Insoniylik binosi
Qadimgi xitoyliklar Xitoy devorini bino qilishganda uning balandligi sabab dushman o'ta olmaydi deb o'ylashgan. Ammo bor-yo'g'i yuz yilga borib bormay Xitoy uch marta hujumga uchradi. Dushman armiyasi uch marta ham devordan o'tishga ehtiyoj sezmadi. Ular devorda turgan qo'riqchilarga pora berib eshik orqali kirishdi. Xitoyliklar devor bino qilish bilan mashg'ul bo'lib haqiqiy qo'riqchi inson bino qilishni unutishgan edi. Insonni bino qilish barcha narsaning binosidan oldin turadi.
Sharqshunoslardan biri aytadi:
"Agar biror-bir xalqni barbod qilmoqchi bo'lsang, avvalo oilani barbod qil, so'ngra ta'limni barbod qil, so'ngra esa o'rnak insonlarni yomonotliq qil.
Oilani barbod qilish uchun unda onaning rolini yo'qot. Uni "uy bekasi" nomidan xijolat bo'ladigan qilib qo'y.
Ta'limni barbod qilish uchun muallimning jamiyatdagi o'rnini yo'qot. Toki talabalar uni hurmat qilishmasin.
O'rnak va peshvolarni barbod qilish uchun ulamolarga ta'na qil. Ularni behurmat qilishga harakat qilki, kishilar ularga ergashmasin".
Ongli onalar yo'qolsa, muxlis (vazifasini chin dildan bajaradigan) o'qituvchilar yo'qolsa, peshvo va o'rnak bo'ladigan kishilar obro'si to'kilsa, yangi avlodni kim eski qadriyatlarimiz asosida tarbiyalaydi?!
"Xalifa Umar ibn Xattob roziyallohu anhuning huzuriga bir yigitni keltirishdi. U o'g'rilik qilgan edi. Yigit qasam ichdi:
- Allohga qasamki, oldin o'g'irlik qilmaganman, birinchi marta o'g'irlik qildim!
Umar roziyallohu anhu dedi:
- Allohga qasamki, sen yolg'on gapirding! Alloh taolo bandasini birinchi qilgan gunohi tufayli sharmanda qilmaydi!"
Alloh taolo birinchi gunoh qilish bilan bandasidan satrni (parda) ko'tarmaydi. Hattoki bandasi ming marta gunohni takrorlasa ham, pardani yirtmaydi. Sharti shuki, bandasi siniq holida qolishi, Allohga nisbatan adabli bo'lishi va o'zini xor tutishi kerak. Qachon banda mag'rurlanib o'zidan ketsa, Alloh bilan ochiq jangga chiqsa, gunohidan uyalmasa, mutakabbirlik qilsa, ana shunda Alloh uni sharmanda qiladi, satrni ko'taradi!
Endi gunohlaringizga qarang. Qalbingiz siniq holda qilgan gunohlaringizni Alloh o'zgalarga oshkor qilganmi?! Bandasi ochiq-oydin surbetlik bilan jur'at qilmas ekan, Alloh satrni hech qachon ko'tarmaydi!
