Ытыктабыллаах АЙСЕН СЕРГЕЕВИЧ!
«Ньурба улууһа» муниципальнай оройуон Дьаһалтатын уонна тус бэйэм ааппыттан Эйигин төрөөбүт күҥҥүнэн ис сүрэхпиттэн, итиитик-истиҥник эҕэрдэлиибин!
Саха сирин сарсыҥҥыта эрэллээх, кэлэр кэскилэ кэрэ буоларын туһугар сыралаһан, өрөспүүбүлүкэ дьонун-норуотун олоҕо, кини туруга чөллөөх, инникигэ тардыһыыта, көҕө күүстээх буолуутугар Эн бары күүскүн-кыһамньыгын уураргын бэлиэтиибит. Дьоҥҥо-сэргэҕэ истиҥ сыһыаҥҥынан, уопсай интэриэһи өрө тутан үлэҕэ муҥура суох бэриниилээх буолуугунан, инники кэскили өтө көрөн үлэни-хамнаһы сатабыллаахтык тэрийэр сатабылгынан биһиэхэ үтүө холобур буолаҕын. Эн салалтаҕынан биһиги тапталлаах Сахабыт сирэ киэҥ далааһыннаах үлэтинэн-хамнаһынан бүтүн Арассыыйа үрдүнэн киэҥник биллэр уонна сорох сүрүн көрдөрүүлэринэн инники кэккэҕэ сылдьар. Түгэнинэн туһанан, Ньурба улууһун сайдыытыгар көмөҥ уонна болҕомтоҥ иһин истиҥ-иһирэх махталбын тиэрдэбин!
Ытыктабыллаах АЙСЕН СЕРГЕЕВИЧ! Эйиэхэ уонна чугас дьоҥҥор баҕарабын кытаанах доруобуйаны, уйгулаах уһун олоҕу, эппиэттээх үлэҕэр салгыы ситиһиилэри, үгүс үөрүүнү-көтүүнү уонна табыллыыны.
«Ньурба улууһа» МО баһылыга А.М.ИННОКЕНТЬЕВ.
