"Miyyang kichkina seni!" Shu gapni ayajonim 3 yilcha oldin aytgandilar. Eng katta kamsitilishni his qilgandim o'sha paytda. Tushunishingiz uchun, yoshligimdan meni maqtanadigan narsam faqat 'kallam' bo'lgan. Bo'yim normadan past edi, 'semiz' deb ko'p kamsitishgan, sportda ham o'zimga ishonchim bo'lmagan, va yana sinf fondini bermaganligim uchun ham har doim tikka turardim.
Ular nima uchun bunaqa deganlarini miyyam shunchaki qabul qilmadi toki buni tushunib yetmagunimcha. Men juda realist odam bo'lganman. Agar men ishlamasam rizq qayerdan keladi? Imtihonga kechasigacha tayyorlanmasam qanaqa qilib o'zim xohlagan ballni olaman? Agar hozir shu pulimni berib yuborsam keyin qanday yetkazaman? degan savollar har doim meni ta'qib qilardi. Rostanam bu savollarni berib ko'ring o'zizga. Aslida juda mantiqiy savollar, lekin Allohni g'aybi degan tushunchayam bor ekan. Qayerda edi bizni mantiqimiz Muso a.s Allohning amri bilan dengizni ikkiga bo'lganida? Bu yerdayam mantiqimizni ishga solib kuchli shamol yoki tsunami sabab bo'lgan desak bo'ladi, lekin u aynan nega kerakli paytda kerakli joyda sodir bo'lganini tushuntirib berishga mantiqimiz ojizlik qiladi. Postni juda uzun qilmoqchi emasman. Shuning uchun boshqa misollar bermayman.
Menda shu yillarda, ayniqsa shu yilni boshidan beri, o'zgargan narsa bu hamma narsaga ishonish va hamma narsaga ishonmaslik. Bemani eshitildi-ya?! Hamma narsaga ishonmaslik bu qat'iy fikr qilmaslik. Hamma narsa bo'lishi mumkin. Masalan, "falonchi shu gunohni qilibdi endi dindan chiqibdi" degan qat'iy fikrlarim yo'q. Chunki, biz limitimiz yetganicha fikrlaymiz, Allohni marhamati biz bilganimizdanda cheksiz va hukm qilish bizga emas. Ikkinchi qismidagi hamma narsaga ishonaman deganimni sababi agar Alloh xohlasa hattoki qizil qor yog'ishi mumkinligiga ishonishim. Chunki, yana aytganimdaka, biz aqlimiz chegarasi yetgunicha fikrlaymiz va mo'jizalarga ishonamizmi yo'qmi ular bor. Allohni g'aybi bor. Mana nima uchun ayajonim meni miyyamni kichkina deganlar. Buni tushunishimga 3 yil vaqt ketdi. Sizda buni hozir imkoni bor.
