2025-yil 25-aprel kuni Xalq deputatlari Sharof Rashidov tuman Kengashining navbatdan tashqari yettinchi sessiyasi bo‘lib o‘tdi. Unda mahallada xavfsiz muhitni yaratish, huquqbuzarliklarning barvaqt oldini olish, korrupsiyaga qarshi kurashish borasida amalga oshirilayotgan ishlar samaradorligini oshirish masalalari muhokama qilindi.

Oliy Majlis Qonunchilik palatasi deputati Sharofiddin Nazarov Koson tumanidagi “Esaboy” mahalla fuqarolar yig‘inida saylovchilar bilan uchrashuv o‘tkazdi.

Oliy Majlis Qonunchilik palatasi deputati Nodira Jonibekova Sirdaryo viloyatida bo‘lib, saylovchilar bilan uchrashuvlar o‘tkazmoqda. Deputat dori-darmon ta’minoti va uning narx-navo sohasida korrupsion holatlarning oldini olish bo‘yicha amalga oshirilayotgan ishlar holatini o‘rgandi.

📌 Oliy Majlis Qonunchilik palatasi deputati Nodira Djanibekova Sirdaryo tumanidagi dorixonalar faoliyati bilan tanishib, dori-darmonlarning uzluksiz ta’minoti hamda doimiy ehtiyoj seziladigan ayrim farmatsevtika mahsulotlari narxlarining barqarorligini ta'minlash yuzasidan takliflarini bildirdi.

📌 Oliy Majlis Qonunchilik palatasidagi “Adolat” SDP fraksiyasi rahbari Robaxon Mahmudova Qoraqalpog‘iston Respublikasidagi qon quyish markazida yaratilgan shart-sharoitlar, qon yig‘ish va saqlash jarayonlari, donorlik madaniyatini ommalashtirish bo‘yicha amalga oshirilayotgan ishlar bilan tanishdi.

📌 Uchrashuvda markazda xizmat ko’rsatish sifatini yanada yaxshilashga qaratilgan barcha chora-tadbirlarni ko’rish, bu jarayonlarga nisbatan ta’sirchan deputatlik nazoratini o’rnatish yuzasidan zarur tavsiyalar berildi.

Oliy Majlis Qonunchilik palatasi deputati Navro‘zbek Yusupov Andijon viloyati Izboskan tumanidagi "Toshloq" MFYda “mahalla yettiligi” faoliyati bilan tanishdi. Aholi xonadonlarida bo‘lib, ularning yashash sharoitini o‘rgandi, taklif va mulohazalarini eshitdi.

Ma’lum bo‘lishicha, ushbu mahalla fuqarolar yig‘ini binosining ikkita xonasi bor. “Mahalla yettiligi” uchun esa xonalar yetishmaydi. Deputat bu masalani o'z nazoratiga olib, mutasaddilar bilan birgalikda hal etish choralarini ko‘rishini bildirdi.

Oliy Majlis Qonunchilik palatasi deputati Gulchexra Jo‘rayeva Farg‘ona viloyatida aholi bilan ochiq muloqotlar o‘tkazmoqda, odamlarni o‘ylantirayotgan masalalarni ijobiy hal etish choralarini ko‘rmoqda. Xususan, Uchko‘prik tumanidagi 25-sonli umumiy o‘rta ta’lim maktabida bo‘lib o‘tgan uchrashuvda ichimlik suvi bilan bog‘liq ko‘tarilgan masala ijobiy hal etiladigan bo'ldi.

📌 Oliy Majlis Qonunchilik palatasi deputatlari Yelena Borisova hamda Oydin Abdullayeva Toshkent shahri Yangi hayot tumanidagi 66-sonli oilaviy poliklinika faoliyati bilan tanishishdi.

📌 Deputatlar poliklinikadagi qabul xonalari, tahlil laboratoriyalari, diagnostik xizmatlar va shoshilinch tibbiy yordam bo‘limlarini ko‘zdan kechirishdi. U yerda mehnat qilayotgan shifokor va hamshiralar bilan suhbatlashib, ularning faoliyati, duch kelayotgan muammo va ehtiyojlarini o’rganishdi.

