Notcoin Community

Whale Chanel

Карап чыгуу

Proxy MTProto | پروکسی

Карап чыгуу

TRM Metodik yordam

TGlist рейтинг

ТипАчык

Текшерүү

Текшерилбеген

Ишенимдүүлүк

Ишенимсиз

ОрдуУзбекістан

ТилиБашка

Канал түзүлгөн датаВер 07, 2023

TGlistке кошулган дата

Серп 29, 2024

Мен каналдын ээсимин

Өзгөрүүлөр тарыхы

Тиркелген топ

TRM Metodik yordam | Muloqot guruhi

187

Telegram каналы TRM Metodik yordam статистикасы

Толугураак

Катталгандар

11 923

24 саат00%Жума00%Ай

77-0.6%

Цитация индекси

0

Эскерүүлөр0Каналдарда бөлүштү0Каналдарда эскерүүлөр0

1 посттун орточо көрүүлөрү

0

12 саат00%24 саат00%48 саат00%

Катышуу (ER)

0%

Кайра посттошту0Комментарийлер0Реакциялар0

Көрүүлөр боюнча катышуу (ERR)

0%

24 саат0%Жума0%Ай

0.15%

1 жарнама посттун орточо көрүүлөрү

0

1 саат1 5270%1 – 4 саат00%4 - 24 саат00%

Толугураак

Биздин ботту каналыңызга кошуп, анын аудиториясынын жынысын билүү.

Акыркы 24 саатта бардык посттор

0

Динамика

"TRM Metodik yordam" тобундагы акыркы жазуулар

Бардык посттор

03.01.202513:32

💻 Dars jarayonini interaktiv oʻtkazishning zamonaviy vositalari: Math Solver interaktiv platformasi

Ushbu videoda Math Solver interaktiv platformasidan qanday foydalanish mumkinligi ko'rsatib berilgan.

Kanalga ulanish:👇
https://t.me/trm_metodika

03.01.202504:51

💻 Dars jarayonini interaktiv oʻtkazishning zamonaviy vositalari: Copilot interaktiv platformasi

Ushbu videoda Copilot interaktiv platformasidan qanday foydalanish mumkinligi ko'rsatib berilgan.

Kanalga ulanish:👇
https://t.me/trm_metodika

26.12.202406:07

Qishki zavqli o'yinlar: "Izlash va topish” o'yini

Ushbu o'yin o'quvchilarning diqqatini oshirish, so'z boyligini kengaytirish, shuningdek, raqamli ko'nikmalarini rivojlantirish uchun ajoyib usul hisoblanadi.

Bu mashg‘ulot bolalar uchun qiziqarli va foydali bo‘lishi bilan birga o'quvchilarni bir-birlari bilan hamkorlikda ishlash va birgalikda vazifalarni bajarishga undaydi.

O'tkazilishi:

➖ O'quvchilarga oldindan tayyorlangan rasmli tarqatmalarni tarqatiladi. Ushbu tarqatmalarda turli xil kategoriyalardagi buyumlar tasvirlangan bo‘ladi (masalan, shlyapalar, chang’ilar, qo'lqoplar, qor parchalari va boshqalar).

➖ Har bir rasmda bir yoki bir nechta buyumlar bo'lishi mumkin va bolalarga bu buyumlarni izlab topish va bo'yash vazifasi yuklatiladi.

➖ O'quvchilar rasmda belgilangan turli kategoriya buyumlarini ranglab, bir xil buyumlarni topishga harakat qilishadi.

Masalan, barcha shlyapalarni yoki qo'lqoplarni bo'yab, ajratish.

➖ Har bir buyumni topganlarida, ular uning nomini aytib yoki yozib, ularni ranglab bo'lishadi.

➖ O'yin davomida, o'quvchilar turli predmetlar bilan ishlashadi, bu esa ularning vizual qobiliyatlarini rivojlantiradi va so'z boyliklarini kengaytirishga yordam beradi.

