#Фикр
Охиригача ўқимасангиз, билмай лайк босиб қўйманг яна. Чунки постда ҳақиқат айтилган бўлиши ва бу сизга ёқмаслиги мумкин.
Яқин орада Осиё чемпионлари ўз ватанига, уларни яхши кўрадиган халқимизнинг олдига зафар нишонаси билан қайтишади. Табиийки улар тантанали кутиб олинади ва камида кўпчилигимизнинг бир умрлик орзуларимиз қиймати қадар тақдирланади. Ана ўша пайтдан менинг озгина хавотирим бор...
Чунки медиа оламда жуда кучли математиклар бор. Улар ўз умрини сарҳисоб қилишни эмас, бировларнинг ютуғини пулга чақишни ва олдинги вазиятлар билан солиштириб, интрига чиқаришни хуш кўрадилар. "Ўзбекистонда қанча ногиронлар, уйсизлар, очликдан ўлаётганлар, беморлар борлиги, болаларнинг шунча меҳнатига тупуриб қўйиб, биринчи шу масалаларни ҳал қилиш кераклиги" ҳақида оташин постлар пайдо бўлади. Ўтган йилги метан заправкалардаги турнақатор навбатлар билан, бу йигитлар мошина олаётган видеоларни секин бирлаштириб, содда инсонларга қарата луқмалар ташланади. Гўё давлат одамларнинг қўлидаги нонини юлиб олиб, шу футболчиларга совға қилиб бериб юбораётгандек тасаввур пайдо қилишади.
Гуруч курмаксиз бўлмайди. Шунинг учун қорнидан ва ўз комфортидан бошқа нарсани ўйламайдиган айрим инсонларга бу айни муддаодир. Улар учун Ўзбекистоннинг ташқи оламдаги имиджи бир тийин. Кеча йигитларимиз ўзиям, кўнглиям ярим, жамоа бўлиб, арабларни ўз майдонида қон қақшатиб, олиб келган кубокни, қовуриб еб бўлмайди барибир деб ўйлашади. Саудиядек ривожланган мамлакатнинг бундан кейин "Ўзбек футболи" деганда тиззаси қалтирашини, бу ўз ўрнида жаҳон чемпионатига чиқишга урунаётган катталар жамоасини ҳам руҳлантириб юборишини заррача ҳам аҳамияти йўқдир уларга.
Бир нарсани тан олиш керак. Ўтган 5 6 йил давомида футболимиз каррасига ривожланди. Бунинг учун кимгадир ёқса-ёқмаса ҳам Президентга раҳмат демоқчиман. Блогер Хушнудбек айтганидек, бу қаҳрамонлик учун нимаики беришмасин, бир солиқ тўловчи сифатида мен ҳам розиман. Буларнинг барчасини мамлакатимизда спортни ривожлантириш учун қилинган амалий ҳаракат деб баҳолайман.
Кечаги ёшларимизнинг ўйнини "Манчестер Сити"га ўхшаган номдор клубар кузатмаган дейсизми? Кўрмаган бўлса, бугун кўриши, ёки шовқинимизни эшитиши мумкин эмасми? Аббос, Абдуқодир, Элдор дегич миллатнинг эрка йигитлари ҳам жавлон уриб юрибдику ахир ўша тарафларда. Тасаввур қилинг, келгуси беш йилликда барча ўйинчилари дунёнинг топ клубларида тўп сургич йигитлар бўлган мамлакатнинг терма жамоаси қанчалик кучли ҳисобланади?
Юқорида таъкидлангани сингари норозилик ҳолати келиб чиққанда, сизу бизга ўхшаган савияли қатлам вакилларига бир вазифа тушади. Агар ўшандоқ мазмундаги постларнинг остида бир оғиз "Илоҳим сизнинг фарзандлариз ҳам шу йигитларга ўхшасин" қабилидаги ўз муносабатимизни билдирсак, шу зайлда оғзи полвонларнинг оғзига оҳиста уриб турсак, бу хуружлар умуман билинмай кетади деб ўйлайман. Сиз бунга нима дейсиз?
Видео интернетдан олинди.
✍️Мирзо Озод
@namanganlive24
