O’zbekiston milliy terma jamoasining oq va ko’k liboslaridagi oxirgi 5 yillik natijalarini bir yerga jamladim. Foizlarga qaralsa, ko’k biz uchun biroz omadliroq — 2020-yildan beri ko’k forma kiygan o’yinlarimizning 16 foizida yutqazibmiz, oq kiygan bahslarimizning 29 foizida yengilganmiz. G’alabalar ulushi deyarli teng, durang natijaga ko’pincha ko’k libos kiyib erishgan ekanmiz. Shu bilan birga ko’k libosda bir ochko olgan o’yinlarimizning barchasida raqiblar oddiy jamoalar bo’lmagan: Rossiya (0:0), Venesuela (1:1), Meksika (3:3), Eron (2:2, 0:0), Avstraliya (1:1).
Yana bir qiziq fakt — oxirgi 5 yilda Eronga qarshi 5 ta o’yin o’tkazib, 3 durang, 2 mag’lubiyat qayd etganmiz. Ikkala yengilgan bahsimiz ham oq libosimizda bo’lgan. Ko’kda o’ynab Toshkentda 0:2 ni 2:2 ni qilib ketganimiz ko’pchilikning yodidan chiqmagan bo’lsa kerak. 2012-yildagi tarixiy va yagona g’alabamiz ham aynan ko’k forma kiygan o’yinimizda sodir bo’lgan.
Bugun O’zbekiston ko’k libosda maydonga tushadi. Omad. Olg’a, O’zbekiston!
@sabitov_co