Foydali ko'nikmalar:

➖ So'z boyligini oshirish: O'yin davomida o'quvchilar turli xil buyumlar va ularning nomlarini eslab qolishadi, bu esa ularning so'z boyligini kengaytiradi.

➖ Vizual e'tibor: Bolalar ko'rsatilgan rasmda bir xil buyumlarni topish orqali vizual qobiliyatlarini rivojlantiradi.

➖ Hisoblash: Agar o'yin davomida bolalar buyumlarni sanashni talab qilsa, bu ularga oddiy hisoblash ko'nikmalarini o'rganishga yordam beradi.

Qaysi payt o'tkaziladi?

➖ Bu faoliyatni darsni tez o'zlashtirgan o'quvchilar uchun qo'llanilishi mumkin. Agar bolalar darsni tez tugatsalar, ularga ushbu Izlash va topish o'yinini taklif etish mumkin.

➖ Sinfdagi bayramlarda yoki maxsus tadbirlarda bu o'yin bolalar uchun ajoyib dam olish va qiziqarli vaqt o'tkazish usuli bo'ladi.

➖ Uyda qishki ta'tilda ham o'yin juda foydali va qiziqarli bo'lishi mumkin. Bolalar vaqtni o'ynab, o'rganish bilan o'tkazishadi.

Turli kategoriya misollar:

👒 - Shlyapalar;
⛸ - Chang’ilar;
🧤 - Qo'lqoplar;
❄️ - Qor parchalari;
🐿 - Olmaxonlar;
🦉 - Qushlar;
📚 - Kitoblar;
☕️ - Qahva.

✍️ Muallif: Gulnoz Xodjayeva

Kanalga ulanish:👇
https://t.me/trm_metodika

Медиа контентке кире албай жатабыз

24.12.202410:05

Lotsi usulini dars jarayonida qo‘llash

Lotsi usulini turli fanlarda, ayniqsa, katta miqdordagi ma’lumotni yodlash yoki tuzilmalarni eslab qolish zarur bo‘lganda qo‘llash mumkin.

Quyidagi fanlarda bu usul samarali hisoblanadi:

Tarix: Tarixiy sanalar va voqealarni yodlashda.

Masalan, har bir tarixiy davrni xayoliy xonalarga joylashtirib, ma’lum voqea va shaxslarni tasviriy bog‘lash mumkin.

Geografiya: Xaritada mamlakatlar, poytaxtlar, daryolar yoki tog‘lar joylashuvini yodlashda.

Masalan, xaritaga o‘xshash xayoliy makonni tasavvur qilib, har bir mintaqaga ma’lumot qo‘shish mumkin.

Ona tili va adabiyot: She’rlar, to‘plamlar yoki grammatik qoidalarni yodlashda.

Masalan, she’rning har bir satrini muayyan joyga joylashtirish orqali oson yodlab olish mumkin.

Biologiya: Organizm tizimlari, tuzilishi yoki ilmiy atamalarni eslab qolishda.

Masalan, inson tanasining organlarini turli xonalarda tasvirlab, ularning vazifalarini bog‘lash mumkin.

Kimyo: Kimyoviy elementlar jadvali yoki reaksiyalarni yodlashda.

Har bir elementni xayoliy saroyning turli burchaklariga joylashtirish mumkin.

Matematika: Formulalar, algoritmlar yoki qadamli yechimlarni yodlashda.

Formulani har bir bosqichi uchun xayoliy vizual manzaralar yaratish orqali bajarish mumkin.

Chet tillari: Yangi so‘zlar yoki iboralarni yodlashda.

Yangi so‘zlarni xayoliy joylarga joylashtirib, vizual assosiatsiyalar bilan bog‘lash mumkin.

Umumiy qo‘llanilishi:

Lotsi usuli nafaqat muayyan fanlarda, balki eslab qolishni talab qiladigan har qanday mashg‘ulotda, jumladan, nutq (gapirish) ga tayyorlash, imtihonlarga tayyorgarlik va kundalik ishlarda ham foydalidir.