Oliy Majlis Qonunchilik palatasining Korrupsiyaga qarshi kurashish va sud-huquq masalalari qo‘mitasi tomonidan “Ma’muriy tartib-taomillar to‘g‘risida”gi qonun loyihasi muhokamasiga bag‘ishlangan Ishchi guruh yig‘ilishi o‘tkazildi.

Deputat ushbu obyekt qurilishining nima sababdan yakuniga yetkazilmayotgani, ajratilgan mablag‘larning sarflanishi va mavjud hujjatlar asosida bajarilishi kerak bo‘lgan ishlarning nega amalga oshirilmayotganiga aniqlik kiritish maqsadida tegishli vazirlik va idoralarga rasmiy deputatlik so‘rovi yuborilishini ma’lum qildi.

Oliy Majlis Qonunchilik palatasining Budjet va iqtisodiy masalalar qo‘mitasi tomonidan Soliq qo‘mitasining 2025-yil 1-chorakda mahallabay ishlash tizimi, ijtimoiy-iqtisodiy rivojlantirish, aholi turmush darajasini yanada yaxshilashga doir amalga oshirilgan ishlar to‘g‘risidagi ma’lumoti ko‘rib chiqildi.

Oliy Majlis Qonunchilik palatasi Spikeri N.Ismoilov boshchiligidagi bir guruh deputatlar Jizzax viloyatining Do‘stlik tumanida ham bo‘ldilar. Deputatlar “G‘afur G‘ulom” mahalla fuqarolar yig‘inida “mahalla yettiligi” faoliyati bilan yaqindan tanishib, yoshlar, xotin-qizlar va nuroniylar bilan ochiq muloqotlar qildilar.

Oliy Majlis Qonunchilik palatasi Spikeri N.Ismoilov boshchiligidagi bir guruh deputatlar Jizzax viloyatining Paxtakor tumanida bo‘ldilar. Deputatlar mahalla fuqarolar yig‘inlari, aholi xonadonlariga bordilar, tadbirkorlik subyektlari va fermer xo‘jaliklari faoliyati bilan tanishdilar.

Ayni kunlarda Oliy Majlis Qonunchilik palatasi deputati Dilbar Mamajonova Farg‘ona tumanida bo‘lib, saylovchilar bilan uchrashuvlar o‘tkazmoqda.

Oliy Majlis Qonunchilik palatasi deputati Azamat Pardayev Samarqand viloyati Bulung‘ur tumanida bo‘lib, ta’lim muassasalari, tadbirkorlik subyektlari, “mahalla yettiligi” faoliyati bilan yaqindan tanishmoqda.

Oliy Majlis Qonunchilik palatasining Fan, ta’lim, madaniyat, sport va yoshlar masalalari qo‘mitasi tomonidan “Mualliflik huquqiga oid qonunchilikni takomillashtirish va himoya qilish mexanizmlarini rivojlantirish” mavzusida seminar o‘tkazildi.

📌 Oliy Majlis Qonunchilik palatasi deputati Shaxnoza Xolmaxamatova Qashqadaryo viloyati Kitob tumanidagi  “Dr. Boboyev” nomli xususiy klinika faoliyati bilan tanishib, uning imkoniyatlarini yanada kengaytirish va umuman, tibbiy xizmat ko’rsatishda zamonaviy, sog’lom raqobat muhitini yaratish, bu borada qonun ustuvorligini ta’minlash masalalarida muloqot qildi.

Joriy yilning 5-mart kuni Davlatimiz Rahbari tomonidan Parlament a’zolariga mahallaga tushib jinoyatlarning kelib chiqish sabablarini aniqlash, tahlil qilish va birgalikda yechim izlash, sohaga oid takliflar ishlab chiqish, qonunlarni takomillashtirish choralarini ko‘rish ta’kidlangan edi.

Shundan kelib chiqib, Oliy Majlis Qonunchilik palatasi Spikeri N.Ismoilov boshchiligida bir guruh deputatlar Jizzax viloyatida o‘rganishlar olib bormoqda.

Deputatlar dastlab viloyat Idoralararo muvofiqlashtiruvchi organ faoliyati bilan tanishib, mahallalarda xavfsiz muhitni yaratish, huquqbuzarliklarning barvaqt oldini olish va korrupsiyaga qarshi kurashish borasidagi chora-tadbirlarning holatini o‘rgandilar.