⏺ O'tgan yig'ilishimizga o'ylaganimizdan ko'proq ishtirokchilar qatnashishdi.
Bundan tashqari o'zingizda mavjud savollarni yozib kelsangiz birgalikda suhbatlashamiz.
⏺ O'tgan yig'ilishimizga o'ylaganimizdan ko'proq ishtirokchilar qatnashishdi.
Bundan tashqari o'zingizda mavjud savollarni yozib kelsangiz birgalikda suhbatlashamiz.
Yaqinda bir mijozimizni maktabga chaqirib, mas’ullar bilan birga shikoyatlarini muhokama qildik.
Ochig‘i, u kishining asosli e’tirozlaridan tashqari, yaxshilanishimiz uchun 6 ta kamchilik topdik.
Ha, mijozda ham kamchiliklar bor edi — buni o’zlari ham, biz ham ichimizdan sezib turdik. Lekin gapni o‘sha tomonga burmadik, burdirmadik.
Buning o‘rniga, u kishining farzandi misolida boshqa o‘quvchilarimizga yanada yaxshiroq sharoit yaratish va sifatli ta’lim berish haqida gaplashdik, vazifalar chiqardik.
O‘sha suhbatda qilgan yaxshi ishlarimiz yoki yutuqlarimiz haqida ham og‘iz ochmadik. Chunki norozi mijozga bu haqida gapirishdan foyda yo‘q edi.
Taxminan ikki yil avval jamoamizdan ketgan menejerlardan biri vazifalarni juda qattiqqo‘llik bilan bajartirardi.
Fidbeklarni berib yordamga harakat qilardik, ammo foydasi bo‘lmadi. Uzoqqa bormay, o‘zi ham ketishini anglab qoldik. Uch oy ham ishlamay to‘satdan jamoani o’zi tark etdi.
Ketayotganida qo‘l ostidagilarning hammasini olib ketmoqchi bo‘ldi, ammo faqat o‘zi olib kelgan do‘sti unga ergashdi, xolos.
Sababi oddiy — boshqalar uni hurmat qilmagandi, shunchaki lavozimidan cho‘chishardi. Keyinroq qo’l ostida ishlagan xodimlardan ba’zilari yomon xotiralarini aytib berishgandi ham.
Bizning majlislarda ham aynan shunday bo‘ladi:
• Ishtirokchilarga teng va erkin gapirish imkoni beramiz.
• Hech kimning so‘zini bo‘lmaymiz, boshqalarga ham bo‘ldirtirmaymiz.
• Yangi argumentlar tugashi bilan darhol qaror qilamiz.
• Qaror sabablarini qisqa va aniq tushuntiramiz.
• Yakunda esa ishtirokchilardan qarorni o‘z jamoalariga yetkazishini kutamiz.
Yaqinda jamoamizga yangi qo‘shilgan menejerlardan biri juda qattiqqo‘l va qo‘polroq chiqdi. Lekin bu odam o‘z sohasida haqiqiy mutaxassis – bizga ko‘p narsani o‘rgatyapti.
Uni darrov “ketkazaylik” degan gaplar bo‘lganda, aksincha, uni olib qolib, zararini kamaytirish ustida bosh qotirdik.
Ochig‘ini aytib, ochiqchasiga fidbek berdik, chegaralarimizni aniq tushuntirib qo‘ydik.
To‘g‘ri, odamning fe’l-atvori birdan o‘zgarib qolmaydi – bu tabiiy. Lekin jamoaga yetadigan zarar keskin kamaydi.
Endi esa shu odamning tajribasidan foydalangan holda ko‘plab masalalarni tezroq va sifatliroq hal qilyapmiz.
Bir ukamiz, ishga kirganiga uch oy ham bo‘lmagan, lekin allaqachon kompaniyadan chiqmoqchi ekanini aytdi.
Gapini bo‘lmay eshitdim, savollar berdim. Bilsam, intervyuda o‘zini juda yaxshi ko‘rsatgan rahbari aslida boshqacha odam bo‘lib chiqibdi.
Ishdan chiqmaslikni maslahat berdim. Vaqt o‘tishi bilan rahbari bilan chiqishib ketishini tushuntirdim.
Bir haftacha avval yana ko‘rishdik. Ishdan chiqmabdi. 1,5 yil ichida katta tajriba orttirganini, hatto biznesni qariyb 4 baravar kengaytirishga hissa qo‘shganini xursand bo‘lib aytib berdi.
