar edi. Nima bo'lganida ham Kompany mavsum uchun yomon o'yin ko'rsatmadi. U tizim murabbiyi, unga ham vaqt berish kerak.
@ima_goal🌟🌟🌟🌟🌟
