Buxoro viloyatining eng olis tumanida sayyor qabul o‘tkazildi
Buxoro viloyati Ichki ishlar boshqarmasining rasmiy sahifalarida xabar berganimizdek, bugun Ichki ishlar boshqarmasi boshlig‘i boshchiligidagi masʼullar tomonidan sud-huquq hamda ichki ishlar organlarining kundalik faoliyati bilan bog‘liq murojaatlarini joyiga chiqib o‘rgangan holda hal etish maqsadida, mamlakatimizning darvozalaridan biri hisoblangan Olot tumanining “Usmonshayx” mahallasida sayyor qabul o‘tkazildi.
Bunda 10 dan ortiq fuqarolarning taklif hamda murojaatlari birma-bir ko‘rib chiqildi.
Aholining surishtiruv, tergovga qadar tekshiruv va dastlabki tergov harakatlari bilan bog‘liq murojaatlarini aniqlash, ularni bartaraf etish yuzasidan aniq va tezkor choralar ko‘rish maqsadida o‘tkazilgan qabulda asosiy eʼtibor, murojaatlarning joyida hal etilishiga qaratilib, qo‘shimcha o‘rganish va qonuniy qaror qabul qilish uchun ish yurituviga olinganlari yuzasidan chora-tadbirlar belgilandi.
🇺🇿 Rasmiy sahifalarimizni kuzatib boring:
