Кейінгі кезде "тіл деген динамикалық құбылыс, ол өзгереді, қазіргі құбылыс - заңды, бастысы - тіл өзінің коммуникация функциясын атқарып келеді, одан басқа не керек, жұрт оқығанын, естігенін түсінеді ғой, неменеге қиындата береміз" деген дискуссия көбейіп кетті.
Иә, тіл - динамикалық құбылыс. Иә, тіл өзгереді.
Тек... бізге осындай тіл керек пе?
иә, мына нәрсені бәріміз жап-жақсы түсініп отырмыз. Орысшасын білген соң түсініп отырмыз, білмесек - түсінбес едік.
Тек... мынау қазақ тілі емес. Бұл - қазақ сөздерімен жазылған орысша сөйлем.
Бізге керегі осындай тіл ме? Қазақ тілінің коммуникация функциясы реципиенттің орыс тілін білуіне тәуелді болып тұрса, ол функциясын атқарып отыр дей аламыз ба?
