❗️❗️❗️
Ադրբեջանցիները կրակել են Գորիսին մոտ տեղակայված իրենց դիրքերից, բայց ոչ մեր բանակի դիրքերի ուղղությամբ:
Այսօր ադրբեջանական զինված ուժերը Գորիսին մոտ դիրքերից անկանոն կրակահերթեր են արձակել, այսինքն՝ ոչ թիրախային, չեն գնդակոծում բուն դիրքերը, չեն թիրախավորում դիրքապահներին կամ չեն գնդակոծում քաղաքն ու քաղաքացիական և այլ ենթակառուցվածքներ: Այդ մասին 24News-ին հայտնում են ՊՆ-ին մոտ կանգնած աղբյուրները: Համացանցում տարածվող տեղեկությունները, թե գնդակոծում են դիրքերը, ճշգրիտ չէ: Բնականաբար, բնակիչները լսում են կրակոցների ձայները, քանի որ դիրքերը բնակավայրերին հաճախ շատ մոտ են տեղակայված, սակայն նշել, թե գնդակոծվում են դիրքերն ու գյուղերը, կամ Գորիս քաղաքը, ճիշտ չէ: Ըստ ամենայնի, ադրբեջանցիները սրանով փորձում են հասնել նրան, որ մեր դիրքապահները նույնպես կրակ բացեն, որից հետո նրանք կանցնեն արդեն կոնկրետ ավելի թիրախային գործողությունների՝ պատասխանատվությունը բարդելով մեր բանակի վրա:
Նկատենք, որ այս նույն գործելաոճն ադրբեջանական բանակը կիրառում է արդեն մի քանի օր: Հակառակորդը գիշերային ժամերին սկսում է անկանոն կրակ բացել Սյունիքի տարբեր հատվածերում տեղակայված դիրքերի մոտ, բայց ոչ դիրքերի ուղղությամբ: Այսպիսի ձեռագիր կար նաև 2022 թվականին, նույնիսկ հակառակորդի երկու դիրքեր իրար ուղղությամբ, բայց օդ կրակոցներ էին արձակում՝ փոխհրաձգության իմիտացիա ստեղծելու նպատակով:
