Пачынаем дзень са «Звяздой» — з цікавостак! 👋🏻
Чым запомніўся гэты дзень❓
📜1817 год — нарадзіўся Міхаіл Антонавіч Гаўсман, беларускі гісторык, краязнаўца, археолаг. Працаваў у канцылярыі Мінскага дваранскага дэпутацкага сходу. Калекцыяніраваў прадметы старажытнасці, археалагічных раскопак, манеты, пячаткі, медалі. У 1889 г. у Мінску арганізаваў выстаўку археалагічных матэрыялаў, знойдзеных у Беларусі. У 1877—1878 у «Минских губернских новостях» друкаваў гісторыка-краязнаўчыя нарысы аб Заслаўі, Мар'інай Горцы, Міры, Навагрудку, Слуцку, Уздзе і інш.
💼1940 год — нарадзіўся (в. Масцішча Навагрудскага раёна) Міхаіл Паўлавіч Касцюк, беларускі гісторык, доктар гістарычных навук, прафесар, акадэмік НАН Беларусі. Навуковыя даследаванні пераважна па гісторыі Беларусі XX ст., у т. л. гісторыі сялянства, рабочых, інтэлігенцыі. Аўтар больш за 250 навуковых прац.
👔1960 год — нарадзіўся (в. Пугачы Валожынскага раёна) Віктар Шніп, беларускі паэт, перакладчык. Аўтар паэтычных зборнікаў «Пошук радасці», «Горад-утопія», апавяданняў.
📚1820 год — Аляксандр Сяргеевіч Пушкін упершыню чытаў Васілію Андрэевічу Жукоўскаму паэму «Руслан і Людміла». Жукоўскі падарыў паэту свой партрэт з надпісам «Пераможцу-вучню ад пераможанага настаўніка».
🎶1826 год — Франц Шуберт, аўстрыйскі кампазітар, адзін з заснавальнікаў рамантызму ў музыцы, даў свой адзіны публічны канцэрт.
✔️1989 год — у СССР прайшлі першыя выбары народных дэпутатаў на альтэрнатыўнай аснове.
📑1995 год — пачалі дзейнічаць Шэнгенскія пагадненні, дагавор аб скасаванні пашпартнага і мытнага кантролю шэрагу дзяржаў ЕС, першапачаткова падпісаны 14 чэрвеня 1985 года пяццю дзяржавамі (Бельгіяй, Нідэрландамі, Люксембургам, Францыяй, Германіяй) у люксембургскім мястэчку Шэнген, адкуль і назва.
