Prinsiplar haqida
Yangi bir prinsipga amal qilishga qaror qilding, Odatda bunday paytlarda atrofdagilarga e’lon qilishni yaxshi ko‘ramiz: “Endi men boshqacha yashayman!”, “Mana, endi bu narsani qilmayman!”. Albatta, buni yaxshi tarafi ham bor, qo’shimcha ma’suliyat yuklaydi, lekin prinsiplar haqida gapirishdan ko‘ra, ularga amal qilish muhimroq.
O‘zing bir o‘ylab ko‘r: odamlar sening prinsiplaringni bilsa, o‘zgarishlarni ko‘rishga ham qiziqadi. Ammo amalda o’zingga bog’liq bo’lgan va bo’lmagan sabablarga ko’ra qila olmasang, natijada faqatgina so‘zda qolgan bu prinsip odamlar oldidagi hurmatingi tushurishi mumkin.
Aslida prinsiplar qanday ishlaydi?:
• Ularni gapirish emas, yashash kerak. Yangi prinsip haqida ovoza qilmasdan, shunchaki uni hayotga joriy qil. Odamlar sening so‘zlaringga emas, amallaringga qaraydi.
• Yangi prinsip – vaqt o‘tishi bilan mustahkamlanib, tekshirilib boradigan narsa. Bir necha haftalik yoki oylik urinish uni odatga aylantiradi. Shundan keyingina, bu haqda gapirish kerakmi, yo‘qmi, o‘zing qaror qilasan.
Masalan, ortiqcha vaqtni ijtimoiy tarmoqlarda o‘tkazmaslikka qaror qilding. Shunchaki boshla. Bu haqida gapirib, boshqalarga “men endi bunday qilmayman” deyishing shart emas. Ammo natijada vaqtingni samarali sarflay boshlaganingni boshqalar shundoq ham sezadi.
Prinsip – bu ichki qoidang. Uni atrofdagilarga isbotlash shart emas. Faqatgina o‘zingga isbotlashing kifoya. Chunki haqiqiy prinsip – gapda emas, harakatda namoyon bo‘ladi.
@jasur_lutfullayev
