Труха⚡️Україна
Труха⚡️Україна
Карап чыгуу
Николаевский Ванёк
Николаевский Ванёк
Карап чыгуу
Реальна Війна | Україна | Новини
Реальна Війна | Україна | Новини
Карап чыгуу
Труха⚡️Україна
Труха⚡️Україна
Карап чыгуу
Николаевский Ванёк
Николаевский Ванёк
Карап чыгуу
Реальна Війна | Україна | Новини
Реальна Війна | Україна | Новини
Карап чыгуу
ULUL ALBAB - The People of Intellect avatar

ULUL ALBAB - The People of Intellect

Блогдор
"Фақат ақл эгаларигина эсларлар" (2:269)
❗️Kitoblar, tajriba, saviya, fikrlash, rivojlanish.

@weareululalbab
©️ Manba bilan olinsin!
Reklama olinmaydi.
Ayollar uchun xos kanalga qo'shilish uchun @mukhiddinova_link
TGlist рейтинг
0
0
ТипАчык
Текшерүү
Текшерилбеген
Ишенимдүүлүк
Ишенимсиз
ОрдуУзбекістан
ТилиБашка
Канал түзүлгөн датаТрав 14, 2025
TGlistке кошулган дата
Лют 19, 2025
Мен каналдын ээсимин
Өзгөрүүлөр тарыхы

Рекорддор

19.05.202521:52
6.9KКатталгандар
11.03.202523:59
200Цитация индекси
29.03.202523:59
5.9K1 посттун көрүүлөрү
19.02.202523:59
2.7K1 жарнама посттун көрүүлөрү
14.03.202500:18
27.55%ER
29.03.202523:59
90.33%ERR

Өнүгүү

Толугураак
Катталуучулар
Citation индекси
Бир посттун көрүүсү
Жарнамалык посттун көрүүсү
ER
ERR
ЛИСТ '24ГРУД '24СІЧ '25ЛЮТ '25БЕР '25КВІТ '25ТРАВ '25
Толугураак

ULUL ALBAB - The People of Intellect популярдуу жазуулары

Бардык посттор
27.04.202505:25
#eynafs

Diningni mahkam tut, dunyo orqangdan yuguradi.
Oxirating uchun o'zgar, dunyo senga moslashadi.

© ULUL ALBAB yozdi
28.04.202505:55
Hamma o'rganmoqda.
Lekin kamchilik o'rganganiga amal qilmoqda.

Avvalo, niyatni to'g'rilaylik.
Ilmni ilm bo'lgani uchungina emas, islohni ko'zlab olishni qasd qilaylik.
Shunda "maqsad ➡️ isloh/amal; vosita ➡️ ilm" deb ko'ra boshlaymiz.

Duoda ham faqat ilm ziyodasini so'rayvermaylik.
O'sha ilmga ko'ra amallar ham so'raylik.
Ular uchun quvvat va tavfiq ham so'raylik.
O'sha biz so'rayotgan foydali ilm amal bilan tabiiy ziyoda bo'la boshlaydi, in sha Alloh.

© ULUL ALBAB yozdi
22.04.202505:10
Siz haqsiz.

"Qo'limdan kelmaydi", desangiz ham haqsiz.
"Qilolaman, Allohning izni bilan", desangiz ham haqsiz.

"Mendan baribir odam chiqmaydi", desangiz ham haqsiz.
"Isloh bo'laman, in sha Alloh", desangiz ham haqsiz.

Siz nimaga ishonsangiz, shu voqelikda "haqiqat" bo'lib chiqaveradi.

© ULUL ALBAB yozdi
26.04.202505:33
Nafsning qullarini yetishtirayotgan zamonda yashayapmiz.

Kundan kunga soni ortayotgan yemakxonalar; turfa xilligi bilan qarorlarimizni sekinlashtirayotgan menyular; har qadamda nosog'lom ichimliklar reklamasi,..

Boshing og'ridimi - dori ich.
Ko'p yeb qo'ydingmi - dori ich.
Ko'ngling buzilyaptimi - gazli ich.
Charchadingmi - dam ol.
Uzoq ishladingmi - PS, CS o'yna.
Qiladigan ishing yo'qmi - uxla.
Siqildingmi - kino ko'r, ashula eshit.

Xohladingmi, qil. Xohlamadingmi, qilma.
Yoqdimi, kiy. Yoqmadimi, uloqtir.

Shu qadar maishiy bo'lib ketdikki, nafs xohishi bilan ruh ehtiyojini ajratolmayapmiz.
Har narsa qilib ko'ryapmiz, lekin baribir halovat topmayapmiz.
Chunki ruhning ehtiyojlari nafs istaklari bilan aslo qonmasligini tushunmayapmiz.
Uning ma'naviy ozuqasini berish, riyozat, tafakkur, tilovat, tadabbur bilan qonishini anglamayapmiz.

Aslida, zamonda ayb yo'q. Bu zamonni biz tarbiyaladik, endi u bizni "tarbiya"layabdi.

© ULUL ALBAB yozdi
Post media background
Post media
19.05.202505:05
Kim sobit bo'lsa, o'sadi #reflection

Natijaga erishishning siri - sabr va sabot.
Bir ishni boshlab, tashlab ketmaslik.
Bir guruhga qo'shilib, tashlab chiqib ketmaslik.
Har darsga kirish va tark qilmaslik.
Kamdan bo'lsa ham, bosib biror narsa o'qish, o'rganish.

Ortingizga qarang, qancha ishni shunday tashlab ketdingiz?
Boshlagandan beri davom etganingizda nimalarga erishib tashlagan bo'lardingiz?

- 10 marta xatm qilib bo'lgan;
- ikki marta Qur'on yodlab bo'lgan;
- arab tilida allaqachon B2 darajaga chiqqan;
- tajvidni o'zlashtirib bo'lgan;
- 100ta kitobni allaqachon o'qib bo'lgan bo'lardingiz.

Faqat sobit bo'lolganimizda edi...

© ULUL ALBAB yozdi
Post media background
Post media
18.05.202506:31
Odamlar ikki turlidirlar:
1. Xatcho'pdan foydalanadiganlar.
2. Qalblari qattiqlar).

© ULUL ALBAB
17.05.202505:16
Qur'on yodlashga kirishgan odam: #hofizga

- uyqu va taomini tartiblaydi;
- ko'z-qulog'i, tili va qalbini asraydi;
- libosini tuzatadi;
- internet va ijtimoiy tarmoqni cheklaydi;
- har yerga boravermaydi;
- yig'in-majlislarni e'tibor bilan tanlaydi;
- lag'udan tiyiladi;
- ashula eshitmaydi;
- ko'ngilxushlikni yo'qotadi (dam olishni emas);
- ko'p kulavermaydi;
- har ishini rejali va ongli qiladi;
- zikr va ilmni lozim tutadi;
- bo'sh qoldimi, Qur'ondan vazifasini takrorlaydi/yodlaydi.

© ULUL ALBAB yozdi
25.04.202505:16
Osiylikdan keyingi umidsizlik

"Endi qaysi yuz bilan namoz o'qiyman?"
"Qanday qilib Allohning qarshisida turaman?"

Bu kabi o'ylar yaxshimas. Illo, xavfni ziyoda qilsa, keyingi amalni isloh qilsa (yaxshi).
Lekin agar umidsizlikka tushirib, harakatingizni pasaytirsa, zararga ishlaydi.

Sizdan gunoh qilmaslik emas, tavba qilish kutiladi.
O'sha ma'siyatga qaytmaslikka azm, nafsga qarshi mujohada kutiladi.
Umidsizlik esa, shaytonning maqsadi.

Hasan Basriy rohimahullohdan so'radilar:
- Ey, Abu Said! Gunoh qilib tavba qilgan, so'ng yana gunoh qilib yana tavba qilgan inson haqida nima deysiz?
- Buni bir mo'minning xislatidan boshqa narsa deb hisoblamayman.


Bandada gunoh-ma'siyat sodir bo'lmasa, Allohning kechiruvchi sifati qayerda ko'rinadi?
Qayta-qayta tavba qilmasa, Allohning qayta-qayta afuv etuvchiligi qayerda bilinadi?

Shunday ekan, dushmanning nayrangiga uchmang.
Ortga bir qadam ketdimi, oldinga ikki qadam tashlang.

© ULUL ALBAB yozdi
11.05.202505:33
Bir qadam oldinda

Agar har kuni:
💚soat 7da uyg'onsangiz, taxminan 50-60% odamdan ertachiroq bo'lasiz;
💚6da uyg'onsangiz, 70-80% odamdan ertachiroq bo'lasiz;
💚5da uyg'onsangiz, 85-90% odamdan ertachiroq bo'lasiz;

💚telefonga 1 soat kamroq vaqt ketkazsangiz, taxminan 60-70% odamdan samaradorroq bo'lasiz;
💚2 soat kamroq vaqt ketkazsangiz, 80-90% odamdan samaradorroq bo'lasiz;

💚10 bet kitob o'qisangiz, taxminan 60-70% odamdan bilimliroq bo'lasiz;
💚30 bet kitob o'qisangiz, 80-85% odamdan bilimliroq bo'lasiz;
💚50 bet kitob o'qisangiz, 90-95% odamdan bilimliroq bo'lasiz.

