Kerak(mi?)
Ortiqcha xarajatlarning oldini olish uchun amaliy maslahatlar:
1. Yoningizdagi pul miqdorini nazorat qiling.
Keragidan ortiq pul olib yurmang — ko‘pincha aynan o‘sha ortiqcha summa “rejada yo‘q” xaridga ketadi.
2. Bozor yoki marketga ro‘yxatsiz bormang.
Xaridlar ro‘yxati sizni hissiyotlarga emas, ehtiyojlarga asoslangan xarid qilishga o‘rgatadi.
3. Doimiy to‘lovlar"ni saxiylik deb qabul qilmang.
Agar o‘zingizni birovga yordam bermoqchidek his qilayotgan bo‘lsangiz, oilangiz ehtiyojini ham esdan chiqarmang. Yaxshilik – oldin o‘z extiyojlarini qondirolgan insondan chiqadi.
4. Xarajatlarni oldindan rejalang.
Ularni 3 toifaga ajrating:
- Majburiy (ijara, oziq-ovqat, kommunal)
- Ixtiyoriy-majburiy (kiyim-kechak, transport)
- Ixtiyoriy (kinoga borish, kafe, qimmatli gadjetlar)
5. Avvalo majburiy xarajatlar uchun pul ajrating.
Bu sizni ortiqcha stress va qarzlardan asraydi.
6. "Bugun ololmasam ham, ertaga undan yaxshisini olaman" degan ishonchda bo‘ling.
Sabrsizlik – ko‘pincha ortiqcha sarf va pushaymonlik manbai.
7. Har bir xarid oldidan o‘zingizga savol bering:
"Bu narsa menga haqiqatan ham kerakmi? Hayotimga foyda qo‘shadimi?"
8. Taqqoslashni odat qiling.
Biror narsani xarid qilishdan oldin narxini boshqa joylarda ham ko‘rib chiqing. Ko‘pincha shoshmasdan qaror qilgan odam arzongina variantni topadi.
9. Kichik sarf-harajatlar jamlanishini nazorat qiling.
Har kuni ichilgan ichimlik va yengilgina yegulik yoki mobil ilovadagi “bir martalik” to‘lovlar oy oxirida yirik summaga aylanadi.
10. Xaridni kechiktirish usulidan foydalaning.
Narsani darhol emas, 24-48 soatdan keyin olishni rejalashtiring. Agar orada fikringiz o‘zgarmasa – demak, rostdan kerak bo‘lgan bo‘ladi.
@Bobur_Ismagilov
