Menejer bilan liderning farqi
Maktabni eslang, sinf sardori bo’lar edi. Bu lavozim va u sinf kuratori tomonidan beriladi, o’quvchilardan so’ralmaydi.
Sinf sardorini balkim boshqa sinfdoshlar yaxshi ko‘rmas, u shunchaki o‘z vazifalarini bajaradi, davomat tekshiradi.
Lekin har bir sinfda asl liderlar ham bor, ularda unvon yo‘q, lekin ko‘pincha boshqa sinfdoshlar ularga quloq solishadi.
O‘g‘il bolalar orasida bu odatda eng kuchlisi yoki eng aqllisi bo‘ladi, u gapirsa - eshitishadi, u chaqirsa - kelishadi.
Kompaniyada menejer - bu sinf sardori, uni hamma yaxshi ko‘rishi shart emas, u natija olib kelishi kerak.
Uni xodimlar tanlamagan, uni biznes egasi tanlaydi, gaplari to‘g‘ri kelgani uchun tanlaydi.
Har bitta jamoada esa o‘zini lavozim bilan belgilanmagan sardori ham bo‘ladi, u odatda eng tajribalisi va oldindan ishlayotgan bo‘ladi.
U rahbar emas, lekin ko‘pchilik unga quloq soladi va uni yaxshi ko‘radi. Rahbariyat qarorlariga u ta’sir o‘tkaza oladi.
Endi savol, menejer bo‘lgan yaxshimi yoki lidermi? Ikkalasi bittada kelsa yaxshi, lekin ko‘pincha ular alohida keladi.
Liderlar natija qilayotganday tuyilishi mumkin, lekin xodim liderlar ko‘pincha shaxsiy manfaatlarini o‘ylab ish tutadi.
Menejmentga aralashmagan liderlardan foyda yo‘q, ularni hamma yaxshi ko‘rishi mumkin, lekin natija olib kelmasa, nima foyda?
Hamma sizni yomon ko‘radigan menejer bo‘lish ham oson emas, balans ushlang.
@aqlli_ikkichi