Samarali natijaga erishish uchun bu usulni vizuallashtirish va qiziqarli assosiatsiyalarni yaratish bilan birga mashq qilish tavsiya etiladi.

✍️ Muallif: Gulnoz Xodjayeva

Kanalga ulanish:👇
https://t.me/trm_metodika

Медиа контентке кире албай жатабыз

23.12.202411:57

Qiziqarli usulda yod olish: Lotsi usuli

Lotsi usuli ("xotira saroyi") – ma’lumotlarni yodlashda foydalaniladigan texnika bo‘lib, uning asosida ma’lumotlarni xayoliy makonlar bilan bog‘lash g‘oyasi yotadi.

Bu usul qadimgi zamonlardan buyon ma’lum bo‘lib, xotira musobaqalarida keng qo‘llaniladi.

Nutq yoki taqdimotni yodlash, ro‘yxatlar, ismlar, sanalar yoki boshqa ma’lumotlarni eslab qolish hamda maktab o‘quvchilari va bolalarda kognitiv qobiliyatlarni rivojlantirish maqsadida qo‘llaniladi.

Lotsi usuli:

Tasavvur qilingan joy: O‘zingiz yaxshi biladigan joyni tasavvur qiling – masalan, uyingiz, ko‘changiz, maktab yoki boshqa tanish makon.

Ma’lumotlarni joylashtirish: Yodlamoqchi bo‘lgan ma’lumotlarni ushbu joyning ma’lum nuqtalariga "joylashtiring".

Masalan, nonni stolga, sutni oshxona muzlatkichiga, meva-sabzavotlarni esa oshxona shkafida tasavvur qiling.

Jonlantirish: Bu xayoliy joy bo‘ylab harakatlanib, har bir joyga "qo‘yilgan" ma’lumotlarni eslab chiqing.

Vizual bog‘lash: Ma’lumotlarni tasavvurdagi ajoyib va noodatiy tasvirlar bilan bog‘lash orqali yodlashni yanada osonlashtirish mumkin.

✍️ Muallif: Gulnoz Xodjayeva

Kanalga ulanish:👇
https://t.me/trm_metodika

Медиа контентке кире албай жатабыз

23.12.202404:10

#loyihaviy_talim
#ekologik_tarbiya

STEAM laboratoriyasi: Po‘kakka o'simliklar ekish va ularni yetishtirish bo'yicha amaliy mashg’ulot

Ushbu mashg’ulot boshlang‘ich sinf o‘quvchilarini o‘simliklar ekish va parvarish qilishning ilmiy tamoyillari bilan tanishtirish, shuningdek, o‘simliklar o‘sishiga ta’sir etuvchi omillarni (yorug‘lik, suv, harorat, tuproq) tushuntirish maqsadida o‘tkaziladi.

O‘simliklarni parvarish qilishda ehtiyotkorlik va ilmiy yondashuvni ko‘rsatish ushbu jarayonning muhim qismi hisoblanadi.

O’qituvchi faoliyati:

➖ O‘quvchilarga o'simliklar ekish jarayoni va ularning o'sishiga qanday sharoitlar ta'sir qilishi haqida ma'lumot beriladi.

➖ Po‘kakka o'simliklar yetishtirishning ilmiy va amaliy jihatlarini tushuntiriladi.

Bu orqali o‘quvchilarda ekologik ongni shakllantirish va tabiatga nisbatan ehtiyotkorlik rivojlantiriladi.

O‘quvchilarni guruhlarga bo'lish:

4-5 kishilik guruhlar hosil qilib, har bir guruhga o'z gupkaga o'simliklarini ekish uchun kerakli materiallar taqdim etiladi (tuproq, urug'lar, idishlar, sug'orish vositalari).

Zarur materiallar:

➖ Har bir guruh uchun bittadan plastik yoki keramika idishlar;
➖ Po‘kakka o'simliklari urug'lari (masalan, salat, bodring, sabzi va boshqa tez o'sadigan o'simliklar);
➖ O'simliklarning rivojlanishi uchun zarur tuproq;
➖ Sug'orish uchun suv;
➖ Tabiiy yorug'lik tizimi;
➖ Haroratni o'lchash uchun termometr.

