Kurs soʻrab murojaat qiluvchi insonlarga bir tavsiyani aytishim kerak.
Turk tilini oʻrganishdan oldin (xohlagan bir tilda ham shunday) shu tilga nisbatan iliqlik his qiling oʻzingizda. Tilni yaxshi koʻring.
Sizga sertifikat kerakmi?
"Sertifikat uchun turk tili kerak"- degan fikrni unuting, "yangi bir tilni oʻrganaman, oʻzim uchun yangi olamni kashf qilaman"- degan fikrda boʻling. Siz tilni qanchalik yaxshi koʻrsangiz, oʻrganishga qanday kirishib ketganingizni oʻzingiz ham bilmay qolasiz.
Berilgan topshiriqlarni oʻz vaqtida bajaring. Har kuni eng kamida 2,3 soat dars qiling. Grammatika bilan shugʻullaning.
Turk tili bilan doimiy aloqada boʻling.
Serial koʻring, qoʻshiq eshiting, kitob oʻqing turkcha, podkast koʻring. Asosiysi, eshitayotganlaringizni, koʻrayotganlaringizni tushunishga harakat qiling, erinmang.
Dars qoldirmang, til bilan doimiy aloqada boʻling.
Yana qaytib aytaman, tilni seving, mehr bering. Til oʻrganishni bir ijod jarayoni deb tasavvur qiling, siz hayotingizda yangi tilni kashf etasiz, mukammal ijod qiling...
