🇺🇿 Milliy libos – millat koʻzgusi
Necha ming yillik tarixga ega oʻzbek milliy liboslari bugungi kunda ham oʻz jozibasini yoʻqotmay, xalqimiz madaniyati va an’analarining ajralmas qismi sifatida saqlanib kelmoqda. Har bir libos – bu faqat kiyim emas, balki milliy qadriyatlarimizni, urf-odat va e’tiqodlarimizni aks ettiruvchi muhim ramzdir.
🇺🇿 Doʻppi, atlas, adras, beqasam chopon, zargarlik buyumlari kabi milliy kiyim-kechak va bezaklar ajdodlarimizning didi, hunarmandchiligi va san’atidan darak berib, ularning hayot tarzi va ma’naviy dunyosini namoyon etadi. Har bir naqsh, har bir rang oʻziga xos ma’noga ega boʻlib, yillar davomida shakllangan milliy merosimizning uzviy qismi hisoblanadi.
🇺🇿 Ayni paytda yurtimiz boʻylab davom etayotgan “Milliy libos – millat koʻzgusi” chellenji ana shunday boy merosimizni keng targʻib etish, yosh avlodga milliy kiyimlarimizning tarixiy va estetik ahamiyatini yetkazish maqsadida tashkil etilgan. Ushbu tashabbusga “TEMIRYOʻLINFRATUZILMA” AJ Qarshi mintaqaviy temir yoʻl uzeli filiali tasarrufidagi korxona va tashkilotlar xodimlari ham faol qoʻshilib, milliy liboslarimizni ulugʻlashga oʻz hissasini qoʻshmoqda.
🔰 Shu bilan birga, milliy madaniyatimizni keng targʻib qilish maqsadida buyuk mutafakkirlar Zahiriddin Muhammad Bobur va Alisher Navoiy tavalludiga bagʻishlangan tarixiy kitoblar koʻrgazmasi ham tashkil etildi. Bu koʻrgazma orqali ajdodlarimizning boy ilmiy-ma’naviy merosi, ularning adabiyot va madaniyat rivojiga qoʻshgan ulkan hissasi yana bir bor yodga olindi.
🔰 Shuningdek, milliy qadriyatlarimizni keng targʻib qilish maqsadida “Doʻppi chellenj” ham oʻtkazilib, xodimlar milliy doʻppilarni kiygan holda suratga tushib, ijtimoiy tarmoqlarda baham koʻrishdi.
🔰 Bu kabi tadbirlar milliy gʻurur va an’analarimizni mustahkamlashga xizmat qilib, xalqimizning oʻziga xosligini dunyoga namoyon etishda muhim ahamiyat kasb etadi. Oʻzbek milliy libosi – bu nafaqat kiyim, balki ajdodlarimiz ruhi, ularning donoligi va nafis didining yorqin ifodasidir!
🔹 #milliylibosmillatkoʻzgusi
🔹 #qarshimtuyoshlar
🔹 #boburva_navoiymeros
🔹 #doʻppi_chellenj
👉 @qarshimtuyoshlar 👈