✍️ Muallif: Gulnoz Xodjayeva

Kanalga ulanish:👇
https://t.me/trm_metodika

Медиа контентке кире албай жатабыз

16.12.202411:28

Mustaqil o‘rganish va boshqalarga tushuntirish malakasini shakllantirish: Feynman texnikasi

Feynman texnikasi – bu ma’lum bir mavzuni chuqurroq tushunish va samarali o‘rganish uchun fizik Richard Feynman tomonidan ishlab chiqilgan.

Bu sodda, lekin kuchli ta’lim metodi bo'lib, o'quvchilar mustaqil mavzuni o'rganishlari va izlanishlari uchun eng yaxshi usullardan biri hisoblanadi.

O'tkazilishi:

1️⃣ Mavzuni tanlash va yozib olish

Avval mavzu tanlanadi va uni o‘rganish boshlanadi. Keyin, o‘quvchilar tanlagan mavzu bo‘sh varaqqa xuddi boshqalarga tushuntirayotgandek oddiy tilda tushuntirib yoziladi, .

2️⃣ Oddiy so‘zlar bilan tushuntirish

Mavzuni eng sodda va tushunarli so‘zlar bilan tushuntirishga harakat qilinadi. Agar o‘quvchi murakkab atamalardan foydalanayotgan bo‘lsa yoki qiynalsa, bu mavzuni to‘liq tushunmaganini bildiradi.

3️⃣ Bo‘shliqni aniqlash va to‘ldirish
Tushuntirish davomida bilimda bo‘shliqlar yoki noaniqliklarni sezilsa, qaytadan mavzuni o‘qib o‘rganiladi va bu bo‘shliqni to‘ldiriladi.

Feynman texnikasi murakkab fanlarni, masalan, fizika yoki matematika kabi mavzularni o‘rganishda juda foydali bo‘lsa-da, uni har qanday bilim sohasida qo‘llash mumkin.

Masalan,

4-sinfning Matematika darsi: 21 dan 100 gacha bo‘lgan sonlar mavzusi

Oddiy til bilan tushuntirish:

➖ 21 dan 100 gacha bo‘lgan sonlar 20 va undan kattaroq ikki xonali sonlardir.

➖ Bu sonlarni o‘nliklar va birliklarga ajratish mumkin (masalan, 45 = 4 o‘nlik va 5 birlik).

➖ Sonlarning qatoridagi har bir son bir oldingi son ustiga 1 qo‘shish bilan hosil bo‘ladi (21, 22, 23, …).

O‘quvchilar kichik guruhlarga ajratiladi va Feynman texnikasini qo‘llanadi:

1-bosqich: Har bir guruhga 21 dan 100 gacha bo‘lgan sonlarning bir qismini ajratib berishadi (masalan, 21-40, 41-60, 61-80, 81-100).
2-bosqich: Guruhdagilar sonlarni o‘nliklar va birliklarga ajratadi va bu haqida oddiy tilda yozadi.

Masalan:

34: “Bu son 3 ta o‘nlik va 4 birlikdan iborat.”
56: “Bu son 5 ta o‘nlik va 6 birlikdan iborat.”

3-bosqich: Har bir guruhdan bittadan o‘quvchi o‘z guruhining ishlash jarayonini sinfga oddiy tilda tushuntiradi.

Mustahkamlash va yanada soddalashtirish uchun mashq: O‘qituvchi sonni tasvirlaydi, o‘quvchilar esa uni topadi.

Masalan:

“Men 6 ta o‘nlik va 7 birlikdan iboratman. Men qanday sonman?” (Javob: 67)
“Mendan keyin keladigan son – 43. Men qanday sonman?” (Javob: 42)

✍️ Muallif: Gulnoz Xodjayeva

Kanalga ulanish:👇
https://t.me/trm_metodika

Медиа контентке кире албай жатабыз

16.12.202407:18

💻 Dars jarayonini interaktiv oʻtkazishning zamonaviy vositalari: Vascak interaktiv platformasi

Ushbu videoda Vascak interaktiv platformasidan qanday foydalanish mumkinligi ko'rsatib berilgan.

