ماتِجين ؟
شَهل گُطاعه ماتِجين ؟
أنه تِعبان بغيابچ و انتِ بألِج مدري وَين
كِلشي بيه يُصيح بأسمِچ
و انتِ مُرتاحه بِغيابي
وأنه حال الضِيم حالي
أنه افُك ريَچي بجگاره و انتِ ريجچ مَدري وين
ماتجين ؟
وانتِ تدرَين بعِشگنا
وحَسب تِقليد الضِلوع الشبَگة ديَن
وحيل مُؤمن كِلمن توضَى بحِبيبه
وكافر الماعِنده ديَن
وانتِ ويَن ؟
كُل شبر بيناتِنه يدردم حَنين
ها تِجين ؟
بيهَ واهسَ سنِدباد
وذاك چتفه الماتعَب من ياسِمين
ماتِجين ؟
اليَحب لازم يُمر مَره بحبيبه
والمُفارگ هم يَهزه الشوگ بإحِبابه ويجيبَه
و انتِ ماچَنج حَبيبه
ولا كِسر گلبچ عِذاب العاشگين
ماتِجين ؟
عِدنه شوگ وعِدنه خاطر مَشتريلچ
مزاعِلتنه ؟ وليَش مِن عدنه العِشگ ماتَشترين
ها تِجين ؟
ماتِجين ؟ عاودوا كِل النوديهُم
و انتِ يَمته تِعاودين
يَمته يل فَرگاچ سِل وينهش بَريتي السِنين
انتِ ويَن ؟
أقلامِي خَلص كُل حِبرها
والمكاتِيب شُكبرها
وهوَ مو كُل طَيره مِيل ماتِجين ؟
