Саҥа кинигэни олоххутугар ыйынньык оҥостуҥ
💐👏👏Олунньу 5 күнүгэр сааскылыы сандаархай күн Х.К.Татаринова аатынан "Сардаана" оҕо сайдар киинигэр ытыктабыл, сүгүрүйүү, махтаныы күнэ.
📗СӨ үөрэҕириитин үтүөлээх үлэһитэ, "Гражданскай килбиэн" бэлиэлээх, Горнай улууһун Бочуоттаах олохтооҕо, улууска оскуолаҕа киириэн иннинээҕи үөрэхтээһин сайдыытыгар сүдү кылаатын киллэрбит, 50-тан тахса сыл талбыт идэтигэр уһулуччу бэриниилээх учууталбыт, уһуйааччыбыт, настаабынньыкпыт Христина Кононовна Татаринова туһунан кинигэ сүрэхтэниитэ ыраахтан-чугастан ыалдьыттары түмтэ.
Ис киирбэхтик мичээрдии олорор хаартыската утары олорбут, тоҕуоруһа мустубут, араас кэмҥэ алтыспыт биир идэлээхтэрин, үөлээннээхтэрин, чугас дьонун кытта биир ситимҥэ киллэрдэ, ураты эйгэҕэ түмтэ.
🥰Сып-сырдык өйдөбүл, сүрэххэ сөҥмүт түгэннэр, махтал тыллара хотоҕостуу субустулар. Киһи киһитэ, муударай салайааччыга, аҕа сүбэһиккэ анаммыт хоһоон олус да долгутта.
🤩Кинигэ бэчээттэниитигэр улуус уһуйааннара, оҕо сайдар кииннэрэ ураты түмсүүлээхтэрин көрдүбүт. Ол барыта Христина Кононовна үөрэҕин, уһуйуутун, такайыытын түмүгэ диэн сыаналыыбыт.
✨"Саха сирин үтүөкэн дьоно" сериянан тахсыбыт кинигэни хайаан да ааҕыҥ, үлэҕитигэр туһаныҥ, олоххутугар ыйынньык оҥостуҥ.
✍️"Далаһа" пресс-киинэ
@silatrudagorny