📹 Youtube (HD)da ko‘rish: https://youtu.be/H3xYCcaQ4SE

Kanalga ulanish:👇
https://t.me/trm_metodika

13.12.202409:39

🎄Chet tillarini o‘qitishda "Archa bezatish" metodikasi

Bu metodika mavsumiy darslar yoki bayram mavzularida ishlatiladigan ijodiy va interaktiv usullardan biridir. Ushbu metod orqali quyidagi ko‘nikmalar rivojlanadi:

➖ Til amaliyoti: Yangi so‘z va iboralarni muloqot orqali o‘zlashtiriladi.
➖ Ijodkorlik: Rangli va qiziqarli mashg‘ulot o‘quvchilarni zavqlantiradi.
➖ Jamoaviy o‘rganish: Guruh bo‘lib ishlash til ko‘nikmalarini mustahkamlaydi.

O‘tkazilishi:

Tayyorlanish bosqichi:

Mavzu tanlash: Bayramlar bilan bog‘liq so‘z boyligini o‘rganish (masalan, fir tree, ornaments, star, garland).

Kerakli materiallar: Qog‘oz, karton, kesilgan bezaklar yoki interaktiv doskadan foydalanib archa va uning bezaklarini yaratiladi.

Kirish qismi:

➖ Bayram haqidagi chet tilidagi matn yoki hikoya o‘qiladi.
➖ O‘quvchilarni archa bezatish bilan bog‘liq so‘zlar bilan tanishtiriladi va ularning talaffuzi mashq qilinadi.

Asosiy qism:

➖ So‘z boyligi mashqi: Har bir o‘quvchi o‘ziga bitta bezak tanlaydi va u bezakning nomini, rangini yoki shaklini tasvirlaydi (masalan, This is a red ball).
➖ Grammatika mashqlari: Oddiy jumlalar tuziladi (I am putting a star on the tree).
➖ Jamoa bo‘lib ishlash: Guruhlarda ishlash. Har bir guruh archa bezatib, o‘z ishlari haqida taqdimot qiladi.

Yakuniy qism:

➖ Har bir o‘quvchi o‘z archasini tasvirlaydi yoki uning bezaklari haqida qisqa hikoya yozadi.
➖ O‘quvchilar bilan archaning go‘zalligi haqida og‘zaki muhokama qilib, dars yakunlanadi.

Agar sizda zamonaviy sinf xonasi mavjud bo'lsa, unda ushbu usulda ham darsni tashkil qilishingiz mumkin:

➖ Qog‘oz archa yaratib, unga o‘quvchilar chet tilida o‘z tilaklarini yozishlari mumkin (I wish for peace).
➖ Raqamli texnologiyalar yordamida virtual archa bezatish dasturlaridan foydalanish mumkin.

Bu metodika nafaqat chet tillarini o‘rgatishda, balki o‘quvchilarning ijodkorlik qobiliyatlarini oshirish va jamoaviy ishlash ko‘nikmalarini rivojlantirishda ham samaralidir.

✍️ Muallif: Gulnoz Xodjayeva

Kanalga ulanish:👇
https://t.me/trm_metodika

Медиа контентке кире албай жатабыз

12.12.202411:36

“Reklama” metodi (Fan: O‘qish savodxonligi)

Metodni "Hunar - zar, kasb - gavhar" bo‘limi yuzasidan takrorlash misolida ko'rib chiqamiz.
O‘quvchilardan "kasb" nima ekanligi so‘raladi va qisqacha muhokama qilinadi.
O‘quvchilardan o‘z sevimli kasblari nomlarini aytishlari so‘raladi.

Metod haqida o’quvchilarga tushuncha beriladi. O’quvchilar kichik guruhlarda biror bir kasbning xususiyatlarini ochib berishlari kerak bo'ladi.

