🗣️ЕЛІМІЗДЕ САЛЫНАТЫН СТАДИОНДАР ЖАЙЛЫ СҰРАҚТАР КӨП КЕЛЕДІ
🏟️ШЫМКЕНТ
Президентіміздің кешегі аймаққа сапарында стадион эскизі таныстырылған. Қызғалдақ пішініндегі стадион эскизі мақұлданған көрінеді. Жаз айларында 35 мыңдық стадион құрылысы енді “точно” басталуы керек
🏟️АҚТӨБЕ
Орман шаруашылығына тиесілі жер телімі толыққанды стадион құрылысына берілді. Құжаттар шамалы уақыт алған көрінеді. Енді құрылыс жазда басталып, стадион бір жыл ішінде салынып бітуі керек
🏟️ҚЫЗЫЛОРДА
Өткен жолы арнайы пост жазғам. Әкімдік шілдеге дейін аяқтаймыз дейді. Мен тамыздың соңы деп пайымдап отырмын. Бастысы ҚФФ делегаттары барып, стандарттарын тексеріп, екі тарап кеңесіп алды.
🏟️СЕМЕЙ
Жобалау сатысында. Жыл соңына дейін қажетті дүниелер мақұлданып, құрылысы басталады.
🏟️АҚТАУ
Әкімдік жаңа стадионды 2027-де салмақ. Қазір аймақта жоғары деңгейде ойын өткізетін алаң жоқ. Бірінші лига өткізуге “BS аренаның” болғаны қандай жақсы. Болмағанда не болушы еді? “Каспий”премьер лигаға шықса ше? “Жас қанатқа” жаңа газон төсеп, косметикалық жөндеу жасап қою керек. Ақтау биылдан бастап түркі әлемінің астанасы статусына ие. Концерттерден бөлек стадионды да жаңартып, ол жерде де футболдан бөлек шаралар жасауға болады ма дейм)
🏟️АТЫРАУ
Құжаттар ретке келді. Жаздың алғашқы айлары басталуы керек. Құрылыс бір жылдың ішінде аяқталуы тиіс. Жеке өз басым дәл осы шаhарға өте қажет деп санаймын. Кешеннің ішіне футзалға арналған залды да сыйдыртса тіпті жақсы болушы еді.
🏟️АЛМАТЫ
Биыл “ОРТАЛЫҚ СТАДИОН” жөндеу жұмыстарына байланысты жабылады. Стадион 2027-жылға дейін пайдалануға берілуі тиіс. Футболға ғана арналған кешен болмақ. Жеңіл атлетшілерге “АЛМАТЫ АРЕНА” жаққа баруға тура келеді)
🏟️ҚАРАҒАНДЫ
Жөндеу жұмыстары басталайын деп жатыр. Құны 2 млрд теңге. Жылыту және суғару жүйелері, жарықтандыру, трибуналар, ішкі инфрақұрылым (дәретхана, БАҚ бөлмесі) жаңартылады. Команда және атлетшілер әзірге жаңартылған резервті кешенде дайындалады, ойындарын өткізеді. Сондай ақ, жаңа академия қүрылысы да осы жылы басталады.
🏟️ТАРАЗ
Академия құрылысы басталады. Ол жайлы кейінрек ақпарат береміз. Арнайы тоқталу керек) Бұл федерация мен демеуші компанияның ерекше жобаларының бірі болмақ.