Eng muhimi avvalgi "o'zingiz"dan ildamroq bo'lasiz.
Har soniyada sir bor, har daqiqa o'zib ketishga imkon.

© ULUL ALBAB yozdi
06.05.202504:55
Maqoming — qayerga qo'yilgan bo'lsang, o'sha

Alloh oldidagi qadringni bilishni istasang, U seni qayerga joylaganiga boq:

- Agar seni zikr bilan mashg‘ul qilgan bo‘lsa, bilginki, U ham seni eslamoqchi.
- Agar seni Qur’on bilan mashg‘ul qilgan bo‘lsa, bilginki, U senga so‘zlamoqchi.
- Agar seni itoat bilan mashg‘ul qilgan bo‘lsa, bilginki, U seni (O'ziga) yaqinlatibdi.
- Agar seni dunyo bilan mashg‘ul qilgan bo‘lsa, bilginki, U seni (O'zidan) uzoqlatibdi.
- Agar seni odamlar bilan mashg‘ul qilgan bo‘lsa, bilginki, U seni xorlabdi.
- Agar seni duo bilan mashg‘ul qilgan bo‘lsa, bilginki, U senga bermoqchi.

Shunday ekan, holatingga boq — nima bilan bandsan?

© ULUL ALBAB
13.05.202506:47
Ko'p narsaga ulgurib qolish

Xato - bittada o'tirib:
❌ zikr kitobini boshidan oxirigacha o'qish (ertasi kuni esa, vaqt topolmaslik);
❌ Qur'ondan birdan ko'p juz o'qib yuborish (va boshqa kunlari buni eplolmaslik);
❌ bir kunda hamma xonani yig'ishtirish (va boshqa kunlari kuchsizlanib, erinish).
Natijada: bir kunda 1-2 muhim ishgagina ulguradi.
Uzoq muddatda odat shakllantirolmaydi.

To'g'ri - vaqt kesimida bir chekkadan qilib borish:
✔️10 daqiqa zikr qilish;
✔️10 daqiqa kitob o'qish;
✔️20 daqiqa vazifa yodlash;
✔️20 daqiqa bir xonani tartiblash.
Natijada: bir kunda ko'p foydali ishga ulguradi.
Uzoq muddatda odat shakllantiradi.

© ULUL ALBAB yozdi
16.05.202505:02
"Qanday qilib biri (ustoz, turmush o'rtoq, farzand)ni o'ta yaxshi ko'rib ketmaslik mumkin?" #youasked

Siz boringizni bergingiz keladi, fidokorlik ko'rsatgingiz keladi, lekin munosabatni sog'lom saqlash ham muhim:

1⃣ Qalbning asl vazifasi - ilohiy muhabbat. Haqiqiy muhabbat Allohgagina bo'lishini o'zingizga eslating.
2⃣ Ma'naviy chegara qo'ying. O'sha insonning muhabbati Allohga bo'lgan muhabbatingizdan ortib ketmasligiga amin bo'ling.
3⃣ Ideallashtirmang. U nima qilsa ham to'g'ri qiladi, hamma fikrlari haqiqat, deb o'ylamang.
Ular ham siz kabi odam ekani, bir kun xato-kamchiliklarini kashf qilishingiz, sizga bo'lgan munosabati ham hali o'zgarishi mumkinligini anglab turing.
5⃣ Doim oldingizda tutib turolmaysiz. Ular bilan umrbod birga bo'lolmaysiz, bir kun ayrilasiz.
5⃣ Sinov bo'lishi mumkin. Sof mehr-muhabbat Alloh tomonidan beriladi, lekin sizga ham, u tomonga ham sinov bo'lishi mumkinligini unutmang.
6⃣ O'zingizni tekshirib turing:
"Haddan oshib ketmayabmanmi?",
"Allohni qo'yib, insondan kutib qolmayabmanmi?",
"Qalbimga turli kasallik (qizg'onchiqlik, hasad, kibr, boshqaga yo "o'z"ga nafrat)lar kirmayabdimi?"
7⃣ Sizga hidoyat berayotgan ustoz emas, Allohdir. Insonlar - vosita. Ikkisiga alhamdulillah.
8⃣ Doim duo qiling. Ikki tomonga bu munosabatni yaxshiligi bilan berishni, sog'lom va qiyomatli qilishini, Allohga yaqinlatishini so'rang.
9⃣ Alloh roziligi. Hayotda shaxslarga emas, Allohni rozi qiladigan maqsadlarga diqqat qarating. Minnat qilmang, ixlos qiling.


Chegara bilmas mehr-muhabbat inson qalbini buzishi, g'aflatga solishi, Allohdan uzoqlatishi mumkinligini qiyin bo'lsa ham, o'zingizga eslatib turing. Xulosa:
1. Qalbingizni avval Egasiga bog'lang.
2. Samimiy va tabiiy bo'ling - hech qachon yutkazmaysiz.
3. Allohdan hifz-panoh istang. Kurashing, ammo majburlamang.
4. (Mobodo) yo'qotishga tayyor turing. Isyon qilmang.

© ULUL ALBAB yozdi
30.04.202505:15
Atrofingizda Allohni eslatuvchilar,
o'zingiz Allohning itoatkor bandasi,
amallaringiz Allohni rozi qiluvchi amallar bo'lishini istasangiz, bu duoga odatlaning:

«Allohim, Sendan Sening muhabbatingni va Seni yaxshi ko‘rgan kishining muhabbatini hamda Sening muhabbatingga yetkazadigan amalni Sendan so‘rayman. Allohim, muhabbatingni menga nafsimdan, ahlimdan va sovuq suvdan ham mahbubroq qilgin».

Hadisga ko'ra, basharning ibodatjo'yi Dovud alayhissalomning duolari shunday edi.

© ULUL ALBAB
01.05.202504:45
Inson ko'p ikkilanadi. Yurishga, qadam tashlashga:
- Qur'on yodlashga kirishishda;
- yangi ishga o'tishda;
- kasb tanlashda va hkz.
Shu ikkilanishi uni harakatdan to'sadi.

Bilmaydi-ki, eshik yopilsa, boshqasi ochiladi; yo'lga tushsa, yo'l oydinlashadi.

Muso alayhissalom oldilarida suv borini bilardilar. Undan o'tish imkonsizligini ham. Lekin suvga qarab qadam tashlayverdilar, Alloh yordam berdi. Yo'lni ochdi.

Yusuf alayhissalom barcha eshiklar yopiq ekanini bilardilar. Lekin "hammasi yopiq-ku, qayergayam qochaman", deb bir joyda turmadilar. Fitnadan omonlik istab yugurdilar, Alloh yordam berdi.

Jarayonga tushib oling, yo'nalish tiniqlashadi.
Yurmaguningizcha esa, qorong'ulikning o'zidan qo'rqib o'tirasiz.
Qadam tashlab, harakat ko'rsatganingizga yarasha ilohiy madad keladi.

© ULUL ALBAB yozdi
02.05.202505:42
"Fokusim yo'q, diqqatni jamlolmayman"

Fokusingiz bor.
Faqat noto'g'ri narsa ustida hozir.
Sizga aloqasi bo'lmagan narsalarda.
Na dunyo, na oxirat, na iymonga foyda beradigan narsalarda.
Shuning uchun xotirjam emassiz.
Natijada uxroviy ham dunyoviy ham foyda topmaganingiz uchun sizga diqqat-e'tiboringiz tarqoqdek tuyuladi.
Aslida, u shunchaki befoyda narsa ustida jam.

Masalan:
- xomxayollar;
- kelajak xavotirlari;
- birovning shaxsiy hayoti;
- instagram postlar, telegram storislar;
- birovning nima-yeb ichayotgani;
- birov ayoliga nima sovg'a qilgani;
- birov dam olishga qayerga ketgani;
- birov qaysi o'qishni bitirib, qaysi ishga kirgani;
- birovning fikrlari, maqsadlari, gaplari...

Ushbu hadis bejizga islomning madori bo'lgan hadislar orasiga kiritilmagan:
 "من حسن إسلام المرء تركه ما لا يعنيه"
"Kishi islomining go'zalligi o'ziga tegishli bo'lmagan narsalarni tark qilishidadir". (Imom Termiziy, ibn Mojah rivoyatlari)


Boshqalarni qo'yib, o'z kamchiligingiz, bilimingiz, amalingizga fokus qaratishni 40 kun sinab ko'ring. Alloh uchun behudani tark qiling va foydani ko'ring.

© ULUL ALBAB yozdi
Көбүрөөк функцияларды ачуу үчүн кириңиз.