O‘tkazilishi:

➖ Reklama yaratish uchun vaqt beriladi (20 daqiqa)
➖ O‘quchilarni kichik guruhlarga bo‘linadi (3-4 kishi).
➖ Har bir guruhga turli kasblar beriladi (masalan, shifokor, muallim, quruvchi, elektrchi va boshqalar).

Guruhlar kasbni reklama qilish uchun poster tayyorlashlari kerak.

Posterda kasbning afzalliklari, nima qilishi, qanday sifatlar talab etilishi va boshqalar ko‘rsatilishi lozim.

“Reklama” taqdimoti (15 daqiqa)

➖ Har bir guruh o‘zi tayyorlagan plakatini sinfga taqdim etadi.

➖ Guruhlar o‘z kasblarini reklama qiladilar, nima uchun ularni tanlash kerakligi haqida gapirishadi.

➖ Kreativ yondashuvlar, ijodkorlik va hamkorlik, chiroyli nutq va boshqa jihatlar o’qituvchi tomonidan e’tirof etiladi.

➖ Yakunda kasblarning ahamiyati va jamiyatdagi o’rni haqida xulosa qilinadi.

✍️ Muallif: Gulnoz Xodjayeva

Kanalga ulanish:👇
https://t.me/trm_metodika

Медиа контентке кире албай жатабыз

12.12.202407:15

💻 Dars jarayonini interaktiv oʻtkazishning zamonaviy vositalari: GeoGebra interaktiv platformasi

Ushbu videoda GeoGebra interaktiv platformasidan qanday foydalanish mumkinligi ko'rsatib berilgan.

Kanalga ulanish:👇
https://t.me/trm_metodika

11.12.202405:09

#Tabiiy_fanlar

Muammolarni yechishda ko‘p qirrali nuqtai nazar taqdim etish: SWOT-tahlil

Ijtimoiy va iqtisodiy, ekologik muammolarni va ularning yechimlarini aniqlashda bizga muammoli ta’lim metodlari yordamga keladi.

Muammoli ta'lim metodlari o‘quvchilarga yoki talabalariga muammoni yechishga qaratilgan o‘qitish usuli bo’lib, ushbu metodda o‘quvchilar o‘z bilimlarini amaliy vaziyatlarda qo‘llashni o‘rganadilar.

SWOT qismlari quyidagi ma’nolarni bildiradi:

➖ S (Strengths) - Kuchli tomonlar
➖ W (Weaknesses) - Zaif tomonlar
➖ O (Opportunities) - Imkoniyatlar
➖ T (Threats) - Xavf-xatarlar.

Tahlil metodini "O’zbekiston iqlimi" mavzusida ko’rib chiqamiz.

Kerakli jihozlar: Interaktiv doska, kartochkalar (SWOT-tahlil uchun), O‘zbekistonning tabiiy geografik xaritasi, iqlim diagrammalari va statistik ma’lumotlar.

Mavzuga kirish uchun qisqa savol-javob va tushuntirish o‘tkaziladi:

➖ O‘quvchilardan O‘zbekiston iqlimi haqida nimalarni bilishlarini so‘raladi.
➖ Asosiy tushunchalarni aniqlashtiriladi: kontinental iqlim, quruqlik, qish va yoz faslining farqlari.

Qisqacha tushuntirish:

➖ O‘zbekistonning geografik joylashuvi: kenglik, tog‘ va cho‘l hududlari.
➖ Iqlimga ta‘sir qiluvchi omillar.

Qo‘shimcha ma’lumotlar eslatiladi:

O‘zbekistonning asosiy iqlim xususiyatlari:

➖ Yozda issiq va quruq, qishda sovuq bo‘lishi.
➖ O‘rtacha yillik yog‘in miqdori pastligi.
➖ Amudaryo va Sirdaryo suv resurslariga bog‘liqligi.
➖ Iqlimning iqtisodiyotga ta‘siri: qishloq xo‘jaligi, turizm.

O‘quvchilar 4 guruhga bo‘linadi va quyidagi o’quv topshiriqlar beriladi:

1-guruh:
Iqlimimizning kuchli tomonlarini aniqlash.
2-guruh: Zaif tomonlarni tahlil qilish.
3-guruh: Iqlim imkoniyatlarini o‘rganish.
4-guruh: Xavf-xatarlarni belgilash.

Har bir guruhga kartochkalar va xaritalar tarqatiladi. Guruhlar ishlaydi va natijalarni tayyorlaydi.

Guruhlar natijalarini taqdim etishi:

➖ Har bir guruh o‘z izlanishlarini taqdim etadi.
➖ O‘qituvchi savol-javob orqali guruhlarni rag‘batlantiradi va mavzuga yanada aniqlik kiritishga harakat qiladi.

Yakuniy qism

➖ SWOT-tahlil natijalari umumlashtiriladi va doskaga yoziladi.
➖ O‘quvchilar bilan quyidagi savollar muhokama qilinadi:
➖ O‘zbekiston iqlimining qaysi tomonlari rivojlanishga ko‘proq imkon yaratadi?
➖ Xavflarni kamaytirish uchun nimalar qilish mumkin ekan?

✍️ Muallif: Gulnoz Xodjayeva

Kanalga ulanish:👇
https://t.me/trm_metodika

Медиа контентке кире албай жатабыз

07.12.202410:03

Darsni qizitish uchun o‘yin: "Warm up" metodi

Oʻquvchilarni bir fandan chiqib boshqa bir fanga kirganda, yoki "koʻcha", "uy" rejimidan "dars" rejimiga oʻtib olishlari va moslashishlari, diqqatlarini ayni shu fanga qaratishlari uchun qulay metod.

“Warm up” metodi avvalgi darslarni takrorlash va muhim tushunchalarni mustahkamlash, oʻquvchilarning darsdagi sinovlar yoki loyihalarni boshlash oldidan shaxsiy tashvishlari va stresslarini unutishga yordam beradi.

Batafsil: https://bit.ly/4gk58cK

✍️ Muallif: Gulnoz Xodjayeva

Kanalga ulanish:👇
https://t.me/trm_metodika

Медиа контентке кире албай жатабыз

07.12.202408:35

💻 Dars jarayonini interaktiv oʻtkazishning zamonaviy vositalari: Chemcollective interaktiv platformasi

Ushbu videoda Chemcollective interaktiv platformasidan qanday foydalanish mumkinligi ko'rsatib berilgan.

📹 Youtube (HD)da ko‘rish: https://youtu.be/s6OZrT6JcZg

Kanalga ulanish:👇
https://t.me/trm_metodika

02.12.202413:35

FSMU texnologiyasini Davlat va huquq asoslari darslariga qo‘llash

FSMU texnologiyasi yordamida o‘quvchilar nafaqat fan bo‘yicha bilim olishadi, balki tanqidiy fikrlash, argumentatsiya va jamoaviy ishlash ko‘nikmalarini rivojlantiradilar.

Bu metod o‘quvchilarga o‘z fikrlarini erkin va dalillarga asoslangan holda ifodalashga yordam beradi.

FSMU texnologiyasi Davlat va huquq asoslari fanida munozarali masalalarni hal etishda, huquqiy tushunchalarni o‘rgatishda va o’quvchilarni tanqidiy fikrlashga undashda samarali qo‘llash mumkin.

Masalan, O‘zbekiston Respublikasi Konstitutsiyasidagi asosiy prinsiplarga oid bahslarni tashkil etish, huquqlar va erkinliklar, fuqarolik masalalariga oid mavzularni muhokama qilishda FSMU texnologiyasi juda foydali bo‘ladi.

Darsni tashkil etish bosqichlari:

1-bosqich: Mavzuni belgilash va darsni tashkil etish

O‘qituvchi mavzuni tanlaydi: Konstitutsiyaning "Inson huquqlari" yoki "Davlat tuzilishi" bo‘limlari, masalan, "Davlat suvereniteti" yoki "Fuqarolarning asosiy huquqlari" kabi mavzularni tanlash mumkin.

O’quvchilarga bahs-munozara olib borish, fikrlarini himoya qilish, dalillar keltirish va bir-birining fikriga hurmat ko‘rsatishni ta'kidlash zarur.

O‘qituvchi darsning strukturasini tushuntiradi: Dars davomida avval har bir o‘quvchi mustaqil ishlaydi, keyin kichik guruhlarda fikr almashadi va nihoyat, jamoa sifatida umumlashtirish va fikrini himoya qilish bo‘yicha ish olib boriladi.

2-bosqich: FSMU texnologiyasi bosqichlari bo‘yicha ishlash

O‘quvchilarga FSMU texnologiyasining 4 bosqichi bo‘yicha yozilgan qog‘ozlar tarqatiladi:

➖ F (Fikringizni bayon eting): O‘quvchilar o‘z fikrlarini yozib chiqadilar.

Masalan, "Konstitutsiyaning …..-moddasi …. ta'minlaydi, chunki..."

➖ S (Fikringizning bayoniga sabab ko‘rsating): Fikrning asosini keltiriladi.

➖ M (Ko‘rsatgan sababingizni isbotlab misol keltiring): Fikrni dalillash uchun misol yoki huquqiy tahlil keltiriladi.

Masalan, "O‘zbekiston Konstitutsiyasi xalqning hokimiyat manbai ekanligini belgilab beradi, bu esa uning suverenitetini ta'minlaydi."

➖ U (Fikringizni umumlashtiring): Fikrni qisqacha yakunlash va umumlashtirish.

Masalan, "Shuning uchun, O‘zbekistonning suvereniteti xalq tomonidan amalga oshiriladi va uni Konstitutsiya himoya qiladi."

3-bosqich: Kichik guruhlarda ishlash

O‘quvchilar guruhlarga bo‘linadi: Har bir guruh o‘z fikrlarini va dalillarini umumlashtiradi.

Guruhlar uchun qo‘shimcha materiallar tarqatiladi: Kichik guruhlarga o‘quvchilarning to‘ldirgan qog‘ozlari asosida katta formatdagi qog‘ozlar tarqatiladi va ular fikrlarni guruh ichida tahlil qilib, umumlashtiradilar.

Guruhlar umumlashtirishni boshlaydi: Har bir guruh o‘z fikrlarini 4-bosqichda umumlashtiradi va himoya qilishga tayyorlanadi.

4-bosqich: Fikrlarni umumlashtirish va himoya qilish

Har bir guruh o‘z fikrlarini himoya qiladi: Guruh vakillari o‘zlarining yozgan fikrlarini himoya qilishadi, dalillarni taqdim etadilar. Bu bosqichda o’quvchilar o‘z fikrlarini himoya qilishga va dalillarni taqdim etishga o‘rganadilar.

Fikrlar himoya qilinadi: Guruhning har bir vakili fikrning to‘g‘riligini isbotlashga harakat qiladi va o‘quvchilarga nima sababdan shu fikrga kelganlarini tushuntiradi.

5-bosqich: Yakunlash

O‘qituvchi fikrlarni umumlashtiradi: O‘qituvchi o‘quvchilar tomonidan bildirilgan fikrlarga o‘z munosabatini bildiradi.

Barcha fikrlarni tahlil qiladi va o‘quvchilarga qo‘shimcha izohlar beradi.

O‘qituvchi o‘quvchilarga mavzu yuzasidan savollar bilan murojaat qilishi mumkin.

Tarqatma materialning namunasi yozilishi (FSMU texnologiyasiga asoslangan):

➖ Fikringizni bayon eting;
➖ Fikringiz bayoniga biror sabab ko‘rsating;
➖ Ko‘rsatilgan sababni isbotlovchi misol keltiring;
➖ Fikringizni umumlashtiring.

✍️ Muallif: Gulnoz Xodjayeva

Kanalga ulanish:👇
https://t.me/trm_metodika

Медиа контентке кире албай жатабыз

Бардык посттор